មុខរបរចិញ្ចឹមគោ ងាយៗ ប៉ុន្តែអាចទទួលបានផលចំណេញកប់ក្តោង

កំពង់ចាម ៖ មុខរបរចិញ្ចឹមគោ ស្ដាប់ទៅដូចជាសាមញ្ញ និងហាក់មិនសូវត្រូវបានគេឱ្យតម្លៃខ្ពស់នោះទេ ប៉ុន្តែក្រោយពេលសិក្សាលម្អិតពីមុខរបរមួយនេះទើបដឹងថាចំណូលដែលទទួលបានពីការចិញ្ចឹមគោនេះមានចំនួនច្រើនដែលនឹកស្មានមិនដល់។

លោក យិន បូរ៉ាន់ ជាម្ចាស់កសិដ្ឋានចិញ្ចឹមគោមួយកន្លែងនៅក្នុងឃុំមៀន ស្រុកព្រៃឈរ ខេត្តកំពង់ចាម បច្ចុប្បន្ននេះកំពុងតែរីករាយជាមួយនឹងការជាអ្នកចិញ្ចឹម និងគ្រប់គ្រងលើកិច្ចការចិញ្ចឹមយ៉ាងយកចិត្តទុកដាក់ ខណៈដែលលោកបានបញ្ជាក់ប្រាប់ថា មុខអាជីពជាអ្នកចិញ្ចឹមគោមួយនេះត្បិតមិនសូវមានមុខមាត់ខ្ពស់ក្នុងសង្គមដូចអ្នកធ្វើការនៅក្នុងការិយាល័យ ឬអ្នកជំនួញទូទៅ ប៉ុន្តែបើនិយាយពីប្រាក់ចំណូលអាចនិយាយបានថា មានចំនួនច្រើនគួរសម រហូតមានអ្នកខ្លះនិយាយថា អ្នកដែលមានគោចិញ្ចឹមចាប់ពី១០ក្បាលឡើងទៅគឺជាដង្ខៅស្រុកស្រែ។

ម្ចាស់កសិដ្ឋានចិញ្ចឹមគោវ័យក្មេង លោក យិន បូរ៉ាន់ បាននិយាយប្រាប់ AMS ឱ្យដឹងថា មុខរបរចញ្ចឹមគោនេះ មិនសូវជួបផលលំបាកនោះទេ ហើយអាចរកចំណូលបានប្រចាំខែតាមរយៈការលក់កូនគោដល់អ្នកយកទៅចិញ្ចឹមសម្រាប់ប្រើប្រាស់ ឬលក់កូនគោសម្រាប់កាប់សត្វ ក៏ដូចជាលក់មេគោពូជជាដើម ខណៈដែលអតិថិជនដែលជាអ្នកទិញ មានទាំងអ្នកនៅក្នុងតំបន់ និងមកពីតាមបណ្តាខេត្តមួយចំនួនទៀតផងដែរ។

លោកបានបញ្ជាក់ថា ៖

“ចំពោះតម្លៃលក់កូនគោយកទៅចិញ្ចឹមបន្តសម្រាប់ប្រើប្រាស់ក្រោយពេលពេញវ័យ ដែលមានអាយុពី ៦-៧ ខែ ក្នុង១នឹម (២ក្បាល) អាចលក់បាន ៥លាន១០ម៉ឺនរៀល ហើយគោអាយុពី ៩-១០ខែ អាចលក់ក្នុងតម្លៃ ៦លាន ១០ម៉ឺនរៀល។ ដោយឡែកចំពោះគោយកសាច់វិញ អាចលក់ម៉ៅជាទ្រុងដោយចំណេញ១០ភាគរយ ឬលក់ក្នុងតម្លៃ ១៣ ៥00-១៤ 000រៀលក្នុង១គីឡូក្រាម”

បច្ចុប្បន្ននេះ ចំពោះកសិដ្ឋានចិញ្ចឹមគោរបស់លោក យិន បូរ៉ាន់ មានទំហំប្រមាណជាង ៤ហិចតា បែងចែកជា ២ក្រោល មាន ៩ទ្រុង ដោយមានកន្លែងដាំស្មៅ និងទីធ្លាសម្រាប់ព្រលែងគោ ដែលមានសរុបជាង ១០០ក្បាលឯណោះ និងអាចផ្គត់ផ្គង់កូនគោពូជសម្រាប់ចិញ្ចឹមប្រមាណ ១០ក្បាល និងប្រភេទគោយកសាច់ ១០ក្បាលក្នុងមួយខែ។

