តោះ ! មកស្គាល់ជនជាតិអាមេរិកប៉ុន្មានរូបដែលក្លាយជាសេដ្ឋីដោយសារសង្គ្រាម២០ឆ្នាំ

សង្គ្រាមយូរបំផុតក្នុងប្រវត្តិសាស្ត្ររបស់អាមេរិកនៅអាហ្គានីស្ថានបានបញ្ចប់ទៅដោយមិនមានលទ្ធផលអ្វីជាដុំកំភួនសោះឡើយ ពីព្រោះថាដូចគ្នាទៅនឹងការចាប់ផ្តើមដែលតាលីបង់គឺបានគ្រប់គ្រងទៅលើប្រទេសអាហ្គានីស្ថានទាំងមូលដដែល ហើយមិនត្រឹមតែប៉ុណ្ណោះ វាបានធ្វើឲ្យរដ្ឋាភិបាលអាមេរិកផ្ទាល់ខាតបង់ប្រាក់កាសរាប់ទ្រីលានដុល្លារ។

បើយើងក្រឡេកមើលទៅលើការវិភាគរបស់អ្នកជំនាញ ព្រមទាំងឯកសារយោងសំខាន់ៗជាច្រើនគេជឿជាក់ថាមនុស្សមិនតិចនោះទេដែលបានទទួលបានអត្ថប្រយោជន៍ដ៏ច្រើនសន្ធឹកសន្ធាប់ពីផលសង្គ្រាមដ៏រ៉ាំរ៉ៃមួយនេះ ក្នុងនោះមានរួមទាំងបុគ្គលមួយចំនួននៅក្នុងសភាជាតិរបស់អាមេរិកផងដែរ។ ពាក់ព័ន្ធទៅនឹងការទទួលបានផលប្រយោជន៍ដ៏លើសលប់ពីសង្គ្រាមយូរឆ្នាំនេះ លោក Johnny Harris បានផលិតចេញជាវិដេអូមួយមានរយៈពេល ២១នាទី ដើម្បីបង្ហាញពីក្រុមមនុស្សមួយចំនួនដែលបានក្លាយទៅជាសេដ្ឋីដោយសារតែប្រាក់ចំណូលពីសង្គ្រាមនៅអាហ្គានីស្ថាន។

លោក Johnny Harris ជាអ្នកកាសែតជនជាតិអាមេរិកម្នាក់ដែលមានទាំងជំនាញផលិតវិដេអូ និងអាជីពជាអ្នក
ផលិតវិដេអូយូធូបផង ហើយបច្ចុប្បន្នគាត់ជាអ្នករស់នៅក្នុងទីក្រុងវ៉ាស៊ីនតោន។

លោកជាអ្នកជំនាញធ្វើការស្រាវជ្រាវឯកសារ និងមានរបាយការណ៍ស៊ីជម្រៅជាច្រើនពាក់ព័ន្ធទៅកិច្ចការងារអន្តរជាតិប្រវត្តិសាស្ត្រ និងភូមិ
សាស្ត្រផងដែរ។ ចាប់ពីឆ្នាំ២០១១ លោកចាប់ផ្តើមការងារផលិតយូធូបដែលរហូតមកដល់ពេលនេះប៉ុស្តិ៍យូធូបដែលមានឈ្មោះថា Johnny Harris
មានអ្នកចុះឈ្មោះតាមដាននិងគាំទ្រ ឬ subscribers ដល់ទៅជាង ២,២លាននាក់ និងមានអ្នកទស្សនាដល់ជាង១៣៣លានដងមកហើយ។

តើជនជាតិអាមេរិកណាខ្លះដែលបានពាក់ព័ន្ធទៅនឹងសង្គ្រាមប្រឆាំងក្រុមតាលីបង់ដោយអាមេរិក ហើយបានក្លាយទៅជាសេដ្ឋីខ្លះនៅក្នុងអំឡុងពេលធ្វើសង្គ្រាមនេះ?

