សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ត្រឹមរយៈពេល ៣ ខែដំបូងនៃឆ្នាំ២០២៦ នេះ ប្រទេសកូរ៉េខាងជើងបានបាញ់សាកល្បងមីស៊ីលផ្លោងរបស់ខ្លួនចំនួន ៣ លើក និងមានមីស៊ីលសរុបចំនួន ១៣ គ្រាប់ ។
លើកទី ១ ដែលកូរ៉េខាងជើងបាញ់សាកល្បងនោះគឺនៅថ្ងៃទី៤ ខែមករា ។ កាលណោះ កូរ៉េខាងជើងបានបាញ់មីស៊ីលយ៉ាងហោចណាស់ ២ គ្រាប់ចេញពីតំបន់មួយនៅក្បែរទីក្រុងព្យុងយ៉ាង ។ មីស៊ីលទាំងនេះត្រូវបានគេរាយការណ៍ថា ជាប្រភេទមីស៊ីលល្បឿនលឿនជាងសំឡេង ដែលបានហោះហើរក្នុងរយៈចម្ងាយប្រហែល ៩០០ ទៅ ១ ពាន់ គីឡូម៉ែត្រ ។ អ្នកជំនាញនិយាយថា មីស៊ីលនេះក៏មានសមត្ថភាពគេចពីប្រព័ន្ធខែលការពារមីស៊ីលរបស់អាមេរិក និងកូរ៉េខាងត្បូងផងដែរ ។
ចំណែកលើកទី ២ កូរ៉េខាងជើងបានបាញ់មីស៊ីលផ្លោងមួយគ្រាប់ចេញពីតំបន់ភាគខាងជើងនៃទីក្រុងព្យុងយ៉ាងកាលពីថ្ងៃទី២៧ ខែមករា ។ មីស៊ីលដែលកូរ៉េខាងជើងបាញ់កាលពីចុងខែមករានេះមានសមត្ថភាពហោះហើរក្នុងចម្ងាយប្រហែល ៣៥០ គីឡូម៉ែត្រ ។
លើកចុងក្រោយដែលកូរ៉េខាងជើងបាញ់សាកល្បងមីស៊ីលក្នុងត្រីមាសទី ១ នេះគឺនៅថ្ងៃទី១៤ ខែមីនា ។ នេះគឺជាការបាញ់សាកល្បងដ៏ធំបំផុតរបស់កូរ៉េខាងជើង ដោយបានបាញ់មីស៊ីលផ្លោងប្រហែល ១០ គ្រាប់ក្នុងពេលតែមួយ ចេញពីប្រព័ន្ធបាញ់រ៉ុកកែត KN-25 ។
ការបាញ់នេះធ្វើឡើងចេញពីតំបន់ Sunan ក្បែរទីក្រុងព្យុងយ៉ាង ដើម្បីឆ្លើយតបទៅនឹងសមយុទ្ធយោធារួមគ្នាដែលមានឈ្មោះថា “Freedom Shield” រវាងសហរដ្ឋអាមេរិក និងកូរ៉េខាងត្បូង ។
លោក គីម ជុងអ៊ុន និយាយថា ដោយសារតែវិបត្តិភូមិសាស្ត្រយោបាយ និងព្រឹត្តិការណ៍ដ៏ស្មុគស្មាញរបស់ពិភពលោក ទើបប្រទេសកូរ៉េខាងជើងបង្ខំចិត្តបាញ់សាកល្បងមីស៊ីលជាហូរហែមកនេះ ។ លោកថា ការបាញ់មីស៊ីលនេះបង្ហាញពីការត្រៀមខ្លួនការពារជាតិរបស់កងកម្លាំងនុយក្លេអ៊ែរកូរ៉េខាងជើង ។
ក្រៅពីការបាញ់មីស៊ីលផ្លោងទាំងនេះ កូរ៉េខាងជើងក៏ត្រូវបានគេរាយការណ៍ថាបានបាញ់សាកល្បងមីស៊ីលនាំផ្លូវយុទ្ធសាស្ត្រ ចេញពីនាវាពិឃាតថ្មីរបស់ខ្លួនកាលពីថ្ងៃទី១០ ខែមីនា ផងដែរ ៕ ប្រែសម្រួល ៖ សុខ ជីវ័ន្ត
Account
Security
Favourite Content