កម្ពុជាត្រៀមបណ្ដុះបណ្ដាលធនធានមនុស្ស ១,៥លាននាក់ ដើម្បីឆ្លើយតបនឹងតម្រូវការវិនិយោគ

ភ្នំពេញ ៖ តម្រូវការធនធានមនុស្សសម្រាប់បម្រើការនៅក្នុងការវិនិយោគនានាទាំងក្នុងប្រទេស និងក្រៅប្រទេស បានកើនឡើងជាបន្តបន្ទាប់ ដែលជាកត្តាមួយតម្រូវឱ្យរដ្ឋាភិបាល និងភាគីពាក់ព័ន្ធត្រូវផ្គត់ផ្គង់ធនធានមនុស្សដើម្បីឆ្លើយតបនឹងតម្រូវការទាំងនេះ ខណៈដែលប្រមុខរាជរដ្ឋាភិបាលបានប្រកាសពីការត្រៀមនិងគ្រោងបណ្ដុះបណ្ដាលធនធានមនុស្ស ១,៥លាននាក់ ស្ថិតនៅក្រោមបន្ទុករបស់រដ្ឋ។

សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចកក្រកម្ពុជាបានមានប្រសាសន៍ថា កត្តាធនធានមនុស្សគឺមានសារសំខាន់ណាស់ក្នុងការអភិវឌ្ឍប្រទេស។ ប្រទេសខ្លះមិនមានធនធានធម្មជាតិសំបូរបែបនោះទេ ប៉ុន្តែប្រទេសនោះបែរជាក្លាយទៅជាប្រទេសដែលមានជាងគេក្នុងតំបន់ និងពិភពលោកទៅវិញ ។ ទាំងនោះ ដោយសារតែប្រទេសនោះបានយកចិត្តទុកដាក់លើការអភិវឌ្ឍធនធានមនុស្សរបស់គេកាន់តែច្រើន និងមានគុណភាព ។

សម្ដេចតេជោបានមានប្រសាសន៍ថា ៖

“រាជរដ្ឋាភិបាលកម្ពុជាក៏មានគម្រោងបណ្ដុះបណ្ដាលធនធានមនុស្សចំនួន១លាន៥សែននាក់ ហើយធនធានមនុស្សដែលរដ្ឋគ្រោងនឹងបណ្ដុះបណ្ដាលនោះ ពេលចូលរៀនមិនត្រឹមតែមិនបង់ប្រាក់ទេ គឺថែមទាំងទទួលបានប្រាក់ឧបត្ថម្ភពីរដ្ឋផងដែរ ។ ទាំងនេះ គឺដើម្បីឱ្យកម្ពុជាមានធនធានមនុស្សដែលមានគុណភាពបម្រើឱ្យសេចក្ដីត្រូវការនៃការវិនិយោគពីខាងក្រៅ ក្នុងខណៈកម្ពុជាបានក្លាយជាគោលដៅនៃការទាក់ទាញវិនិយោគពីខាងក្រៅ”

សម្ដេចបានបន្ថែមថា ៖

“បច្ចុប្បន្ន កម្ពុជាក៏បានបណ្ដុះបណ្ដាលធនធានមនុស្សច្រើនហើយ ជាក់ស្ដែងរយៈពេលប៉ុន្មានថ្ងៃនេះ ខ្ញុំបានប្រគល់សញ្ញាបត្រជូនសិស្សនិស្សិតចំនួនជាង១ម៉ឺននាក់ទៅហើយ ហើយក៏បន្តបណ្ដុះបណ្ដាល និងប្រគល់សញ្ញាបត្រជាបន្តបន្ទាប់ទៀត ប៉ុន្តែពេលនេះ យើងក៏លែងគិតពីបរិមាណទៀតហើយ គឺត្រូវគិតពីគុណភាពធនធានមនុស្សវិញ”

អ្នកជំនាញនៅក្នុងវិស័យអចលនទ្រព្យកម្ពុជា លោក ច្រឹក សុខនីម អគ្គនាយកក្រុមហ៊ុនCentury 21 Mekong បានបង្ហាញពីមោទនភាព និងកិច្ចគាំទ្រយ៉ាងពេញទំហឹងទៅនឹងគោលបំណង និងគម្រោងរបស់រាជរដ្ឋាភិបាលកម្ពុជាក្នុងការបណ្តុះបណ្តាលធនធានមនុស្សយ៉ាងសន្ធឹកសន្ធាប់រហូតដល់ប្រមាណ ១,៥លាននាក់ ដើម្បីត្រៀមស្វាគមន៍វិនិយោគិនបរទេសដែលនឹងចូលមករកការវិនិយោគឡើងវិញក្រោយពេលស្ថានភាពកូវីដ១៩ ស្ងប់ស្ងាត់ និងដំណើរសេដ្ឋកិច្ចពិភពលោកបានប្រសើរ។

