សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ទីស្នាក់ការកណ្តាល និងសាខារបស់គ្រឹះសា្ថនធនាគារ និងហិរញ្ញវត្ថុនៅកម្ពុជា មានរហូតដល់២ ៦០០កន្លែង ដែលក្នុងនោះ មាន ១ ១៩៩កន្លែង ជាការិយាល័យរបស់គ្រឹះស្ថានមីក្រូហិរញ្ញវត្ថុ ក្នុងការផ្តល់សេវាហិរញ្ញវត្ថុឱ្យប្រជាពលរដ្ឋ ខណៈទ្រព្យសកម្មរបស់ប្រព័ន្ធធនាគារ និងហិរញ្ញវត្ថុនៅកម្ពុជា មានកំណើន១៦% ដែលមានទំហំទឹកប្រាក់ជិត ៧០ ពាន់លានដុល្លារអាមេរិក។
នេះបើយោងតាមរបាយការណ៍ប្រចាំឆ្នាំ ២០២១ របស់ធនាគារជាតិនៃកម្ពុជា (NBC) ដែលអនុម័តដោយឯកឧត្តម ជា ចាន់តូ ទេសាភិបាលធនាគារជាតិនៃកម្ពុជា។
របាយការណ៍របស់ធនាគារជាតិនៃកម្ពុជាប្រចាំឆ្នាំ២០២១ បានបង្ហាញថា កម្ពុជាមានធនាគារពាណិជ្ជចំនួន ៥៤ និងធនាគារឯកទេសចំនួន ១០។ ក្រៅពីនេះ កម្ពុជាមានគ្រឹះស្ថានមីក្រូហិរញ្ញវត្ថុទទួលប្រាក់បញ្ញើពីសាធារណជនចំនួន ៦ និងមីក្រូហិរញ្ញវត្ថុមិនទទួលប្រាក់បញ្ញើចំនួន ៧៩។ ធនាគារ និងគ្រឹះស្ថានមីក្រូហិរញ្ញវត្ថុទាំងនេះ គឺមានទីស្នាក់ការកណ្តាល សាខា និងការិយានៅទូទាំងប្រទេសសរុប ២ ៦០០កន្លែង ក្នុងការផ្តល់សេវាហិរញ្ញវត្ថុជូនអតិថិជន។
ធនាគារជាតិនៃកម្ពុជា បានបញ្ជាក់ថា ក្នុងចំណោមការិយាល័យសរុបនេះ មាន១ ៣៤៩កន្លែង ជាទីស្នាក់ការកណ្តាល និងជាសេខារបស់គ្រឹះស្ថានធនាគារ ដែលមានម៉ាស៊ីនដកដាក់ប្រាក់ស័្វយប្រវត្តិ (ATM) ចំនួន ៣ ២៣៤ កន្លែង ផងដែរ។
ជាមួយគ្នានេះ ក្រុមហ៊ុនភតិសន្យាហិរញ្ញវត្ថុភាគច្រើន មានការិយាល័យមាន ៥២ កន្លែង និងគ្រឹះស្ថានឥណទានជនបទ ដែលរួមចំណែកក្នុងការសេវាឥណទានខ្នាតតូចនោះ មាន ២៣៤ កន្លែងផងដែរ។
ដោយឡែក គ្រឹះស្ថានមីក្រូហិរញ្ញវត្ថុនៅកម្ពុជាវិញមានបណ្តាញប្រតិបត្តិគ្របដណ្តប់ទូទាំងប្រទេស ក្នុងចំនួន១ ៣៤៩ ការិយាល័យ។ មីក្រូហិរញ្ញវត្ថុទាំងនោះ បានធ្វើទំនើបកម្មលើសេវាកម្មរបស់ខ្លួន ក្នុងការ ផ្តល់ឥណទាន ប្រាក់បញ្ញើ ការផ្ទេរប្រាក់ ធនគារចល័ត និងការដក-ដាក់ប្រាក់តាមម៉ាស៊ីនATM ជាដើម ដែលធ្វើឱ្យអតិថិជនមានលទ្ធភាពប្រើប្រាស់សេវាហិរញ្ញវត្ថុផ្លូវការបានកាន់តែច្រើន។
