បទពិសោធន៍ថ្មីបែបឌីជីថល ពីកម្មវិធីទូរស័ព្ទដៃសម្រាប់អតិថិជន ហ្វតតេ ឡាយហ្វ៍

ក្រុមហ៊ុន ហ្វតតេ ឡាយហ្វ៍ អឹសួរ៉ិនស៍ (ខេមបូឌា) ម.ក សម្ពោធដាក់ឱ្យប្រើប្រាស់ជាផ្លូវការ «កម្មវិធីទូរស័ព្ទដៃសម្រាប់អតិថិជន ហ្វតតេ ឡាយហ៍្វ» ភ្ជាប់ជាមួយមុខងារពិសេសៗជាច្រើន ដើម្បីផ្តល់ជូនអតិថិជន និងសាធារណជននូវបទពិសោធន៍ដ៏ថ្មីស្រឡាង ផ្តល់ជូននូវភាពងាយស្រួល រហ័ស និងសាមញ្ញជាទីបំផុត នាព្រឹកថ្ងៃទី ៧ ខែ មិថុនា ឆ្នាំ ២០២៤ នៅទីស្នាក់ការកណ្តាលរបស់ក្រុមហ៊ុន ហ្វតតេ ឡាយហ្វ៍ អគារ The Point Community Mall,​ ជាន់ទី៣A។

ពិធីសម្ពោធដ៏អធិកអធមនេះ ប្រពឹត្តទៅក្រោមអធិបតីភាព លោកស្រី តាន់ លីនណា អគ្គនាយករងនៃនិយ័តករធានារ៉ាប់រងកម្ពុជា (ន.ធ.ក.) តំណាងដ៏ខ្ពង់ខ្ពង់របស់ឯកឧត្តម ប៊ូ ច័ន្ទភីរូ អគ្គនាយកនៃ ន.ធ.ក., លោក យក់ ចំរើនឫទ្ធិ ប្រធានអគ្គនាយកនៃក្រុមហ៊ុន ហ្វតតេគ្រុប និងជាប្រធានក្រុមប្រឹក្សាភិបាល នៃក្រុមហ៊ុន ហ្វតតេ, លោក ព្រូ ស៊ីថន អគ្គនាយកនៃ ក្រុមហ៊ុន ហ្វតតេ ឡាយហ្វ៍ ព្រមទាំងថ្នាក់ដឹកនាំដៃគូធនាគារ អតិថិជន ភ្នាក់ងារធានារ៉ាប់រង និង បុគ្គលិករបស់ក្រុមហ៊ុន ហ្វតតេ ឡាយហ្វ៍ ជាច្រើនរូបផងដែរ។ 

ដោយសម្លឹងឃើញពីតម្រូវការជាចំបាច់ក្នុងជីវភាពប្រចាំថ្ងៃរបស់អតិថិជន ដូចជាការទទួលបានព័ត៌មាន  និងសេវាធានារ៉ាប់រងមួយប្រកបដោយភាពរហ័សទាន់ចិត្ត មានលក្ខណៈងាយស្រួល សាមញ្ញជាងមុន   មិនស្មុគស្មាញ  និងធ្វើឱ្យការរស់នៅរបស់ពួកគាត់កាន់តែមានភាពស៊ីវិល័យ តំណាលគ្នាជាមួយនឹងសក្តានុពលនៃបច្ចេកវិទ្យាដែលកំពុងដើរតួនាទីយ៉ាងសំខាន់លើគ្រប់វិស័យនៅទូទាំងសកលលោកនាពេលបច្ចុប្បន្ននេះ      ពិសេសបច្ចេកវិទ្យាហិរញ្ញវត្ថុ ជាសូចនាករដ៏សំខាន់ដែលនាំឱ្យក្រុមហ៊ុន ហ្វតតេ ឡាយហ្វ៍ បង្កើតនូវ កម្មវិធីទូរស័ព្ទដៃសម្រាប់អតិថិជន ហ្វតតេ ឡាយហ៍្វ នេះឡើង ដើម្បីដោះស្រាយបញ្ហា និងធ្វើការឆ្លើយតបទៅនឹងតម្រូវការរបស់អតិថិជន។  

