ក្រុមហ៊ុន ហ្វតតេ ឡាយហ្វ៍ និងសាលារៀនជំនាន់ថ្មី វិទ្យាល័យព្រះស៊ីសុវត្ថិ ចុះ MOU ដើម្បីជួយលើកកម្ពស់ការអប់រំ និងចំណេះដឹងហិរញ្ញវត្ថុ

ភ្នំពេញ ៖ ក្នុងដំណើរបេសកកម្មលើកកម្ពស់សុខុមាលភាពរបស់គ្រួសារកម្ពុជា ក្រុមហ៊ុនធានារ៉ាប់រងអាយុជីវិត ហ្វតតេ ឡាយហ្វ៍ (ខេមបូឌា) ម.ក និងសាលារៀនជំនាន់ថ្មី វិទ្យាល័យព្រះស៊ីសុវត្ថិ បានចុះកិច្ចព្រមព្រៀងជាដៃគូយុទ្ធសាស្ត្រ (MOU) ជាមួយគ្នាកាលពីថ្ងៃទី២៨ ខែមីនា ឆ្នាំ២០២៤ ក្រោមវត្តមានថ្នាក់ដឹកនាំរបស់ស្ថាប័នទាំងពីរ រួមមាន លោក យក់ ចំរើនប្ញទ្ធិ ប្រធានក្រុមប្រឹក្សាភិបាលនៃក្រុមហ៊ុន ហ្វតតេ អ៊ិនសួរឹនស៍ (ខេមបូឌា) ម.ក, លោក ព្រូ ស៊ីថន អគ្គនាយកនៃក្រុមហ៊ុន ហ្វតតេ ឡាយហ្វ៍ អឹសួរ៉ិនស៍ (ខេមបូឌា) ម.ក និងលោក ហួត សៀងហៃ នាយករងសាលារៀនជំនាន់ថ្មី វិទ្យាល័យព្រះស៊ីសុវត្ថិ ដែលបានប្រព្រឹត្តទៅនៅសាលារៀនជំនាន់ថ្មីនៃវិទ្យាល័យព្រះយុគន្ធរ។

កិច្ចការពារ និងផ្តល់នូវដំណោះស្រាយផែនការហិរញ្ញវត្ថុដល់ប្រព័ន្ធគ្រឹះស្ថានអប់រំសាធារណៈក្នុងប្រទេសកម្ពុជាដែលក្នុងនោះរួមមានសាលារៀនជំនាន់ថ្មីផងនោះ គឺជាកម្មវត្ថុចម្បងដែលជំរុញឱ្យមានកិច្ចសហការនេះកើតឡើង។ កត្តាដ៏សំខាន់មួយទៀតនៃកិច្ចព្រមព្រៀងជាដៃគូយុទ្ធសាស្ត្រនេះ គឺការគាំទ្រយ៉ាងពេញទំហឹងដល់វិស័យអប់រំកម្ពុជា ដែលស្របគ្នាទៅនឹងបេសកកម្មរបស់ក្រុមហ៊ុន ហ្វតតេ ក្នុងការជួយជ្រោមជ្រែងដល់ការអប់រំ និងការបណ្តុះបណ្តាលធនធានមនុស្ស ដែលប្រៀបបានទៅនឹងឆ្អឹងខ្នងនៃអនាគតរបស់កម្ពុជា។

«ថ្ងៃនេះ ជាព្រឹត្តិការណ៍ដ៏សំខាន់មួយទៀតដែលក្រុមហ៊ុន ហ្វតតេ ឡាយហ្វ៍ បានចុះកិច្ចព្រមព្រៀងជាដៃគូយុទ្ធសាស្ត្រជាមួយនឹងសាលារៀនជំនាន់ថ្មី វិទ្យាល័យព្រះស៊ីសុវត្ថិ (NGS) ក្រោមការអនុញ្ញាតដ៏ខ្ពង់ខ្ពស់បំផុតរបស់ ឯកឧត្តមបណ្ឌិតសភាចារ្យ ហង់ ជួនណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា។ គួររំលឹកផងដែរថា ជាច្រើនឆ្នាំកន្លងមកនេះ ក្រុមហ៊ុន ហ្វតតេ មានកិច្ចសហការជាមួយគ្នាជាច្រើនមកហើយជាមួយនឹងក្រសួងអប់រំ យុវជន និងកីឡា ទាក់ទងនឹងចំណេះដឹងហិរញ្ញវត្ថុ និងជំនួយផ្នែកអភិវឌ្ឍន៍លើការអប់រំ»។ នេះជាការសង្កត់ធ្ងន់របស់ លោក យក់ ចំរើនប្ញទ្ធិ ប្រធានក្រុមប្រឹក្សាភិបាលនៃក្រុមហ៊ុន ហ្វតតេ អ៊ិនសួរឹនស៍ (ខេមបូឌា) ម.ក។

