សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ រដ្ឋាភិបាលចិន កំពុងបែងចែកកញ្ចប់ថវិកាវគ្គទី១ មានទំហំជិត ៩ ពាន់លានដុល្លារចេញពីមូលនិធិរតនាគារពិសេសរយៈពេលវែងសម្រាប់ឧបត្ថម្ភធនដល់អ្នកប្រើប្រាស់ក្នុងស្រុកនៅឆ្នាំ២០២៦ នេះបើយោងតាមសេចក្ដីរាយការណ៍ពីរ៉យទ័រ។
លោក Li Chao អ្នកនាំពាក្យគណៈកម្មាធិការកំណែទម្រង់ និងអភិវឌ្ឍន៍ជាតិ (NDRC) បានបង្ហើបថា កញ្ចប់វគ្គទី១ មានចំនួន ៦២,៥ ពាន់លានយ័ន (ជិត ៩ ពាន់លានដុល្លារ) សម្រាប់គាំទ្រកម្មវិធីពាណិជ្ជកម្មទំនិញប្រើប្រាស់ឆ្នាំ២០២៦ ដើម្បីជួយបំពេញតម្រូវការប្រើប្រាស់ក្នុងអំឡុងពិធីបុណ្យចូលឆ្នាំថ្មីខាងមុខនេះ និងពិធីបុណ្យនិទាឃរដូវ។ ក្រសួងផែនការរដ្ឋ និងហិរញ្ញវត្ថុរបស់ចិន បានប្រកាសថា គ្រឿងអេឡិចត្រូនិក ឬ ផលិតផលឌីជីថល និងឆ្លាតវៃ នឹងត្រូវបានរួមបញ្ចូលនៅក្នុងគម្រោងឆ្នាំ២០២៦ រួមមាន ស្មាតហ្វូន ថេបប្លេត និងនាឡិកាឆ្លាតវៃជាដើម ដែលអាចនឹងទទួលបានការបញ្ចុះតម្លៃ ១៥% នៃតម្លៃទំនិញ និងកំណត់កម្រិតបញ្ចុះតម្លៃអតិបរមា ៥០០ យ័នក្នុងមួយមុខទំនិញ។
ទីក្រុងប៉េកាំងបានចាប់ផ្តើមគម្រោងនេះចាប់តាំងពីឆ្នាំ២០២៤ ដោយផ្តល់នូវការគាំទ្រផ្នែកហិរញ្ញវត្ថុនៅសម្រាប់អ្នកប្រើប្រាស់ទិញសម្ភារៈប្រើប្រាស់ក្នុងផ្ទះថ្មីៗ កង់ និងសូម្បីតែរថយន្ត ក្នុងគោលបំណងពង្រឹងតម្រូវការក្នុងស្រុក ចំពេលមានសម្ពាធសេដ្ឋកិច្ច និងពាណិជ្ជកម្មជាប់លាប់ទាំងក្នុងប្រទេស និងក្រៅប្រទេស។ នៅក្នុងឆ្នាំ២០២៥ នេះផងដែរ ចិនបានកំណត់ទុក ៣០០ ពាន់លានយ័ននៅក្នុងប័ណ្ណរតនាគារពិសេស ដោយអនុញ្ញាតឲ្យអ្នកប្រើប្រាស់ទិញសម្ភារៈប្រើប្រាស់ក្នុងផ្ទះធំៗចំនួន ៦ ប្រភេទរួមមាន ទូទឹកកក ម៉ាស៊ីនបោកគក់ ទូរទស្សន៍ មានសិទ្ធិទទួលបានការបញ្ចុះតម្លៃ ១៥% ឬ រហូតដល់ ១ ៥០០ យ័នក្នុងមួយមុខទំនិញ។ លើសពីនេះ អ្នកទិញរថយន្តអគ្គិសនីថ្មីទទួលបានការបញ្ចុះតម្លៃ ៨% ទៅ ១២% ឬ ការបញ្ចុះអតិបរមា ១ ៥០០០ យ័នទៅ ២០ ០០០ យ័ន។
សូមជម្រាបថា តម្រូវការប្រើប្រាស់នៅក្នុងគ្រួសាររបស់ពលរដ្ឋចចិន មានចំណែកប្រហែល ៤០% នៃផលិតផលក្នុងស្រុកសរុប (GDP) ខណៈដែលទីប្រឹក្សារដ្ឋាភិបាលមួយចំនួន បានលើកឡើងថា ទីក្រុងប៉េកាំងគួរតែពង្រីកការគាំទ្រផ្នែកប្រើប្រាស់សេវាកម្ម ដែលវាអាចជំរុញដល់កំណើននៃការប្រើប្រាស់កាន់តែច្រើន ក្នុងរយៈពេល ៥ ឆ្នាំខាងមុខ៕
Account
Security
Favourite Content