សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ព្រឹត្តិការណ៍ផ្សព្វផ្សាយផលិតផលខ្មែរ ភូមិ១ ផលិតផល១ ដើម្បីចាប់ដៃគូវិនិយោគបរទេស និងជំរុញការនាំចេញ នឹងត្រូវធ្វើឡើងរយៈពេល៣ថ្ងៃ (ថ្ងៃទី៥-៦-៧ ខែធ្នូ ឆ្នាំ២០២៥) ចាប់ពីម៉ោង ៩ព្រឹក រហូតដល់ម៉ោង ១១យប់ នៅទីធ្លាមជ្ឈមណ្ឌល ហ្វេកតូរី ភ្នំពេញ (Factory Phnom Penh) ស្ថិតក្នុងសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។
កញ្ញា ឃុន សុខបាន សហស្ថាបនិក និងជាអ្នកគ្រប់គ្រងព្រឹត្តិការណ៍ បានប្រាប់ឱ្យដឹងថា គោលបំណងនៃការរៀបចំព្រឹត្តិការណ៍ដាក់តាំងបង្ហាញផលិតផលខ្មែរ ភូមិ១ផលិតផល១ ដែលនឹងប្រព្រឹត្តទៅតាមកាលបរិច្ឆេទខាងលើនេះ ក្រៅពីការផ្សព្វផ្សាយពីផលិតផលខ្មែរ ផលិតផលក្នុងស្រុកឱ្យបានទូលំទូលាយ គឺដើម្បីចាប់ដៃគូវិនិយោគបរទេស និងជំរុញការនាំចេញ ក្រោមទស្សនទាន «លើកកម្ពស់កិត្យានុភាពផលិតផលខ្មែរ តាមរយៈការជំរុញផលិតផលក្នុងស្រុក ពិសេស ភូមិ១ ផលិតផល១ ទៅកាន់ទីផ្សារពិភពលោក»។
កញ្ញាបានបន្តថា ចំពោះបេសកកកម្មចម្បងរបស់ព្រឹត្តិការណ៍ រួមមមានការលើកកម្ពស់កិត្យានុភាពផលិតផលខ្មែរ ដើម្បីឱ្យសាធារណជនគាំទ្រផលិតផលក្នុងស្រុក, រុញច្រានផលិតផលខ្មែរចូលទៅទីផ្សាក្រៅស្រុក សំដៅរួមចំណែកបង្កើនប្រាក់ចំណូល ដល់ម្ចាស់អាជីវកម្ម មីក្រូសហគ្រាសជាតិ និងសហគ្រាសភូមិ១ ផលិតផល១, ជួយបង្កើតឱកាសវិនិយោគរវាងវិនិយោគិនជាតិ (ថ្នាក់មូលដ្ឋាន) និងអន្តរជាតិ ផ្លាស់ប្តូរបទពិសោធន៍ និងផ្នត់គំនិតរវាងអាជីវករមុខរបរមីក្រូសហគ្រាសជាតិ សហគ្រាសភូមិ១ផលិតផល១ និងសមភាគីបរទេស។ ក្រៅពីនេះ នៅមានការលើកកម្ពស់ការយល់ដឹងរបស់កសិករ សិប្បករដែលជាអ្នកផលិត អ្នកផ្តល់សេវាកម្ម លើផ្នត់គំនិតកាន់តែល្អប្រសើរក្នុងការផលិត កែច្នៃ និងវេចខ្ចប់ ដើម្បីការនាំចេញប្រកបដោយតម្លៃបន្ថែម ហើយអ្វីដែលសំខាន់ គឺស្វែងរកឱកាសធនធានហិរញ្ញប្បទាន ទាំងសម្បទាន ឥណទាន និងការវិនិយោគពីបរទេសផ្ទាល់ ដើម្បីគាំទ្រម្ចាស់អាជីវកម្ម មីក្រូសហគ្រាសជាតិ និងសហគ្រាសភូមិ១ផលិតផល១ ទាំងទើបតែចាប់ផ្តើមថ្មី ឬមានដំណើរការស្រាប់។
លោក កុសល ពិសី សហស្ថាបនិក និងជានាយកព្រឹត្តិការណ៍បានឱ្យដឹងដែរថា នៅក្នុងព្រឹត្តិការណ៍រយៈពេល៣ថ្ងៃនេះ ក៏ជាការផ្តល់ឱកាសដល់ម្ចាស់អាជីវកម្មមុខរបរ មីក្រូសហគ្រាស និងសហគ្រាសភូមិ១ផលិតផល១ ស្វែងរកទីផ្សារក្នុង និងក្រៅប្រទេស ដើម្បីបង្កើនការលក់ ជាមួយនឹងស្តង់ដាក់តាំងបង្ហាញផលិតផលចំនួន៥០ ផលិតផលច្រើនជាង១០០ប្រភេទ។ ក្រៅពីនេះ នៅមានកិច្ចពិភាក្សាតុមូលដែលផ្តល់ឱកាសដល់ម្ចាស់អាជីវកម្មមុខរបរ មីក្រូសហគ្រាស សហគមន៍សេដ្ឋកិច្ចមូលដ្ឋានយល់ដឹងបន្ថែមពីស្តង់ដារផលិត និងវេចខ្ចប់ ក៏ដូចជាការពង្រឹងសមត្ថភាពផ្នែកគ្រប់គ្រងអាជីវកម្ម ផែនការហិរញ្ញវត្ថុ និងទីផ្សារឌីជីថលជាដើម។
លោកបន្តថា នៅក្នុងព្រឹត្តិការណ៍នេះ ក្រៅពីមានបង្ហាញផលិតផល ដើម្បីពង្រីកទីផ្សារ ក៏មានកម្មវិធីកម្សាន្តផងដែរ ដូចជាការសម្តែងសិល្បៈបុរាណ ទំនើប សហសម័យ កីឡាអត្តសញ្ញាណជាតិ និងកីឡាទំនើបផ្សេងៗទៀត៕
Account
Security
Favourite Content