PillTech និង Sanofi GHU រួមគ្នា ដើម្បីជួយវិស័យសុខាភិបាលនៅកម្ពុជាកាន់តែប្រសើរ

ក្រុមហ៊ុន PillTech ជាធុរកិច្ចខ្មែរឈានមុខផ្នែកបច្ចេកវិទ្យាវិស័យសុខាភិបាល និង Sanofi Global Health Unit (GHU) ដែលជាអង្គភាពមិនរកប្រាក់ចំណេញរបស់ក្រុមហ៊ុន Sanofi បានចាប់ដៃគូក្នុងគោលបំណងអោយការផ្តល់សេវាសុខាភិបាលនៅទូទាំងប្រទេសកម្ពុជាកាន់តែប្រសើរឡើង។ ការចាប់ដៃគូនេះផ្តោតលើការចែកចាយឱសថគុណភាពខ្ពស់ក្នុងតម្លៃទាបសម្រាប់ប្រជាជនកម្ពុជា និងព្រមទាំងចូលរួមគាំទ្រវិស័យសុខាភិបាលនៅកម្ពុជាតាមរយៈការផ្តល់នូវការអភិវឌ្ឍវិជ្ជាជីវៈបន្ត ផ្នែកវេជ្ជសាស្ត្រ និងឱសថសាស្ត្រ។

ការសហការជាដៃគូនេះត្រូវបានប្រកាសនៅក្នុងសន្និសីទ “Bridging Health and Innovation” ដែលប្រារព្ធឡើងនៅសណ្ឋាគារសូហ្វីតែលភ្នំពេញភូគីត្រា ដោយផ្តោតលើការចែកចាយឱសថគុណភាពខ្ពស់ក្នុងតម្លៃសមរម្យសម្រាប់ប្រជាជនកម្ពុជា និងព្រមទាំងចូលរួមគាំទ្រវិស័យសុខាភិបាលនៅកម្ពុជាតាមរយៈការផ្តល់នូវការអភិវឌ្ឍវិជ្ជាជីវៈបន្ត ផ្នែកវេជ្ជសាស្ត្រ និងឱសថសាស្ត្រដែលជំរុញការអភិវឌ្ឍប្រកបដោយចីរភាព។

ឯកឧត្តម សាស្ត្រាចារ្យបណ្ឌិត សុខ ជួរ អគ្គនាយករងសុខាភិបាលនៃក្រសួងសុខាភិបាល បានថ្លែងនូវការគាំទ្រយ៉ាងមុតមាំចំពោះការសហការរវាង ក្រុមហ៊ុន PillTech ជាធុរកិច្ចខ្មែរឈានមុខផ្នែកបច្ចេកវិទ្យាវិស័យសុខាភិបាល និង Sanofi Global Health Unit (GHU) និងលើកទឹកចិត្តអោយមានកិច្ចសហការផ្នែកវេជ្ជសាស្ត្រក្នុងការគ្រប់គ្រងជំងឺមិនឆ្លង (NCD)កាន់តែច្រើន។ ជាផ្នែកមួយនៃការកសាងសមត្ថភាពសម្រាប់អ្នកផ្តល់សេវាថែទាំសុខភាព សិក្ខាសាលានេះបានប្រមូលផ្តុំអ្នកផ្តល់សេវាថែទាំសុខភាពជាង ១០០ នាក់មកពីទូទាំងប្រទេសកម្ពុជា ដែលជំរុញឱ្យមានកិច្ចសហការ និងការចែករំលែកចំណេះដឹង ជាពិសេសតាមរយៈសិក្ខាសាលាស្តីពីជំងឺទឹកនោមផ្អែម និងការគ្រប់គ្រងជំងឺសរសៃឈាមបេះដូង ដែលដឹកនាំដោយលោកវេជ្ជបណ្ឌិត ស៊ុំ សត្ថា, គ្រូពេទ្យឯកទេសខាងប្រព័ន្ធ ប្រព័ន្ធអង់ដូគ្រីន និងលោកវេជ្ជបណ្ឌិត ថេង យូដាលីន គ្រូពេទ្យឯកទេសជំងឺបេះដូង នៅមន្ទីរពេទ្យកាល់ម៉ែត។ ដើម្បីបង្កើនលទ្ធភាពទទួលបានថ្នាំដែលមានតម្លៃសមរម្យ កម្មវិធីនេះក៏បានដាក់បង្ហាញពីតម្លៃសមរម្យនៃ Lantus SoloStar Insulin Pen ដែលជាអាំងស៊ុយលីន glargine ដែលមានសកម្មភាពយូរអង្វែង បន្ថយជាតិស្ករក្នុងឈាមចំពោះអ្នកជំងឺដែលមានជំងឺទឹកនោមផ្អែម។

