សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កោះកុង ៖ តាសក់ ជាប្រភេទដំណាំវល្លិមួយប្រភេទដែលបងប្អូនប្រជាជនខ្មែរចូលចិត្ត និងនិយមទទួលទាន មិនថាយកចម្អិនទៅធ្វើម្ហូប ធ្វើអន្លក់ស្រស់ ឬក៏កែច្នៃធ្វើជាអាហារក្រៀមទុកហូបបានយូរនោះទេ ហើយក៏ជាដំណាំមួយប្រភេទដែលងាយស្រួលដាំ ឆាប់បានផល និងអាចទទួលបានផលច្រើនដង ថែមទៀតផង។
ការដាំតាសក់ ត្រូវបានគេធ្វើឡើងច្រើនរបៀបផ្សេងៗពីគ្នាអាសករ័យទៅតាមលក្ខខណ្ឌដី អាកាសធាតុ ក៏ដូចជាបច្ចេកទេស ដូចជាការដាំឱ្យតាសក់វារលើដីផ្ទាល់ ដាំដោយប្រើផើង ដាំលើទឹក ពិសេសគឺដាំឱ្យវារលើទ្រើង ឬហៅថា តាសក់ទ្រើង ដែលជាបច្ចេកទេសថ្មី ងាយស្រួលដាំ និងទទួលបានផលល្អជាងមុន។
លោក នី ប៊ុនថា មានទីលំនៅស្រុកស្រែអំបិល ខេត្តកោះកុង និងជាស្ថាបនិក «រៀនដាំ» ដែលជាអ្នកកសិកម្ម និងអ្នកចូលចិត្តធ្វើវីដេអូផ្តល់ចំណេះដឹងកសិកម្មផងដែរនោះ បានមានប្រសាសន៍ថា ៖
“ការដាំតាសក់ទ្រើង គឺងាយស្រួលដាំ ងាយថែទាំ និងទទួលបានផលច្រើនដែលយើងអាចប្រមូលផលបានស្ទើររាល់ថ្ងៃនៅពេលតាសក់គ្រប់អាយុចេញផ្លែ”
លោកបន្តថា ការដាំតាសក់ទ្រើង គឺល្អជាងការដាំឱ្យវារលើដី ដោយសារគេអាចទទួលបានផលច្រើនជាង ហើយតាសក់មិនងាយឆ្លងជំងឺ ចំណែកឯផ្លែមានរាងស្អាត ស្រលូនល្អជាងការដាំវារនៅលើដី ហើយដើមតាសក់ក៏អាចមានផ្លែបានច្រើន តាំងពីជើងក្រោមរហូតដល់លើ ដែលមានច្រើនខ្នែង និងអាចប្រមូលផលបានច្រើនដង។
សម្រាប់រយៈពេលដាំ តាសក់ទ្រើងមិនចំណាយពេលយូរក្នុងការដាំនោះទេ ដែលគេត្រូវការពេលប្រមាណ ២១-៣០ថ្ងៃ គឺអាចប្រមូលផលបានចំណែកឯការប្រមូលនេះទៀតសោត គេអាចប្រមូលផលជាបន្តបន្ទាប់បានរហូតដល់ ២០-៣០ថ្ងៃ ឬក៏ប្រមូលបាន ១០-១៥ ដងនៃវដ្តជីវិតរបស់តាសក់ទ្រើង ឬអាចខុសគ្នាបន្តិចបន្តួចអាស្រ័យទៅតាមពូជតាសក់ និងការថែទាំ ក៏ដូចជាបច្ចេកទេសដាំផងដែរ។ នេះជាអ្វីដែលអ្នកចែករំលែកចំណេះដឹងកសិកម្មខាងលើបានលើកឡើង។
លោកបន្តថា ៖
“ទាក់ទងទៅនឹងការដាំ យើងត្រូវការពូជតាសក់ដែលអាចជាពូជក្នុងស្រុកក៏បាន ហើយប្រើដីកំប៉ុស ស្បៃសម្រាប់រៀបចំធ្វើជាទ្រើងដែលយើងអាចរកទិញបាននៅតាមផ្សារ ហើយក្នុងនោះ យើងអាចដាំបានច្រើនបែបដូចជាដាំក្នុងផើង ឬក្នុងធុងជ័រ អាស្រ័យទៅតាមការកែច្នៃរបស់យើងក្នុងទំហំតូច ជាលក្ខណៈគ្រួសារ ឬក៏អាចដាំលើដីផ្ទាល់ជាលក្ខណៈទ្រង់ទ្រាយធំ ជាចំការ យើងអាចធ្វើជាថ្នាលគ្របកៅស៊ូ រៀបចំប្រព័ន្ធដំណក់ទឹក និងការរៀបចំដីឱ្យបានសមស្របក្នុងការដាំដុះផងដែរ។ ចំណែកការថែទាំ យើងត្រូវការប្រើជីកំប៉ុសដើម្បីបំប៉នដើម បំប៉នស្លឹក និងប្រើជីផ្សេងៗទៀតនៅពេលតាសក់ចាប់ផ្តើមចេញផ្កា និងផ្លែ”
លោកបន្ថែមថា ៖