លោក បូរ៉ាន់ បានបញ្ជាក់ទៀតថា សត្វគោជាសត្វស្រួលចិញ្ចឹម និងងាយមើលថែ ដោយសារនៅពេលដែលវាឈឺវាមានរោគសញ្ញាដែលអាចឱ្យយើងដឹង និងព្យាបាលបានងាយ។ ចំណែកឯចំណីទៀតសោត នៅពេលព្រឹកលោកដាក់ជាចំបើង ពេលថ្ងៃដាក់ស្មៅដោយលាយជាមួយចំណីគោ ឬអាចលាយជាមួយពោត អំពៅ ឬដំឡូងពោលគឺកសិផលណាដែលធូរថ្លៃ ហើយពេលល្ងាចលោកឱ្យគោស៊ីចំបើងលាយកន្ទក់ និងទឹកស្ករត្នោតដែលជាចំណីអាចឱ្យគោឆាប់ធំលឿន។

សម្រាប់រយៈពេលពេលចិញ្ចឹមវិញ ចំពោះគោណាដែលគេបំប៉នដោយឱ្យចំណីសុទ្ធត្រឹមតែ ២-៣ ខែគេអាចលក់បាន។ ចំណែកគោដែលឱ្យស៊ីស្មៅត្រូវចិញ្ចឹមរយៈពេលពី ៤-៥ ខែទើបអាចចាប់លក់បាន។ យ៉ាងណាក៏ដោយ ត្បិតថា ការឱ្យគោស៊ីចំណីសុទ្ធឆាប់បានលក់តែត្រូវចំណាយដើមច្រើនលើតម្លៃចំណី ផ្ទុយទៅវិញបើប្រើស្មៅចំណាយពេលយូរតែគេអាចចំណេញច្រើនជាង។

គួរបញ្ជាក់ដែរថា គ្រួសាររបស់លោក យិន បូរ៉ាន់ ជាអ្នកប្រកបរបរចិញ្ចឹមសត្វគោជាយូរមកហើយ ដោយសារឪពុករបស់លោកជាអ្នកជំនាញផ្នែកចិញ្ចឹមសត្វស្រាប់ ។ ចំពោះដើមទុនដំបូងក្នុងការចាប់ផ្ដើមបើកជាកសិដ្ឋានខាងលើនេះ លោក និងក្រុមគ្រួសារបានចំណាយប្រមាណ ៥ម៉ឺនដុល្លារទៅលើការទិញទីតាំង រៀបចំធ្វើក្រោល ទិញគោពូជ និងសម្ភារៈផ្សេងទៀត។

ជាមួយនឹងការរៀបរាប់ប្រាប់ពីការចិញ្ចឹមគោខាងលើនេះ លោកក៏បានលើកឡើងពីកត្តាប្រឈមផងដែរ ដូចជា មិនមានតុល្យភាពនៃចរន្តទីផ្សារជាដើម ដោយសារនៅពេលមានតម្រូវការទីផ្សារច្រើនតម្លៃគោឡើងថ្លៃ ប៉ុន្តែនៅពេលសម្បូរគោច្រើនជាងតម្រូវការធ្វើឱ្យធ្លាក់ថ្លៃវិញ។ ម៉្យាងវិញទៀត កម្លាំងពលកម្មមិនគ្រប់គ្រាន់ដោយសារនៅក្នុងកសិដ្ឋានមានគោច្រើន ដូច្នេះតម្រូវជួលអ្នកខាងក្រៅបន្ថែម ប៉ុន្តែនៅពេលសត្វគោមានជំងឺម្ដងៗលោកបានសហការជាមួយអ្នកជំនាញផ្នែកបសុពេទ្យ។

នៅក្នុងឱកាសនេះផងដែរ លោក យិន បូរ៉ាន់ ក៏បានផ្ដាំផ្ញើទៅដល់បងប្អូនដែលមានមានដីទំនេរច្រើន ឬនៅតាមតំបន់ឆ្ងាយពីទីប្រជុំជន គួរសាកល្បងចិញ្ចឹមសត្វគោដើម្បីអាចទទួលបានផលប្រយោជន៍ត្រឡប់មកវិញ ព្រោះការចិញ្ចឹមគោហាក់មិនមានផលលំបាកពេកនោះទេ ខណៈដែលដែលស្មៅដែលជាចំណីចម្បងសម្រាប់សត្វគោមានស្ទើរគ្រប់ទិសទី៕

កញ្ញា ម៉ាន់ ហ៊ុយលាង | Ms. Mann Huyleang

ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។

របាយការណ៍ថ្មីៗ

មើលទាំងអស់ ➧

អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ

បទយកការណ៍, ហិរញ្ញវត្ថុ

• 09/04/2026

អ្នកជំនាញឌីជីថល លើកទឹកចិត្តឱ្យប្រើអ៊ីនធឺណិតផ្ទាល់ខ្លួន ដើម្បីមានសុវត្ថិភាពជាងការប្រើ Wifi សាធារណៈ

