សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ កតិកាសញ្ញាពាណិជ្ជកម្មសេរីដ៏ធំមួយដែលហៅថា កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) បានចូលជាធរមានសម្រាប់ប្រទេសកូរ៉េខាងត្បូង ហើយកាលពីថ្ងៃ០១ ខែកុម្ភៈ ឆ្នាំ២០២២ ដែលវាត្រូវបានគេរំពឹងថានឹងជួយធ្វើពិពិធកម្មផលប័ត្រពាណិជ្ជកម្មរបស់ប្រទេសមួយនេះ។ នេះបើតាមក្រសួងពាណិជ្ជកម្ម ឧស្សាហកម្មរបស់ទីក្រុងសេអ៊ូលបានបញ្ជាក់ក្នុង Yonhap News Agency។
កិច្ចព្រមព្រៀងនេះបានចូលជាធរមានកាលពីថ្ងៃអង្គារ ក្នុងរយៈពេល៦០ថ្ងៃ បន្ទាប់ពីរដ្ឋាភិបាលកូរ៉េបានដាក់ការយល់ព្រមពីសភាទៅលេខាធិការដ្ឋាន។ នេះបើយោងតាមក្រសួងពាណិជ្ជកម្ម ឧស្សាហកម្ម និងថាមពលកូរ៉េខាងត្បូង។ ទិន្នន័យរបស់រដ្ឋាភិបាលបានបង្ហាញថា កិច្ចព្រមព្រៀង RCEP គឺជាកិច្ចព្រមព្រៀងពាណិជ្ជកម្មសេរីដ៏ធំបំផុតរបស់ពិភពលោក ដោយសារប្រទេសជាសមាជិកចំនួន ១៥ មានប្រហែល ៣០ភាគរយនៃផលិតផលក្នុងស្រុកសរុបចំនួនប្រជាជន និងទំហំពាណិជ្ជកម្មពិភពលោក។
កតិកាសញ្ញានេះបានចូលជាធរមានជាផ្លូវការនៅថ្ងៃទី១ ខែមករា ឆ្នាំ២០២២ សម្រាប់ប្រទេសមួយចំនួន ស្របតាមវិធានដែលខ្លួនត្រូវចូលជាធរមាន ខណៈដែលប្រទេសនៅអាស៊ានយ៉ាងតិច៦ និងប្រទេសមិនមែនអាស៊ានចំនួន ៣ បានផ្តល់សច្ចាប័នបន្ទាប់ពីបញ្ចប់នីតិវិធីក្នុងប្រទេសខ្លួន។
កាលពីខែវិច្ឆិកា ឆ្នាំ២០២០ ប្រទេសកូរ៉េខាងត្បូងបានចុះហត្ថលេខាលើកិច្ចព្រមព្រៀងពាណិជ្ជកម្មសេរីដ៏ធំមួយនេះជាមួយបណ្តាប្រទេសចំនួន ១៤ផ្សេងទៀត ដែលជាប្រទេសសមាជិកទាំង ១០របស់អាស៊ាន រួមជាមួយនឹងប្រទេសចិន ជប៉ុន អូស្ត្រាលី និងណូវែលសេឡង់ ហើយរដ្ឋសភាកូរ៉េខាងត្បូងបានផ្តល់សច្ចាប័នទៅលើកិច្ចព្រមព្រៀងនេះកាលពីខែធ្នូ ឆ្នាំ២០២១។
ក្រសួងពាណិជ្ជកម្ម ឧស្សាហកម្ម និងថាមពលកូរ៉េខាងត្បូងបានបញ្ជាក់បន្ថែមថា ៖
“វាត្រូវបានគេរំពឹងថានឹងជួយដល់បណ្តាក្រុមហ៊ុនអាជីវកម្មរបស់កូរ៉េក្នុងការឈានទៅរកទីផ្សារក្រៅប្រទេស ដោយសារវាពង្រីកទីផ្សារសម្រាប់ទំនិញនាំចេញសំខាន់ៗ ដែលរួមមានដែក និងរថយន្ត ព្រមទាំងវិស័យសេវាកម្ម ដូចជាហ្គេមអនឡាញ គំនូរជីវចល ភាពយន្ត និងតន្ត្រីជាដើម”
យោងតាមទិន្នន័យនោះបានឱ្យដឹងថា ចំនួនសរុបនៃការនាំចេញរបស់កូរ៉េខាងត្បូងទៅកាន់បណ្តាប្រទេសដែលចូលរួមក្នុងកិច្ចព្រមព្រៀង RCEP បានកើនឡើងដល់តម្លៃ ២៥៤,៣ ពាន់លានដុល្លារអាមេរិកក្នុងឆ្នាំ២០២០ ដោយបានយកប្រហែលពាក់កណ្តាលនៃការនាំចេញសរុបរបស់ប្រទេស។ ក្រសួងនេះបាននិយាយថា វាក៏ជាកិច្ចព្រមព្រៀងពាណិជ្ជកម្មសេរីដំបូងគេដែលកូរ៉េខាងត្បូងមានការពាក់ព័ន្ធនឹងប្រទេសជប៉ុនផងដែរ។
លោកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា បានប្រាប់ AMS ថា ការដែលកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) បានចូលជាធរមានសម្រាប់ប្រទេសកូរ៉េខាងត្បូងកិច្ចព្រមព្រៀងវាជាការគួរឱ្យត្រេកអរ ព្រោះ RCEP នេះជាកិច្ចព្រមព្រៀងមួយរបស់ប្រទេសសមាជិកទាំង ១០ របស់អាស៊ាន រួមជាមួយនឹងប្រទេសចំនួន៥ផ្សេងទៀតពង្រីកទីផ្សារសម្រាប់ទំនិញនាំចេញសំខាន់ៗ។
