សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
សម្រាប់អ្នកដែលនិយមទទួលទានស៊ុប ភាគច្រើនគេមិនអាចភ្លេចបាននោះទេនូវជីរម្យ៉ាងដែលមានក្លិនប្រហើរ និងជួយបង្កើនរសជាតិ នោះគឺជីរតាំងឱ។ ក្រៅពីមុខម្ហូបស៊ុប គេក៏អាចយកជីរប្រភេទនេះទៅទទួលទានបានទាំងឆ្អិន ឬឆៅធ្វើជាអន្លក់ក៏បាន ដែលជាហេតុធ្វើឱ្យរុក្ខជាតិប្រភេទនេះកាន់តែមានទីផ្សារ និងមានតម្លៃថ្លៃជាងជីរប្រភេទដទៃ។
ជីរតាំងឱ មានឈ្មោះវិទ្យាសាស្រ្តថា Apium graveolens L. ជារុក្ខជាតិដែលគេដាំនៅតាមជាយក្រុង ទីជនបទ ស្រុកស្រែ ចម្ការ សម្រាប់ធ្វើជាបន្លែ និងរបោយ។ ជាធម្មតាជីរប្រភេទនេះអាចលក់បានក្នុងតម្លៃ ១៥ ០០០រៀលក្នុងមួយគីឡូក្រាម ហើយចំណែកទីផ្សារគឺមានឈ្មួញជាអ្នកចាំទទួលយកទៅលក់បន្តមានហូរហែមិនភ័យរឿងទីផ្សារឡើយ។
រុក្ខជាតិប្រភេទនេះ គេអាចយកធ្វើជាបន្លែសម្រាប់ទទួលទានទាំងផ្នែកដើម និងស្លឹក ដែលគេអាចប្រើសម្រាប់ធ្វើជាបន្លែ ដាក់ក្នុងស៊ុប ឬអាចចម្អិនជាម្ហូបផ្សេងៗ។ ក្រៅពីនេះ គេក៏អាចប្រើវាជាឱសថតួយ៉ាង ស្លឹក និងឫស ជួយប៉ូវកម្លាំង ព្យាបាលជំងឺក្រពះ ជួយបញ្ចុះទឹកនោម ជាតិពុល និងកាកសំណល់ពីរាង្គកាយ។
គួរបញ្ជាក់ដែរថា តាំងឱ មានប្រភពដើមមកពីតំបន់អាហ្វ្រិកខាងត្បូង អឺរ៉ុប រហូតដល់តំបន់ភ្នំហេមពាន្តផ្នែកខាងលិច។ ចំពោះលក្ខណៈអេកូឡូស៊ី គេនាំយកដំណាំប្រភេទនេះមកដាំបាននៅតំបន់ត្រូពិក ដូចជាប្រទេសកម្ពុជាយើងជាដើម។
ចំណែកលក្ខណៈរូបសាស្ត្រវិញ ជីរតាំងឱជា តិណជាតិ (herbaceous) ដែលតួដើមមានកម្ពស់ ០,៥-១,៥ម៉ែត្រ មានសរសៃ ហើយមាន ទ្រនុង មានមែកដុះត្រង់ទៅលើ។ នៅផ្នែកក្រោមនៃតួដើម ស្លឹកមានទងវែងប្រវែង១- ២ស.ម. ឆែកជ្រៅ ៣ដង។ កញ្ចុំផ្ការាងឆត្រធំ ប្រកបដោយកញ្ចុំផ្កាជាឆត្រតូចៗរួមគ្នា (umbels compound) ដុះចេញនៅទល់មុខទងស្លឹក (leaf-opposed)។ ផ្កាទ្វេភេទ ពណ៌ស ឬបៃតងខ្ចី ត្របកផ្កា ៥តូចៗជាធ្មេញ ស្រទាប់ផ្កា៥ ពណ៌ស កេសរ ឈ្មោល៥ កេសរញី ២ជាប់គ្នាជាអូវែរមាន២ក្លែប។ ផ្លែស្ងួតជាមេរីកាព (mericarp) មានទ្រនុង លើផ្ទៃសម្បកមានក្រពេញក្នុងវីតា (vitta) មានគ្រាប់១។
ថែមលើនេះ តាំងឱមានដើមមូល ខាងក្នុងមានជាតិជ័រតិចៗ និងមានស្លឹកឆែក។ ដើមមានផ្កាទ្វេភេទ ផ្កាដុះចេញ នៅឆ្នាំទីពីរនៃការដាំដុះ។ ដំណើរលម្អងផ្កា (pollination) ធ្វើដោយសត្វល្អិត ហើយ ការបែកខ្ចាត់ខ្ចាយគ្រាប់ពូជ ដោយសារទឹក៕
Account
Security
Favourite Content