លោក Harris បាននិយាយបែបនេះថា ៖”ដំបូងយើងគួរចាប់អារម្មណ៍ថា អាមេរិកជាប្រទេសនិយមទីផ្សារសេរី ដូចនេះជាជាងការប្រើប្រាស់ធនធានមនុស្សក្នុងជួរដ្ឋាភិបាលពេលធ្វើសង្គ្រាមម្តងៗ អាមេរិកតែងតែនិយមប្រើប្រាស់កុងត្រាជាមួយនឹងក្រុមហ៊ុនឯកជនដើម្បីធ្វើការងារឲ្យ ដូចជាការផលិត និងផ្គត់ផ្គង់អាវុធ កុងត្រាសាងសង់ហេដ្ឋារចនាសម្ព័ន្ធ កុងត្រាផ្តល់ថាមពល ឬសូម្បីតែកុងត្រាផ្តល់ស្បៀងអាហារទៅឲ្យកងកម្លាំងយោធានៅសមរភូមិ ជាពិសេសមានទាំងកុងត្រាជួលទាហានឯកជនដែលអាមេរិកតែងតែហៅថាជាក្រុមហ៊ុនផ្តល់សេវាកម្មសម្រាប់វិស័យសន្តិសុខជាតិ (Security Companies)។

ច្រកលុយចំណាយដ៏ច្រើនសន្ធឹកនេះត្រូវបានក្រុមអ្នកនយោបាយអាមេរិកខ្លួនឯងជាច្រើននាំគ្នាហៅថាជាច្រកបញ្ចេញលុយដែលគ្មានដែនកំណត់របស់មន្ទីរប៉ង់តាហ្គោន ឬ Culture of Endless Money within the Pentagon។

គិតចាប់តាំងតែពីព្រឹត្តិការណ៍ថ្ងៃទី៩ ខែ១១ ឆ្នាំ២០០១ ដែលអាមេរិកប្រកាសធ្វើសង្គ្រាមនៅអាហ្គានីស្ថាន មន្ទីរប៉ង់តាហ្គោនដែលជាអ្នកទទួលខុសត្រូវលើកិច្ចការងារនេះបានចំណាយលុយរហូតទៅដល់១៤ទ្រីលានដុល្លារ ដែលក្នុងនោះ ៣០ទៅ៥០ភាគរយបានហូរចេញតាមច្រកកុងត្រាក្រុមហ៊ុនឯកជនទាំងនោះ។

នេះជាមូលហេតុដែលធ្វើឲ្យបុគ្គលជាច្រើននាក់ដែលអាចកំណត់អត្តសញ្ញាណបាន និងមិនអាចកំណត់់អត្តសញ្ញាណបានជាច្រើននាក់ផ្សេងទៀតបានក្លាយទៅជាសេដ្ឋីស្ទើរគ្រប់គ្នានៅក្រោយបញ្ចប់សង្គ្រាម។ ក្នុងនោះក្រុមបុគ្គលកំពូលចំនួន៦ ដែលជាអ្នកទទួលបានប្រាក់ចំណូលច្រើនជាងគេពីសង្គ្រាមនៅអាហ្គានីស្ថាន៖

១. លោក Robert Stevens អតីតប្រធានប្រតិបត្តិក្រុមហ៊ុនអ្នកជំនាញផលិតអាវុធធំបំផុតជូនរដ្ឋាភិបាលអាមេរិក Lockheed Martin ។ គិតត្រឹមឆ្នាំ២០២០ប៉ុណ្ណោះ Lockheed Martin អាចទទួលបានកុងត្រាពីអាមេរិកដែលមានតម្លៃរហូតទៅដល់៧៥ពាន់លានដុល្លារបើធៀបទៅនឹងខ្ទង់ចំណាយរបស់ក្រសួងការបរទេសមានត្រឹមតែ៤៤ពាន់លានដុល្លារប៉ុណ្ណោះក្នុងពេលវេលាដូចគ្នា។ លោក Stevens ដែលត្រូវបានតែងតែជាប្រធានប្រតិបត្តិក្រុមហ៊ុនកាលពីឆ្នាំ២០០៤ខណៈដែលសង្គ្រាមបានអូសបសបន្លាយរយៈពេល៣ឆ្នាំរួចទៅហើយ។គ្រានោះ លោកអាចរកចំណូល និងប្រាក់ខែត្រឹមតែ២លានដុល្លារក្នុងមួយឆ្នាំប៉ុណ្ណោះ ប៉ុន្តែបន្តបន្ទាប់មកប្រាក់ចំណូលរបស់គាត់បានកើនឡើងពី៥លានដុល្លារក្នុងមួយឆ្នាំទៅដល់១៨លាន និង៣០លានដុល្លារក្នុងមួយឆ្នាំ។