ការសហការជាដៃគូរវាង PillTech និងអង្គភាពសុខភាពសកលរបស់ Sanofi តំណាងឱ្យចក្ខុវិស័យរួមគ្នាដោយអង្គភាពទាំងពីរ។

វេជ្ជបណ្ឌិត Vijeta Tiwari , Access Lead Asia នៅ Sanofi GHU មានប្រសាសន៍ថា ៖ “យើងជឿជាក់ថាមធ្យោបាយតែមួយគត់ដើម្បីកែលម្អសុខភាពរបស់ប្រជាជនកាន់តែច្រើននៅក្នុងប្រទេសដែលមានប្រាក់ចំណូលទាប និងមធ្យមគឺតាមរយៈការប្តេជ្ញាចិត្ត និងយូរអង្វែងប្រកបដោយនិរន្តរភាព។ ការសហការជាដៃគូរបស់យើងជាមួយ PillTech គឺជាជំហានដ៏សំខាន់មួយឆ្ពោះទៅរកការសម្រេចបាននូវចក្ខុវិស័យនេះ។”

ការដោះស្រាយលើភាពបែកខ្ញែកក្នុងការចែកចាយឱសថនៅកម្ពុជា

ក្រុមហ៊ុន PillTech បានទទួលស្គាល់ថា ជាធុរកិច្ចថ្មីប្ររសើរបំផុតប្រចាំឆ្នាំក្នុងកម្មវិធីពានរង្វាន់បច្ចេកវិទ្យាគមនាគមន៍ និងព័ត៌មានកម្ពុជានៅឆ្នាំ២០២១ និងបានទទួលមេដាយមាសសម្រាប់កម្ពុជាសព្រឹត្តិការណ៍អាជីវកម្មឌីជីថលល្អបំផុតនៅថ្នាក់តំបន់អាស៊ានក្នុងឆ្នាំ២០២១នេះផងដែរ។ ក្រុមហ៊ុន PillTech បានបង្កើតវេទិកា B2B ដើម្បីដោះស្រាយបញ្ហាដែលបានចែកចាយឱសថនៅកម្ពុជាដោយប្រើប្រាស់បច្ចេកវិទ្យាដ៏ទំនើប ដែលធានាថាអ្នកផ្តល់សេវាសុខាភិបាលអាចស្វែងរកឱសថជាច្រើនប្រភេទដែលមានតម្លៃសមរម្យ។

ការប្តេជ្ញាចិត្តក្នុងការថែទាំសុខភាពប្រកបដោយចីរភាព

Sanofi GHU ដែលដំណើរការជាមួយគោលការណ៍របស់អង្គការសុខាភិបាលចំបងដើម្បីបម្រើសេវាសុខាភិបាលដែលមានតម្លៃសមរម្យបំផុតនៅក្នុងប្រទេសដែលមានតម្រូវការដែលមិនអាចបំពេញបាននៅកម្រិតខ្ពស់បំផុត។ Sanofi GHU មានគម្រោងនៅក្នុងប្រទេសចំនួន ៤៦ បានព្យាបាលអ្នកជំងឺច្រើនជាង ៥០៦ ១៣០ នាក់សម្រាប់ជម្ងឺដែលមិនអាចឆ្លង (NCDs), មានអ្នកទទួលផលពីគម្រោងចំនួន ៣៦៩ ១៣៣ នាក់ តាមរយៈកម្មវិធីផ្សេងៗ និងបានបណ្តុះបណ្តាលអ្នកផ្តល់សេវាសុខាភិបាលចំនួន ៦ ៧៧៤ នាក់។