“ការដាំតាសក់ទ្រើង គឺមានភាពល្អប្រសើរចំពោះបងប្អូនដែលមានដីតិចតួច ឬដីជុំវិញផ្ទះ ដែលអាចច្នៃដាំដោយប្រើផើងនៅក្នុងបរិវេណជុំវិញផ្ទះ ងាយស្រួលក្នុងការគ្រប់គ្រងដី ងាយថែទាំ ដែលអាចឆ្លៀតពេលទំនេរពីការងារ និងអាចទទួលបានបន្លែធម្មជាតិសម្រាប់បរិភោគក្នុងគ្រួសារ”
ជាមួយគ្នានេះ លោកក៏បានបន្តឱ្យដឹងថែមទៀតថា ការដាំតាសក់ គឺគេនិយមដាំនៅរដូវរំហើយចន្លោះពីខែធ្នូ ដល់ខែមេសា ដោយហេតុថា បើដាំនៅរដូវភ្លៀងធ្លាក់អាចនឹងជាំទឹកងាយរលួយដើម ហើយក្នុងរដូវក្ដៅអាចនឹងខ្វះទឹកសម្រាប់ស្រោច ឬអាចមានសត្វល្អិតចង្រៃច្រើនផងដែរ។ ចុងក្រោយ លោក នី ប៊ុនថា លើកទឹកចិត្តឱ្យបងប្អូនកសិករ ក៏ដូចជាពលរដ្ឋទូទៅអាចសាកល្បងដាំតាសក់ទ្រើង ទាំងប្រភេទចម្ការ ក៏ដូចជានៅជុំវិញផ្ទះ ព្រោះដំណាំប្រភេទនេះងាយស្រួលដាំ ងាយថែទាំ និងអាចទទួលបានផលច្រើន៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
គ្រឹះស្ថានធនាគារ និងហិរញ្ញវត្ថុ គ្មានសិទ្ធិបង្ខំឱ្យអតិថិជនលក់ទ្រព្យ ដើម្បីយកលុយសងត្រលប់មកវិញឡើយ
Top News, ព្រឹត្តិការណ៍, ហិរញ្ញវត្ថុ
• 12/08/2026
មន្ត្រីជាន់ខ្ពស់នៃសមាគមធនាគារនៅកម្ពុជាបានអះអាងថា គ្មានគ្រឹះស្ថានណាមួយមានសិទ្ធិបង្ខំឱ្យអតិថិជនលក់ទ្រព្យធានាដើម្បីយកលុយមកសងធនាគារ ឬមីក្រូហិរញ្ញវត្ថុនោះទេ
ឥណ្ឌា ផ្តើមផលិតយន្តហោះចម្បាំងរុស្ស៊ី ម៉ូដែល Su-30MKI ឡើងវិញ ក្រោយខកខានជាច្រើនឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 12/08/2026
រដ្ឋាភិបាលទីក្រុងញូវដេលី កាលពីពេលថ្មីៗនេះបានប្រកាសថានឹងចាប់ដំណើរការផលិតយន្តហោះចម្បាំងរុស្ស៊ី Su-30MKI សាឡើងវិញបន្ទាប់ពីបានបញ្ចប់ផលិតកម្មផលិតយន្តហោះម៉ូដែលមួយនេះតាំងពីឆ្នាំ២០២១
អាមេរិក និងអ៊ីស្រាអែល ធានាដឹកជញ្ជូនសារធាតុនុយក្លេអ៊ែរចេញពីទីតាំងសម្ងាត់មួយនៅស៊ីរី
ព្រឹត្តិការណ៍, អាជីវកម្មថ្មី និងនវានុវត្ត
• 12/08/2026
សហរដ្ឋអាមេរិក និងអ៊ីស្រាអែល បានឈានដល់កិច្ចព្រមព្រៀងជាមួយរដ្ឋាភិបាលអន្តរកាលរបស់ប្រទេសស៊ីរី ដើម្បីអនុញ្ញាតឱ្យក្រុមអធិការកិច្ចអន្តរជាតិប្រមូលយកសារធាតុវិទ្យុសកម្មចេញពីទីតាំងនុយក្លេអ៊ែរសម្ងាត់មួយ
កសិករជាជនជាតិដើមភាគតិច ទំពូន នៅខេត្តរតនគិរី កំពុងទទួលជីវភាពប្រសើរ ក្រោយពេលប្រើសេវាឥណទានផ្លូវការ
Top News, ព្រឹត្តិការណ៍, ហិរញ្ញវត្ថុ
• 11/08/2026
ប្រជាជននៅក្នុងខេត្តរតនគិរី នាពេលបច្ចុប្បន្ន បាន និងកំពុង បន្តភាពរីកចម្រើន និងអភិវឌ្ឍន៍ ទាំងក្នុងសកម្មភាពរស់នៅប្រចាំថ្ងៃ ក៏ដូចជាការប្រកបមុខរបរដើម្បីលើកស្ទួយកម្រិតជីវភាពឱ្យកាន់តែល្អប្រសើរ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content