សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ទោះបីជាបានផលិត និងបានហោះហើរជាលើកដំបូងតាំងតែពីឆ្នាំ២០១៣រួមមកហើយក្តី ប៉ុន្តែយន្តហោះដឹកជញ្ជូនយោធាធុនធ្ងន់របស់ប្រទេសចិន Y-20 ឬហៅថា Kunpeng នេះត្រូវបានគេចាត់ទុកថាជាយន្តហោះដឹកជញ្ជូនយោធាម៉ូដេលទំនើប និងចុងក្រោយបំផុតរបស់ចិន។
Kunpengឬ Y-20 គឺជាយន្តហោះដែលផលិត និងអភិវឌ្ឍដោយក្រុមហ៊ុនចិន Xian Aircraft Corporation (XAC) ក្រោមកិច្ចសហប្រតិបត្តិការ និងផ្តល់ជំនួយបច្ចេកទេសមួយចំនួនពីប្រទេសរុស្ស៊ី និងអ៊ុយក្រែនផងដែរ ដោយគិតត្រឹមតែទំងន់យន្តហោះដោយមិនទាន់ផ្ទុកទំនិញគឺមានរហូតទៅដល់ ១០០តោនរួចទៅហើយ។
Y-20 មានសមត្ថភាពហោះហើរបានចំងាយឆ្ងាយពី៤៤០០គីឡូម៉ែត្រទៅដល់ ១០ ០០០គីឡូម៉ែត្រអាស្រ័យទៅនឹងទំងន់ផ្ទុករបស់វាដែលទំហំផ្ទុកអតិប្បរិមាមានរហូតទៅដល់២២០តោនគិតទាំងតួយន្តហោះដែលធ្វើឲ្យចិនក្លាយជាប្រទេសទី៤ប៉ុណ្ណោះរបស់ពិភពលោកដែលមានយន្តហោះដឹកជញ្ជូនបែបយោធាដែលមានទំហំផ្ទុកលើស២០០តោន។
ផលិតកម្មផលិតទ្រង់ទ្រាយធំរបស់ Y-20 ចាប់ផ្តើមនៅអំឡុងឆ្នាំ២០១៥ ហើយវាត្រូវបានដាក់ឲ្យប្រតិបត្តិការការងារ និងបេសកកម្មជាមួយនឹងកងកម្លាំងទ័ពអាកាសចិនជាលើកដំបូងនៅក្នុងឆ្នាំ២០១៦ដែលក្នុងឆ្នាំនេះចិនអាចផលិតបានសរុប៨គ្រឿង។
បច្ចុប្បន្នយន្តហោះដឹកជញ្ជូនខ្នាតយក្សនេះមានចំនួនប្រហែលជា៥៨គ្រឿងប៉ុណ្ណោះគិតត្រឹមឆ្នាំ២០២២។ ក្រៅតែប្រើប្រាស់សម្រាប់ប្រតិបត្តិការដឹកជញ្ជូនទំនិញយោធាហើយនោះ យន្តហោះនេះក៏អាចដឹកជញ្ជូនយោធាបានប្រហែលជា៣០០នាក់ និងធ្វើដំណើរជាមួយនឹងល្បឿនប្រមាណជា ៧៥០ ទៅ ៨៨គីឡូម៉ែត្រក្នុងមួយម៉ោង៕
Account
Security
Favourite Content