កាហ្វេដូងក្រអូប ៣៦៩ ផ្អែមត្រជាក់រសជាតិឆ្ងាញ់ តម្លៃសមរម្យ

ភ្នំពេញ ៖ ត្រឹមតែតូបលក់កាហ្វេមួយ ដែលអាចនិយាយបានថា ជាមុខរបរតូចតាច ប៉ុន្តែសម្រាប់អ្នកលក់ដែលជាម្ចាស់តូបយីហោ កាហ្វេដូងក្រអូប ៣៦៩ ដែលពេញចិត្ត និងស្រឡាញ់ជំនាញជាអ្នកឆុងកាហ្វេ បានបន្ថែមនូវក្ដីស្រឡាញ់បន្ថែមពីលើរសជាតិផ្អែម ត្រជាក់ ឈ្ងុយឆ្ងាញ់ លក់ជូនអតិថិជនគ្រប់ៗគ្នារហូតធ្វើឱ្យតូបកាហ្វេមួយនេះទទួលបាននូវការគាំទ្រគួរឱ្យកត់សម្គាល់។

កាហ្វេដូងក្រអូប ៣៦៩ ជាយីហោរបស់តូបកាហ្វេមួយដែលមានភាពមមាញឹកក្នុងការលក់ជូនអតិថិជនដែលមានភ្ញៀវចេញចូលឥតដាច់ ស្ថិតនៅក្នុងផ្សារបោះដុំឃ្លាំងរំសេវថ្មីសែនសុខ ដែលអតិថិជនទូទៅតែងនិយមហៅថា តូបមានហុងស៊ុយ។

កញ្ញា ឆេង ស្រីខួច វ័យ ២៨ឆ្នាំ ជាម្ចាស់តូបខាងលើផ្ទាល់បានប្រាប់ AMS ឱ្យដឹងថា មុខរបរលក់កាហ្វេ និងភេសជ្ជៈមួយនេះ ទទួលបានការគាំទ្រពីសំណាក់អតិថិជនច្រើន រួមមានទាំងអាជីវកម្មលក់ដូរនៅក្នុងផ្សារបោះដុំឃ្លាំងរំសេវថ្មីសែនសុខ អ្នកធ្វើការនៅក្នុងតំបន់ ក៏ដូចជាបណ្តាយុវវ័យផងដែរ។

កញ្ញាបានបញ្ជាក់ថា ៖

“ខ្ញុំ និងបងស្រីបានចាប់យកមុខរបរនេះ ដោយសារក្ដីស្រឡាញ់ការលក់ដូរ និងមានឱកាសបានស្គាល់មនុស្សច្រើន។ ខ្ញុំបានចាប់ផ្ដើមអាជីវកម្មនៅទីនេះប្រមាណ ៨ខែមកហើយ ដោយផ្តើមចេញពីដើមទុនរួមគ្នាត្រឹម ៣០០០ដុល្លារតែប៉ុណ្ណោះទៅលើការទិញឧបករណ៍ និងសម្ភារៈសំខាន់ៗដូចជាម៉ាស៊ីឆុងកាហ្វេជាដើម ខណៈដែលទីតាំងតូច ការរៀបចំលម្អផ្សេងៗ ខាងអ្នកអភិវឌ្ឍន៍ផ្សារបានផ្តល់ជូនរួចរាល់។ នៅទីនេះមានអតិថិជនចេញចូលទិញច្រើន ដែលមានអ្នកខ្លះអង្គុយញាំនៅតាំងទីតាំង ហើយខ្លះទៀតទិញខ្ចប់ មានទាំងអ្នកដំណើរ អាជីវករក្នុងផ្សារ អ្នកក្នុងបុរី បងប្អូនកម្មករ និងអ្នកធ្វើនៅការិយាល័យជិតៗនេះផងដែរ”

កញ្ញាបន្តថា ៖

“លក្ខណៈពិសេសរបស់តូបយើងគឺគ្រប់មុខភេសជ្ជៈមានរសជាតិឆ្ងាញ់ តម្លៃសមរម្យ ចន្លោះពី ៣០០០-៥០០០រៀលប៉ុណ្ណោះ ហើយមានសេវាកម្មរហ័ស ជាពិសេសគឺភាពរួសរាយរាក់ទាក់របស់ម្ចាស់តូបដែលភ្ញៀវចូលចិត្តគ្រប់ៗគ្នា។ ក្រៅពីការខ្ចប់ តូប ៣៦៩ ក៏មានសេវកម្មដឹកជូនដល់កន្លែងផងដែរចំពោះបងប្អូនដែលនៅក្នុងតំបន់ក៏ដូចជាបុគ្គលិកការិយាល័យជិតៗនេះ ដោយគ្រាន់តែទូរស័ព្ទទៅកម្ម៉ង់តែប៉ុណ្ណោះ”