យោងតាមរបាយការណ៍ធនាគារជាតិនៃកម្ពុជា ក្នុងឆ្នាំ២០២១ ទ្រព្យសកម្មរបស់ប្រព័ន្ធធនាគារ និងហិរញ្ញវត្ថុនៅកម្ពុជា មានកំណើន១៦% ដែលមានទំហំទឹកប្រាក់ ៦៨,២ពាន់លានដុល្លារអាមេរិក។ ក្នុងនោះ ឥណទានអតិថិជនកើនដល់ ២១,២ ភាគរយ ស្មើនឹង ៤៥,៧ ពាន់លានដុល្លារ ប្រាក់បញ្ញើអតិថិជនមានកំណើន ១៥,៤ ភាគរយ ស្មើនឹង ៣៨,៥ ពាន់លានដុល្លារ និងដើមទុនមានកំណើន ១៨ ភាគរយ ស្មើនឹង ៧,៦ ពាន់លានដុល្លារ។
សូមបញ្ជាក់ថា គ្រឹះស្ថានធនាគារ និងហិរញ្ញវត្ថុបន្តចូលរួមលើកកម្ពស់បរិយាប័ន្នហិរញ្ញវត្ថុ ដែលឆ្លុះបញ្ចាំងតាមរយៈការកើនឡើងនៃចំនួនប្រាក់បញ្ញើអតិថិជនមានដល់ ១២,១ លានគណនី និងឥណទានអតិថិជន មានដល់ ៣,៣ លានគណនី។ នេះបើតាមរបាយការណ៍ធនាគារជាតិនៃកម្ពុជា៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
មជ្ឈមណ្ឌលទិន្នន័យ និងសង្គ្រោះទិន្នន័យរួមនៃក្រសួងសេដ្ឋកិច្ច និងហិរញ្ញវត្ថុ ទទួលបានវិញ្ញាបនបត្រលើឯកសាររចនាបញ្ជាក់ស្តង់ដារមជ្ឈមណ្ឌលទិន្នន័យកម្រិត៤
ព្រឹត្តិការណ៍, អាជីវកម្មថ្មី និងនវានុវត្ត
• 08/04/2026
មជ្ឈមណ្ឌលទិន្នន័យ និងសង្គ្រោះទិន្នន័យរួមនៃក្រសួងសេដ្ឋកិច្ច និងហិរញ្ញវត្ថុ ទទួលបានវិញ្ញាបនបត្រលើឯកសាររចនាបញ្ជាក់ស្តង់ដារមជ្ឈមណ្ឌលទិន្នន័យកម្រិត៤
FBI ព្រមានពលរដ្ឋអាម៉េរិកក្នុងការប្រើប្រាស់កម្មវិធីទូរស័ព្ទរបស់បរទេសរួមទាំង CapCut និង Lemon8
ព្រឹត្តិការណ៍, អាជីវកម្មថ្មី និងនវានុវត្ត
• 08/04/2026
ភ្នាក់ងារស៊ើបអង្កេតអាម៉េរិក ហៅកាត់ថា FBI បានព្រមានពលរដ្ឋរបស់ខ្លួនឲ្យមានការប្រុងប្រយ័ត្នខ្ពស់ចំពោះប្រភេទកម្មវិធីទូរស័ព្ទក្រៅប្រទេសដែលកំពុងពេញនិយមនាពេលបច្ចុប្បន្ន ដែលទំនងជាសំដៅទៅលើកម្មវិធី CapCut និង Lemon8 ជាដើម
ក្រុមហ៊ុនអុិចប្រេស៍ ហ្វូតហ្គ្រុប ខេមបូឌា (Express Food Group Cambodia) ប្រកាសផ្លាស់ប្តូរម្ចាស់កម្មសិទ្ធិអាជីវកម្មថ្មី និងបង្ហាញពីផែនការឆ្ពោះទៅរកភាពរីកចម្រើន
ព្រឹត្តិការណ៍, អត្ថបទពាណិជ្ជកម្ម
• 08/04/2026
ក្រុមហ៊ុនអ៊ិចប្រេស៍ ហ្វូតហ្គ្រុប ខេមបូឌា (Express Food Group Cambodia) ប្រកាសផ្លាស់ប្តូរម្ចាស់កម្មសិទ្ធិអាជីវកម្មថ្មីនិងបង្ហាញពីផែនការឆ្ពោះទៅរកភាពរីកចម្រើននៅដំណាក់កាលបន្តបន្ទាប់នាពេលអនាគត។
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content