តាមរយៈផ្សារខេមបូឌាត្រេដ ដែលជាផ្សារពាណិជ្ជកម្មបែបអេឡិចត្រូនិកទើបនឹងបង្កើតនេះ លោកអ្នកលែងពិបាករកទិញផលិតផលខ្មែរទៀតហើយ។ ផ្សារខេមបូឌាត្រេដ ដែលមានវេបសាយ cambodiatrade.com ជាផ្សារពាណិជ្ជកម្មបែបអេឡិចត្រូនិក ស្ថិតក្រោមការគ្រប់គ្រងរបស់ក្រសួងពាណិជ្ជកម្មផ្ទាល់។

សម្រាប់អតិថិជនភាគច្រើនដែលធ្លាប់ត្អូញត្អែរថា ចង់ទិញអង្ករបាត់ដំបង ទាល់តែទៅដល់បាត់ដំបង ចង់បានម្រេចកំពតសុទ្ធ ទាល់តែទៅដល់ខេត្តកំពត ឥឡូវនេះលោកអ្នកពុំចាំបាច់ធ្វើដំណើរទៅដល់ទីតាំងផ្ទាល់នៅតាមបណ្តាខេត្តនានាទៀតនោះទេ លោកអ្នកគ្រាន់ធ្វើការបញ្ជាទិញតាមទូរស័ព្ទក៏អាចទទួលបានផលិតផលខ្មែរសុទ្ធ មានគុណភាពខ្ពស់ ពីផលិតករខ្មែរពិតៗ និងដឹកជញ្ជូនទៅដល់ទីតាំងលោកអ្នកតែម្តង មិនថាលោកអ្នកនៅក្នុងប្រទេស ឬក្រៅប្រទេសនោះទេ។

ផ្សារខេមបូឌាត្រេដ ត្រូវបានដាក់សម្ពោធឱ្យដំណើរការជាផ្លូវការកាលពីខែមីនា ឆ្នាំ២០២២ ជាមួយគោលបំណងលើកស្ទួយការផ្សព្វផ្សាយផលិតផលរបស់សហគ្រាសធុនតូច និងមធ្យមនៅកម្ពុជាឱ្យបានទៅដល់អតិថិជនគោលដៅកាន់តែទូលំទូលាយ ក្នុងន័យនេះគឺសំដៅលើអតិថិជនទាំងក្នុងស្រុក និងក្រៅស្រុក។ ក្រោមការផ្តួចផ្តើមនេះជាការចូលរួមចំណែកដល់ការរីកចម្រើនផ្នែកសេដ្ឋកិច្ចរបស់ជាតិ និងជំរុញឱ្យមានការចូលរួមយ៉ាងសកម្មក្នុងសេដ្ឋកិច្ចឌីជីថលកាន់តែច្រើនឡើងថែមទៀត។

លោកអ្នកនឹងទទួលបានបទពិសោធន៍ក្នុងការទិញទំនិញថ្មី និងកាន់តែងាយស្រួលបែបអេឡិចត្រូនិកជាមួយផ្សារខេមបូឌាត្រេឌ។ គ្រាន់តែធ្វើការចុះឈ្មោះងាយៗពីរបីជំហាន លោកអ្នកនឹងអាចចាប់ផ្តើមទិញទំនិញបានភ្លាមៗ។ ជាមួយទំនិញជាង ១៥០០ មុខ នៅកន្លែងតែមួយ លោកអ្នកក៏នឹងទទួលបានការផ្តល់ជូនពិសេសជាច្រើនទៀតផងដែរ ដូច្នេះកុំរំលង ចូលមើលផ្នែកនេះ ព្រោះវាស្ថិតនៅលើគេតែម្តង។

ផលិតផលប្រទេសកម្ពុជាត្រូវបានទទួលស្គាល់លើគុណភាព ក៏ដូចជាគុណប្រយោជន៍ល្អៗសម្រាប់សុខភាព និងរសជាតិឆ្ងាញ់ ប្រើប្រាស់វត្ថុធាតុដើមពីធម្មជាតិយ៉ាងសម្រិតសម្រាំង តាំងពីដំណាក់កាលផលិតរហូតដល់សមិទ្ធិផលសម្រេច។ ដូច្នេះ ប្រសិនបើលោកអ្នកមានបំណងចង់ទិញផលិតផលខ្មែរសម្រាប់ការប្រើប្រាស់ផ្ទាល់ខ្លួន ជាកាដូក្នុងឱកាសពិសេសផ្សេងៗ ឬសម្រាប់ផ្គត់ផ្គង់ក្នុងអាជីវកម្មរបស់ខ្លួន អាចចូលទៅកាន់វេបសាយផ្សារខេមបូឌាត្រេដបាន។ ចូលរួមគាំទ្រផលិតផលក្នុងស្រុក និងផលិតករខ្មែរ ដើម្បីលើកស្ទួយសេដ្ឋកិច្ចជាតិ បណ្តុះស្មារតីគាំទ្រផលិតផលជាតិ និងកាត់បន្ថយ ការនាំចូលផលិតផលពីប្រទេសដទៃថែមទៀតផង។