សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្នុងគោលបំណងជំរុញ និងលើកកម្ពស់វិស័យហិរញ្ញវត្ថុនៅកម្ពុជាមានភាពល្អប្រសើរ រីកចម្រើនទៅមុខបាន គឺចាំបាច់ត្រូវមានអាជ្ញាធរដែលនៅឃ្លាំមើលពីកំហុសឆ្គងនានា ព្រមទាំងមានការត្រួតពិនិត្យទៅលើអ្នកពាក់ព័ន្ធឱ្យបានជាប់ជានិច្ច។
នៅកម្ពុជា អាជ្ញាធរហិរញ្ញវត្ថុត្រូវបានបែងចែកជា ២ ស្ថាប័ន គឺ អាជ្ញាធរត្រួតពិនិត្យប្រព័ន្ធធនាគារ ទទួលបន្ទុកដោយធនាគារជាតិនៃកម្ពុជា និងអាជ្ញាធរសេវាហិរញ្ញវត្ថុមិនមែនធនាគារ ដែលទទួលបន្ទុកដោយនិយ័តករសេវាហិរញ្ញវត្ថុមិនមែនធនាគារ។
១. អាជ្ញាធរត្រួតពិនិត្យប្រព័ន្ធធនាគារ ៖ ប្រព័ន្ធធនាគារនៅកម្ពុជា គឺជាប្រព័ន្ធដែលមាន ២ ថ្នាក់ បែងចែករវាងមុខងារធនាគារកណ្ដាល (ធនាគារជាតិនៃកម្ពុជា) និងមុខងារធនាគារឯកជន (គ្រឹះស្ថានធនាគារ និងហិរញ្ញវត្ថុ)។
ធនាគារជាតិនៃកម្ពុជា គឺជាធនាគារកណ្ដាលតែមួយគត់របស់កម្ពុជា ដែលដើរតួនាទីជាអាជ្ញាធររូបិយវត្ថុ និងអាជ្ញាធរត្រួតពិនិត្យប្រព័ន្ធធនាគារនៅកម្ពុជា។ ក្នុងនាមជាអាជ្ញាធររូបិយវត្ថុ ធនាគារជាតិនៃកម្ពុជា ទទួលសិទ្ធិផ្ដាច់មុខក្នុងការបោះផ្សាយ និងរក្សាស្ថិរភាពតម្លៃប្រាក់រៀល។
ក្នុងនាមជាអាជ្ញាធរត្រួតពិនិត្យ ធនាគារជាតិនៃកម្ពុជា ជាអ្នកផ្ដល់ និងដកហូតអាជ្ញាបណ្ណ ចេញបទបញ្ញត្តិ និងត្រួតពិនិត្យគ្រឹះស្ថានធនាគារ និងហិរញ្ញវត្ថុផ្លូវការទាំងអស់នៅកម្ពុជា។ ទន្ទឹមគ្នានេះដែរ គ្រឹះស្ថានធនាគារ និងហិរញ្ញវត្ថុផ្លូវការដែលស្ថិតនៅក្រោមការគ្រប់គ្រងរបស់ធនាគារ រួមមានដូចជា ៖ ធនាគារពាណិជ្ជ ធនាគារឯកទេស គ្រឹះស្ថានមីក្រូហិរញ្ញវត្ថុ គ្រឹះស្ថានឥណទានជនបទ គ្រឹះស្ថានភតិសន្យាហិរញ្ញវត្ថុ គ្រឹះស្ថានផ្ដល់សេវាទូទាត់សងប្រាក់ ការិយាល័យតំណាងធនាគារបរទេស និងអ្នកផ្ដល់សេវាប្រព័ន្ធចែករំលែកព័ត៌មានឥណទាន។
២. អាជ្ញាធរសេវាហិរញ្ញវត្ថុមិនមែនធនាគារ ៖ អាជ្ញាធរសេវាហិរញ្ញវត្ថុមិនមែនធនាគារ (FSA) ឯណោះវិញ គឺជាអ្នកគ្រប់គ្រង និងត្រួតពិនិត្យទៅលើគ្រឹះស្ថានដែលផ្ដល់សេវាហិរញ្ញវត្ថុផ្លូវការ ប៉ុន្តែមិនមែនជាធនាគារ។ មិនខុសពីធនាគារកណ្ដាល អាជ្ញាធរសេវាហិរញ្ញវត្ថុមិនមែនធនាគារ គឺជាអ្នកដែលត្រួតពិនិត្យ ក៏ដូចជាផ្ដល់អាជ្ញាបណ្ណ ឬដកហូតអាជ្ញាបណ្ណទៅលើវិស័យដែលស្ថិតនៅក្រោមបន្ទុកទាំង៦។
វិស័យទាំង៦នោះ រួមមាន ៖ វិស័យធានារ៉ាប់រង វិស័យមូលបត្រ វិស័យសន្តិសុខសង្គម វិស័យបរធនបាលកិច្ច វិស័យគណនេយ្យ និងសវនកម្ម ហើយចុងក្រោយ គឺវិស័យអចលនវត្ថុបញ្ចាំ និងប្រាតិភោគដោយអនុប្បទាន៕
Account
Security
Favourite Content