សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ អង្ករសំរូប ជាប្រភេទអង្ករដែលមានផ្ទុកទៅដោយសារធាតុចិញ្ចឹមច្រើនជាងអង្ករសយើងធម្មតា ហើយមិនត្រឹមតែមានវីតាមីន និងរ៉ែច្រើនប្រភេទនោះទេ វាថែមទាំងអាចជួយកាត់បន្ថយនូវឱកាសជំងឺទឹកនោមផ្អែម ជំនួយដល់សុខភាពបេះដូង និងជួយដល់ការសម្រកគីឡូមានប្រសិទ្ធភាព និងសុវត្ថិភាពទៀតផង។
ទោះបីជាយ៉ាងណាក្តី អង្ករសំរូបមានច្រើនប្រភេទអាស្រ័យទៅតាមប្រទេស និងតំបន់ ប៉ុន្តែអ្វីដែលគួរឲ្យចាប់អារម្មណ៍ជាមួយនឹងអង្ករសំរូបមួយប្រភេទដែលមានឈ្មោះថា Manoomin ជាប្រភេទពូជអង្ករដូចទៅនឹងអង្ករសំរូបយើងធម្មតាដែរ ដូចទាំងពណ៌ ដូចទាំងទំហំ ជាពិសេសគឺវាអាចមានតម្លៃរហូតទៅដល់២៥ដុល្លារក្នុងមួយផោន ឬប្រមាណជាង៥០ដុល្លារក្នុងមួយគីឡូក្រាម។
មូលហេតុអ្វីដែលធ្វើឲ្យអង្ករសំរូបប្រភេទនេះមានតម្លៃថ្លៃបែបនេះ?
Manoomin ជាអង្ករដែលមានដាំដុះតែនៅក្នុងតំបន់ជុំវិញបឹង Northern Great Lakes ដែលព័ទ្ធជុំវិញដោយរដ្ឋ Wisconsin និង Minnesota នៅសហរដ្ឋអាមេរិក និងតំបន់មួយចំនួនក្នុងប្រទេសកាណាដាតែប៉ុណ្ណោះ ហើយកត្តាអាកាសធាតុចាំបាច់ក្នុងការលូតលាស់ Manoomin គឺវាត្រូវការចាំបាច់នូវប្រភេទដីលិចទឹក កំពស់ពីកន្លះហ្វីតទៅ៣ហ្វីត ឬប្រមាណជា ១,៥តឹក ទៅ៩តឹក ហើយទឹកមានចរន្តហូរច្រោះ និងមានពន្លឺថ្ងៃអាចជ្រៀតចូលបានគ្រប់គ្រាន់។
មូលហេតុចម្បងដែល Manoomin មានតម្លៃថ្លៃនោះគឺជាសារធាតុចិញ្ចឹមដ៏សម្បូរបែបរបស់វា ដោយក្នុងបរិមាណអង្ករមួយផោនវាអាចផ្តល់វីតាមីនដល់ទៅ៣ដងច្រើនជាងអង្ករធម្មតា និងមានវីតាមីន B ច្រើនជាងអង្ករខ្មៅ ដែលជាប្រភេទអង្ករកម្រិត៣ដង ល្អជាងអង្ករសំរូប និងអង្ករធម្មតា ប៉ុន្តែស្ថិតនៅក្រោមអង្ករខ្មៅ ហើយមិនត្រឹមតែប៉ុណ្ណោះវាក៏ជាអង្ករដែលតំណាងឲ្យវប្បធម៌ដ៏យូរលង់នៃក្រុមជនជាតិភាគតិចដែលរស់នៅពឹងផ្អែកលើអង្ករប្រភេទនេះជាច្រើនជំនាន់មកហើយ។
កត្តាសំខាន់ទី២ដែលយើងអាចដឹងបានអំពីអង្ករ Manoomin នោះគឺជាប្រភេទពូជអង្គរដែលមានការលូតលាស់ដោយធម្មជាតិមិនមានការមើលថែ ឬដាំដុះដោយមនុស្សឡើយ ពីព្រោះថាទីតាំងដែលវាលូតលាស់មិនត្រឹមតែជាទីកន្លែងរស់នៅរបស់ក្រុមកុលសម្ព័ន្ធប៉ុណ្ណោះទេ វាក៏ជាតំបន់ដែលត្រូវបានរដ្ឋាភិបាលអភិរក្សផងដែរ ដូច្នេះការច្រូតកាត់ និងការប្រមូលផលគឺមានចំនួនតិចតួចបំផុត ហើយអាស្រ័យខ្លាំងទៅនឹងអំណោយផលពីធម្មជាតិ និងតាមរដូវកាលរបស់វាប៉ុណ្ណោះ។
