សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កំពង់ឆ្នាំង ៖ ការចិញ្ចឹមមាន់ គឺជាមុខរបរមួយដែលបងប្អូនកសិករយើងនិយមចិញ្ចឹមជាលក្ខណៈគ្រួសារ ជាពិសេសនៅតាមតំបន់ជនបទ ហើយក្នុងនោះជាការគួរឱ្យកត់សម្គាល់ គេសង្កេតឃើញមានកសិដ្ឋានចិញ្ចឹមមាន់មួយកន្លែងដែលភាគច្រើនជាប្រភេទមាន់ស្រែដែលមានចំនួនរហូតដល់រាប់ពាន់ក្បាលសម្រាប់លក់ទៅកាន់ទីផ្សារ ជាមួយនឹងការទទួលបានប្រាក់ចំណូលច្រើនគួរសម។
លោក ភាស់ ប្រុស ជាម្ចាស់កសិដ្ឋានចិញ្ចឹមមាន់មួយកន្លែងដែលគេហៅថា «ផ្ទះមាន់ស្រែ» ស្ថិតនៅស្រុកសាមគ្គីមានជ័យ ខេត្តកំពង់ឆ្នាំង បានមានប្រសាសន៍ឱ្យដឹងថា ដំបូងឡើយលោកមានចិញ្ចឹមមាន់ស្រែជាលក្ខណៈគ្រួសារតែប៉ុណ្ណោះ ប៉ុន្តែក្រោយមកដោយមើលឃើញពីតម្រូវការទីផ្សារ ហើយមានតម្លៃថ្លៃគួរសម លោកក៏ចាប់ផ្តើមពង្រីកការចិញ្ចឹមបន្តិចម្ដងៗរហូតបានទំហំដូចសព្វថ្ងៃនេះ។
លោកបញ្ជាក់ថា ៖
“ខ្ញុំបានចិញ្ចឹមមាន់តាំងពីឆ្នាំ២០១៨ ហើយបច្ចុប្បន្ននៅក្នុងកសិដ្ឋានរបស់ខ្ញុំមួយនេះមានមាន់សរុបប្រមាណជាង ២៥០០ក្បាល ជាប្រភេទពូជមាន់ស្រែ ដែលមានទាំងប្រភេទមាន់សាច់ និងកូនមាន់សម្រាប់យកទៅចិញ្ចឹមបន្តផងដែរ”
លោកបន្តថា សម្រាប់អតិថិជនដែលមកគាំទ្រ និងទិញជាប្រចាំភាគច្រើនជាឈ្មួញមកពីភ្នំពេញដែលមកចាប់ដល់កសិដ្ឋានតែម្ដង ហើយក្នុងមួយសប្ដាហ៍អាចចាប់បានប្រមាណ ១៥០ក្បាល។ ចំពោះកូមាន់អាចលក់បានក្នុងតម្លៃចាប់ពី ២៨០០-៥៦០០រៀលក្នុងមួយក្បាល អាស្រ័យលើអាយុរបស់កូនមាន់ចាប់ពី ១២-៣០ ថ្ងៃ។ ចំណែកមាន់សាច់បើភ្ញៀវមកទទួលដល់ទីតាំងចាប់ពី១០០ក្បាលឡើងទៅគឺមានតម្លៃ ១៦៥០០រៀល ឬទិញរាយមានតម្លៃ ១៧០០០រៀល ក្នុង១គីឡូក្រាម។
ដោយឡែកសម្រាប់ការចិញ្ចឹម និងការឱ្យចំណីប្រចាំថ្ងៃត្រូវបានម្ចាស់កសិដ្ឋានខាងលើប្រាប់ឱ្យដឹងថា ដើម្បីកាត់បន្ថយការចំណាយ អ្នកចិញ្ចឹមគួរតែដាំដំណាំផ្សេងៗដើម្បីឱ្យមាន់ស៊ីចៀសវាងការប្រើចំណីសុទ្ធដែលត្រូវចំណាយច្រើន។ ជាក់ស្ដែងលោកផ្ទាល់ ប្រើចំណីសម្រេចលាយជាមួយនឹងដំណាំដែលលោកដាំបាន ដូចជា ត្រកួន ផ្ទី ជាដើម។ ចំពោះរយៈពេលចិញ្ចឹម ប្រភេទមាន់សាច់គេត្រូវចំណាយពេល ៣-៤ខែ ហើយការថែទាំទៀតសោត ក៏ត្រូវយកចិត្តទុកដាក់ផងដែរ ជាពិសេសនៅរដូវភ្លៀង ឬក៏ក្ដៅខ្លាំងដោយសារវាអាចប៉ះពាល់ដល់សុខភាពមាន់ដែលអាចប្រឈមនឹងជំងឺផ្សេងៗ។ នេះជាអ្វីដែលលោក ភាស់ ប្រុស បានលើកឡើង។