២.លោក Stephen Orenstein ប្រធានក្រុមហ៊ុន Supreme Group B.V. ជាអ្នកជំនាញខាងផ្គត់ផ្គង់ម្ហូបអាហារនៅក្នុងតំបន់សមរភូមិ។ កាលពីឆ្នាំ២០១៣លោកបានជាប់ឈ្មោះជាសេដ្ឋីពាន់លានដុល្លារថ្មីនៅក្នុងរបាយការណ៍ចេញផ្សាយដោយ Bloomberg។ ឆ្នាំ២០០៥ ក្រុមហ៊ុន Supreme ត្រូវបានជ្រើសរើសដោយរដ្ឋាភិបាលអាមេរិកដើម្បីធ្វើការផ្គត់ផ្គង់អាហារជូនយោធាអាមេរិកនៅអាហ្គានីស្ថាន។ ទទួលបានកុងត្រាភ្លាមអាជីវកម្មរបស់ Supreme បានកើនឡើងដល់ទៅ៥០ដង ហើយជាលទ្ធផលរយៈពេល៦ឆ្នាំចុងក្រោយអាមេរិកបានទូទាត់លុយជូនក្រុមហ៊ុននេះរហូតទៅដល់ ៥,៥ពាន់លានដុល្លារ

៣.Eric Prince អតីតយោធាអាមេរិកដែលជាអ្នកបង្កើតក្រុមហ៊ុនឯកជនមួយដែលមានឈ្មោះថា Blackwater ដែលមិនត្រឹមតែជាអ្នកជំនាញខាងបណ្តុះបណ្តាលទាហានឯកជនប៉ុណ្ណោះទេ គាត់ក៏ជាអ្នកជំនាញខាងផ្តល់សេវាកម្មដឹកជញ្ជូនឯកជន និងបន្ទាន់ចេញពីសង្គ្រាមផងដែរ ហើយភាគច្រើននៅអាហ្គានីស្ថានដែលពេលចុងក្រោយគាត់អាចលក់សំបុត្រក្នុងមួយកៅអីរហូតទៅដល់ ៦ ៥០០ដុល្លារទៀតផង។ កុងត្រារបស់ Blackwater មានតម្លៃដល់ទៅរាប់ពាន់លានដុល្លារមុនពេលដែលអាមេរិកសម្រេចបញ្ចប់ការងារជាមួយគ្នាពីព្រោះហេតុការណ៍បាញ់សម្លាប់ជនស៊ីវិលជាច្រើននាក់ដោយទាហានឯកជនរបស់ខ្លួន។

៤.លោក David Packouz និងលោក Efraim Diveroli ដែលពួកគេមានអាយុត្រឹមតែ២១ និង២៥ឆ្នាំប៉ុណ្ណោះក្នុងពេលដែលកំពុងគ្រប់គ្រងក្រុមហ៊ុនឯកជនមួយជំនាញផ្គត់ផ្គង់អាវុធទៅឲ្យយោធាអាមេរិកដែលភាគច្រើនជាកាំភ្លើង និងគ្រាប់កាំភ្លើងដែលសុទ្ធតែជាផលិតផលពួកគេទិញបន្តមកពីប្រទេសចិន។ គួរឲ្យដឹងដែរថា កុងត្រាដែលពួកគេធ្លាប់បានទទួលធំបំផុតពីប៉ង់តាហ្គោនមានទំហំដល់ទៅ៣០០លានដុល្លារ។

