ភ្នំពេញ៖ ក្នុងរយៈពេល ៧ខេ ឆ្នាំ២០២៦ គម្រោងវិនិយោគដែលត្រូវបានរដ្ឋាភិបាលអនុម័ត និងចុះបញ្ជីដោយក្រុមប្រឹក្សាអភិវឌ្ឍន៍កម្ពុជា (CDC) រួមជាមួយអនុគណៈកម្មាធិការវិនិយោគរាជធានីខេត្ត មានចំនួន ៣០៩ ក្នុងទំហំទុនសរុបប្រមាណ ៥,២ប៊ីលានដុល្លារអាម៉េរិក ដែលនឹងអាចបង្កើតការងារបានប្រមាណជាង ១៨ម៉ឺនកន្លែង។ នេះបើយោងតាមសេចក្តីប្រកាសព័ត៌មានរបស់ក្រុមប្រឹក្សាអភិវឌ្ឍន៍កម្ពុជា នាថ្ងៃទី១៤ ខែសីហា​ ឆ្នាំ២០២៦។

សេចក្តីប្រកាសព័ត៌មានដដែលនេះបានឱ្យដឹងថា៖ ក្នុងចំណោមគម្រោងវិនិយោគទាំង ៣០៩ មានគម្រោងវិនិយោគចំនួន ២០៤ ក្នុងទំហំទុនវិនិយោគប្រមាណជាង ៤,៨ប៊ីលានដុល្លារអាម៉េរិក និងអាចបង្កើតការងារបានប្រមាណជាង១៣ម៉ឺនកន្លែង ត្រូវបានចុះបញ្ជីដោយ CDC ដែលក្នុងនោះ គម្រោងវិនិយោគនៅក្រៅតំបន់សេដ្ឋកិច្ចពិសេសមានចំនួន១០៩, ។ ដោយឡែក គម្រោងវិនិយោគដែលត្រូវបានចុះបញ្ជីដោយអនុគណៈកម្មាធិការវិនិយោគរាជធានីខេត្ត មានចំនួន ១០៥ គម្រោង។

គម្រោងវិនិយោគដែលមានភាពលេចធ្លោជាងគេប្រចាំឆមាសទី១នេះ នៅក្រៅតំបន់សេដ្ឋកិច្ចពិសេសមានទី១-គម្រោងពង្រីកផលិតកម្ម និងបន្ថែមអគារផលិតកម្មរោងចក្រផលិតស៊ីម៉ងត៍ឧស្សាហកម្ម​ទេសចរណ៍ ទីតាំងនៅ ស្រុកដងទង់ ខេត្តកំពត ទុនវិនិយោគប្រមាណ ២១០លានដុល្លារអាម៉េរិក បង្កើតការងារ ៥១២កន្លែង។ ទី២-គម្រោងវិនិយោគបង្កើតរោងចក្រជ្រលក់ពណ៌មានទីតាំង ស្រុកទ្រាំង ខេត្តតាកែវទុនវិនិយោគប្រមាណ ៤៦លានដុល្លារអាម៉េរិកបង្កើតការងារ៣៣០កន្លែង។ ទី៣- គម្រោងវិនិយោគសាងសង់ និងធ្វើអាជីវកម្មសណ្ឋាគារថ្នាក់ផ្កាយ៥ចំនួន១.៣៤១បន្ទប់ ទីតាំង ក្រុងបាវិត ខេត្តស្វាយរៀង ទុនវិនិយោគប្រមាណ ៣០០លានដុល្លារអាម៉េរិក បង្កើតការងារ ២.០៦០កន្លែង។ ទី៤-គម្រោងវិនិយោគអភិវឌ្ឍន៍ស្ថានីយផលិតអគ្គិសនីដើរដោយថាមពលពន្លឺព្រះអាទិត្យអានុភាព៣៥០មេហ្គាវ៉ាត់ទីតាំង ខេត្តពោធិ៍សាត់ទុនវិនិយោគប្រមាណ ២២៦ លានដុល្លារអាម៉េរិកបង្កើតការងារ ៨៨កន្លែង។ ទី៤-គម្រោងវិនិយោគអភិវឌ្ឍន៍ស្ថានីយផលិតអគ្គិសនីដើរដោយថាមពលខ្យល់ អានុភាព១៥០មេហ្គាវ៉ាត់ទីតាំង ខេត្តមណ្ឌលគិរីទុន វិនិ យោគប្រមាណ ២០០លានដុល្លារអាម៉េរិកហេដ្ឋារចនាសម្ព័ន្ធ និងផ្សេងៗបង្កើតការងារ ៤២កន្លែង។ ទី៥- គម្រោងវិនិយោគអភិវឌ្ឍន៍ស្ថានីយផលិតអគ្គិសនីដើរដោយថាមពលខ្យល់ អានុភាព១៥០មេហ្គាវ៉ាត់ទីតាំង ខេត្តមណ្ឌលគិរីទុនវិនិយោគប្រមាណ ១៨៦លានដុល្លារអាម៉េរិកបង្កើតការងារ ៣៩កន្លែង។ ទី៦ -គម្រោងវិនិយោគអភិវឌ្ឍន៍ស្ថានីយផលិតអគ្គិសនីដើរដោយថាមពលជីវម៉ាស អានុភាព៥០មេហ្គាវ៉ាត់ និងស្ថានីយផលិតអគ្គិសនីដើរដោយថាមពលពន្លឺព្រះអាទិត្យ អានុភាព៤០មេហ្គាវ៉ាត់ទីតាំង ស្រុកវាលវែង ខេត្តពោធិ៍សាត់ទុនវិនិយោគប្រមាណ ១៣១លានដុល្លារអាម៉េរិកបង្កើតការងារ៖ ៥៣៥កន្លែង។ ទី១៧- គម្រោងវិនិយោគអភិវឌ្ឍន៍ស្ថានីយផលិតអគ្គិសនីដើរដោយថាមពលពន្លឺព្រះអាទិត្យអានុភាព២០០មេហ្គាវ៉ាត់ទីតាំង ស្រុកសេសាន ខេត្តស្ទឹងត្រែងទុនវិនិយោគប្រមាណ ៣០០លានដុល្លារអាម៉េរិកបង្កើតការងារ ២.០៦០កន្លែង។