ការលើកកម្ពស់ការផ្តល់សេវាថែទាំសុខភាព

ការចាប់ដៃគូនេះមានគោលបំណងចូលរួមពង្រឹងវិស័យសុខាភិបាលនៅកម្ពុជាដោយ៖

-ការចែកចាយឱសថគុណភាពខ្ពស់ក្នុងតម្លៃសមរម្យ

-ការបណ្តុះបណ្តាលសមត្ថភាពសម្រាប់ឱសថការី និងវេជ្ជបណ្ឌិតដើម្បីផ្តល់ជម្រើសព្យាបាលល្អបំផុត។

  • ជំរុញការយល់ដឹង និងការគ្របគ្រងអំពីជំងឺមិនឆ្លង (NCDs)
  • ធានាថាអ្នកជំងឺទទួលបានអត្ថប្រយោជន៍ពីជម្រើសព្យាបាលថ្មី និងឱសថជំនាន់ក្រោយបង្អស់។

សកម្មភាពសម្រាប់ឱសថស្ថាន គ្លីនិក និងមន្ទីរពេទ្យ

ក្រុមហ៊ុន PillTech និងអង្គភាពមិនរកប្រាក់ចំណេញ Sanofi GHU ចង់អោយឱសថស្ថាន គ្លីនិក និងមន្ទីរពេទ្យទាំងអស់ចូលរួមជាមួយយើងក្នុងគម្រោងនេះដែលកអាចបញ្ជាទិញផលិតផល Sanofi’s GHU ដែលមានតម្លៃសមរម្យ ព្រមទាំងផលិតផលផ្សេងទៀតចំនួន ៣០០០ ដែលបានចុះបញ្ជីទទួលស្គាល់ដោយក្រសួងសុខាភិបាលកម្ពុជា។ ដោយសហការជាមួយ PillTech និង Sanof’si GHU លោកអ្នកនឹងអាចផ្តល់ឱសថជាច្រើនដែលមានគុណភាពខ្ពស់ និងតម្លៃសមរម្យដល់អ្នកជំងឺទាំងអស់។ ដើម្បីធ្វើឱ្យដំណើរការបញ្ជាទិញកាន់តែមានភាពងាយស្រួល សូមទាញយកកម្មវិធីទូរសព្ទ PillTech ពី App Store ឬ Play Store។ កម្មវិធីនេះអនុញ្ញាតឱ្យអ្នកបញ្ជាទិញឱសថកាន់តែងាយស្រួល និងឆាប់រហ័ស។

លោកឱសថបណ្ឌិត វីរៈ ខ្លូតជា អគ្គនាយក និងសហស្ថាបនិក PillTech បានលើកឡើងថា នៅ “PillTech
យើងជួយឱសថការី និងវេជ្ជបណ្ឌិតទាំងអស់ក្នុងការស្វែងរក និងជាវផលិតផលឱសថរាប់ពាន់មុខយ៉ាងងាយស្រួលតាមរយៈវេទិកាតែមួយ ដើម្បីធានាបានថាអ្នកជំងឺអាចទទួលបានថ្នាំព្យាបាលមានគុណភាព និងតម្លៃល្អបំផុត។”

អំពី PillTech

ក្រុមហ៊ុន PillTech ជាធុរកិច្ចខ្មែរឈានមុខផ្នែកបច្ចេកវិទ្យាវិស័យសុខាភិបាលដែលមានគោលបំណងជំរុញនវានុវត្តន៍ និងរបត់វិស័យឱសថសាស្ត្រ និងសុខាភិបាលនៅកម្ពុជា។ តាមរយៈការប្រើប្រាស់បច្ចេកវិទ្យារបស់ PillTech ឱសថស្ថាននានាអាចបង្កើនប្រសិទ្ធភាពដំណើរការ ព្រមទាំងស្តុកទុកថ្នាំជូន និងផ្តល់សេវាសុខភាពជូនអ្នកជំងឺកាន់តែប្រសើរជាងមុន។ ព័ត៌មានបន្ថែមអាចរកបាននៅគេហទំព័រ PillTech Solutions: https://www.pilltech.com.kh/

