សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ផ្ទះសំណាញ់ ជាបច្ចេកទេសកសិកម្មមួយដែលអ្នកដាំដំណាំគួរចាប់ផ្ដើមអនុវត្ត ព្រោះការធ្វើផ្ទះសំណាញ់អាចជួយឱ្យការដាំដុះបានល្អប្រសើរ ងាយស្រួលគ្រប់គ្រង ងាយថែទាំ ទទួលបានទិន្នផលល្អ និងអាចលក់ក្នុងតម្លៃកាន់តែថ្លៃនៅលើទីផ្សារ។
អ្នកស្រី ឡេង គឹមណាន ជាកសិករដាំបន្លែក្នុងផ្ទះសំណាញ់ក្នុងសហគមន៍កសិកម្ម សាមគ្គីកូនសត្វ ស្ថិតនៅភូមិបុស្សញិញ ឃុំកូនសត្វ ស្រុកទឹកឈូ ខេត្តកំពត បានប្រាប់ឱ្យដឹងថា៖
«ក្នុងផ្ទះសំណាញ់ ខ្ញុំដាំខាត់ណាផ្កា ព្រោះវាងាយស្រួលដាំ និងថែទាំ ជាពិសេសបញ្ចៀសបញ្ហាសត្វល្អិត និងបញ្ហារលួយ ហើយខាត់ណាយើងល្អជាងមុន សស្អាត គេអត់សាញតម្លៃ»។
អ្នកស្រី បន្តថា៖
«ខាត់ណានេះយើងយកទៅលក់នៅផ្សារចុងសប្ដាហ៍ ហើយរបស់យើងតម្លៃរាងថ្លៃជាងគេ ២០០០-៣០០០ពាន់ដែរ ដែលធម្មតាគេលក់បានមួយគីឡូ ៥០០០រៀល យើងលក់បាន ៨០០០រៀលក្នុងមួយគីឡូក្រាម ហើយមួយសប្ដាហ៍យើងអាចកាត់លក់បានប្រមាណ ៣០គីឡូក្រាម»។
ក្រៅពីខាត់ណាផ្កា ស្ត្រីជាកសិកររូបនេះក៏មានដាំដំណាំត្រប់ ននោង និងត្រឡាច ដោយដាំតាមបច្ចេកទេសដែលអង្គការ Helen Keller បានចុះបង្ហាត់បង្រៀន ទាំងការដាំ ការថែទាំ ការប្រើប្រាស់ជី និងចែកគ្រាប់ពូជផងដែរ ដែលមួយខែយ៉ាងហោចណាស់អាចលក់បានចំណូលប្រមាណជាង ១លានរៀល។
អ្នកស្រីបញ្ជាក់ថា ៖
«ចំពោះការប្រើប្រាស់ជី យើងប្រើជីពីឡជីវឧស្ម័នដែលច្នៃពីលាមកគោ និងកូនត្រីសមុទ្រមកស្រោចដំណាំជំនួសជីស ដែលជំនួយច្រើនដល់បន្លែ ទទួលបានផលច្រើនជាមុន ហើយបន្លែល្អ មានសុវត្ថិភាពទាំងអ្នកដាំ និងអ្នកហូប។ តាមរយៈការដាំបន្លែក្នុងផ្ទះសំណាញ់ និងការប្រើប្រាស់ជីសរីរាង្គ ឃើញថាបន្លែរបស់យើងបានផលល្អប្រសើរជាងមុន ជាពិសេសបានកាត់បន្ថយចំណាយច្រើនទៅលើថ្លៃជីប្រមាណ ៧០ភាគរយ»។
ជាចុងក្រោយ អ្នកស្រី គឹមណាន ក៏បានអំពាវនាវសូមឱ្យបន្តគាំទ្របន្លែសុវត្ថិភាព ដែលដាំដុះដោយកសិករក្នុងតំបន់បន្ថែមទៀត ហើយក៏ផ្ដាំផ្ញើដល់ប្រជាកសិករដែលជាអ្នកដាំដំណាំ កាត់បន្ថយការប្រើប្រាស់ជីគីមី ដើម្បីបង្កើនទិន្នផល ប៉ុន្តែប្រឈមនឹងបញ្ហាសុខភាពទាំងអ្នកដាំ ទាំងអ្នកទទួលទាន ហើយមកដាំដំណាំក្នុងផ្ទះសំណាញ់ និងប្រើជីធម្មជាតិទាំងអស់គ្នា ដើម្បីលើកម្ពស់សុវត្ថិភាពចំណីអាហារ៕
Account
Security
Favourite Content