លោក យក់ ចំរើនប្ញទ្ធិ បានបន្ថែមយ៉ាងដូច្នេះថា ៖ «ឆ្លៀតឱកាសដ៏គួរជាទីមោទននេះ ខ្ញុំសូមជម្រាបជូនសាធារណជនមេត្តាជ្រាបថា ក្រុមហ៊ុន ហ្វតតេ និងហ្វតតេ ឡាយហ្វ៍ពិតជាមានមោទនភាពបំផុត ដែលផលិតផលរបស់យើងអាចធ្វើការការពារដល់ប្រជាជនដែលមានជីវភាពកម្រិតទាបបាន ពីព្រោះជាទូទៅធានារ៉ាប់រងសម្រាប់បងប្អូនដែលមានជីវភាពកម្រិតមធ្យមឡើងទៅ។ អស់រយៈពេល ២៥ឆ្នាំនេះ ក្រុមហ៊ុន ហ្វតតេ មានចំណែកទីផ្សារធានារ៉ាប់រងទូទៅរហូតដល់ ៤៥% និងផ្តល់ការការពារអាយុជីវិតដល់ក្រុមគ្រួសារកម្ពុជាប្រមាណ ៨៤ ០០០នាក់ គិតត្រឹមឆ្នាំ២០២៣»។

លោក ព្រូ ស៊ីថន អគ្គនាយក នៃក្រុមហ៊ុន ហ្វតតេ ឡាយហ្វ៍ អឹសួរ៉ិនស៍ (ខេមបូឌា) ម.ក បានមានប្រសាសន៍ថា៖ «នេះជាកិត្តិយសដ៏ខ្ពង់ខ្ពស់ និងរីករាយជាទីបំផុត ដែលពួកយើងបានរួមសហការជាមួយនឹងសាលារៀនជំនាន់ថ្មី វិទ្យាល័យព្រះស៊ីសុវត្ថិ ដែលជាសាលារៀនរដ្ឋមួយកើតចេញពីការធ្វើកំណែទម្រង់ថ្មីស៊ីជម្រៅលើវិស័យអប់រំ។ យើងខ្ញុំសូមថ្លែងអំណរគុណយ៉ាងជ្រាលជ្រៅចំពោះគណៈគ្រប់គ្រងសាលារៀនជំនាន់ថ្មី វិទ្យាល័យព្រះស៊ីសុវត្ថិ (NGS) ដែលបានជ្រើសរើសយកក្រុមហ៊ុនធានារ៉ាប់រងអាយុជីវិត ហ្វតតេ ឡាយហ្វ៍ ជាដៃគូយុទ្ធសាស្ត្រពិសេសបំផុត ក្នុងការផ្តល់ដំណោះស្រាយធានារ៉ាប់រងអាយុជីវិតជូនដល់លោកគ្រូ អ្នកគ្រូ សិស្សានុសិស្ស និងមាតាបិតា ឬអាណាព្យាបាល»។

លោកបន្តថា ៖ តាមរយៈយន្តការនៃកិច្ចព្រមព្រៀងជាដៃគូយុទ្ធសាស្ត្រនេះ នឹងផ្តល់អត្ថប្រយោជន៍កាន់តែទូលំទូលាយបន្ថែមមួយកម្រិតទៀតដល់គ្រឹះស្ថាន លោកគ្រូ អ្នកគ្រូ និងមាតាបិតា ឬអាណាព្យាបាល ទាក់ទងនឹងសុខភាពហិរញ្ញវត្ថុ ពិសេសការឧបត្ថម្ភរបស់យើងនាពេលកន្លងមក និងនាពេលខាងមុខ ដោយនាំមកជូននូវផលិតផលដ៏សម្បូរបែប និងច្នៃប្រឌិត, សម្ភារៈសិក្សា និងគ្រឿងបរិក្ខារប្រើប្រាស់ក្នុងសាលារៀនជាដើម នេះសបញ្ជាក់ពីការចូលរួមទ្រដល់ដំណើរការនៃការអភិវឌ្ឍវិស័យអប់រំ និងអភិវឌ្ឍសមត្ថភាព និងទេពកោសល្យរបស់សិស្សានុសិស្សដែលជាទំពាំងស្នងឫស្សីគំរូរបស់ជាតិ ឱ្យសមស្របតាមភាពជឿនលឿននៃបច្ចេកវិទ្យាឌីជីថលប្រកបដោយនិរន្តរភាព។