លោកច្រឹក សុខនីម បានលើកឡើងថា ៖

“អ្វីដែលកម្ពុជាត្រៀមសម្រាប់ការមកដល់នៃវិនិយោគិនបរទេសនោះមានច្រើន ក្នុងនោះធនធានមនុស្សគឺជាការចាំបាច់មួយដែលយើងត្រូវត្រៀមសម្រាប់ផ្ដល់ជូនពួកគេ ពីព្រោះពេលពួកគេមកដល់កម្ពុជា បើសិនជាមិនមានធនធានមនុស្ស មិនមានអ្នកចេះភាសាអង់គ្លេស ឬភាសាទំនាក់ទំនងផ្សេងៗនោះទេ ពួកគេក៏ពិបាកក្នុងការទាក់ទងដើម្បីវិនិយោគដែរ។ ម្យ៉ាងទៀតបើសិនជាយើងមិនមានធនធានមនុស្សដែលអាចធ្វើការជាមួយអ្នកវិនិយោគបាន តើការវិនិយោគរបស់ពួកគេនឹងដំណើរការទៅយ៉ាងដូចម្ដេចបាន?”

ជាមួយគ្នានេះ លោកក៏បានលើកឡើងផងដែរថា សម្រាប់តែវិស័យអចលនទ្រព្យនៅកម្ពុជា ដែលកំពុងមានសក្តានុពល មានអ្នកចូលប្រឡូក និងប្រតិបត្តិការយ៉ាងច្រើន ប៉ុន្តែអ្នកដែលមានចំណេះដឹងច្បាស់ពិតប្រាកដ ជាពិសេសបណ្តាប្រតិបត្តិករភ្នាក់ងារទិញ-លក់ក្រៅប្រព័ន្ធ ហាក់នៅមានកម្រិតនៅឡើយបើទោះជាកន្លងមកធ្លាប់មានវគ្គបណ្តុះបណ្តាលក៏ដោយ។ ចំណុចនេះជាក្ដីកង្វល់មួយដែលទាមទារឱ្យប្រតិបត្តិករបង្កើនចំណោះដឹង និងជំនាញបន្ថែមដើម្បីអាចប្រកួតប្រជែងនៅលើទីផ្សារប្រកបដោយប្រសិទ្ធភាព និងអាចផ្តល់សេវាដល់បណ្តាវិនិយោគិនអន្តរជាតិ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ផលិតផលជលផល កំពុងត្រូវបានយកចិត្តទុកដាក់លើខ្សែច្រវាក់ផលិតកម្មនៃការផលិត និងជំរុញការនាំចេញ

ព្រឹត្តិការណ៍, សេដ្ឋកិច្ច

• 23/07/2024

គម្រោងអភិវឌ្ឍន៍ក្រោយប្រមូលផល(CAPFISH-Capture) នៃវិស័យជលផលកំពុងជំរុញខ្សែច្រវាក់ផលិតកម្មឱ្យកាន់តែទូលាយដើម្បីនាំចេញទៅកាន់ទីផ្សារអន្តរជាតិ

សម្តេចធិបតី ហ៊ុន ម៉ាណេត កត់សម្គាល់ពីការនាំចេញផលិតផលកសិកម្មសំខាន់ៗរបស់កម្ពុជា

ព្រឹត្តិការណ៍, សេដ្ឋកិច្ច

• 23/07/2024

សម្តេចធិបតី ហ៊ុន ម៉ាណេត កត់សម្គាល់ពីការនាំចេញផលិតផលកសិកម្មសំខាន់ៗរបស់កម្ពុជា ខណៈឯកអគ្គរដ្ឋទូតចិនថ្មី កោតសរសើរពីរសជាតិស្វាយចន្ទីខ្មែរ

ក្រុមហ៊ុនឧស្សាហកម្មវាយនភ័ណ្ឌចិន៤០ក្រុមហ៊ុន មកស្វែងយល់កាលានុវត្តភាពវិនិយោគនៅកម្ពុជា

ព្រឹត្តិការណ៍, សេដ្ឋកិច្ច

• 23/07/2024

ក្រុមហ៊ុនឧស្សាហកម្មវាយនភ័ណ្ឌចិនចំនួន៤០ក្រុមហ៊ុន បានមកស្វែងយល់ពីបរិយាកាស និង កាលានុវត្តភាពវិនិយោគនៅកម្ពុជា

ថៃអនុញ្ញាតឲ្យជនបរទេសមកពី ៩៣ ប្រទេសអាចស្នាក់នៅក្នុងប្រទេសបានរយៈពេល ៦០ ថ្ងៃដោយមិនចាំបាច់មានទិដ្ឋាការ ឬ Visa