ចំពោះការលក់ដូរនៅទីនេះផ្ទាល់ កញ្ញា និងបងស្រីហាក់មានភាពងាយស្រួលច្រើនដោយសារមានអតិថិជនចេញចូលច្រើន មានទីតាំងល្អជាប់ផ្លូវធំ ផ្លូវចេញចូលទូលាយ មានកន្លែងចំណតសុវត្ថិភាព ដែលអាចឱ្យអតិថិជនមានភាពងាយស្រួល។ បន្ថែមលើនេះ ក៏មានអគ្គិសនីប្រើប្រាស់គ្រប់គ្រាន់ និងមានសុវត្ថិភាពមិនភ័យខ្លាចរឿងបាត់របស់អ្វីឡើយ ដោយសារមានសន្តិសុខយាមត្រឹមត្រូវ។

ដោយឡែក សម្រាប់ភេសជ្ជៈដែលគេនិយមទទួលទានជាងគេរួមមានដូចជា កាហ្វេដូង តែបៃតង និងភេសជ្ជៈកំប៉ុងផ្សេងទៀត ដែលភាគច្រើនគេនិយមទទួលទាននៅពេលថ្ងៃក្ដៅ។ ក្រៅពីភេសជ្ជៈ កញ្ញាក៏មានលក់ជាអាហារសម្រន់ផ្សេងៗជាច្រើនមុខទៀត ដែលបងប្អូនអាចទៅរកទិញបានដូចជាម៉ាតមួយដូច្នោះដែរ។

កញ្ញា ស្រីខួច បន្ថែមថា តូបកាហ្វេដូងក្រអូប ៣៦៩ ចាប់ផ្ដើមលក់តាំងពីម៉ោង ៧ព្រឹក ដល់៧យប់ ។ ចុងក្រោយកញ្ញាក៏សូមអរគុណដល់អតិថិជនដែលតែងតែគាំទ្រ និងសូមឱ្យពួកគាត់នៅតែបន្តគាំទ្រតទៅមុខទៀតទាំងបងប្អូនកម្មករ អ្នកក្នុងផ្សារ ក្នុងបុរី និងអ្នកដំណើរឆ្លងកាត់ ហើយក៏សូមអរគុណដល់គណៈគ្រប់គ្រងផ្សារបោះដុំឃ្លាំងរំសេវថ្មី សែនសុខ ដែលបានរៀបចំទីតាំងយ៉ាងប្រសើរសម្រាប់អាជីវកម្មនេះផងដែរ៕

លោក អ៊ា សុវណ្ណារ៉ា | Mr. Ea Sovannara

ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។

របាយការណ៍ថ្មីៗ

មើលទាំងអស់ ➧

អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ

បទយកការណ៍, ហិរញ្ញវត្ថុ

• 09/04/2026

អ្នកជំនាញឌីជីថល លើកទឹកចិត្តឱ្យប្រើអ៊ីនធឺណិតផ្ទាល់ខ្លួន ដើម្បីមានសុវត្ថិភាពជាងការប្រើ Wifi សាធារណៈ

បទយកការណ៍, ហិរញ្ញវត្ថុ

• 10/03/2026

អ្នកជំនាញ ណែនាំឱ្យចេះសន្សំប្រាក់ដើម្បីត្រៀមបង្កាទុកដោះស្រាយបញ្ហាដែលអាចកើតមានជាយថាហេតុ

បទយកការណ៍, ហិរញ្ញវត្ថុ

• 16/02/2026

ការដាំបន្លែជាលក្ខណៈគ្រួសារ ទទួលបានបន្លែសុវត្ថិភាពសម្រាប់ទទួលទានផង និងអាចរកចំណូលបានទៀត

ជំនួញ, បទយកការណ៍

• 20/11/2025

ចំណេះដឹងកសិកម្ម ៖ ងាយៗបច្ចេកទេសផលិតស្កររងូ សម្រាប់ផលិតមេជី និងមេចំណីសត្វ

ជំនួញ, បទយកការណ៍

• 19/11/2025

ដាំស្លឹកគ្រៃ លក់បានទាំងដើម ហើយយកស្លឹកចម្រាញ់ប្រេងលក់បានទៀត

ជំនួញ, បទយកការណ៍

• 18/11/2025

ស្វែងយល់ពីបច្ចេកទេសងាយៗក្នុងការផលិតថ្នាំពុលធម្មជាតិសម្រាប់ការពារដំណាំយកស្លឹកពីសត្វល្អិត