គួរបញ្ជាក់ដែរថា សម្រាប់ការចាប់ផ្ដើមបើកកសិដ្ឋានចិញ្ចឹមមាន់ស្រែ លោក ភាស់ ប្រុស បានចំណាយដើមទុនដំបូងប្រមាណ ២០០០ដុល្លារក្នុងការរៀបចំទ្រង់ ទិញសម្ភារ និងថ្លៃមេមាន់ មាន់ឈ្មោលពូជ។ ដោយឡែកចំពោះផលលំបាក ត្រូវបានម្ចាស់កសិដ្ឋានរូបនេះបន្តថា មានកត្តាប្រឈមជាច្រើន ជាពិសេសទាក់ទងទៅនឹងទីផ្សាររវាងមាន់ស្រែ និងមាន់ផ្សេងៗទៀតដែលនាំចូលពីក្រៅប្រទេសដែលមានតម្លៃទាបជាង ហើយក្រៅពីនេះគឺបញ្ហាថ្នាំសម្រាប់ព្យាបាលមាន់នៅពេលមាន់មានជំងឺជាដើម។
ចំពោះថ្ងៃអនាគត លោកចង់ពង្រីករបរមួយនេះឱ្យកាន់តែធំជាងនេះ ហើយក៏ចង់បានដៃគូសហការផ្សេងៗទៀតក្នុងការចែកចាយបន្តនូវផលិតផលមាន់ស្រែឱ្យមានទីផ្សារធំទូលាយ។ ចុងក្រោយ ម្ចាស់កសិដ្ឋានចិញ្ចឹមាន់ «ផ្ទះមាន់ស្រែ» ក៏សូមអរគុណដល់អតិថិជនដែលតែងតែគាំទ្រ និងសូមអំពាវនាវឱ្យបងប្អូនខ្មែរជួយគាំទ្រមាន់ស្រែបន្តទៀតដែលជាផលិតផលក្នុងស្រុក៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
ព្រះរាជពិធីស្ទូងស្រូវដោយអធិរាជជប៉ុនបង្ហាញពីការឲ្យតម្លៃវិស័យកសិកម្ម ផ្សារភ្ជាប់ជំនឿ និងប្រពៃណី ទាំងពលរដ្ឋនិងរាជវង្ស
ព្រឹត្តិការណ៍, អាជីវកម្មថ្មី និងនវានុវត្ត
• 20/05/2025
កាលពីថ្ងៃទី១៤ ខែឧសភា កន្លងទៅនេះ រាជវាំងជប៉ុន បានរៀបចំពិធីបុណ្យប្រពែណីមួយសម្រាប់ការដាំដុះស្រូវដែលជាពិធីត្រូវបានចាត់ទុកថាមានអត្ថន័យសំខាន់ តំណាងឲ្យវិស័យកសិកម្ម ក៏ដូចជាជំនឿនិងប្រពៃណី វប្បធម៍របស់ប្រទេសជប៉ុនផងដែរ
មេនូឡាយហ្វ៍ គាំទ្រក្តីស្រមៃរបស់កុមារកម្ពុជាជាមួយផលិតផលធានារ៉ាប់រងថ្មី “Manulife បរិញ្ញា (Manulife Pak Rinha)”
ព្រឹត្តិការណ៍, អត្ថបទពាណិជ្ជកម្ម
• 20/05/2025
ក្រុមហ៊ុន មេនូឡាយហ្វ៍ មានមោទនភាពក្នុងការដាក់សម្ពោធផលិតផលថ្មីដែលមានឈ្មោះថា “មេនូឡាយហ្វ៍ បរិញ្ញា (Manulife Pak Rinha)” ដើម្បីធានាអនាគតការសិក្សារបស់កុមារកម្ពុជា និងផ្តល់សន្តិភាពផ្លូវចិត្តផ្នែកហិរញ្ញវត្ថុដល់ឪពុកម្តាយគ្រប់ៗរូប
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content