លោក ហួត ស៊ាងហៃ នាយករងនៃសាលារៀនជំនាន់ថ្មី វិទ្យាល័យព្រះស៊ីសុវត្ថិ បានលើកសរសើរពីកេរ្តិ៍ឈ្មោះរបស់ក្រុមហ៊ុន ហ្វតតេ ឡាយហ្វ៍ ថាជាក្រុមហ៊ុនធានារ៉ាប់រងអាយុជីវិតល្អបំផុតក្នុងស្រុក។ លោកនាយករងបានបង្ហាញពីទំនុកចិត្តខ្ពស់លើអត្ថប្រយោជន៍ដែលនឹងទទួលបានពីកិច្ចព្រមព្រៀងជាដៃគូយុទ្ធសាស្ត្រនេះ។ លោកនាយករងបានបញ្ជាក់យ៉ាងដូច្នេះថា៖ “មិនត្រឹមតែសាលារៀនផ្ទាល់ទេ ដែលនឹងទទួលបានអត្ថប្រយោជន៍ពីកិច្ចសហការនេះ ជាមួយគ្នានេះ ក្រុមគ្រួសាររបស់សិស្សានុសិស្ស ព្រមទាំងលោកគ្រូ អ្នកគ្រូ នឹងទទួលបាននូវដំណោះស្រាយផ្នែកហិរញ្ញវត្ថុប្រកបដោយភាពច្នៃប្រឌិត និងមានភាពបត់បែន ទៅតាមតម្រូវការជាក់ស្តែងរបស់ពួកគាត់៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

តម្លៃប្រេងឡើងថ្លៃ បង្កឱ្យមានការព្រួយបារម្ភលើការផ្គត់ផ្គង់ប្រេងនៅមជ្ឈិមបូព៌ា

ព្រឹត្តិការណ៍, សេដ្ឋកិច្ច

• 19/04/2024

តម្លៃប្រេងឆៅម៉ាក Brent ឡើងថ្លៃ ៨៨,៥ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃដល់ ៨៣,៤៨ ដុល្លារក្នុងមួយបារ៉ែល

ទទួលផលពីអាជីវកម្មបរិយាបន្ន សហគមន៍កសិកម្មមួយអាចផ្គត់ផ្គង់បន្លែបានជាង១តោន ក្នុងមួយខែ

ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច

• 19/04/2024

អាជីវកម្មបរិយាបន្ន គឺជាប្រភេទអាជីវកម្មគំរូថ្មីមួយដែលអាចផ្ដល់អត្ថប្រយោជន៍ជាច្រើនដល់អ្នកពាក់ព័ន្ធ និងអាចជំរុញសេដ្ឋកិច្ចទាំងក្នុងសហគមន៍ និងប្រទេសជាតិមួយ។

កម្ពុជានាំចេញគ្រាប់ស្វាយចន្ទីឆៅទៅវៀតណាមជាង៤២ម៉ឺនតោន គិតជាទឹកប្រាក់ជាង៥៤០លានដុល្លារក្នុងត្រីមាសទី១ ឆ្នាំ២០២៤

ព្រឹត្តិការណ៍, សេដ្ឋកិច្ច

• 19/04/2024

កម្ពុជានាំចេញគ្រាប់ស្វាយចន្ទីឆៅទៅប្រទេសវៀតណាមបានជាង៤២ម៉ឺនតោន ហើយគិតជាទឹកប្រាក់បានជាង​៥៤០ លានដុល្លារអាម៉េរិកក្នុងរយៈពេល ៣ខែ ឆ្នាំ២០២៤ ។