ជំនួញ, បទយកការណ៍

• 17/11/2025

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន

បទយកការណ៍, អាជីវកម្មថ្មី និងនវានុវត្ត

• 16/10/2024

អាជីវកម្មយកសំបុកត្រចៀកកាំក្នុងស្រុកកំពុងមានទីផ្សារ

ជំនួញ, បទយកការណ៍

• 15/12/2023

ព័ត៌មានទូទៅ

មើលទាំងអស់ ➧

កម្មវិធីជំនាញសេវាកម្មអភិវឌ្ឍន៍អាជីវកម្ម ជួយជំរុញសហគ្រាសធុនតូច និងមធ្យមឱ្យរីកចម្រើន

ព្រឹត្តិការណ៍, សេដ្ឋកិច្ច

• 09/07/2026

កម្មវិធីជំនាញសេវាកម្មអភិវឌ្ឍន៍អាជីវកម្ម ជំរុញ SME ឱ្យរីកចម្រើន ពង្រឹងសមត្ថភាពរបស់អ្នកជំនាញធុរកិច្ច ទីប្រឹក្សា គ្រូបណ្តុះបណ្តាល និងអ្នកផ្តល់សេវាកម្ម

រដ្ឋចំនួន ៤ នៅអាម៉េរិក ដាក់ពាក្យប្តឹងក្រុមហ៊ុន Meta ទារប្រាក់ពិន័យ ១,៤ ទ្រីលានដុល្លារ

ព្រឹត្តិការណ៍, អាជីវកម្មថ្មី និងនវានុវត្ត

• 09/07/2026

ក្រុមហ៊ុនបច្ចេកវិទ្យាយក្ស Meta របស់លោក Mark Zuckerberg អាចនឹងប្រឈមមុខនឹងការពិន័យជាប្រាក់រហូតដល់ ១,៤ ទ្រីលានដុល្លារ បន្ទាប់ពីរដ្ឋចំនួន ៤ របស់សហរដ្ឋអាម៉េរិកបានចោទប្រកាន់ក្រុមហ៊ុននេះថា បានបង្កើតកម្មវិធី Facebook និង Instagram ឡើងក្នុងគោលបំណងទាក់ទាញកុមារ

ដំណើរទស្សនកិច្ចរបស់មន្ត្រីជាន់ខ្ពស់បារាំងនៅកម្ពុជា មិនត្រឹមតែបង្កើនពាណិជ្ជកម្ម ការវិនិយោគ តែជាផ្នែកមួយនៃតុល្យភាពភូមិសាស្ត្រនយោបាយ

ព្រឹត្តិការណ៍, សេដ្ឋកិច្ច

• 09/07/2026

ភ្នំពេញ ៖ លោក នីកូឡា ហ្វ័ររីស្យេ រដ្ឋមន្ត្រីប្រតិភូអមរដ្ឋមន្ត្រីក្រសួងអឺរ៉ុប និងការបរទេស ទទួលបន្ទុកពាណិជ្ជកម្មបរទេស និងទាក់ទាញការវិនិយោគ មានដំណើរទស្សនកិច្ចនៅកម្ពុជាក្នុងសប្ដាហ៍នេះ នាថ្ងៃទី៩ និងទី១០ ខែកក្កដា ឆ្នាំ២០២៦ ក្នុងគោលបំណងពង្រឹងទំនាក់ទំនងសេដ្ឋកិច្ចរវាងបារាំង -កម្ពុជា ព្រមទាំងបង្កើនការវិនិយោគរបស់បារាំងនៅក្នុងប្រទេសកម្ពុជាផងដែរ ។ នេះតាមសេចក្តីប្រកាសព័ត៌មានរបស់ស្ថានទូតបារាំងប្រចាំកម្ពុជា។ ទាក់ទងនឹងដំណើរទស្សនកិច្ចនេះ

ការកែច្នៃគ្រាប់ស្វាយចន្ទីនៅក្នុងស្រុក នឹងជួយបង្កើតតម្លៃបន្ថែមដល់សេដ្ឋកិច្ចជាតិ

ព្រឹត្តិការណ៍, សេដ្ឋកិច្ច

• 09/07/2026

ការជំរុញការកែច្នៃគ្រាប់ស្វាយចន្ទីនៅក្នុងស្រុក ស្របតាម «គោលនយោបាយជាតិស្តីពីស្វាយចន្ទី» គឺជាសោរគន្លឹះក្នុងការបំប្លែងកម្ពុជាពីប្រទេសនាំចេញវត្ថុធាតុដើមឆៅទៅជា “អធិរាជកែច្នៃ និងនាំចេញ” ផលិតផលសម្រេច ដែលជាក្បាលម៉ាស៊ីនរុញច្រានការធ្វើពិពិធកម្មសេដ្ឋកិច្ច

