សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ប្រព័ន្ធកសិកម្មចម្រុះ គឺជាការអនុវត្តបច្ចេកទេសកសិកម្មផ្សេងៗគ្នាលើផ្ទៃដីផលិតកម្មតែមួយដែលមានដំណាំចម្រុះច្រើនមុខ ដូចជា ការចិញ្ចឹមត្រី ចិញ្ចឹមសត្វ ការធ្វើជីកំប៉ុស សម្រាប់កែលម្អ ឬបង្កើនជីជាតិដីជាដើម ដែលកសិករគ្រប់គ្នាសុទ្ធតែអាចមានលទ្ធភាពក្នុងការអនុវត្ត ដើម្បីបង្កើនលទ្ធភាពនៃសេដ្ឋកិច្ចគ្រួសារ។
ចំណុចសំខាន់នៃប្រព័ន្ធកសិកម្មចម្រុះ គឺសមាសភាគនីមួយៗមានអន្តរអំពើ និងជួយបំពេញឲ្យគ្នាទៅវិញទៅមក ដែលធ្វើឲ្យប្រព័ន្ធកសិកម្មចម្រុះបង្កើនផលិតភាព ជួយឲ្យមានលំនឹងអេកូឡូស៊ីក្នុងកសិដ្ឋាន និងបង្កើនភាពធន់នឹងការប្រែប្រួលអាកាសធាតុ ដែលនាំឲ្យកសិកម្មមាននិរន្តរភាព។ ការអនុវត្តប្រព័ន្ធកសិកម្មចម្រុះមានច្រើនសណ្ឋានដោយផ្អែកទៅតាមលក្ខខណ្ឌអាកាសធាតុ ដី និងធនធានដែលកសិករមាន។
ជាមួយនឹងការអនុវត្តនូវប្រព័ន្ធកសិកម្មចម្រុះ តាមរយៈ ASPIRE ដែលជាកម្មវិធីរបស់ក្រសួងកសិកម្ម រុក្ខាប្រមាញ់ និងនេសាទ បានបង្ហាញពីការពង្រីកបច្ចេកទេសកសិកម្មដែលធន់នឹងអាកាសធាតុហៅកាត់ថា (SUCRA) ដែលជាគម្រោងមួយលើកស្ទួយពីការអនុវត្តប្រព័ន្ធកសិកម្មចម្រុះរបស់កសិករខ្នាតតូចឲ្យកាន់តែមានភាពល្អប្រសើរថែមមួយកម្រិតទៀត។
លោក គឹម សុបិន្ត ព្រឹទ្ធបុរសមហាវិទ្យាល័យវិទ្យាសាស្ត្រព្រៃឈើ និងជាប្រធានគ្រប់គ្រងគម្រោង SUCRA បានមានប្រសាសន៍ថា គម្រោង SUCRA ដែលជាអនុសមាសភាគ ៣.២ នៃកម្មវិធី ASPIRE របស់ក្រសួងកសិកម្ម រុក្ខប្រមាញ់ និងនេសាទ ដែលអនុវត្តដោយមជ្ឈមណ្ឌលសិក្សាស្រាវជ្រាវកសិកម្ម និងបរិស្ថាន នៃសកលវិទ្យាល័យភូមិន្ទកសិកម្ម បង្កើតឡើងក្នុងគោលបំណងបង្កើនភាពធន់របស់កសិករខ្នាតតូចដែលងាយរងគ្រោះទៅនឹងការប្រែប្រួលអាកាសធាតុតាមរយៈការលើកកម្ពស់ចំណេះដឹង ការអនុវត្តប្រព័ន្ធកសិកម្មចម្រុះ ដើម្បីធ្វើឲ្យប្រសើរឡើងនូវសន្តិសុខស្បៀង អាហារូបត្ថម្ភ បង្កើនប្រាក់ចំណូលគ្រួសារ និងពង្រឹងមុខងារប្រព័ន្ធអេកូឡូស៊ីកម្រិតកសិដ្ឋាន និងឈានដល់កម្រិតទេសភាពប្រកបដោយនិរន្តរភាព។