លោក ព្រូ ស៊ីថន អគ្គនាយក នៃក្រុមហ៊ុន ហ្វតតេ ឡាយហ្វ៍ អឹសួរ៉ិនស៍ (ខេមបូឌា) ម.ក បានមានប្រសាសន៍ថា៖

“ថ្ងៃនេះជាព្រឹត្តិការណ៍ដ៏សំខាន់បំផុតមួយ ក្នុងដំណើរឆ្ពោះទៅមុខជាមួយសមិទ្ធផលឥតដែនកំណត់សម្រាប់អតិថិជនរបស់ក្រុមហ៊ុនយើង។ ក្នុងនាមក្រុមហ៊ុនធានារ៉ាប់រងអាយុជីវិត ហ្វតតេ ឡាយហ្វ៍ និងក្នុងនាមខ្ញុំបាទផ្ទាល់ ពិតជាមានសេចក្តីសោមនស្សរីករាយ និងរំភើបជាពន់ពេក ដែលថ្ងៃនេះយើងបានប្រកាសសម្ពោធដាក់ឱ្យប្រើប្រាស់ជាផ្លូវការ «កម្មវិធីទូរស័ព្ទដៃសម្រាប់អតិថិជន ហ្វតតេ ឡាយហ៍្វ» ទាំងអស់នេះជាបេសកកម្មរបស់ក្រុមហ៊ុន ហ្វតតេ ឡាយហ្វ៍ ក្នុងការផ្តោតសំខាន់ទៅលើអតិថិជនជាចម្បង។”

លោកអគ្គនាយក បានបន្តថា៖

“គិតត្រឹម  ត្រីមាសទី 1  នៃឆ្នាំ 2024 នេះ ក្រុមហ៊ុន ហ្វតតេ ឡាយហ្វ៍ កំពុងការពារអាយុជីវិតអតិថិជនជាង 860,000នាក់ ហើយ​ ក៏បានសងសំណងទៅកាន់ អតិថិជនប្រមាណ 10,000គ្រួសារក្នុងមួយឆ្នាំ។ ពួកយើងរំពឹងថា អតិថិជនយ៉ាងហោចណាស់ 60% ដែលបានប្រើប្រាស់ផលិតផល​ធានារ៉ាប់រងបុគ្គលនឹងធ្វើការទាញយកកម្មវិធីទូរស័ព្ទដៃមកប្រើប្រាស់ក្នុងឆ្នាំដំបូង។ ដោយឡែកកាន់តែពិសេសនោះ អតិថិជនដែលបានប្រើប្រាស់ផលិតផល​ធានារ៉ាប់រងបុគ្គល អាចធ្វើការស្នើសុំទាមទារសំណង តាមរយៈ កម្មវិធីទូរស័ព្ទដៃសម្រាប់អតិថិជន ហ្វតតេ ឡាយហ៍្វ ផ្អែកលើមូលហេតុ៖ រហ័ស ងាយស្រួល និងសាមញ្ញ។”

ការផ្លាស់ប្តូរពីការប្រើប្រាស់ក្រដាសដ៏ច្រើនសន្ធឹកពីមួយថ្ងៃទៅមួយថ្ងៃ ទៅជាដំណើរការតាមបែបឌីជីថល១០០%បែបនេះ វាមិនត្រឹមតែបង្កើនភាពស៊ីវិល័យជូនអតិថិជនប៉ុណ្ណោះទេ តែវាក៏បានជួយកាត់បន្ថយថ្លៃចំណាយលើការបោះពុម្ពឯកសារ និង សន្សំសំចៃក្រដាសផងដែរ។ នេះជាការតាំងចិត្តយ៉ាងមុតមាំរបស់ក្រុមហ៊ុន ហ្វតតេ ឡាយហ្វ៍ ក្នុង ការកាត់បន្ថយការប្រើប្រាស់ក្រដាស ព្រមទាំងការលើកកម្ពស់បរិស្ថានជាសកលប្រកបដោយនិរន្តរភាព។