ព្រឹត្តិការណ៍, សេដ្ឋកិច្ច

• 23/07/2024

ថៃអនុញ្ញាតឲ្យជនបរទេសមកពី ៩៣ ប្រទេសអាចស្នាក់នៅក្នុងប្រទេសបានរយៈពេល ៦០ ថ្ងៃដោយមិនចាំបាច់មានទិដ្ឋាការ ដើម្បីទាក់ទាញទេសចរ

ការរៀបចំយន្តការតាមដាន និងវាយតម្លៃការអនុវត្ដយុទ្ធសាស្រ្ដបញ្ចកោណដំណាក់កាលទី១ ជាដំណាក់កាលសំខាន់

ព្រឹត្តិការណ៍, សេដ្ឋកិច្ច

• 23/07/2024

ការរៀបចំយន្តការតាមដាន ត្រួតពិនិត្យ និងវាយតម្លៃការអនុវត្ដយុទ្ធសាស្រ្ដបញ្ចកោណដំណាក់កាល ទី១ គឺជាដំណាក់កាលសំខាន់នៃគោលនយោបាយរាជរដ្ឋាភិបាល

វេទិកាសេដ្ឋកិច្ចរបស់គណបក្សប្រជាធិបតេយ្យអាចនឹងនៅដដែលបន្ទាប់ពី Joe Biden បញ្ចប់តំណែងជាប្រធានាធិបតី

ព្រឹត្តិការណ៍, សេដ្ឋកិច្ច

• 23/07/2024

ការប្រកាសដកឈ្មោះរបស់ប្រធានាធិបតីសហរដ្ឋអាម៉េរិក Joe Biden ចេញពីគណបក្សប្រជាធិបតេយ្យក្នុងនាមជាបេក្ខជនឈរឈ្មោះបោះឆ្នោតជ្រើសរើសប្រធានាធិបតីឆ្នាំ ២០២៤ កំពុងក្លាយជាប្រធានបទជជែកដេញដោលទាក់ទងនឹងវេទិកាសេដ្ឋកិច្ច

ក្រុមហ៊ុនធំមួយរបស់ចិន នាំចូលរថយន្តអគ្គិសនីទំនើប​ និងបង្កើតមជ្ឈមណ្ឌលតាំងបង្ហាញនៅកម្ពុជា

ព្រឹត្តិការណ៍, សេដ្ឋកិច្ច

• 22/07/2024

ក្រុមហ៊ុនធំមួយរបស់ប្រទេសចិន នាំចូលរថយន្តអគ្គិសនីទំនើប និងបង្កើតមជ្ឈមណ្ឌលតាំងបង្ហាញរថយន្តនៅព្រះរាជាណាចក្រកម្ពុជា .

ឆមាសទី១ ​ឆ្នាំ​២​០​២​៤​ ​កម្ពុជា​នាំចេញ​កៅស៊ូ​ស្ងួត​មានតម្លៃ ​២​១​៣​.​៣​លាន​ដុល្លារ ​កើនឡើង ៨.៦%

ព្រឹត្តិការណ៍, សេដ្ឋកិច្ច

• 22/07/2024

របាយការណ៍ដែលចេញផ្សាយដោយអគ្គនាយកដ្ឋានកៅស៊ូ បានឱ្យដឹងថា ក្នុងឆមាសទីមួយនៃឆ្នាំ ២០២៤ ទំហំនៃការនាំចេញកៅស៊ូស្ងួតរបស់កម្ពុជាមានទំហំទឹកប្រាក់២១៣.៣លានដុល្លារ

អ្នកជំនាញណែនាំដល់កសិករឱ្យចេះប្រើឱកាសដាំដំណាំតាមរដូវកាល និងក្នុងបរិបទមានបម្រែបម្រួលអាកាសធាតុ

ព្រឹត្តិការណ៍, សេដ្ឋកិច្ច

• 19/07/2024

កសិករអាចកាត់បន្ថយការប្រើប្រាស់ទឹកបានតាមរយៈការប្រើប្រាស់ប្រព័ន្ធស្រោចស្រពតាមបច្ចេកទេសកសិកម្មទំនើប ដែលអាចជួយសន្សំទឹកបានរហូតដល់៤០ភាគរយ

កូរ៉េផ្តល់ជំនួយឥតសំណង៨លានដុល្លារជួយកម្ពុជា កសាងសមត្ថភាពបណ្តុះបណ្តាលធនធានមនុស្ស

ព្រឹត្តិការណ៍, សេដ្ឋកិច្ច

• 19/07/2024

ប្រទេសកូរ៉េបានផ្តល់ជំនួយឥតសំណងចំនួន៨លានដុល្លារអាមេរិកជួយកម្ពុជាលើការកសាងសមត្ថភាព និងបណ្តុះបណ្តាលធនធានមនុស្សខាង ICT និងបច្ចេកទេសវិជ្ជាជីវៈ