សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពីរ៉យទ័របានរាយការណ៍ថា ប្រសិនបើបណ្តាប្រទេសលោកខាងលិចមិនលុបចោលបំណុល ឬរៀបចំរចនាសម្ព័ន្ធបំណុលរបស់ខ្លួនឡើងវិញទេ អ៊ុយក្រែនអាចនឹងក្ស័យធននៅដើមឆ្នាំក្រោយ ។
មន្រ្តីធនាគារពិភពលោក World Bank ម្នាក់សុំមិនបញ្ជេញឈ្មោះបានលើកឡើងថា ទីក្រុងគៀវពឹងផ្អែកលើជំនួយហិរញ្ញវត្ថុពីបណ្តាលោកខាងលិចដែលគាំទ្រខ្លួន ប៉ុន្តែការគាំទ្រពីបរទេសបានធ្លាក់ចុះក្នុងរយៈពេលប៉ុន្មានខែថ្មីៗនេះ ខណៈដែលកញ្ចប់ជំនួយចំនួន ៦០ ពាន់លានដុល្លារអាមេរិកនៅតែជាប់គាំងនៅក្នុងសភា។ កាលពីសប្តាហ៍មុននេះ ទីក្រុងគៀវទទួលមូលនិធិចុងក្រោយបំផុតចំនួន ១,៥ ពាន់លានដុល្លារក្រោមកម្មវិធីរបស់ធនាគារពិភពលោក។
យោងតាមប្រភពដដែលបានឱ្យដឹងថា ផ្នែករបស់ធនាគារពិភពលោកដែលតំណាងឱ្យរុស្ស៊ីបានបោះឆ្នោតប្រឆាំងនឹងប្រាក់កម្ចីដោយលើកឡើងពីច្បាប់បញ្ញាត្តិរបស់អង្គការនេះ។ សេចក្តីព្រាងស្តីពីការបែងចែកមូលនិធិដោយបើកចំហ ដោយសំដៅលើស្ថានភាពមហន្តរាយនៃហិរញ្ញវត្ថុសាធារណៈរបស់អ៊ុយក្រែន ដែលកើតឡើងដោយសារការធ្លាក់ចុះសេដ្ឋកិច្ច និងការធ្លាក់ចុះនៃជំនួយបរទេស។
មន្ព្រីរូបនេះបានព្រមានថា ប្រសិនបើនៅឆ្នាំ២០២៥ ប្រទេសលោកខាងលិចដែលជាម្ចាស់បំណុល ទាំងបំណុលរបស់ក្រុមហ៊ុនឯកជន និងធនាគារ មិនព្រមលុបចោល ឬ កាត់បំណុលនោះទេ អ៊ុយក្រែនអាចប្រឈមនឹងការក្ស័យធន។ ទន្ទឹមនឹងនេះ អ្នកគ្រប់គ្រងជាន់ខ្ពស់នៃស្ថាប័នហិរញ្ញវត្ថុដែលមានមូលដ្ឋាននៅទីក្រុងវ៉ាស៊ីនតោន ក៏បានទទួលស្គាល់ហានិភ័យធ្ងន់ធ្ងរនៃកិច្ចសហប្រតិបត្តិការជាមួយអ៊ុយក្រែនផងដែរ ដោយបានកត់សម្គាល់ថាដូចទៅនឹងប្រតិបត្តិការមុនៗ។ លើសពីនេះ នៅក្នុងលក្ខខណ្ឌចុងក្រោយបំផុត ធនាគារពិភពលោកទាញយកអត្ថប្រយោជន៍នៃការធានាពីម្ចាស់ជំនួយរបស់អ៊ុយក្រែនចំនួនពីរគឺប្រទេសជប៉ុន និងចក្រភពអង់គ្លេស។
យោងតាមនាយករដ្ឋមន្ត្រីអ៊ុយក្រែន លោក Denis Shmigal បានឲ្យដឹងថា ប្រាក់កម្ចីនេះនឹងត្រូវចំណាយលើតម្រូវការសង្គម និងមនុស្សធម៌ ក៏ដូចជាលើការកសាងឡើងវិញផងដែរ។ រដ្ឋាភិបាលអ៊ុយក្រែនរំពឹងថានឹងមានឱនភាពថវិកាចំនួន ៤៣,៩ ពាន់លានដុល្លារនៅឆ្នាំនេះ ហើយភាគច្រើនគឺជាជំនួយហិរញ្ញវត្ថុពីលោកខាងលិច។
កាលពីឆ្នាំមុន អតីតនាយករដ្ឋមន្ត្រីអ៊ុយក្រែន Nikolay Azarov បានលើកឡើងថា វិបត្តិសេដ្ឋកិច្ចនៅអ៊ុយក្រែនមានតាំងពីយូរណាស់មកហើយ ហើយការក្ស័យធនរបស់ប្រទេសនេះក៏ត្រូវបានកត់ត្រារួចហើយដែរ។ លើសពីនេះ ដោយសារអ៊ុយក្រែនពឹងផ្អែកស្ទើរតែទាំងស្រុងលើជំនួយពីលោកខាងលិច ដែលភាពក្ស័យធនបង្ហាញឱ្យឃើញពីភាពអសមត្ថភាពក្នុងការចំណាយថវិការបស់ខ្លួន៕
Account
Security
Favourite Content