សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បើទោះបីជាសេដ្ឋកិច្ចពិភពលោកបាននិងកំពុងជួបប្រទះនូវភាពមិនប្រាកដប្រជាក៏ដោយ ក៏ប្រព័ន្ធធនាគារនៅកម្ពុជានៅតែបន្តឈរជើងយ៉ាងរឹងមាំ ហើយរក្សាបានភាពធន់ ដោយទ្រព្យសកម្មប្រព័ន្ធធនាគារសរុបមានជិត ១០២ ពាន់លានដុល្លារ ក្នុងឆ្នាំ២០២៥។
ភាពរឹងមាំនៃប្រព័ន្ធធនាគាររបស់កម្ពុជា ដោយសារការឈរជើងយ៉ាងរឹងមាំរបស់ធនាគារធំៗ រួមមាន៖ ធនាគារ អេស៊ីលីដា ភីអិលស៊ី។ ធនគារទាំងនេះ បានពង្រឹងតួនាទីរបស់ខ្លួនក្លាយជាឆ្អឹងខ្នងនៃហេដ្ឋារចនាសម្ព័ន្ធធនាគាររូបវន្តរបស់កម្ពុជា ដែលមានទ្រព្យសកម្មសរុបប្រមាណ ១១,៧ ពាន់លានដុល្លារនៅចុងឆ្នាំ២០២៥។ នេះបើតាមរបាយការណ៍របស់ធនាគារជាតិ កាលពីចុងខែ មីនា ឆ្នាំ ២០២៦។
របាយការណ៍ដដែលបង្ហាញថា ធនាគារ ABA របស់ប្រទេសកាណាដា បានពង្រឹងជំហររបស់ខ្លួនជាធនាគារពាណិជ្ជធំជាងគេ គិតត្រឹមឆ្នាំ២០២៥ តម្លៃនៃទ្រព្យសកម្មសរុប មានប្រហែល ១៦,៦ពាន់លានដុល្លារ កើនឡើងប្រហែល ២០ភាគរយពីមួយឆ្នាំទៅមួយឆ្នាំ។
ដោយឡែក ធនាគារ កាណាឌីយ៉ា ឈរនៅលំដាប់ទី ២ មានទ្រព្យសកម្មសរុបប្រមាណ ៩ ពាន់លានដុល្លារ។ លំដាប់ទី ៣ គឺ ធនាគារ FTB ដែលជាធនាគារក្នុងស្រុកដំបូងគេមួយ មានទ្រព្យសកម្មកើនឡើងដល់ជាង ២,៥ ពាន់លានដុល្លារ តាមពីក្រោយដោយធនាគារ វីង មានទ្រព្យសកម្មសរុបប្រមាណ ៨៨លានដុល្លារ។
ក្រៅពីនោះមានធនាគារធំៗ មួយចំនួនទៀត ដូចជា Cambodian Public Bank (CPBE),Phillip Bank, Maybank Cambodia របស់ម៉ាឡេស៊ី ,Vattanac Bank និង BRED Bank Cambodia របស់ប្រទេសបារាំង នៅតែអាចឈរយ៉ាងរឹងមាំ។
លោកជំទាវបណ្ឌិត ជា សិរី ទេសាភិបាលធនាគារជាតិនៃកម្ពុជា កាលពីពេលថ្មីៗនេះ បានអះអាថា ក្នុងពេលដែលសេដ្ឋកិច្ចកំពុងជួបប្រទះនឹងបញ្ហាប្រឈមទាំងពីខាងក្រៅ និង ក្នុងស្រុក ប្រព័ន្ធធនាគារបន្តរួមចំណែកគាំទ្រសកម្មភាពសេដ្ឋកិច្ច។
លោកជំទាវបណ្ឌិត បានថ្លែងបន្តថា ជាក់ស្តែង ឥណទាន ដែលផ្តល់ដោយប្រព័ន្ធធនាគារបន្តកើនឡើងសន្សឹមៗក្នុងអត្រា ៤,១ ភាគរយ ខ្ពស់ជាងឆ្នាំ២០២៤ ដែលរួមចំណែកគាំទ្រដោយកំណើនតម្រូវការទុននៃសហគ្រាសធុនមីក្រូ តូច និងមធ្យម ក្នុងការពង្រីកអាជីវកម្ម។
លោកជំទាវបណ្ឌិត ជា សិរី មានប្រសាសន៍ថា៖
“ប្រាក់បញ្ញើបានបន្តកើនឡើងល្អប្រសើរ ជាមួយនឹងអត្រាកំណើន ១៤,៧ ភាគរយ គួបផ្សំនឹងស្ថានភាពរឹងមាំនៃដើមទុន និងលទ្ធភាពខ្ពស់ក្នុងការបញ្ចេញសាច់ប្រាក់ ដែលបង្ហាញថា ប្រព័ន្ធធនាគារនៅតែមានភាពធន់ និងបន្តទទួលបានជំនឿទុកចិត្តពីសាធារណជន។”
បណ្ឌិត អ៊ិន ចាន់នី ប្រធាននាយកប្រតិបត្តិធនាគារអេស៊ីលីដា លើកឡើងថា ទោះបីពិភពលោកស្ថិតក្នុងបញ្ហាប្រឈមបន្តបន្ទាប់ សម្រាប់កម្ពុជា អាចគ្រប់គ្រងហានិភ័យបាន។ លោកអះអាងថា ប្រព័ន្ធធនាគាររឹងមាំ លុះត្រាតែធនាគារ មានភាពរឹងមាំជាមុនសិន។
បណ្ឌិត អ៊ិន ចាន់នី មានប្រសាសន៍ថា៖
“យើងដឹងហើយថាវិស័យធនាគារគឺជាឆ្អឹងខ្នងសម្រាប់សេដ្ឋកិច្ចកម្ពុជា ហើយគេត្រូវការធនាគាររឹងមាំមែនទែន។”
យោងតាមរបាយការណ៍របស់ធនាគារជាតិនៃកម្ពុជា (NBC) ក្នុងឆ្នាំ២០២៥ ទ្រព្យសកម្មរបស់គ្រឹះស្ថានធនាគារជាតិ និងហិរញ្ញវត្ថុ នៅកម្ពុជា ឈានដល់ ១០១,៨ ពាន់លានដុល្លារ បានកើនឡើង ៩,៥ ភាគរយ បើធៀបនឹងឆ្នាំ២០២៤។ ក្នុងនោះ ទ្រព្យសកម្មរបស់គ្រឹះស្ថានធនាគារជាតិ និងហិរញ្ញវត្ថុ ទទួលប្រាក់បញ្ញើមាន ៩៧ ភាគរយ។ ចំណែក ទ្រព្យសកម្មរបស់គ្រឹះស្ថានធនាគារជាតិ និងហិរញ្ញវត្ថុ មិនទទួលប្រាក់បញ្ញើ មាន ៣ ភាគរយ៕
អត្ថបទ៖ ខន ណារី AMS
Account
Security
Favourite Content