បទយកការណ៍, ហិរញ្ញវត្ថុ

• 10/03/2026

អ្នកជំនាញ ណែនាំឱ្យចេះសន្សំប្រាក់ដើម្បីត្រៀមបង្កាទុកដោះស្រាយបញ្ហាដែលអាចកើតមានជាយថាហេតុ

បទយកការណ៍, ហិរញ្ញវត្ថុ

• 16/02/2026

ការដាំបន្លែជាលក្ខណៈគ្រួសារ ទទួលបានបន្លែសុវត្ថិភាពសម្រាប់ទទួលទានផង និងអាចរកចំណូលបានទៀត

ជំនួញ, បទយកការណ៍

• 20/11/2025

ចំណេះដឹងកសិកម្ម ៖ ងាយៗបច្ចេកទេសផលិតស្កររងូ សម្រាប់ផលិតមេជី និងមេចំណីសត្វ

ជំនួញ, បទយកការណ៍

• 19/11/2025

ដាំស្លឹកគ្រៃ លក់បានទាំងដើម ហើយយកស្លឹកចម្រាញ់ប្រេងលក់បានទៀត

ជំនួញ, បទយកការណ៍

• 18/11/2025

ស្វែងយល់ពីបច្ចេកទេសងាយៗក្នុងការផលិតថ្នាំពុលធម្មជាតិសម្រាប់ការពារដំណាំយកស្លឹកពីសត្វល្អិត

ជំនួញ, បទយកការណ៍

• 17/11/2025

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន

បទយកការណ៍, អាជីវកម្មថ្មី និងនវានុវត្ត

• 16/10/2024

អាជីវកម្មយកសំបុកត្រចៀកកាំក្នុងស្រុកកំពុងមានទីផ្សារ

ជំនួញ, បទយកការណ៍

• 15/12/2023

ព័ត៌មានទូទៅ

មើលទាំងអស់ ➧

ក្រសួងនិងស្ថាប័នចំនួន៤ បានរួមគ្នាពង្រឹងការការពារបរិស្ថាន និងការរស់នៅប្រកបដោយចីរភាពនៅកម្ពុជា

ព្រឹត្តិការណ៍, អាជីវកម្មថ្មី និងនវានុវត្ត

• 20/08/2026

អនុស្សរណៈនៃការយោគយល់គ្នា រវាងក្រសួងបរិស្ថាន ជាមួយអាជ្ញាធរមីន ជាមួយក្រសួងធនធានទឹកនិងឧតុនិយម និងក្រសួងធម្មការនិងសាសនា ត្រូវបានចុះហត្ថលេខារួមគ្នា

លោក ដូណាល់ ត្រាំ គំរាមដាក់ទណ្ឌកម្មសេដ្ឋកិច្ចធ្ងន់ធ្ងរមិនធ្លាប់មានលើប្រទេសទាំងឡាយណាដែលជួយអ៊ីរ៉ង់

ព្រឹត្តិការណ៍, សេដ្ឋកិច្ច

• 20/08/2026

ប្រធានាធិបតីអាម៉េរិក លោក ដូណាល់ ត្រាំ បានគំរាមដាក់ទណ្ឌកម្មសេដ្ឋកិច្ចយ៉ាងធ្ងន់ធ្ងរដល់បណ្តាប្រទេសទាំងឡាយណាដែលផ្តល់ជំនួយ ឬធ្វើពាណិជ្ជកម្មជាមួយអ៊ីរ៉ង់

កម្ពុជាចុះបញ្ជីពូជស្វាយចន្ទី ៤ ប្រភេទ ទប់ស្កាត់ការលួចចម្លង និងការប្រើប្រាស់ដោយគ្មានការអនុញ្ញាត

ព្រឹត្តិការណ៍, សេដ្ឋកិច្ច

• 20/08/2026

កម្ពុជាបានចុះបញ្ជីទទួលស្គាល់ និងការពារសិទ្ធិលើពូជស្វាយចន្ទីក្នុងស្រុកចំនួន ៤ ប្រភេទ ដើម្បីការពារពូជពីការលួចចម្លង ការដូរឈ្មោះ និងការយកទៅប្រើប្រាស់ដោយគ្មានការអនុញ្ញាត ព្រមទាំងពង្រឹងការទទួលស្គាល់គុណភាព និងប្រភពដើមរបស់ពូជកម្ពុជានៅទីផ្សារអន្តរជាតិ

បំណុលជាតិអាម៉េរិកកើនជិត ១០ ទ្រីលានដុល្លារ ក្នុងរយៈពេលត្រឹម ៤ ឆ្នាំ

ព្រឹត្តិការណ៍, សេដ្ឋកិច្ច

• 20/08/2026

បំណុលជាតិរបស់សហរដ្ឋអាម៉េរិកបានកើនឡើងជិត ១០ ទ្រីលានដុល្លារក្នុងរយៈពេលត្រឹម ៤ ឆ្នាំ ខណៈបំណុលសរុបគិតជាទំហំទឹកប្រាក់ មានរហូតទៅដល់ ៤០ ទ្រីលានដុល្លារជាលើកដំបូងក្នុងប្រវត្តិសាស្ត្រ

