សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ អ្នកវិនិយោគក្នុងវិស័យអចលនទ្រព្យកម្ពុជាជាច្រើនបានរំពឹងថា វិនិយោគិនបរទេសនឹងចូលមកកម្ពុជាឡើងវិញក្នុងឆ្នាំ២០២២ ខណៈក្នុងរយៈពេលត្រីមាសដំបូងមានតែសកម្មភាពពីសំណាក់អ្នកវិនិយោគក្នុងស្រុកតែប៉ុណ្ណោះ។ យ៉ាងណាក៏ដោយ ប្រធានសមាគមអ្នកវាយតម្លៃ និងភ្នាក់ងារអចលវត្ថុកម្ពុជាបានបង្ហាញពីក្ដីរំពឹងថា វិនិយោគិនបរទេសនឹងចូលកម្ពុជាវិញនៅពាក់កណ្ដាលឆ្នាំ ឬចុងឆ្នាំ២០២២នេះ ។
លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) បានមានប្រសាសន៍ប្រាប់ AMS ថា រំហូរជនជាតិបរទេសចូលមកកម្ពុជា ប្រហែលជាអាចមានកំណើននៅត្រឹមពាក់កណ្ដាលឆ្នាំ២០២២នេះ ឬក៏ចុងឆ្នាំ ពីព្រោះស្ថានភាពកូវីដ-១៩នៅតាមបណ្ដាប្រទេសក្នុងតំបន់អាស៊ីមួយចំនួនមិនទាន់ល្អប្រសើរនៅឡើយ ហើយក្នុងនោះកម្ពុជា បានក្លាយជាប្រទេសដែលមានស្ថានភាពល្អប្រសើរជាងគេ និងមានរំហូរជនជាតិបរទេសចូលមកជាបណ្ដើរៗ។
លោកបន្តថា ៖
“បច្ចុប្បន្ននេះ យើងមើលឃើញថា ជនបរទេស ក៏ដូចជាអ្នកវិនិយោគអន្តរជាតិនៅមិនទាន់ចូលមកកាន់កម្ពុជាច្រើនក៏ពិតមែន ប៉ុន្តែសម្រាប់ស្ថានភាពអាជីវកម្មក្នុងវិស័យអចលនទ្រព្យនៅកម្ពុជានៅតែមានដំណើរការ និងមានក្រុមហ៊ុនមួយចំនួនកំពុងទាក់ទងក្រុមបរទេសដើម្បីលក់អចលនទ្រព្យទៅកាន់ទីផ្សារអន្តរជាតិផងដែរ”
អ្នកនាង គឹម គិនកេសា អ្នកគ្រប់គ្រងជាន់ខ្ពស់នៃក្រុមហ៊ុន CBRE Cambodia បានបង្ហាញពីការសិក្សារបស់ខ្លួនសម្រាប់វិស័យអចលនទ្រព្យនៅកម្ពុជាថា ដោយសារតែរំហូរវិនិយោគិនបរទេសចូលមកកម្ពុជាក្នុងដើមឆ្នាំ២០២២នេះនៅមានកម្រិត ធ្វើឱ្យតម្រូវការ និងការផ្គត់ផ្គង់ផ្នែកខ្លះនៃអចលនទ្រព្យនៅទ្រឹង និងមានភាពយឺតយ៉ាវក្នុងការអភិវឌ្ឍ។ ក្នុងនោះដែរ ការផ្គត់ផ្គង់ខុនដូក្នុងត្រីមាសទី១នេះគឺមានត្រឹមតែ៥ភាគរយនៃចំនួនដែលរំពឹងកាលពីដើមឆ្នាំ២០២២ ។
អ្នកនាងបន្តថា ភាពអវត្តមានវិនិយោគិនបរទេសនៅក្នុងប្រទេសកម្ពុជា បានធ្វើឱ្យតម្រូវការនៃការជួលការិយាល័យកម្រិតខ្ពស់ (កម្រិតA)មានការធ្លាក់ចុះ ដោយភាគច្រើននៃអ្នកជួលការិយាល័យជាជនជាតិខ្មែរ និងមានតម្រូវការភាគច្រើនទៅលើការិយាល័យកម្រិត B និងកម្រិត C ប៉ុណ្ណោះ ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content