សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ជាការពិត សុខភាពរបស់ប្រជាជនគឺពិតជាសំខាន់ណាស់ ជាពិសេសបុគ្គលិក និយោជិតដែលជាធនធានការងារដ៏សំខាន់ក្នុងការជួយជំរុញកំណើនសេដ្ឋកិច្ចជាតិ។ ប្រសិនបើប្រទេសជាតិមួយមានធនធានដែលបំពេញការងារមិនបានល្អដោយសារតែបញ្ហាសុខភាព សេដ្ឋកិច្ចរបស់ប្រទេសនោះក៏មិនអាចលូតលាស់លឿនដែរ។
ដោយឡែក កាលពីថ្ងៃចុងសប្ដាហ៍កន្លងទៅនេះ ក្រុមហ៊ុនធានារ៉ាប់រងហ្វតេបានប្រកាសដាក់ឱ្យប្រើប្រាស់ផ្លូវការនូវផលិតផលថ្មីមួយទៀតដែលផ្ដោតលើការគាំពារសង្គម តាមរយៈការទទួលខុសត្រូវលើសុខភាពនិយោជិត។
លោក ជៀប សុភ័ក្រ នាយកប្រតិបត្តិចែកចាយនៃក្រុមហ៊ុនហ្វតេ ឡាយហ្វ័បានថ្លែងរៀបរាប់ថា ផលិតផលថ្មីនេះបង្កើតឡើងដើម្បីបំពេញបន្ថែមលើទីផ្សារបច្ចុប្បន្ន សំដៅផ្ដល់កម្មវិធីធានារ៉ាប់រងដល់បុគ្គលិកតាមស្ថាប័ន។
ជាមួយគ្នានេះ ដើម្បីជាការជួយសម្រួលដល់ម្ចាស់ក្រុមហ៊ុន ឬស្ថាប័ននានា ផលិតផលនេះបានចែកចេញជា៣ប្រភេទគឺ ទី១ ធានាទៅលើថ្លៃសម្រាកព្យាបាលនៅមន្ទីរពេទ្យ ទី២ការធានាលើការចំណាយផ្សេងៗដែលមិនតម្រូវឱ្យសម្រាកគេងនៅមន្ទីរពេទ្យ និងទី៣គឺ ការផ្ដល់ការពិនិត្យព្យាបាលធ្មេញ ការសម្រាលកូន និងការធានាដល់អាយុជីវិតដែលកើតឡើងក្នុង ប្រការណាមួយ។
លោក ជៀប សុភ័ក្រ បានបន្តឱ្យដឹងថា ផលិតផលថ្មីនេះ នឹងកែច្នៃ ព្រមទាំងសម្រួលដើម្បីឱ្យស្របទៅតាមកម្មវិធីគាំពារសង្គម ប.ស.ស របស់រដ្ឋាភិបាល ដែលមានន័យថា ការប្រើប្រាស់ ប.ស.ស គឺអាចទប់ទល់ការចំណាយបានមួយផ្នែក ហើយផលិតផលរបស់ហ្វតេនឹងទៅបំពេញបន្ថែមដើម្បីផ្ដល់អត្ថប្រយោជន៍ដល់និយោជិត។ ដូច្នេះចក្ខុវិស័យរបស់ហ្វតេ ឡាយហ្វ័ គឺដើរស្របគ្នាជាមួយគោលនយោបាយរបស់រាជរដ្ឋាភិបាលក្នុងការជួយគាំពារ សង្គម ឱ្យមានទំហំសំណងធំជាងមុន។
ផលិតផល “គ្រុបមេដបូ” និង “គ្រុបមេដប្រូផ្លើស”ដែលក្រុមហ៊ុនហ្វតតេឡាយហ្វ័បានដាក់សម្ពោធចេញជាផ្លូវការនេះគឺសម្រាប់ជួយសម្រួលថ្លៃចំណាយលើការថែរក្សាសុខភាព ពោលគឺជួយលើក សុខមាលភាពប្រជាជនកម្ពុជាឱ្យកាន់តែប្រសើរ។
គួរបញ្ជាក់ថា គិតមកត្រឹមថ្ងៃនេះ មានក្រុមហ៊ុនធានារ៉ាប់រងចំនួន ៤០ កំពុងធ្វើប្រតិបត្តិការនៅក្នុងព្រះរាជាណាចក្រកម្ពុជា ក្នុងនោះក្រុមហ៊ុនធានារ៉ាប់រងអាយុជីវិតមានចំនួន ១៤ ហើយវត្តមាននៃក្រុមហ៊ុនទាំងនេះកំពុងតែរួមគ្នាលើកតម្លៃវិស័យធានារ៉ាប់រងឱ្យកាន់តែប្រសើរ តាមរយៈការផ្ដល់អត្ថប្រយោជន៍ជូនសង្គមកាន់តែច្រើន៕
Account
Security
Favourite Content