៥.លោក Fahim Hashimy ជាអតីតអ្នកនយោបាយជនជាតិអាហ្គានីស្ថានដែលកាលពីដើមដំបូងនៃសង្គ្រាមនៅអាហ្គានីស្ថាន លោកទទួលបានកុងត្រាការងារជាអ្នករៀបចំក្រុមការងារបកប្រែ និងសម្របសម្រួលការងារជូនរដ្ឋាភិបាលអាមេរិកក្រោយមកលោកក៏បានបង្កើតក្រុមនេះកាន់តែធំឡើង និងទទួលបានប្រាក់កម្រៃរាប់លានដុល្លាររហូតដល់អាចបង្កើតបានទៅជាបណ្តាញសារព័ត៌មានធំមួយផ្សេងទៀតផង និងក្រុមហ៊ុនអចលនទ្រព្យផងហើយចុងក្រោយមានទាំងក្រុមហ៊ុនអាកាសចរណ៍ផងដែរ។

៦.ក្រុមអ្នកនយោបាយរបស់អាមេរិកទាំងបក្សប្រជាធិបតេយ្យ និងបក្សសាធារណៈ ទោះបីជាមាននាមជាអ្នកនយោបាយមិនអាចធ្វើអាជីវកម្មបានក្តី ប៉ុន្តែពួកគេជាច្រើនបានប្រើប្រាស់លុយទិញយកហ៊ុននៃក្រុមហ៊ុនកុងត្រាផ្តល់អាវុធឲ្យរដ្ឋាភិបាលអាមេរិកដើម្បីធ្វើសង្គ្រាមនៅអាហ្គានីស្ថាន។ អ្នកនយោបាយអាមេរិកខ្លះថែមទាំងវិនិយោគទៅលើក្រុមហ៊ុនដែលស្នើសុំកុងត្រាផ្តល់សេវាកម្មឲ្យយោធាអាមេរិក ហើយអ្នកនយោបាយខ្លះគឺជាបុគ្គលដែលមានសិទ្ធិក្នុងការសម្រេចចិត្តបង្កើនប្រាក់ចំណាយទៅលើវិស័យការពារជាតិដែលលុយទាំងនោះនឹងវិលទៅរកក្រុមហ៊ុនដែលពួកគេបានវិនិយោគ ឬបានទិញហ៊ុនទុក៕

លោក សន ស៊ុនលី | Mr. San Sounly

អ្នកសារព័ត៌មានអន្តរជាតិ

ជ្រើសរើសយានយន្ដតាមតម្រូវការ !

សម្រាប់ព័ត៌មានបន្ថែម សូមទាក់ទង៖

089 555 409 ឬ 089 999 150

*លក្ខខណ្ឌផ្សេងៗត្រូវបានអនុវត្ត

ទំហំកម្ចីរហូតដល់

(ឬសមមូលប្រាក់រៀល)

មិនត្រឹមតែយានយន្តថ្មី ទោះជាយានយន្តកំពុងប្រើប្រាស់

ក៏អាចយកកាតគ្រីមក អិលអូអិលស៊ី

ដើម្បីទទួលបាន ប្រាក់កម្ចី

របាយការណ៍ថ្មីៗ

មើលទាំងអស់ ➧

អ្នកជំនាញឌីជីថល លើកទឹកចិត្តឱ្យប្រើអ៊ីនធឺណិតផ្ទាល់ខ្លួន ដើម្បីមានសុវត្ថិភាពជាងការប្រើ Wifi សាធារណៈ

បទយកការណ៍, ហិរញ្ញវត្ថុ

• 10/03/2026

អ្នកជំនាញ ណែនាំឱ្យចេះសន្សំប្រាក់ដើម្បីត្រៀមបង្កាទុកដោះស្រាយបញ្ហាដែលអាចកើតមានជាយថាហេតុ

