ភ្នំពេញ ៖ នៅក្នុងឆ្នាំ២០២៤នេះ  សភាយុវពាណិជ្ជករអន្តរជាតិ សាខាភ្នំពេញបានចាប់ដៃគូសហការជាមួយសមាគមសហគ្រិនវ័យក្មេងកម្ពុជា និងសមាគមសហព័ន្ធយុវជនកម្ពុជា នៅក្នុងការរៀបចំកម្មវិធីវេទិកាជជែកពិភាក្សាអំពីពាណិជ្ជកម្ម និងការផ្គូផ្គងពាណិជ្ជកម្ម ក្រោមប្រធានបទស្តីអំពី «ឱកាសវិនិយោគនៅប្រទេសកម្ពុជា» ដែលនឹងប្រព្រឹត្តទៅនៅថ្ងៃសៅរ៍ ទី០៨   ខែមិថុនា ឆ្នាំ២០២៤ ចាប់ពីម៉ោង ០៨:០០នាទីព្រឹក ដល់ម៉ោង ០៥:៣០នាទីល្ងាច នៅសណ្ឋាគារ សុខាអង្គរ ខេត្តសៀមរាប អមក្នុងកម្មវិធីមហាសន្និបាតអាស៊ីប៉ាស៊ីហ្វិក ប្រចាំឆ្នាំ២០២៤។

នៅក្នុងកម្មវិធីផ្ទាល់​នឹងមានវត្តមានដ៏ខ្ពង់ខ្ពស់ពីសំណាក់លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម ដែលលោកជំទាវនឹងថ្លែងសន្ទរកថាស្តីពី ឱកាសអាជីវកម្មក្នុងប្រទេសកម្ពុជា។ លើសពីនេះក្នុងកម្មវិធីផ្ទាល់ក៏នឹងមានវត្តមានដ៏ខ្ពង់ខ្ពស់ពីសំណាក់ឯកឧត្តម ឡោ ទិត្យច័ន្ទសុភក្តិ ទីប្រឹក្សាអម ក្រុមប្រឹក្សាអភិវឌ្ឍកម្ពុជា ដោយឯកឧយ្យមនឹងធ្វើបទបង្ហាញអំពីគោលនយោបាយវិនិយោគក្នុងប្រទេសកម្ពុជា។

ក្រោយពីការថ្លែងសន្ទរកថា និងការធ្វើបទបង្ហាញ កម្មវិធីបន្ទាប់គឺជាវេទិកាពិភាក្សាជាន់ខ្ពស់ដោយមានវត្តមានដ៏ខ្ពង់ខ្ពស់ពីសំណាក់វាគ្មិនកិត្តិយសចំនួន៣រូប​រួមមានឯកឧត្ដម បណ្ឌិត ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ, ឯកឧត្ដម សុខ សូកេន រដ្ឋមន្ត្រីក្រសួងទេសចរណ៍ និង អ្នកឧកញ៉ា សៀ ឬទ្ធី អគ្គនាយកក្រុមហ៊ុន វើលដ៏ប្រ៊ីដ គ្រុប។ វាគ្មិនកិត្តិយសទាំង៣រូប នឹងជជែកពិភាក្សាក្រោមប្រធានបទ «ឱកាសវិនិយោគ លើវិស័យកសិកម្ម ទេសចរណ៍ និងអចលនទ្រព្យនៅកម្ពុជា»។

តាមរយៈកម្មវិធីដ៏មានសារៈសំខាន់មួយនេះ អ្នកចូលរួមទាំងអស់នឹងទទួលបានចំណេះដឹងទាក់ទងទៅនឹងសក្តានុពលសេដ្ឋកិច្ច និងឱកាសវិនិយោគនានានៅក្នុងប្រទេសកម្ពុជា តាមរយៈកិច្ចជជែកពិភាក្សា ការណែនាំ និងការប្រឹក្សាពីសំណាក់វាគ្មិនកិត្តិយស ដែលសុទ្ធសឹងតែជាបញ្ញាជនប្រកបដោយចំណេះដឹង បទពិសោធន៍ និងសុទ្ធតែជាអ្នកដែលបានកសាងនូវស្នាដៃល្អៗក្នុងការប្រកបអាជីវកម្ម ក៏ដូចជាឥស្សរជនជាន់ខ្ពស់ក្នុងជួររាជរដ្ឋាភិបាលផងដែរ។

អ្វីដែលកាន់តែពិសេសនោះគឺសម្រាប់ការជាវសំបុត្រចូលរួមសិក្ខាសាលាក្នុងកម្មវិធីមុនថ្ងៃទី២០ ខែឧសភា ឆ្នាំ២០២៤ លោកអ្នកនឹងទទួលបានការបញ្ចុះតម្លៃបន្ថែមទៀត។ ដូច្នេះសំបុត្រចូលរួមនៅសល់តម្លៃត្រឹមតែ ៤០ដុល្លារ (សម្រាប់ភ្ញៀវជាតិ) និង ៥០ដុល្លារ (សម្រាប់ភ្ញៀវអន្តរជាតិ) តែប៉ុណ្ណោះ។ សូមបញ្ចាក់ផងដែរថា សម្រាប់កម្មវិធីតាំងពិព័រណ៍ពាណិជ្ជកម្មវិញ លោកអ្នកអាចចូលរួមបានដោយសេរី និងឥតគិតថ្លៃ។

ដើម្បីជាវសំបុត្រសូមចុះឈ្មោះតាមរយ:តំណលីងខាងក្រោម

https://forms.gle/6ZByjRXMBwyvCLrk6

សម្រាប់ព័ត៌មានបន្ថែម សូមឆាតចូលក្នុងផេក ឬទំនាក់ទំនងតាមរយៈលេខទូរស័ព្ទ

077 388 587 / 016 268 600