សេដ្ឋកិច្ចក្រៅប្រព័ន្ធ ៖ មុខរបរលក់បង្អែមតាមរទេះរុញចល័តពេលរាត្រី រកកម្រៃចិញ្ចឹមគ្រួសារបានសមរម្យ

ខុសប្លែកពីអាជីវករលក់បង្អែមភាគច្រើនដែលដាក់លក់នៅនឹងកន្លែងដូចជានៅតាមមុខផ្ទះ តំបន់ទីប្រជុំជន ក៏ដូចជានៅតាមស្ដង់ក្នុងផ្សារនោះ សម្រាប់តែស្ត្រីវ័យកណ្តាលម្នាក់ដែលប្រកបមុខរបរលក់បង្អែមដែរនោះ បែរជាបង្កើតគំនិតដាក់មុខបង្អែមនៅលើរទេះ ហើយរុញដើរលក់ចល័តនាពេលរាត្រី និងបានទទួលកម្រៃច្រើនគួរសមអាចផ្គត់ផ្គង់ជីវភាពគ្រួសារបាន។

អ្នកស្រី ឈាង ស្រីប៉ុច ជាអាជីវករលក់បង្អែមតាមរទេះរុញចល័តនាពេលរាត្រីមួយរួបនៅម្ដុំបឹងកេងកងមានប្រសាសន៍ឱ្យដឹងថា អ្នកស្រីបានប្រកបមុខរបរលក់បង្អែមតាមរទេះនេះច្រើនឆ្នាំមកហើយ ដែលមុខរបរនេះលក់តែពេលយប់ប៉ុណ្ណោះ ព្រោះការលក់ពេលយប់មិនសូវក្ដី ហើយមានម៉ូយច្រើនដែលបម្រើការងារនៅតាមហាងអាហារដ្ឋាន និងក្លិប ខណៈដែលចំណូលក៏ទទួលបានច្រើនចន្លោះពី ១៥-២០ម៉ឺនរៀល។

អ្នកស្រីបន្តថា ជាធម្មតាអ្នកស្រីចេញលក់ចាប់ពីម៉ោង ៨ យប់ ដោយលក់រុញចេញពីម្ដុំបឹងកេងកង ៣ តាមផ្លូវ ៣៦០ ផ្លូវ៣១០​ រហូតដល់ម្ដុំវត្តលង្ការ ហើយត្រឡប់មកវិញតាមផ្លូវត្រសក់ផ្អែម ផ្លូវមុន្នីវង្ស បន្តទៅតាមផ្លូវ ៣៦០វិញ ដោយរុញលក់ជារឿយៗរហូតដល់អស់ទាល់តែម៉ោង ៥ព្រឹកទើបបានចូលផ្ទះសម្រាកវិញ។

ចំពោះមុខបង្អែមដែលមាននៅក្នុងរទេះរុញវិញ រួមមានដូចជាបង្អែមបបរសណ្ដែកខៀវ បបរពោត បបរត្នោត និងបង្អែមលតជាដើម ចំណែកប្រភេទភេសជ្ជៈវិញអ្នកស្រីមានលក់ទឹកសណ្ដែកស ទឹកសណ្ដែកខៀវ តែជ្រក់ក្រូចឆ្មារ និងមានលក់ណែមខ្លះៗ ដែលអ្នកស្រីទិញពីខេត្តបាត់ដំបងយកមកលក់បន្តផងដែរ។ ដោយឡែកចំពោះតម្លៃវិញ បង្អែមមួយចានលក់ត្រឹម ២០០០រៀល មានបន្ថែមខ្ទិះដូង ទឹកដោះគោ ដាក់ទឹកកកត្រជាក់ និងរសជាតិផ្អែមឈ្ងុយឆ្ងាញ់ជាប់មាត់តែម្ដង។ ​

ពាក់ព័ន្ធនឹងការចម្អិនវិញ អ្នកស្រីបានលើកឡើងថា ចំពោះបង្អែម និងទឹកសណ្ដែកគឺចម្អិនដោយខ្លួនឯង ដោយចាប់ផ្ដើមរៀបចំគ្រឿងផ្សំតាំងពីម៉ោង ១២ថ្ងៃត្រង់ ដាក់ចម្អិន និងរៀបចំដាក់រទេះជាបណ្តើរៗ។ សម្រាប់មុខបង្អែមនីមួយៗចំណាយពេលចម្អិនយូរនោះទេ តែការរៀបចំឥវ៉ាន់ដាក់រទេះទើបត្រូវចំណាយពេលយូរដោយត្រូវរៀបចំទំនិញដាក់តាមទីកន្លែង រួមទាំងចានជ័រ និងថង់សម្រាប់វេចខ្ចប់ និងសម្រាប់ច្រកទឹកតែ ទឹកកកជាដើម។ គួរបញ្ជាក់ដែរថា អ្នកស្រី ឈាង ស្រីប៉ុច បានចាប់ផ្ដើមមុខរបរលក់បង្អែមតាមរទេះរុញនេះជាច្រើនឆ្នាំមកហើយ ដោយកាលពីដើមឡើយអ្នកស្រីពេលនៅថ្ងៃដូចគេទូទៅដែរ ប៉ុន្តែដោយសារការលក់ពេលថ្ងៃត្រូវងើបចម្អិន និងរៀបចំតាំងពីព្រឹកព្រលឹម អត់ងងុយពេក ហើយរៀបចំក៏មិនទាន់ពេល ដូច្នេះហើយទើបប្ដូរមកលក់នៅពេលយប់វិញ ណាមួយការលក់នៅពេលយប់ក៏មិនសូវមានអ្នកលក់ច្រើនដូចពេលថ្ងៃនោះដែរ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