បទយកការណ៍, ហិរញ្ញវត្ថុ

• 16/02/2026

ការដាំបន្លែជាលក្ខណៈគ្រួសារ ទទួលបានបន្លែសុវត្ថិភាពសម្រាប់ទទួលទានផង និងអាចរកចំណូលបានទៀត

ជំនួញ, បទយកការណ៍

• 20/11/2025

ចំណេះដឹងកសិកម្ម ៖ ងាយៗបច្ចេកទេសផលិតស្កររងូ សម្រាប់ផលិតមេជី និងមេចំណីសត្វ

ជំនួញ, បទយកការណ៍

• 19/11/2025

ដាំស្លឹកគ្រៃ លក់បានទាំងដើម ហើយយកស្លឹកចម្រាញ់ប្រេងលក់បានទៀត

ជំនួញ, បទយកការណ៍

• 18/11/2025

ស្វែងយល់ពីបច្ចេកទេសងាយៗក្នុងការផលិតថ្នាំពុលធម្មជាតិសម្រាប់ការពារដំណាំយកស្លឹកពីសត្វល្អិត

ជំនួញ, បទយកការណ៍

• 17/11/2025

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន

បទយកការណ៍, អាជីវកម្មថ្មី និងនវានុវត្ត

• 16/10/2024

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ

អាជីវកម្មយកសំបុកត្រចៀកកាំក្នុងស្រុកកំពុងមានទីផ្សារ

ជំនួញ, បទយកការណ៍

• 15/12/2023

គ្រាន់តែឮពាក្យថា សំបុកត្រចៀកកាំ ភាគច្រើនគេតែងតែគិតពីរសជាតិ និងគុណតម្លៃចំពោះសុខភាពដែលទទួលបានពីការទទួលទានភេសជ្ជៈ ឬអាហារដែលចម្រាញ់ចេញពីសំបុកត្រចៀកកាំ។

មុខរបរលក់ដំឡូងស្ងោរមួយកញ្ច្រែង តែអាចរកចំណូលបានជាង ៤០ ម៉ឺនរៀលក្នុងមួយថ្ងៃ

ជំនួញ, បទយកការណ៍

• 17/11/2023

និយាយពីរបរលក់ដំឡូងស្ងោរចល័តតាមដងផ្លូវក្នុងរាជធានីភ្នំពេញ គេមិនអាចមើលរំលងបាននោះទេនូវអាជីវករសកម្មនៅភូមិព្រែកពោធិ ដែលតែងតែជិះរថយន្តឈ្នួលឡើងមកលក់ដំឡូងស្ងោរពេលព្រឹក.....

ព័ត៌មានទូទៅ

មើលទាំងអស់ ➧

កិច្ចពិភាក្សាកម្មវិធីហិរញ្ញវត្ថុ រដូវកាលទី ៣ ក្លាយជាវេទិកាចំណេះដឹងហិរញ្ញវត្ថុសម្រាប់ប្រជាកសិករ

ព្រឹត្តិការណ៍, ហិរញ្ញវត្ថុ

• 06/04/2026

ក្រុមហ៊ុន Apsara Media Services (AMS) កាលពីថ្ងៃទី០៣ ខែមេសា ឆ្នាំ២០២៦ បានសហការជាមួយនឹងសមាគមធនាគារនៅកម្ពុជា (ABC) សមាគមមីក្រូហិរញ្ញវត្ថុកម្ពុជា (CMA) និងក្រុមហ៊ុនក្រេឌីត ប្យួរ៉ូ (ខេមបូឌា) (CBC) ដោយមានការគាំទ្រដោយធនាគារជាតិនៃកម្ពុជា (NBC) បានរៀបចំកម្មវិធី វេទិកាចំណេះដឹងផ្នែកហិរញ្ញវត្ថុកម្ពុជា កិច្ចពិភាក្សា កម្មវិធី «វិថីហិរញ្ញវត្ថុ រដូវកាលទី៣» នៅស្រុកបន្ទាយមាស ខេត្តកំពត។

