សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ត្បូងឃ្មុំ ៖ សៀង ជាអាហារកែច្នៃម្យ៉ាងដែលធ្វើពីសណ្ដែកសៀងស្ងោរ ហើយផ្អាប់ទុកដើម្បីអាចរក្សាទុកបានយូរក៏ដូចជាអាចច្នៃជាម្ហូបអាហារបានច្រើនមុខ។ ជាមួយនឹងសង្វាក់ផលិតកម្មផលិតសៀងនេះ គេបានកត់សម្គាល់ឃើញមានសិប្បកម្មផលិតសៀងមួយកន្លែងដែលកំពុងដំណើរការផលិតបន្តពីគ្រួសារ និងទទួលបានការគាំទ្រខ្លាំងពីអតិថិជនទូទៅជាច្រើន។
គ្រួសារសៀងឆ្ងាញ់ ជាឈ្មោះសិប្បកម្មផលិតសៀងមួយកន្លែងស្ថិតនៅភូមិស្រែស្ពៃ ឃុំគងជ័យ ស្រុកអូររាំងឪ ខេត្តត្បូងឃ្មុំ ដែលកំពុងមានភាពមមាញឹកក្នុងការផលិតសៀងយ៉ាងប្រកបដោយរសជាតិឆ្ងាញ់ និងមានគុណភាពល្អ។
អ្នកស្រី ផាន់ ប៉ុណ្ណា ជាម្ចាស់សិប្បកម្មសៀងឆ្ងាញ់បានមានប្រសាសន៍ប្រាប់ AMS ថា សិប្បកម្មផលិតសៀងមួយនេះ គឺជាមុខរបរបន្តពីក្រុមគ្រួសារ ហើយក៏បានធ្វើឱ្យអាជីវកម្មមួយនេះកាន់តែរីកធំធាត់ទៅមុខ និងបានផ្តល់ការងារមួយចំនួនដល់ប្រជាសហគមន៍ ព្រមទាំងបានលើកកម្ពស់កសិផល ក៏ដូចជាផលិតផលខ្មែរផងដែរ។
អ្នកស្រីបានបញ្ជាក់ថា ៖
“បច្ចុប្បន្ន សៀងរបស់យើងមានពីរប្រភេទ គឺសៀងឆ្ងាញ់ និងសៀងឆ្ងាញ់ពិសេស ដែលក្នុងនោះសៀងឆ្ងាញ់លក់ក្នុងតម្លៃ ១ដប ២៥០០រៀល ឯសៀងឆ្ងាញ់ពិសេស ១ដបមានតម្លៃពី ៣៥០០-៥០០០រៀល និងមានជាប្រភេទកំប៉ុង ដោយ១ កំប៉ុងមានតម្លៃ ៦០០០រៀល។ ដោយឡែកសម្រាប់អតិថិជនដែលគាំទ្រសិប្បកម្មសៀងឆ្ងាញ់មានច្រើន ដែលមានទាំងអ្នករស់នៅតំបន់ និងតាមបណ្តាខេត្ត ផ្សេងៗដូចជា ខេត្តកំពង់ចាម ព្រះសីហនុ សៀមរាប ប៉ៃលិន ព្រះវិហារ កោះកុង ឧត្ដមមានជ័យ ប៉ោយប៉ែត រតនគីរី និងក្រចេះ និងរាជធានីភ្នំពេញផងដែរ”
អ្នកស្រីបន្តថា ៖
“លក្ខណៈពិសេសដែលធ្វើឱ្យគេនិយមគាំទ្រផលិតផលរបស់សិប្បកម្មយើងគឺ យើងប្រកាន់ភ្ជាប់នូវរសជាតិ គុណភាព និងអនាម័យក្នុងការផលិត ដែលក្នុងមួយថ្ងៃសិប្បកម្មយើងអាចផលិតសៀងបានប្រមាណ ១០០០គីឡូក្រាម ឬច្រើនជាងនេះប្រសិនបើបងប្អូនយើងគាត់កម្ម៉ង់បន្ថែម។ ដោយឡែកចំពោះវត្ថុធាតុដើមដែលរួមមានដូចជាសណ្ដែកសៀង គឺយើងទិញមកពីប្រជាកសិករនៅខេត្តរតនគីរី ហើយជួនកាលទិញពីឃ្លាំងធំនៅផ្សារសួង ឬអ្នកលឿងជាដើម ដែលជាផ្នែកមួយជួយលើកកម្ពស់ជីវភាពប្រជាកសិករផង និងជួយផ្តល់ការងារដល់ប្រជាជនមួយចំនួននៅក្នុងតំបន់ផងដែរ”
គួរបញ្ជាក់ដែរថា សិប្បកម្មផលិតសៀងខាងលើបានចាប់ផ្តើមឡើងតាំងពីចុងឆ្នាំ២០១៨ ដែលមុខរបរបន្តពីគ្រួសារ ដោយចាប់ផ្ដើមក្នុងដើមទុនប្រមាណ ៦០០០ដុល្លា ចំណាយលើការសាងសង់រោងសិប្បកម្ម និងទិញសម្ភារមួយចំនួន ដូចជាពាងខាប់ និងវត្ថុធាតុដើមដូចជា សណ្ដែកសៀង ស្ករ និងអំបិលជាដើម។