អំពី Sanofi’s GHU

Sanofi GHU ដែលដំណើរការជាមួយគោលការណ៍របស់អង្គការសុខាភិបាលចំបងដើម្បីបម្រើសេវាសុខាភិបាលដែលមានតម្លៃសមរម្យបំផុតនៅក្នុងប្រទេសដែលមានតម្រូវការដែលមិនអាចបំពេញបាននូវកម្រិតខ្ពស់បំផុត។ ព័ត៌មានបន្ថែមអាចរកបាននៅគេហទំព័រ https://www.impact.sanofi/

ចូលរួមជាមួយយើង

សម្រាប់ព័ត៌មានបន្ថែមអំពីរបៀបចូលរួមក្នុងគម្រោងនេះ និងការបញ្ជាទិញផលិតផល សូមទំនាក់ទំនងទៅកាន់អគ្គនាយក និងសហស្ថាបនិក ឱសថបណ្ឌិត វីរៈ ខ្លូតជា ឬចូលទៅកាន់គេហទំព័ររបស់យើង https://www.pilltech.com.kh/។ ទាញយកកម្មវិធីទូរសព្ទ PillTech ពី App Store ឬ Play Store ដើម្បីចាប់ផ្តើមមុនគេ។ រួមគ្នា ដើម្បីប្រជាជនយើងទទួលឱសថប្រើប្រាស់គ្រប់គ្រាន់នៅកម្ពុជា។


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សហភាពអឺរ៉ុបលើកឡើងថា ការដាក់ទណ្ឌកម្មលើសេដ្ឋកិច្ចរុស្ស៊ីពិតជាមានប្រសិទ្ធភាព

ព្រឹត្តិការណ៍, សេដ្ឋកិច្ច

• 25/07/2024

រដ្ឋមន្ត្រីហិរញ្ញវត្ថុសហភាពអឺរ៉ុប ៨ រូប លើកឡើងថា រុស្ស៊ីនិយាយកុហកអំពីកម្លាំងសេដ្ឋកិច្ចរបស់ខ្លួន ដោយសារមាន​សញ្ញា​ជា​ច្រើន​ដែល​បង្ហាញ​ថា​សេដ្ឋកិច្ច​រុស្ស៊ី​កំពុង​ធ្លាក់​ចុះ ហើយគួរតែមានទណ្ឌកម្ម ​និង​វិធានការ​ផ្សេង​បន្ថែមទៀត​ ដើម្បី​ធ្វើ​ឲ្យ​សេដ្ឋកិច្ច​រុស្ស៊ី​ចុះ​ខ្សោយ​កាន់តែមានប្រសិទ្ធភាព

រដ្ឋាភិបាល និងស្ថាប័នហិរញ្ញវត្ថុ សហការបង្កើនអាទិភាពហិរញ្ញប្បទានសម្រាប់វិស័យទឹកស្អាត

ព្រឹត្តិការណ៍, អាជីវកម្មថ្មី និងនវានុវត្ត

• 25/07/2024

វេទិកាទឹកស្អាតត្រូវផ្តោតលើការពង្រឹង​កិច្ច​សហការរវាងរដ្ឋ វិស័យឯកជននិងស្ថាប័នហិរញ្ញវត្ថuលើកកម្ពស់​លទ្ធភាព​ទទួលសេវា​ទឹក​ស្អាតទូទាំង​ប្រទេស​

នាពេលអនាគត កម្ពុជានឹងមានមជ្ឈមណ្ឌលភស្តុភារកម្មភ្នំពេញសម្រាប់ទាក់ទាញការវិនិយោគផ្នែកឡូជីស្ទីក

ព្រឹត្តិការណ៍, សេដ្ឋកិច្ច

• 25/07/2024

នាពេលអនាគតឆាប់ៗកម្ពុជា នឹងមានមជ្ឈមណ្ឌលភស្តុភារកម្មភ្នំពេញ សម្រាប់ទាក់ទាញការវិនិយោគផ្នែកឡូជីស្ទីកទាំងក្នុង និង ក្រៅប្រទេស