អតីតព្រលានយន្តហោះអន្តរជាតិ-ភ្នំពេញ នឹងបើកឱ្យសាធារណជនចូលលេងកម្សាន្តរយៈពេល៩ថ្ងៃ អំឡុងបុណ្យចូលឆ្នាំខ្មែរ

ព្រឹត្តិការណ៍, អចលនទ្រព្យ

• 06/04/2026

ព្រលានយន្តហោះពោធិ៍ចិនតុង ដែលរាជរដ្ឋាភិបាលអភិវឌ្ឍន៍ធ្វើជាសួនសាធារណៈ នឹងត្រូវបើកសាកល្បងឱ្យសាធារណជនចូលទស្សនាកម្សាន្ត ហាត់ប្រាណ និងលេងកីឡា ដោយឥតគិតថ្លៃរយៈពេល០៩ថ្ងៃ

ត្រីមាសទី១ ឆ្នាំ២០២៦ សេដ្ឋកិច្ចវៀតណាមកើនឡើងយឺត ដោយសារការនាំចូលប្រេងពីមជ្ឈិមបូព៌ារងផលប៉ះពាល់ខ្លាំង

ព្រឹត្តិការណ៍, សេដ្ឋកិច្ច

• 06/04/2026

សេដ្ឋកិច្ចរបស់ប្រទេសវៀតណាមនៅក្នុងត្រីមាសទី១ ដើមឆ្នាំ២០២៦នេះ មានការកើនឡើងយឺតយ៉ាវ ដោយសារតែការនាំចូលប្រេងពីមជ្ឈិមបូព៌ាទទួលរងនូវផលប៉ះពាល់ខ្លាំង ដែលជាហេតុជំរុញឱ្យមានអតិផរណាកើនឡើង

កម្ពុជាដាក់ដំណើរការកម្មវិធីថ្មីមួយ ដើម្បីជួយសហគ្រិនខ្មែរឱ្យមានភាពប្រកួតប្រជែងទាំងក្នុងស្រុកនិងអន្តរជាតិ

ព្រឹត្តិការណ៍, អាជីវកម្មថ្មី និងនវានុវត្ត

• 06/04/2026

កម្ពុជាបានដាក់ឱ្យដំណើរការកម្មវិធីថ្មីមួយក្នុងវិស័យសហគ្រិនភាព ដោយផ្ដោតលើការធ្វើធុរកិច្ចតាមបច្ចេកវិទ្យាបៃតង ក្នុងគោលដៅគាំទ្រធុរកិច្ចបច្ចេកវិទ្យាអាកាសធាតុ ឱ្យពង្រីកអាជីវកម្មរបស់ខ្លួន តាមរយៈភាពជាដៃគូសកល ការផ្ទេរបច្ចេកវិទ្យា និងហិរញ្ញប្បទាន។

សម្តេចធិបតី ហ៊ុន ម៉ាណែត លើកទឹកចិត្តដល់ប្រជាពលរដ្ឋ ប្រើប្រាស់ផលិតផលក្នុងស្រុក

ព្រឹត្តិការណ៍, សេដ្ឋកិច្ច

• 06/04/2026

សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានចេញសារលិខិតអបអរសាទរ ក្នុងឱកាសទិវាជាតិលើកកម្ពស់ការប្រើប្រាស់ផលិតផលខ្មែរ ៩ មេសា លើកទី៩ ឆ្នាំ២០២៦ ក្រោមប្រធានបទ «ខ្មែរផលិត ខ្មែរប្រើប្រាស់ ខ្មែររីកចម្រើន» និងបានជំរុញឱ្យបងប្អូនប្រជាពលរដ្ឋខ្មែរ គាំទ្រប្រើប្រាស់ផលិតផលក្នុងស្រុក ដែលផលិតដោយខ្មែរ។

ប្រេងឥន្ធនៈនិងជីកសិកម្មឡើងថ្លៃបង្កផលប៉ះពាល់ដល់ជីវភាពកសិករ ខណៈជម្លោះមជ្ឈិមបូព៌ានៅតែបន្ត

