សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ថ្នាក់ដឹកនាំកំពូលធនាគារជាតិនៃកម្ពុជា បានលើកឡើងថា កម្ពុជាអាចមានលទ្ធភាពក្នុងការគ្រប់គ្រងសម្ពាធអតិផរណាបានក្នុងកម្រិតទាបជាង ៣ ភាគរយ ជាមួយស្ថិរភាពអត្រាប្តូរប្រាក់ប្រែប្រួលទាបជាង ២ភាគរយ ខណៈដែលកម្រិតនៃគ្រប់គ្រាន់នៃទុនបម្រុងអន្តរជាតិមានកម្រិតខ្ពស់ ដែលអាចធានាដល់ការនាំចេញទំនិញ និងសេវាប្រមាណបានយ៉ាងល្អ។
ឯកឧត្តម ជា ចាន់តូ ទេសាភិបាលធនាគារជាតិនៃកម្ពុជា បានមានប្រសាសន៍កាលពីពេលថ្មីៗនេះថា ការរក្សាបានកម្រិតខ្ពស់លើការគ្រប់គ្រាន់ទុនបម្រុងអន្តរជាតិ ដែលអាចធានាការនាំចេញទំនិញ និងសេវាប្រមាណ ១០ខែ ជាមួយការគ្រប់គ្រងសម្ពាធអតិផរណាបានក្នុងកម្រិតទាបជាង ៣ភាគរយ ក៏ដូចជាការទប់អត្រាប្តូរប្រាក់ប្រែប្រួលទាបជាង ២ភាគរយនេះ ដោយសារកម្ពុជាអនុវត្តនូវវិធានការសំខាន់ៗមួយចំនួន។
ឯកឧត្តមបានបញ្ជាក់ថា សម្រាប់ប្រព័ន្ធធនាគារក៏បានរក្សាភាពធន់ និងបានរួមចំណែកក្នុងការគាំទ្រដល់សកម្មភាពសេដ្ឋកិច្ច ជាពិសេស បានជួយដល់វិស័យដែលទទួលរងនូវផលប៉ះពាល់ ក៏ដូចជាជួយសម្រាលបន្ទុកប្រជាជនដែលងាយរងគ្រោះផងដែរ។
អគ្គនាយកក្រុមហ៊ុនហ្វតតេ លោក យក់ ចំរើនឬទ្ធិ បានមានប្រសាសន៍ប្រាប់ AMS ថា ការគ្រប់គ្រងអតិផរណាក្នុងកម្រិតទាបជាង ៣ភាគរយនេះ គឺជាការគ្រប់គ្រងលើចរាចរណ៍សាច់ប្រាក់ទៅលើតម្លៃទំនិញគ្រប់មុខលើទីផ្សារប្រចាំថ្ងៃ។ បានន័យថា អតិផរណា ជាកម្លាំងទាញនៃតម្លៃសាច់ប្រាក់ ដែលបានប្រើប្រាស់ទៅលើការទិញមុខទំនិញ ក៏ដូចជាគ្រឿងឧបភោគបរិភោគប្រចាំថ្ងៃ។
លោក យក់ ចំរើនឬទ្ធិ បានមានប្រសាសន៍ថា ៖
« អតិផរណា ប្រទេសយើងស្ថិតក្នុងកម្រិតទាបជាង ៣ភាគរយ ជារឿងដែលយើងអាចទទួលយកបាន នេះបានន័យថា វាមិនខ្ពស់នោះទេសម្រាប់អតិផរណានេះ។ នៅប្រទេសខ្លះអាចឡើងទៅដល់ ៥-៧ភាគរយក៏មានដែរ ហើយបើមិនឡើងសោះក៏វាកើតជាបញ្ហាដែរ»
អគ្គនាយកក្រុមហ៊ុនធានារ៉ាប់រងរូបនេះបានបញ្ជាក់ទៀតថា សម្រាប់ស្ថិរភាពអត្រាប្តូរប្រាក់ ដែលប្រែប្រួលទាបជាង ២ភាគរយ ក៏ស្រដៀងគ្នាដែរ ដោយធៀបទៅនឹងរូបិយវត្ថុ (ប្រាក់ដុល្លារ) ដែលវាតែងមានការឡើងចុះ(តម្លៃការប្តូរប្រាក់) ជាទូទៅមិនលើស២ភាគរយនោះទេនៅក្នុងទីផ្សារលក់រាយ៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
សមាគមមីក្រូហិរញ្ញវត្ថុកម្ពុជា និងអង្គការ water.org ពិភាក្សាជាមួយធនាគារ ARDB លើកកម្ពស់ហិរញ្ញប្បទានបៃតង និងវិស័យទឹកស្អាត
Top News, ព្រឹត្តិការណ៍, ហិរញ្ញវត្ថុ
• 19/02/2026
សមាគមមីក្រូហិរញ្ញវត្ថុកម្ពុជា និងអង្គការ water.org ពិភាក្សាជាមួយធនាគារ ARDB លើកកម្ពស់ហិរញ្ញប្បទានបៃតង និងវិស័យទឹកស្អាត នៅកម្ពុជា
កំពង់ផែស្វយ័តក្រុងព្រះសីហនុ រកចំណូលបានជិត ៥០លានដុល្លារ នៅត្រីមាសទី៤ ឆ្នាំ២០២៥
Top News, ព្រឹត្តិការណ៍, សេដ្ឋកិច្ច
• 18/02/2026
កំពង់ផែស្វយ័តក្រុងព្រះសីហនុ ក្នុងត្រីមាសទី៤ ឆ្នាំ២០២៥ កំពង់ផែស្វយ័តក្រុងព្រះសីហនុរកចំណូលបានសរុបប្រហែល ៤៧,៤៧ លានដុល្លារ
រកឃើញហើយ ! ម្ចាស់រង្វាន់សាច់ប្រាក់ទាំង ៣ រូប ដំបូង ដែលឈ្នះពីការប្រើប្រាស់ LOLC Mobile!
ព្រឹត្តិការណ៍, អត្ថបទពាណិជ្ជកម្ម
• 18/02/2026
អតិថិជនប្រើប្រាស់ LOLC Mobile សម្រាប់ការចាយវាយប្រចាំថ្ងៃ មិនត្រឹមតែទទួលបានភាពងាយស្រួលក្នុងការទូទាត់នោះទេ អតិថិជនថែមទាំងទទួលបានអត្រាការប្រាក់ ៤% ក្នុងមួយឆ្នាំ
ឧបនាយករដ្ឋមន្ត្រីប្រចាំការ ៖ បច្ចេកវិទ្យា AI ជាកម្លាំងចលករយ៉ាងសំខាន់នៃកំណើនសេដ្ឋកិច្ចសម្រាប់រយៈពេល ១០ ទៅ ២០ ឆ្នាំខាងមុខ
ព្រឹត្តិការណ៍, អាជីវកម្មថ្មី និងនវានុវត្ត
• 18/02/2026
ឧបនាយករដ្ឋមន្ត្រីប្រចាំការ បានលើកឡើងថា បច្ចេកវិទ្យា AI ជាកម្លាំងចលករយ៉ាងសំខាន់នៃកំណើនសេដ្ឋកិច្ចសម្រាប់រយៈពេល ១០ ទៅ ២០ ឆ្នាំខាងមុខ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content