យ៉ាងណាក៏ដោយ បើទោះបីជាបច្ចុប្បន្នវាកំពុងត្រូវបានទទួលស្គាល់ និងផ្តល់តម្លៃយ៉ាងខ្លាំងពីសំណាក់ពលរដ្ឋដែលមិនមែនជាជនជាតិភាគតិចក្តី ប៉ុន្តែដោយសារតែមិនមានចំនួននៃអ្នកច្រូតកាត់គ្រប់គ្រាន់ ខណៈដែលពលរដ្ឋភាគតិចងាកទៅប្រកបអាជីវកម្មផ្សេង ព្រមទាំងបញ្ហាប្រឈមមួយចំនួនដូចជាការបំពុលទឹក និងទឹកជំនន់ផងនោះ វាបានធ្វើឲ្យអង្ករ Manoomin កាន់តែខ្សត់ខ្សោយទៅទាំងដែលតម្រូវការកំពុងមានច្រើន។ Manoomin បានបង្ហាញឱ្យឃើញថា ធម្មជាតិបានផ្តល់ឲ្យយើងនូវអាហារដ៏ចម្រុះ និងមានអត្ថប្រយោជន៍បំផុតសម្រាប់ជីវិតមនុស្ស ប៉ុន្តែវាទាមទារចាំបាច់នូវការថែរក្សា និងការកែច្នៃបន្ថែម ដើម្បីធានាឲ្យបានថាវាមានស្ថិរភាព និងអាចបន្តរស់នៅជាមួយយើងបានដល់កូនចៅជំនាន់ក្រោយ ជាពិសេសគឺយើងនឹងអាចទាញយកអត្ថប្រយោជន៍បានច្រើនបំផុតនាពេលបច្ចុប្បន្ន និងនៅថ្ងៃអនាគត៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
ម្ហូបឌីមសាំ ប៉ះជាមួយគ្រឿងទេសកំពត បង្កើតរសជាតិឆ្ងាញ់ ប្លែក និងច្នៃប្រឌិត
ព្រឹត្តិការណ៍, អត្ថបទពាណិជ្ជកម្ម
• 03/04/2026
ដើម្បីអបអរសាទរ និងលើកកម្ពស់រសជាតិអាហារបែប "Glocal" (ការរួមបញ្ចូលគ្នារវាងរសជាតិសកល និងរសជាតិក្នុងស្រុក) កាលពីល្ងាចថ្ងៃទី២ ខែមេសា ឆ្នាំ២០២៦ ភោជនីយដ្ឋាន Yi Sang ដែលទើបនឹងសម្ពោធថ្មីៗស្ថិតនៅក្នុងអាកាសយានដ្ឋានអន្តរជាតិតេជោ
អ៊ីរ៉ង់ បានបាញ់ទម្លាក់ F-35 របស់អាម៉េរិកយ៉ាងជោគជ័យ ក្រោយការចែករំលែកទិចនិកបាញ់ពីសំណាក់អ្នកជំនាញចិន
ព្រឹត្តិការណ៍, អាជីវកម្មថ្មី និងនវានុវត្ត
• 03/04/2026
វិស្វករជនជាតិចិនម្នាក់បានធ្វើឱ្យមានការភ្ញាក់ផ្អើលយ៉ាងខ្លាំងនៅលើបណ្តាញសង្គម បន្ទាប់ពីបានបង្ហោះវីដេអូបង្រៀនលម្អិតអំពីរបៀបបាញ់ទម្លាក់យន្តហោះចម្បាំងបំបាំងកាយទំនើបបំផុត F-35 របស់សហរដ្ឋអាម៉េរិក។
ក្រោយបញ្ចប់ការចុះបញ្ជីទូទាំងប្រទេស ក្រសួងដែនដីបន្តបេសកកម្មផ្សេងទៀត ដើម្បីឱ្យពលរដ្ឋរស់នៅកាន់តែស្រួល តជំនាន់
Top News, ព្រឹត្តិការណ៍, អចលនទ្រព្យ
• 02/04/2026
ក្រសួងរៀបចំដែនដី នគរូបនីយកម្ម និងសំណង់ នឹងបន្តបេសកកម្មធ្វើការងារផ្សេងទៀត ដើម្បីធ្វើយ៉ាងណាឱ្យប្រទេសជាតិ ក៏ដូចជាប្រជាពលរដ្ឋកម្ពុជាទាំងអស់រស់នៅប្រកបដោយសុខុដុមរមនាទាំងអស់គ្នា និងតជំនាន់
Hacker កូរ៉េខាងជើង អាចលួចបញ្ចូល bug software ទៅក្នុងដំណើរប្រតិបត្តិការក្រុមហ៊ុនរាប់ពាន់នៅអាម៉េរិក
ព្រឹត្តិការណ៍, អាជីវកម្មថ្មី និងនវានុវត្ត
• 02/04/2026
អ្នកជំនាញអាម៉េរិកថា hackers របស់កូរ៉េខាងជើងកំពុងប្រើប្រាស់ software មួយប្រភេទដែលមានផ្ទុកទៅដោយមេរោគ ឬ bug ជាយុទ្ធសាស្ត្ររបស់ខ្លួនដំណើរការនៅក្នុងក្រុមហ៊ុនរាប់ពាន់នៅសហរដ្ឋអាម៉េរិក
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content