ចំណែកគម្រោងវិនិយោគដែលមានភាពលេចធ្លោជាងគេប្រចាំឆមាសទី១នេះក្នុងតំបន់សេដ្ឋកិច្ចពិសេសរួមមាន៖ ទី១-ឧស្សាហកម្មគម្រោងវិនិយោគបង្កើតរោងចក្រផលិតសំបកកង់រថយន្ត និងពោះវៀនកង់ទីតាំង៖ តំបន់សេដ្ឋកិច្ចពិសេស យូ ប៊ី អ៊ុ ស្នូល នៅខេត្តក្រចេះទុនវិនិយោគប្រមាណ៖ ៤៥០លានដុល្លារអាម៉េរិកបង្កើតការងារ៖ ៣.៥២៨កន្លែង។ ទី២-គម្រោងវិនិយោគបង្កើតរោងចក្រផលិតក្រដាស និងផលិតផលពីក្រដាសទីតាំង៖ តំបន់សេដ្ឋកិច្ចពិសេស ស៊ីន បាវិត នៅខេត្តស្វាយរៀង ទុនវិនិយោគប្រមាណ ៥០លានដុល្លារអាម៉េរិក បង្កើតការងារ ៤១០កន្លែង។ ទី៣-គម្រោងវិនិយោគបង្កើតរោងចក្រផ្តុំនិងដំឡើងរថយន្តអគ្គិសនីតំបន់សេដ្ឋកិច្ចពិសេសពោធិ៍​សាត់នៅខេត្តពោធិ៍សាត់ទុនវិនិយោគចំនួន៤៦លានដុល្លារអាម៉េរិកបង្កើតការងារ៦១១កន្លែង។ ទី៤- គម្រោងវិនិយោគបង្កើតតំបន់សេដ្ឋកិច្ចពិសេសចំនួន៧គម្រោងនៅ រាជធានីភ្នំពេញ (២តំបន់), ខេត្តកំពង់ស្ពឺ (៣តំបន់), ខេត្តកំពត (២តំបន់)ទុនវិនិយោគប្រមាណ៖ ៨៣៧លានដុល្លារអាម៉េរិកបង្កើតការងារ៖ ៤.២០៣កន្លែង។

គួរជម្រាបថា ៖ វិស័យឧស្សាហកម្មបានទាក់ទាញគម្រោងវិនិយោគច្រើនជាងគេគឺមានទំហំទឹកប្រាក់ ២,៥៦ ប៊ីលានដុល្លារ ខណៈវិស័យហេដ្ឋារចនាសម្ព័ន្ធទាក់ទាញគម្រោងវិនិយោគ​ ១,៧២ ប៊ីលានដុល្លារ  វិស័យទេសចរណ៍ ៣០០លានដុល្លារ និងវិស័យកសិឧស្សាហកម្ម ១១៣លានដុល្លារ។ ចំណែកគម្រោងវិនិយោគនៅតាមបណ្តាខេត្ត រាជធានី ដែលមានភាពទាក់ទាញបានច្រើនជាងគេ គឺខេត្តកំពង់ស្ពឺ ទទួលបានគម្រោងវិនិយោគ ៧០គម្រោង បន្ទាប់មកខេត្តកណ្តាល ៣៧គម្រោង ខេត្តតាកែវ ៣២គម្រោង ចំណែកខេត្តព្រះសីហនុ និងរាជធានីភ្នំពេញ មាន ២៩គម្រោងស្មើគ្នា ហើយចុងក្រោយ​ គឺខេត្តស្វាយរៀង ១៣គម្រោង ៕