លោក យក់ ចំរើនឫទ្ធិ ប្រធានក្រុមប្រឹក្សាភិបាល នៃក្រុមហ៊ុន ហ្វតតេ អ៊ិនសួរឹនស៍​ (ខេមបូឌា) បានមានប្រសាសន៍ថា៖

“ដូចអ្វីដែលលោក ស៊ីថន អគ្គនាយក ក្រុមហ៊ុន ហ្វតតេ ឡាយហ្វ៍បានលើកឡើងមុននេះរួចមកហើយ គោលបំណងក្នុងការដាក់ឱ្យប្រើប្រាស់ជាផ្លូវការ «កម្មវិធីទូរស័ព្ទដៃសម្រាប់អតិថិជន របស់ក្រុមហ៊ុន ហ្វតតេ ឡាយហ៍្វ» ជាផ្នែកមួយនៃបេសកកម្មរបស់យើងក្នុងការជួយឱ្យអតិថិជនរបស់យើងកាន់តែមានភាពងាយស្រួលក្នុងការប្រើប្រាស់ ជាពិសេស ការអនុវត្តស្តង់ដា បរិស្ថាន សង្គម និងអភិបាលកិច្ច (ESG) ក្នុងនាមជាក្រុមហ៊ុនឯកជន ដើម្បីបង្កើតតុល្យភាពនៃការអភិវឌ្ឍន៍សេដ្ឋកិច្ចជាមួយនឹងបរិស្ថាន និងសង្គម។”

ថ្លែងនៅក្នុងពិធីសម្ពោធ លោកស្រី តាន់ លីនណា អគ្គនាយករងនៃនិយ័តករធានារ៉ាប់រងកម្ពុជា (ន.ធ.ក.)

បានមានប្រសាសន៍ថា៖ “ខ្ញុំមានសេចក្តីសោមនស្សក្រៃលែង ដែលបានចូលរួមជាអធិបតីក្នុងកម្មវិធីបើកសម្ពោធដាក់ឱ្យប្រើប្រាស់ជាផ្លូវការ «កម្មវិធីទូរស័ព្ទដៃសម្រាប់អតិថិជន របស់ក្រុមហ៊ុន ហ្វតតេ ឡាយហ៍្វ» នាព្រឹកនេះ។ ក្នុងនាមនិយ័តករធានារ៉ាប់រងកម្ពុជា  និងក្នុងនាមរូបខ្ញុំផ្ទាល់ ខ្ញុំសូមវាយតម្លៃខ្ពស់ និងសូមសម្តែងនូវការកោតសសើរដោយស្មោះចំពោះការសម្រេចបាននូវសមិទ្ធផលយ៉ាងត្រចះត្រចង់ ក្នុងការដាក់ឱ្យប្រើប្រាស់សាកល្បង កម្មវិធីទូរស័ព្ទដៃសម្រាប់អតិថិជន របស់ក្រុមហ៊ុនហ្វតតេ ឡាយហ៍្វ ដែលនេះបង្ហាញឱ្យឃើញពីឆន្ទៈក្នុងការរួបរួមគ្នាអភិវឌ្ឍវិស័យធានារ៉ាប់រង ពិសេសបច្ចេកវិទ្យាធានារ៉ាប់រង ដែលកំពុងដើរតួនាទីយ៉ាងសំខាន់ក្នុងការបង្កើនប្រសិទ្ធិភាពនិងស័ក្ដិសិទ្ធិភាពនៃប្រតិបត្តិការនៅក្នុងឧស្សាហកម្មធានារ៉ាប់រង។”