ព្រឹត្តិការណ៍, សេដ្ឋកិច្ច

• 06/04/2026

កសិករជាច្រើននៅកម្ពុជា កំពុងប្រឈមនឹងការលំបាក ដោយសារតម្លៃប្រេងឥន្ធនៈ និងជីសកិកម្មកើនឡើង ដែលជាកត្តាជំរុញឱ្យថ្លៃដើមផលិតរបស់ពួកគេ កើនឡើង ចាប់តាំងពីជម្លោះនៅមជ្ឈិមបូព៌ាចាប់ផ្តើម។ នេះបើយោងតាមការផ្សាយរបស់កាសែត BERNAMA ប្រទេសម៉ាឡេស៊ី ចេញផ្សាយកាលពីថ្ងៃទី ០១ ខែមេសា ឆ្នាំ ២០២៦ កន្លងទៅ។

តម្រូវការនិងតម្លៃស្ករត្នោតខ្មែរហក់ឡើងខ្ពស់ ប៉ុន្តែចំនួនអ្នកផលិតធ្លាក់ចុះ

ជំនួញ, ព្រឹត្តិការណ៍

• 06/04/2026

ស្ករត្នោតធម្មជាតិរបស់ខ្មែរ កំពុងមានតម្រូវការខ្ពស់លើទីផ្សារ ទាំងក្នុងនិងក្រៅប្រទេស ស្របគ្នានឹងតម្លៃរបស់វា ក៏ហក់ឡើងខ្ពស់ដែរ ប៉ុន្តែបែរជាមិនសូវមានអ្នកផលិតស្ករត្នោតច្រើនដូចមុន ជាពិសេសស្ករត្នោតកំពង់ស្ពឺ

ម្ហូបឌីមសាំ ប៉ះជាមួយគ្រឿងទេសកំពត បង្កើតរសជាតិឆ្ងាញ់ ប្លែក និងច្នៃប្រឌិត

ព្រឹត្តិការណ៍, អត្ថបទពាណិជ្ជកម្ម

• 03/04/2026

ដើម្បីអបអរសាទរ និងលើកកម្ពស់រសជាតិអាហារបែប "Glocal" (ការរួមបញ្ចូលគ្នារវាងរសជាតិសកល និងរសជាតិក្នុងស្រុក) កាលពីល្ងាចថ្ងៃទី២ ខែមេសា ឆ្នាំ២០២៦ ភោជនីយដ្ឋាន Yi Sang ដែលទើបនឹងសម្ពោធថ្មីៗស្ថិតនៅក្នុងអាកាសយានដ្ឋានអន្តរជាតិតេជោ

សហគមន៍កសិកម្មទំនើបកើនឡើងដល់ ៣១ ជាមួយកិច្ចសន្យាផលិតកម្មមានតម្លៃជាង៤០លានដុល្លារ

ព្រឹត្តិការណ៍, សេដ្ឋកិច្ច

• 03/04/2026

រហូតមកដល់ពេលនេះ សហគមន៍កសិកម្មទំនើបដែលបង្កើតឡើងនៅចុងឆ្នាំ២០២៣ កើនឡើងដល់៣១ និងកិច្ចសន្យាផលិតកម្មជាង៤០លានដុល្លារអាម៉េរិក

កម្ពុជា គ្រោងកំណត់ការប្រើប្រាស់សារធាតុ “អាសបេស្ដុស”ក្នុងវិស័យសំណង់

ព្រឹត្តិការណ៍, អចលនទ្រព្យ

• 03/04/2026

ក្រសួងរៀបចំដែនដី នគរូបនីយកម្ម និងសំណង់ បានរៀបចំសិក្ខាសាលាពិគ្រោះយោបល់មួយស្ដីពី “ការវាយតម្លៃផលប៉ះពាល់ផ្នែកសេដ្ឋកិច្ចពាក់ព័ន្ធនឹងការប្រើប្រាស់សារធាតុអាសបេស្ដុស” កាលពីថ្ងៃទី០២ ខែមេសា ឆ្នាំ២០២៦