តាមរយៈគម្រោង SUCRA បានបង្ហាញជូនកសិករនូវរបៀបអនុវត្តប្រព័ន្ធកសិកម្មចម្រុះមួយរបៀបដែលមានភាពងាយស្រួល និងផ្តល់នូវអត្ថបទប្រយោជន៍ច្រើនដែលអាចធានាបាននូវសុវត្ថិភាពស្បៀងអាហារប្រចាំថ្ងៃគ្រប់គ្រាន់ ធានាភាពធន់នឹងអាកាសធាតុ ជាពិសេសអាចបង្កើននូវប្រាក់ចំណូលសម្រាប់សេដ្ឋកិច្ចគ្រួសារយ៉ាងល្អប្រសើរ ខណៈដែលបណ្តាកសិករនៅក្នុងប្រទេសកម្ពុជាសុទ្ធតែអាចអនុវត្តបានគ្រប់គ្នា។
តាមរយៈបទបង្ហាញរបស់ SUCRA បានបញ្ជាក់ថា សម្រាប់ប្រព័ន្ធកសិកម្មចម្រុះដែលមានការដាំបន្លែចម្រុះ ការចិញ្ចឹមសត្វ ការធ្វើជីកំប៉ុស ការដាំដុះឈើហូបផ្លែ និងឈើពហុប្រយោជន៍ មានលក្ខណៈសាមញ្ញ និងងាយស្រួលអនុវត្ត ហើយវាសមស្របទៅនឹងគ្រប់លក្ខខណ្ឌអាកាសធាតុ និងសណ្ឋានដី នៅក្នុងប្រទេសកម្ពុជា ដោយកសិករអាចអនុវត្តនៅលើផ្ទៃដីជុំវិញផ្ទះដោយគ្រាន់តែបែងចែកផ្ទៃដីរបស់ខ្លួនជាផ្នែកៗសម្រាប់សកម្មភាពកសិកម្មផ្សេងៗដែលមានដូចជា សួនបន្លែចម្រុះ រោងចិញ្ចឹមសត្វ រណ្ដៅសម្រាប់ធ្វើជីកំប៉ុស សួនឈើហូបផ្លែ និងសួនឈើពហុប្រយោជន៍។
លោក យ៉ន ចំរើន ទីប្រឹក្សាសម្របសម្រួលគម្រោង SUCRA បានលើកឡើងថា ចំពោះការអនុវត្តរបស់កសិកររវាងរវាងការដាំដុះដំណាំ បន្លែ និងការចិញ្ចឹមសត្វ គឺមានទំនាក់ទំនងគ្នាយ៉ាងជិតស្និទ្ធ ហើយសម្រាប់បន្លែដែលមានការខូចខាតមិនអាចលក់នៅលើទីផ្សារបាន គាត់អាចប្រមូលបន្លែទាំងអស់នោះទៅធ្វើជាចំណីសត្វ ហើយលាមកដែលបានមកពីសត្វ គឺយកទៅធ្វើជាជីសម្រាប់ផ្តល់ប្រយោជន៍ទៅឲ្យដំណាំវិញ។
អ្នកនាង ភិន កាន ជាកសិករម្នាក់រស់នៅក្នុងខេត្តពោធិ៍សាត់ និងបានអនុវត្តនូវកម្មវិធីប្រព័ន្ធកសិកម្មចម្រុះ បានប្រាប់ឱ្យដឹងថា ចាប់តាំងពីបានអនុវត្តនូវកម្មវិធីមួយនេះឃើញថា ដីមានជីវជាតិល្អជាងមុនដោយសារការប្រើជីធម្មជាតិ ហើយកសិកម្មចម្រុះដែលមានដាំដើមឈើធំៗគឺអាចទប់ស្កាត់នឹងអាកាសធាតុបានច្រើន រួមទាំងការទប់ទល់ការការឡើងកំដៅបានច្រើន។
អ្នកនាងបានបញ្ជាក់ថា ទាំងការដាំដុះដំណាំ បន្លែ ឈើហូបផ្លែទាំងអស់ សុទ្ធតែមានប្រយោជន៍ទាំងអស់ ដែលក្រៅពីសម្រាប់ធានាដល់ការហូបចុកប្រចាំថ្ងៃ កាត់បន្ថយការចំណាយទៅលើថ្លៃម្ហូបអាហារ ថែមទាំងអាចទទួលបានមកវិញនូវប្រាក់ចំណូលតាមរយៈការយកទិន្នផលដែលដាំដុះបានទៅលក់នៅលើទីផ្សារថែមទៀតផង៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អាស៊ាន រៀបចំកិច្ចប្រជុំអំពីឧតុនិយម និងដំណោះស្រាយ ឆ្លើយតបទៅនឹងបាតុភូតអែល នីញ៉ូ (El Niño) នៅទីក្រុងដាណាំង ប្រទេសវៀតណាម