សូមបញ្ជាក់ផងដែរថា កម្មវិធីទូរស័ព្ទដៃសម្រាប់អតិថិជន ហ្វតតេ ឡាយហ៍្វ អាចធ្វើការទាញយកមកប្រើប្រាស់បានទាំងនៅលើប្រតិបត្តិការ IOS និងAndroid។ ខាងក្រោមនេះជាលក្ខណៈសំខាន់ៗរបស់កម្មវិធីទូរស័ព្ទដៃសម្រាប់អតិថិជន ហ្វតតេ ឡាយហ៍្វ៖

  • ពិនិត្យមើលព័ត៌មានលម្អិតអំពីបណ្ណសន្យារ៉ាប់រងគ្រប់ពេលវេលា គ្រប់ទីកន្លែង​
  • ទាញយកឯកសារបណ្ណសន្យារ៉ាប់រង
  • មើលកាលកំណត់ត្រូវបង់បុព្វលាភធានារ៉ាប់រងបន្ទាប់ និងធ្វើការទូទាត់ដោយផ្ទាល់ក្នុងកម្មវិធីទូរស័ព្ទដៃ រួមទាំងមើលប្រវត្តិនៃការទូទាត់
  • មើលព័ត៌មានលម្អិត និងលក្ខណៈពិសេសរបស់ផលិតផលធានារ៉ាប់រងផ្សេងៗ
  • ស្នើសុំផ្លាស់ប្តូរព័ត៌មានបណ្ណសន្យារ៉ាប់រង និង
  • ​ស្នើសុំទាមទារសំណងទៅតាមដំណាក់កាលដ៏សាមញ្ញ មិនស្មុគស្មាញ និងរហ័សទាន់ចិត្ត

អតិថិជនរបស់ក្រុមហ៊ុន ហ្វតតេ ឡាយហ្វ៍ អាចទាញយកកម្មវិធីលើទូរសព្ទដៃ «Forte Life Customer App» តាមរយៈ


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អ្នកជំនាញណែនាំដល់កសិករឱ្យចេះប្រើឱកាសដាំដំណាំតាមរដូវកាល និងក្នុងបរិបទមានបម្រែបម្រួលអាកាសធាតុ

ព្រឹត្តិការណ៍, សេដ្ឋកិច្ច

• 19/07/2024

កសិករអាចកាត់បន្ថយការប្រើប្រាស់ទឹកបានតាមរយៈការប្រើប្រាស់ប្រព័ន្ធស្រោចស្រពតាមបច្ចេកទេសកសិកម្មទំនើប ដែលអាចជួយសន្សំទឹកបានរហូតដល់៤០ភាគរយ

ចំណេះដឹង ៖ ផ្អកដំឡូងឈើ ជាចំណីដ៏ល្អសម្រាប់ការចិញ្ចឹមជ្រូក មាន់ និងទា

ជំនួញ, ព្រឹត្តិការណ៍

• 19/07/2024

ជំនួសឱ្យការប្រើប្រាស់ចំណីសម្រេចដែលមានតម្លៃថ្លៃ គេអាចកែច្នៃមើម និងស្លឹកដំឡូងឈើ ធ្វើជាចំណីដ៏មានប្រូតេអ៊ីនខ្ពស់សម្រាប់ចិញ្ចឹមសត្វជ្រូក មាន់ និងទា

លុចសំបួរ ជាប្រទេស​តូច​​មួយ​ក្នុង​សហភាព​អឺរ៉ុប​ ប៉ុន្តែជា​ប្រទេស​មានជាងគេ​បំផុត​លើ​ពិភពលោក

ព្រឹត្តិការណ៍, អាជីវកម្មថ្មី និងនវានុវត្ត

• 19/07/2024

យោងតាម IMF បានឲ្យដឹងថា ​ផលិតផលសរុបក្នុងស្រុក (GDP) នៅប្រទេសលុចសំបួរមានជាង ១៣០ ០០០ ដុល្លារសម្រាប់មនុស្សម្នាក់