ការដឹកជញ្ជូនទំនិញតាមផ្លូវអាកាសចិនកើនខ្លាំង ជំរុញដោយ E-commerce និង AI

ព្រឹត្តិការណ៍, សេដ្ឋកិច្ច

• 19/08/2026

វិស័យភស្តុភារកម្មដឹកជញ្ជូនតាមផ្លូវអាកាសរបស់ចិនបានបន្តកើនឡើងយ៉ាងខ្លាំងក្នុងឆមាសទី១ ដោយសារការកើនឡើងនៃការដឹកជញ្ជូនទំនិញបច្ចេកវិទ្យាខ្ពស់ និងពាណិជ្ជកម្មអេឡិចត្រូនិកឆ្លងដែន

កម្ពុជា និងក្រុមអឺរ៉ុប ប្តេជ្ញាពង្រឹងកសិកម្មធន់នឹងអាកាសធាតុ និងការអភិរក្សជីវចម្រុះ

ព្រឹត្តិការណ៍, សេដ្ឋកិច្ច

• 19/08/2026

រាជរដ្ឋាភិបាលកម្ពុជា និងក្រុមអឺរ៉ុប បានបង្ហាញការប្តេជ្ញារួមក្នុងការលើកកម្ពស់កសិកម្មធន់នឹងការប្រែប្រួលអាកាសធាតុ ប្រព័ន្ធស្បៀងអាហារធន់ ការអភិរក្សជីវចម្រុះ និងការអភិវឌ្ឍជនបទប្រកបដោយបរិយាបន្ន ក្នុងអំឡុងបេសកកម្មទៅកាន់ខេត្តភាគឦសានកម្ពុជា

រដ្ឋាភិបាល កំពុងជំរុញការវិនិយោគ និងកែច្នៃនៅនឹងកន្លែងលើផលិតផលកសិកម្មក្នុងតំបន់ភូមិភាគឦសាន

ព្រឹត្តិការណ៍, សេដ្ឋកិច្ច

• 19/08/2026

រដ្ឋាភិបាល ជំរុញការវិនិយោគ និងកែច្នៃនៅនឹងកន្លែងលើផលិតផលកសិកម្មក្នុងតំបន់ភូមិភាគឦសាន ដើម្បីបង្កើនតម្លៃបន្ថែម

៧ខែដំបូងនៃឆ្នាំ២០២៦ ពាណិជ្ជកម្ម កម្ពុជា-ម៉ាឡេស៊ី មានទំហំជិតដល់ ១០០០លានដុល្លារអាម៉េរិក

Top News, ព្រឹត្តិការណ៍, សេដ្ឋកិច្ច

• 19/08/2026

៧ខែដំបូងនៃឆ្នាំ២០២៦ ពាណិជ្ជកម្ម កម្ពុជា-ម៉ាឡេស៊ី មានទំហំជិតដល់ ១០០០លានដុល្លារអាម៉េរិក កើនឡើង ៥៨,២៧% បើធៀបនឹងរយៈពេលដូចគ្នាក្នុងឆ្នាំ២០២៥

ឡាវ ជំរុញការប្រើប្រាស់យានយន្តអគ្គិសនី EV និងផ្អាកនាំចូលរថយន្តប្រេងសាំងជាបណ្តោះអាសន្ន

ព្រឹត្តិការណ៍, សេដ្ឋកិច្ច

• 19/08/2026

ឡាវ ជំរុញការប្រើប្រាស់យានយន្តអគ្គិសនី EV និងផ្អាកនាំចូលរថយន្តប្រេងសាំងជាបណ្តោះអាសន្ន ដើម្បីទប់ទល់នឹងវិបត្តិខ្វះខាតប្រេងឥន្ធនៈ

រលកកម្ដៅ និងគ្រោះរាំងស្ងួត អាចបង្កវិបត្តិស្បៀងអាហារនៅអឺរ៉ុប

ព្រឹត្តិការណ៍, អាជីវកម្មថ្មី និងនវានុវត្ត

• 19/08/2026

រលកកម្ដៅខ្លាំង និងគ្រោះរាំងស្ងួតធ្ងន់ធ្ងរ អាចបង្កឱ្យមានវិបត្តិក្នុងវិស័យកសិកម្ម និងជំរុញការឡើងថ្លៃអាហារនៅទូទាំងអឺរ៉ុប ខណៈផលិតកម្មដំណាំ និងការចិញ្ចឹមសត្វកំពុងរងផលប៉ះពាល់យ៉ាងខ្លាំង