សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ វិស្វករជនជាតិចិនម្នាក់បានធ្វើឱ្យមានការភ្ញាក់ផ្អើលយ៉ាងខ្លាំងនៅលើបណ្តាញសង្គម បន្ទាប់ពីបានបង្ហោះវីដេអូបង្រៀនលម្អិតអំពីរបៀបបាញ់ទម្លាក់យន្តហោះចម្បាំងបំបាំងកាយទំនើបបំផុត F-35 របស់សហរដ្ឋអាម៉េរិក។ វីដេអូដែលមាន subtitle ជាភាសាពែរ្សនេះបានរីករាលដាលយ៉ាងខ្លាំងនៅលើបណ្តាញសង្គមចិន ហើយមិនត្រឹមតែប៉ុណ្ណោះ ក្រោយពេលមានការចែករំលែកវីដេអូនេះនៅលើបណ្តាញសង្គមបានរយៈពេលត្រឹមតែប៉ុន្មានថ្ងៃប៉ុណ្ណោះ អ៊ីរ៉ង់ បានអះអាងថា ខ្លួនបានវាយប្រហារចំគោលដៅទៅលើប្រភេទយន្តហោះដ៏ទំនើបរបស់អាម៉េរិកមួយនេះ។
យោងតាមការចេញផ្សាយរបស់កាសែត Interesting Engineering ព្រមគ្នាជាមួយនឹងកាសែតចិន SCMP ផងដែរនោះបានសរសេរថា វីដេអូដែលបង្ហាញពីបច្ចេកទេសបាញ់ទម្លាក់យន្តហោះចម្បាំង F-35 នោះត្រូវបានបង្កើតឡើងដោយគណនីមួយមានឈ្មោះថា Laohu Talks World ដែលមានអ្នកចូលមើលរាប់សិបលានដងនៅលើបណ្តាញសង្គមរបស់ចិន។ វាបានពន្យល់យ៉ាងល្អិតល្អន់ថា គេអាចប្រើប្រាស់ប្រព័ន្ធបច្ចេកវិទ្យាដែលមានតម្លៃទាប និងងាយស្រួលរក ដើម្បីបំផ្លាញបច្ចេកវិទ្យាបំបាំងកាយដ៏ស្មុគស្មាញបំផុតរបស់ពិភពលោក។
ជាការកត់សម្គាល់ទៅលើវីដេអូនោះដែលបានបង្ហោះលើកដំបូងនៅថ្ងៃទី១៤ ខែមីនា ជាមួយនឹងការសរសេរជាភាសាពែរ្ស និងទំនងជាមានគោលដៅចែករំលែកទៅដល់ពលរដ្ឋជនជាតិអ៊ីរ៉ង់ផងដែរ។ នៅក្នុងវីដេអូដដែលនេះ អ្នកបង្កើតបានវែកញែកថា អ៊ីរ៉ង់ មិនចាំបាច់មានបច្ចេកវិទ្យាបំបាំងកាយកម្រិតខ្ពស់ដើម្បីតទល់នឹងកងទ័ពអាកាសអាម៉េរិកនោះទេ។ ផ្ទុយទៅវិញ យុទ្ធសាស្ត្រប្រើប្រាស់គ្រាប់មីស៊ីលដែលបញ្ចេញកម្តៅ ក្បាលបាញ់ចល័ត និងឧបករណ៍ចាប់សញ្ញាក្លែងក្លាយ ដើម្បីប្រឆាំងនឹងសមត្ថភាពបំបាំងកាយរបស់ F-35 គឺជាយុទ្ធវិធីដែលត្រូវប្រើ។
ជាលទ្ធផលក្នុងរយៈពេលតែ ៥ ថ្ងៃក្រោយពេលចែករំលែកវីដេអូខាងលើ ពោលគឺនៅថ្ងៃទី១៩ ខែមីនា ទីក្រុងតេហរ៉ង់ បានប្រកាសជាផ្លូវការថា ខ្លួនបានបាញ់ប្រហារលើយន្តហោះ F-35 របស់អាមេរិកបាន១គ្រឿងយ៉ាងជោគជ័យ។ យ៉ាងណាក៏ដោយ មកដល់ពេលនេះមន្ទីរបញ្ចកោណរបស់អាម៉េរិកនៅមិនទាន់បានបញ្ជាក់ពីការបាត់បង់យន្តហោះចម្បាំងប្រភេទ F-35 នោះទេ។
គួរឲ្យដឹងដែរថា ជារឿយៗ រដ្ឋាភិបាលទីក្រុងប៉េកាំងបានបង្ហាញពីគោលជំហរបស់ខ្លួននៅឆ្ងាយ ដែលមិនពាក់ព័ន្ធទៅនឹងជម្លោះនេះនោះទេ បើទោះបីជាមានរបាយការណ៍អះអាងថា ខ្លួនបានលក់យន្តហោះគ្មានមនុស្សបើកទៅឱ្យប្រទេសអ៊ីរ៉ង់នៅមុនពេលមានការវាយប្រហារក៏ដោយ៕
Account
Security
Favourite Content