យ៉ាងណាមិញ អ្នកស្រី ផាន់ ប៉ុណ្ណា បានបង្ហាញពីកត្តាប្រឈមដែរថា សម្រាប់សិប្បកម្មមួយនេះធ្លាប់ជួបការលំបាកក្នុងសង្វាក់ផលិតកម្មផងដែរ ដូចជាពេលខ្លះខ្វះវត្ថុធាតុដើម ហើយពេលខ្លះទៀតទំនិញឡើងថ្លៃជាដើម។ ប៉ុន្តែទោះជាយ៉ាងណា សិប្បកម្មមួយនេះនៅតែបន្តសកម្មភាព និងបានពង្រីកខ្លួនធំជាងមុន ខណៈដែលនៅថ្ងៃអនាគត អ្នកស្រីមានបំណងពង្រីកអាជីវកម្មឱ្យកាន់តែរឹងមាំ និងអាចផ្ដល់ការងារឱ្យកាន់តែច្រើនដល់ប្រជាសហគមន៍ផងដែរ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ក្រុមហ៊ុន NextEd Canada រៀបចំទិវាគ្រួសារ (Family’s Day) ដើម្បីអបអរសិស្សកម្ពុជាដែលត្រៀមបន្តការសិក្សានៅប្រទេសកាណាដា
ព្រឹត្តិការណ៍, អត្ថបទពាណិជ្ជកម្ម
• 15/08/2026
NextEd Canada ដែលជាក្រុមហ៊ុនប្រឹក្សា និងរៀបចំផែនការសិក្សានៅប្រទេសកាណាដា សម្រាប់សិស្សានុសិស្សកម្ពុជាចាប់ពីកម្រិតវិទ្យាល័យឡើងទៅ បានរៀបចំទិវាគ្រួសារសម្រាប់សិស្ស និស្សិត និងក្រុមគ្រួសារកម្ពុជាប្រមាណ១០០ គ្រួសារដែលមានផែនការ និងចំណាប់អារម្មណ៍លើការសិក្សានៅកាណាដា
កម្មវិធី «នវានុវត្តន៍បញ្ច្រាស» ជួយធុរកិច្ចថ្មីដោះស្រាយបញ្ហាទីផ្សារ តាមរយៈការបង្កើតជាដំណោះស្រាយប្រកបដោយភាពច្នៃប្រឌិត និង នវានុវត្តន៍
ព្រឹត្តិការណ៍, អាជីវកម្មថ្មី និងនវានុវត្ត
• 14/08/2026
កម្មវិធី «នវានុវត្តន៍បញ្ច្រាស» ជាទុនជួយធុរកិច្ចថ្មីដោះស្រាយបញ្ហាប្រឈមក្នុងទីផ្សារតាមរយៈការបង្កើតដំណោះស្រាយប្រកបដោយភាពច្នៃប្រឌិត នវានុវត្តន៍
ក្រសួងរៀបចំដែនដីទទួលបានគំនិតថ្មីៗបន្ថែម ក្នុងគោលដៅធ្វើឱ្យប្រជាពលរដ្ឋមានលំនៅឋានរស់នៅសមរម្យ
Top News, ព្រឹត្តិការណ៍, អចលនទ្រព្យ
• 14/08/2026
កិច្ចការស្រាវជ្រាវអំពីអចលនទ្រព្យ និងស្ថានភាពលំនៅឋាននេះមានសារៈសំខាន់ គឺផ្ដោតទៅលើការបង្កើតទំនៀមទម្លាប់ និងផ្នត់គំនិតការងារថ្មីមួយ ដែលមានភាពច្បាស់លាស់ និងមិនធ្វើការតាមអារម្មណ៍ដែលនាំឱ្យមានកំហុសឆ្គងច្រើន
ការស្ទង់មតិពី ៣៦ ប្រទេសបង្ហាញថា ចិន ទទួលបានប្រជាប្រិយភាពជាងអាមេរិកនៅលើឆាកអន្តរជាតិ
ព្រឹត្តិការណ៍, អាជីវកម្មថ្មី និងនវានុវត្ត
• 14/08/2026
ការស្ទង់មតិជាលក្ខណៈអន្តរជាតិដ៏ធំមួយនៅលើបណ្តាប្រទេសចំនួន ៣៦ បានបង្ហាញពីទស្សនៈជាសកល ដែលភាគច្រើនមានទំនោរទៅលើប្រទេសចិនក្នុងផ្លូវវិជ្ជមាន ច្រើនជាងសហរដ្ឋអាមេរិក
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content