អាជីវកម្មលក់សម្ភារៈតុបតែងល្អបែបខ្មែរមួយកន្លែងនៅរាជធានីភ្នំពេញ អាចលក់មួកស្លឹកត្នោតបានរហូតដល់ ៣ម៉ឺនមួកក្នុងឱកាសបុណ្យចូលឆ្នាំខ្មែរ

ជំនួញ, ព្រឹត្តិការណ៍

• 19/04/2024

អាជីវកម្មលក់សម្ភារៈតុបតែងល្អបែបខ្មែរមួយកន្លែងនៅរាជធានីភ្នំពេញ អាចលក់មួកស្លឹកត្នោតបានរហូតដល់ ៣ម៉ឺនមួកក្នុងឱកាសបុណ្យចូលឆ្នាំខ្មែរ

e-Choupal ជាវេទិកាអនឡាញធំបំផុតនៅឥណ្ឌាជួយនាំចេញកសិផលដោយផ្ទាល់ពីកសិករក្រីក្ររាប់លាននាក់

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 19/04/2024

e-Choupal គែជាច្រកនាំចេញកសិផលដ៏ធំបំផុតមួយរបស់ឥណ្ឌាតាមរយៈបណ្តាញអ៊ិនធឺណេតដោយគិតមកដល់ពេលនេះមានកសិករក្រីក្រប្រមាណជា៤លាននាក់កំពុងអាស្រ័យផល

សមិទ្ធផល​ទេសចរណ៍ថ្មី​ៗក្នុងទឹក​ដី​ខេត្តកំពត នឹង​ជំរុញ​ទីផ្សារ​ដីធ្លី​ក្នុងខេត្តមួយនេះ​មានសម្ទុះ​មួយកម្រិត​​ទៀត​

ព្រឹត្តិការណ៍, អចលនទ្រព្យ

• 19/04/2024

ការ​បង្កើត​សមិទ្ធផល​ថ្មីៗក្នុងទឹកដី​តំបន់ទេសចរណ៍ មិនត្រឹមតែជួយទាក់ទាញទេសចរ​ប៉ុណ្ណោះទេ តែវា​នឹងទាក់ទាញ​វិនិយោគិន​ចូលទៅតំបន់នោះ​ថែមទៀត​ផងដែរ

ក្នុងត្រីមាសទី១ កម្ពុជាសម្រេចទំហំពាណិជ្ជកម្មជាមួយប្រទេសអាសិបបានជាង ៨៣៦៤លានដុល្លារ​

ព្រឹត្តិការណ៍, សេដ្ឋកិច្ច

• 19/04/2024

ក្នុងត្រីមាសទី១ ឆ្នាំ២០២៤ ទំហំពាណិជ្ជកម្មកម្ពុជាជាមួយបណ្តាប្រទេសដៃគូចំនួន១៤ នៃកិច្ចព្រមព្រៀងសេដ្ឋកិច្ចគ្រប់ជ្រុងជ្រោយតំបន់អាសិប (RECP) សម្រេចបាន៨៣៦៤លានដុល្លារ​

ការប្រើប្រាស់កម្ចីជាមួយគោលដៅច្បាស់លាស់នឹងជួយលើកកម្ពស់ជីវភាពក្រុមគ្រួសារ

ព្រឹត្តិការណ៍, ហិរញ្ញវត្ថុ

• 19/04/2024

ការប្រើប្រាស់កម្ចីពីគ្រឹះស្ថានហិរញ្ញវត្ថុ ដែលមានគោលដៅច្បាស់លាស់ អាចជួយពង្រីកអាជីវកម្ម និងលើកកម្ពស់ជីវភាពក្រុមគ្រួសារប្រជាពលរដ្ឋឱ្យកាន់តែប្រសើរឡើង

Angkor Wildlife & Aquarium អភិរក្សសត្វកម្រ និងផ្តល់ការងារជូនប្រជាពលរដ្ឋ

ព្រឹត្តិការណ៍, សេដ្ឋកិច្ច

• 19/04/2024

ឧទ្យានកម្សាន្ត Angkor Wildlife & Aquarium ក្នុងខេត្តសៀមរាប បានជួយថែរក្សា និង អភិរក្សសត្វទឹកសាប ទឹកប្រៃ និងសត្វព្រៃ ដែលសុទ្ធតែជាប្រភេទសត្វកម្រ