លោកឧកញ៉ា លឹម ហេង បានលើកឡើងថា ទោះបីកម្ពុជាពុំទាន់មានពាណិជ្ជកម្មសេរីរវាងកម្ពុជា និងកូរ៉េ តែវានឹងក្លាយជាកិច្ចព្រមព្រៀងពាណិជ្ជកម្មសេរី(KFTA) លើកទី២ បន្ទាប់ពីកិច្ចព្រមព្រៀងពាណិជ្ជកម្មសេរីរវាងកម្ពុជា និងចិន។ ខណៈកិច្ចព្រមព្រៀងនេះ នឹងបន្ថែមលើកិច្ចព្រមព្រៀង RCEP ដោយវានឹងលើកកម្ពស់ការនាំចេញទំនិញរបស់កម្ពុជាទៅកាន់ប្រទេសកូរ៉េបន្ថែមទៀត ជាពិសេសផលិតផលកសិកម្មព្រោះថា កិច្ចព្រមព្រៀងពាណិជ្ជកម្មសេរីកម្ពុជា-កូរ៉េ បានត្រូវចុះហត្ថលេខា ដោយរដ្ឋមន្រ្ដីក្រសួងពាណិជ្ជកម្ម ជាមួយភាគីកូរ៉េរួចហើយ៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ក្រុមហ៊ុន NextEd Canada រៀបចំទិវាគ្រួសារ (Family’s Day) ដើម្បីអបអរសិស្សកម្ពុជាដែលត្រៀមបន្តការសិក្សានៅប្រទេសកាណាដា
ព្រឹត្តិការណ៍, អត្ថបទពាណិជ្ជកម្ម
• 15/08/2026
NextEd Canada ដែលជាក្រុមហ៊ុនប្រឹក្សា និងរៀបចំផែនការសិក្សានៅប្រទេសកាណាដា សម្រាប់សិស្សានុសិស្សកម្ពុជាចាប់ពីកម្រិតវិទ្យាល័យឡើងទៅ បានរៀបចំទិវាគ្រួសារសម្រាប់សិស្ស និស្សិត និងក្រុមគ្រួសារកម្ពុជាប្រមាណ១០០ គ្រួសារដែលមានផែនការ និងចំណាប់អារម្មណ៍លើការសិក្សានៅកាណាដា
កម្មវិធី «នវានុវត្តន៍បញ្ច្រាស» ជួយធុរកិច្ចថ្មីដោះស្រាយបញ្ហាទីផ្សារ តាមរយៈការបង្កើតជាដំណោះស្រាយប្រកបដោយភាពច្នៃប្រឌិត និង នវានុវត្តន៍
ព្រឹត្តិការណ៍, អាជីវកម្មថ្មី និងនវានុវត្ត
• 14/08/2026
កម្មវិធី «នវានុវត្តន៍បញ្ច្រាស» ជាទុនជួយធុរកិច្ចថ្មីដោះស្រាយបញ្ហាប្រឈមក្នុងទីផ្សារតាមរយៈការបង្កើតដំណោះស្រាយប្រកបដោយភាពច្នៃប្រឌិត នវានុវត្តន៍
ក្រសួងរៀបចំដែនដីទទួលបានគំនិតថ្មីៗបន្ថែម ក្នុងគោលដៅធ្វើឱ្យប្រជាពលរដ្ឋមានលំនៅឋានរស់នៅសមរម្យ
Top News, ព្រឹត្តិការណ៍, អចលនទ្រព្យ
• 14/08/2026
កិច្ចការស្រាវជ្រាវអំពីអចលនទ្រព្យ និងស្ថានភាពលំនៅឋាននេះមានសារៈសំខាន់ គឺផ្ដោតទៅលើការបង្កើតទំនៀមទម្លាប់ និងផ្នត់គំនិតការងារថ្មីមួយ ដែលមានភាពច្បាស់លាស់ និងមិនធ្វើការតាមអារម្មណ៍ដែលនាំឱ្យមានកំហុសឆ្គងច្រើន
ការស្ទង់មតិពី ៣៦ ប្រទេសបង្ហាញថា ចិន ទទួលបានប្រជាប្រិយភាពជាងអាមេរិកនៅលើឆាកអន្តរជាតិ
ព្រឹត្តិការណ៍, អាជីវកម្មថ្មី និងនវានុវត្ត
• 14/08/2026
ការស្ទង់មតិជាលក្ខណៈអន្តរជាតិដ៏ធំមួយនៅលើបណ្តាប្រទេសចំនួន ៣៦ បានបង្ហាញពីទស្សនៈជាសកល ដែលភាគច្រើនមានទំនោរទៅលើប្រទេសចិនក្នុងផ្លូវវិជ្ជមាន ច្រើនជាងសហរដ្ឋអាមេរិក
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
កូរ៉េខាងត្បូង គ្រោងលុបគោលនយោបាយ «រំសាយអាវុធនុយក្លេអ៊ែរ» បើកផ្លូវចរចាជាមួយ កូរ៉េខាងជើង
កិច្ចព្រមព្រៀងពាណិជ្ជកម្មថ្មីមួយរវាងឥណ្ឌា -អាមេរិក កំពុងបង្កឱ្យពលរដ្ឋ និងកសិករឥណ្ឌា ផ្ទុះកំហឹង
Account
Security
Favourite Content