ជំនន់នៃការផ្គត់ផ្គង់លំនៅឋានមុនវិបត្តិកូវីដ១៩ បានបន្សល់ទុកបញ្ហាទីផ្សារមកដល់ពេលបច្ចុប្បន្ន

ព្រឹត្តិការណ៍, អចលនទ្រព្យ

• 09/07/2026

មុនវិបត្តិកូវីដ១៩ អ្នកអភិវឌ្ឍន៍សំណង់ និងអចលនទ្រព្យ ជាពិសេស លំនៅឋាន បាននាំគ្នាសម្រុកសាងសង់ និងអភិវឌ្ឍ ដែលធ្វើឱ្យវិស័យនេះមានកំណើនកើនឡើងយ៉ាងខ្ពស់ដល់ចំណុចកំពូល

ប៊ុលហ្ការី បង្ហោះផ្កាយរណបថ្មីចំនួន ១០ គ្រឿង និងត្រៀមពង្រីកសក្ដានុពលរបស់ខ្លួនក្នុងវិស័យយោធា

ព្រឹត្តិការណ៍, អាជីវកម្មថ្មី និងនវានុវត្ត

• 09/07/2026

កាលពីថ្ងៃអង្គារសប្ដាហ៍នេះ មេដឹកនាំប្រទេសប៊ុលហ្ការី បានបង្ហាញវត្តមាននៅក្នុងព្រឹត្តិការណ៍បាញ់បង្ហោះផ្កាយរណបថ្មីៗចំនួន១០គ្រឿងទៀតរបស់ខ្លួនចូលទៅក្នុងលំហអាកាស

ក្រុមហ៊ុន LG បោះទុន ១ ពាន់លានដុល្លារ សាងសង់រោងចក្រផលិតឈីបនៅវៀតណាម

ព្រឹត្តិការណ៍, សេដ្ឋកិច្ច

• 09/07/2026

ក្រុមហ៊ុនកូរ៉េខាងត្បូង LG Innotek បោះទុន ១ ពាន់លានដុល្លារ ដើម្បីសាងសង់រោងចក្រផលិតឈីបពាក់កណ្តាលចម្លង (semiconductor) នៅក្នុងទីក្រុងហាយហ្វុង ប្រទេសវៀតណាម

លោក ដូណាល់ ត្រាំ បញ្ជាឱ្យកាត់ផ្តាច់ពាណិជ្ជកម្មជាមួយ អេស្ប៉ាញ ជុំវិញរឿងចំណាយលើណាតូ និងសង្រ្គាមអ៊ីរ៉ង់

ព្រឹត្តិការណ៍, សេដ្ឋកិច្ច

• 09/07/2026

ប្រធានាធិបតីអាម៉េរិក លោក ដូណាល់ ត្រាំ បញ្ជារដ្ឋាភិបាលរបស់លោកឱ្យផ្អាករាល់សកម្មភាពពាណិជ្ជកម្មភ្លាមៗជាមួយអេស្ប៉ាញ ពាក់ព័ន្ធនឹងការបដិសេធមិនព្រមបង្កើនការចំណាយទៅលើណាតូ និង បដិសេធអាម៉េរិកពីការប្រើប្រាស់មូលដ្ឋានទ័ពអាកាសរបស់ខ្លួន

BYD Sealion 5 EV ប្រភេទ SUV រថយន្តអគ្គិសនីសុទ្ធ បើកបរបានឆ្ងាយចាប់ផ្តើមបង្ហាញខ្លួនហើយ

ព្រឹត្តិការណ៍, អាជីវកម្មថ្មី និងនវានុវត្ត

• 09/07/2026

BYD ដែលជាក្រុមហ៊ុនផលិតរថយន្តអគ្គិសនីដ៏ធំនៅក្នុងសកលលោក បាននាំយកសែស្រឡាយថ្មីរបស់ខ្លួន BYD Sealion 5 EV ជាប្រភេទរថយន្ត SUV ប្រើអគ្គិសនីសុទ្ធ បើកបរបានឆ្ងាយចូលទីផ្សារកម្ពុជា