ចំណេះដឹង ៖ ស្វែងយល់ពីអាជ្ញាធរហិរញ្ញវត្ថុនៅកម្ពុជា

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជា គឺជាធនាគារកណ្ដាលតែមួយគត់របស់កម្ពុជា ដែលដើរតួនាទីជាអាជ្ញាធររូបិយវត្ថុ និងអាជ្ញាធរត្រួតពិនិត្យប្រព័ន្ធធនាគារនៅកម្ពុជា

​៦ខែ ដើមឆ្នាំ២០២៤​ ​ចិន​ឈរ​លើលំដាប់ទី​២ ក្នុងការបណ្តាក់ទុន​វិនិយោគនៅកម្ពុជា​ច្រើន​ជាង​គេ​

ព្រឹត្តិការណ៍, អចលនទ្រព្យ

• 19/07/2024

ចិននៅតែឈរ​លំដាប់ខ្ពស់​ដែលមាន​វិនិយោគិន​ដាក់ទុន​វិនិយោគ​នៅកម្ពុជា​ច្រើនជាងគេ ជាក់ស្ដែង​៦ខែ ចិនបានដាក់ទុន​ជាង ​១,៣ពាន​លានដុល្លារ​

កូរ៉េផ្តល់ជំនួយឥតសំណង៨លានដុល្លារជួយកម្ពុជា កសាងសមត្ថភាពបណ្តុះបណ្តាលធនធានមនុស្ស

ព្រឹត្តិការណ៍, សេដ្ឋកិច្ច

• 19/07/2024

ប្រទេសកូរ៉េបានផ្តល់ជំនួយឥតសំណងចំនួន៨លានដុល្លារអាមេរិកជួយកម្ពុជាលើការកសាងសមត្ថភាព និងបណ្តុះបណ្តាលធនធានមនុស្សខាង ICT និងបច្ចេកទេសវិជ្ជាជីវៈ

វិស័យធានារ៉ាប់រង ជាសូចនាករក្នុងការវាស់វែងភាពរីកចម្រើនរបស់ប្រទេសមួយ

ព្រឹត្តិការណ៍, ហិរញ្ញវត្ថុ

• 19/07/2024

នៅក្នុងប្រទេសដែលមានការអភិវឌ្ឍតិចតួច វិស័យធានារ៉ាប់រងមិនទាន់អាចមានលទ្ធភាពរីកលូតលាស់ខ្លាំងក្លានោះទេ

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគង ដើម្បីសម្រួលដល់ការទូទាត់របស់ភ្ញៀវទេសចរ

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគងសម្រាប់ភ្ញៀវទេសចរអន្តរជាតិ ដើម្បីដោះស្រាយបញ្ហាការប្រើប្រាស់រូបិយបណ្ណចាស់ៗ ទក់ រហែក

កូរ៉េ នឹងជួយបណ្តុះបណ្តាលពលករកម្ពុជាឱ្យមានជំនាញខាងកសិកម្មដើម្បីចូលរួមកសាងសេដ្ឋកិច្ចជាតិ

ព្រឹត្តិការណ៍, សេដ្ឋកិច្ច

• 19/07/2024

សាធារណរដ្ឋកូរ៉េ នឹងជួយបណ្តុះបណ្តាលពលករ/កសិករកម្ពុជាឱ្យមានជំនាញខាងកសិកម្មច្បាស់លាស់ ដើម្បីចូលរួមកសាងសេដ្ឋកិច្ច និងអភិវឌ្ឍជាតិ

តម្លៃប្រេងសកលធ្លាក់ចុះបន្តិច ខណៈដែលការនាំចូលប្រេងរបស់ចិនកើនឡើងយឺតជាងការរំពឹងទុក

ព្រឹត្តិការណ៍, សេដ្ឋកិច្ច

• 19/07/2024

តម្លៃប្រេងឆៅម៉ាក Brent ធ្លាក់ចុះត្រឹម៨៥,៦៣ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក WTI ធ្លាក់ចុះ នៅត្រឹម ៨២,៤៦ ដុល្លារក្នុងមួយបារ៉ែល