វិស័យមីក្រូហិរញ្ញវត្ថុបន្តចូលរួមចំណែកយ៉ាងសំខាន់ក្នុងការជំរុញកំណើនសេដ្ឋកិច្ច

ព្រឹត្តិការណ៍, ហិរញ្ញវត្ថុ

• 25/07/2024

វិស័យមីក្រូហិរញ្ញវត្ថុនៅតែបន្តចូលរួមចំណែកយ៉ាងសំខាន់ក្នុងការជំរុញកំណើនសេដ្ឋកិច្ច តាមរយៈការផ្តល់ផលិតផល និងសេវាហិរញ្ញវត្ថុផ្លូវការដល់ប្រជាពលរដ្ឋ ជាពិសេសប្រជាពលរដ្ឋនៅតាមតំបន់ជនបទ

រាជរដ្ឋាភិបាល​អាណត្តិថ្មី បាន​ដាក់​ចេញវិធានការជា​បន្តបន្ទាប់​ ​ដើម្បីជំរុញ​ការស្ដារ​វិស័យ​សំណង់ ​និងអចលនទ្រព្យ​

ព្រឹត្តិការណ៍, អចលនទ្រព្យ

• 25/07/2024

រដ្ឋាភបិាលបាល​បានដាក់ចេញនូវ​វិធានការ​ជា​បន្តបន្ទាប់ដើម្បីជំរុញវិស័យ​អចលនទ្រព្យ ​និងសំណង់ឱ្យ​ងើ​បឡើងវិញតាំងពីអាណត្តិ​ចាស់​ដល់អាណត្តិ​ថ្មី

F-16ថ្មីចំនួន២គ្រឿងនៃកញ្ចប់ចំណាយជិត២ពាន់លានដុល្លារ ចុះចតដល់ទឹកដីស្លូវ៉ាលើកដំបូងក្រោយរង់ចាំជាង២ឆ្នាំ

ព្រឹត្តិការណ៍, អាជីវកម្មថ្មី និងនវានុវត្ត

• 25/07/2024

F-16 បានបង្ហាញអំពីការចូលរួមចំណែកយ៉ាងសំខាន់ក្នុងការធ្វើឲ្យប្រសើរឡើង និងកាន់តែមានប្រសិទ្ធភាពនៃសមត្ថភាពការពារជាតិរបស់ស្លុវ៉ាគី

រដ្ឋាភិបាលអភិវឌ្ឍបណ្តាខេត្តជាប់ឆ្នេរសមុទ្រទៅជារបៀងសេដ្ឋកិច្ចពហុបំណង និងឈានទៅគោលដៅឆ្នេរទេសចរណ៍កម្រិតពិភពលោក

ព្រឹត្តិការណ៍, សេដ្ឋកិច្ច

• 25/07/2024

កម្ពុជា នឹងអភិវឌ្ឍបណ្តាខេត្តជាប់ឆ្នេរសមុទ្រឱ្យទៅជារបៀងសេដ្ឋកិច្ចពហុបំណង ប្រទាក់ក្រឡា និងជាគោលដៅទេសចរណ៍ឆ្នេរកម្រិតពិភពលោក

ការចូលរួមសេដ្ឋកិច្ចឌីជីថលសម្រាប់សហគ្រិនស្ត្រី នឹងធ្វើឱ្យកម្ពុជាឈានទៅរកការពង្រីកអាជីវកម្មក្នុងតំបន់អាស៊ាន

ព្រឹត្តិការណ៍, សេដ្ឋកិច្ច

• 25/07/2024

ការលើកកម្ពស់នៃការចូលរួមសេដ្ឋកិច្ចឌីជីថលសម្រាប់សហគ្រិនស្ត្រី នឹងធ្វើឲ្យកម្ពុជាឈានទៅរកការពង្រីកអាជីវកម្មទៅកាន់តំបន់អាស៊ានតាមរយៈប្រព័ន្ធអេឡិចត្រូនិក

ស្វែងយល់ពីបច្ចេកទេសដាំដំណាំផ្ទី ងាយៗមិនចំណាយកម្លាំងច្រើន ប៉ុន្តែទទួលបានទិន្នផលខ្ពស់

ជំនួញ, ព្រឹត្តិការណ៍

• 24/07/2024

ផ្ទី ជាដំណាំមួយប្រភេទងាយស្រួលដាំដុះ ទទួលបានផលច្រើន និងមានតម្រូវការទីផ្សារល្អ