ព្រឹត្តិការណ៍, អាជីវកម្មថ្មី និងនវានុវត្ត
• 14/10/2026
ប្រតិភូប្រមាណ ៦០ រូបនឹងជួបជុំគ្នានៅទីក្រុងដាណាំង ប្រទេសវៀតណាមចាប់ពីថ្ងៃទី ១៤ ដល់ថ្ងៃទី ១៦ ខែតុលា ដើម្បីពិភាក្សាអំពីវិធានការឆ្លើយតបទៅនឹងបាតុភូត El Niño និងពង្រឹងកិច្ចសហប្រតិបត្តិការលើវិស័យឧតុនិយម និងជលសាស្ត្រនៅក្នុងតំបន់អាស៊ាន
រុស្ស៊ី ដំណើរការសេវាទូទាត់លុយគ្រីបតូជាសាច់ប្រាក់លើកដំបូងបំផុតរបស់ពិភពលោកក្នុងតម្លៃសេវាត្រឹមតែ ០,៣ភាគរយ
ព្រឹត្តិការណ៍, អាជីវកម្មថ្មី និងនវានុវត្ត
• 14/10/2026
បរទេស ៖ ក្រុមហ៊ុនបច្ចេកវិទ្យាហិរញ្ញវត្ថុរុស្ស៊ី A7 បានប្រកាសដាក់ឱ្យប្រើប្រាស់សេវាកម្មទូទាត់ប្រាក់លើកដំបូងបំផុតរបស់ពិភពលោក ដែលអនុញ្ញាតឱ្យអតិថិជនផ្ទេរប្រាក់ឆ្លងប្រទេសដោយប្រើប្រាស់រូបិយប័ណ្ណគ្រីបតូ(Cryptocurrency)ជាមួយតម្លៃសេវាត្រឹមតែ ០,៣ភាគរយ។ យោងតាមការចេញផ្សាយរបស់កាសែត RT បានឲ្យដឹងថា ការបើកដំណើរការសេវាកម្មថ្មីដែលមានឈ្មោះថា A7 International នេះ បានជួយឱ្យក្រុមហ៊ុនអាចពង្រីកវិសាលភាពរបស់ខ្លួនទៅកាន់អន្តរជាតិបើទោះបីជាកំពុងរងទណ្ឌកម្មសេដ្ឋកិច្ចពីបណ្តាប្រទេសលោកខាងលិចក៏ដោយ។ តាមរយៈប្រព័ន្ធថ្មីនេះ អតិថិជនអាចទូទាត់ការផ្ទេរប្រាក់ជាប្រភេទរូបិយប័ណ្ណឌីជីថល USDT(ដែលជាប្រាក់គ្រីបតូមានតម្លៃថេរស្មើប្រាក់ដុល្លារអាមេរិក) ហើយអ្នកទទួលប្រាក់នឹងទទួលបានជាសាច់ប្រាក់តាមប្រព័ន្ធ SWIFT
ខ្សែភាពយន្តឯកសារ «LOOT: ការវិលត្រឡប់មកវិញនូវរតនសម្បត្តិវត្ថុកម្ពុជា» ត្រៀមចាក់បញ្ចាំងនៅតាមរោងភាពយន្តទូទាំងប្រទេសកម្ពុជា ចាប់ពីថ្ងៃទី១៦ ខែតុលា ឆ្នាំ២០២៦
ព្រឹត្តិការណ៍, អត្ថបទពាណិជ្ជកម្ម
• 13/10/2026
ភ្នំពេញ ៖ ខ្សែភាពយន្តឯកសារកម្រិតអន្តរជាតិ “LOOT” ដែលលាតត្រដាងពីបណ្តាញឧក្រិដ្ឋកម្មជួញដូរវត្ថុបុរាណខ្មែរជាសកល ដោយខុសច្បាប់ពីសំណាក់ជនបរទេស ត្រូវបានក្រុមហ៊ុន AMS (Apsara Media Services) សហការជាមួយក្រុមហ៊ុន New Theory Picture ចាក់បញ្ចាំងនៅតាមរោងភាពយន្តក្នុងប្រទេសកម្ពុជា ចាប់ពីថ្ងៃទី១៦ ខែតុលា ឆ្នាំ២០២៦ តទៅ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content