សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ជានិយមន័យនៃពាក្យថា «ទីក្រុងស្អាត» គឺសំដៅដល់ទីក្រុងដែលមានបរិស្ថានល្អ មានអនាម័យ មានសណ្តាប់ធ្នាប់ល្អ គួបផ្សំនឹងហេដ្ឋារចនាសម្ព័ន្ធទ្រទ្រង់គ្រប់គ្រាន់ ដែលផ្តល់នូវភាពកក់ក្តៅ និងមជ្ឈដ្ឋានរស់នៅល្អប្រសើរដល់ប្រជាជនក្នុងទីក្រុង រួមទាំងភ្ញៀវទេសចរផងដែរ។
អ្នកជំនាញបានលើកឡើងថា មុនពេលទទួលបានបរិស្ថានស្អាត មានសោភ័ណភាពក្នុងនាមជាទីក្រុងស្អាត ត្រូវផ្តើមចេញពីលំនៅដ្ឋានស្អាត ឬផ្ទះស្អាតជាមុនសិន ដែលលេចញពីសកម្មភាព ការយល់ដឹង ជាពិសេសការចូលរួមអនុវត្តរបស់ប្រជាពលរដ្ឋគ្រប់គ្នា។
លោក ហូ វណ្ឌី ទីប្រឹក្សាសមាគមទីភ្នាក់ងារទេសចរណ៍កម្ពុជា (CATA) បានប្រសាសន៍ថា សកម្មភាព និងការចូលរួមរបស់ប្រជាពលរដ្ឋគឺជាកត្តាសំខាន់បំផុតក្នុងការជំរុញ និងលើកកម្ពស់បរិស្ថាន សោភ័ណភាពរបស់ទីក្រុងរាប់ចាប់គិតពីការចេះបែងចែក និងការទុកដាក់សំរាមប្រកបដោយភាពឆ្លាតវៃឡើងទៅ។ មានន័យថា ប្រជាពលរដ្ឋមានកិច្ចសហការជាមួយអាជ្ញាធរទៅលើការចូលរួមថែរក្សាបរិស្ថាន សម្អាតភូមិឋានដែលពួកគាត់រស់នៅ។ នៅពេលដែលលំនៅដ្ឋានរបស់ពួកគាត់អនាម័យល្អ មានបរិស្ថានល្អ និងមានសោភ័ណភាព នោះឈ្មោះថាជាទីក្រុងស្អាតនឹងកើតមានឡើង។
លោកបានថ្លែងថា ៖
“ទីក្រុងស្អាតផ្តើមចេញពីយើងទាំងអស់គ្នាដែលតម្រូវឱ្យចូលរួមអនុវត្តកាតព្វកិច្ច ជាពិសេសពលរដ្ឋរស់នៅក្នុងមូលដ្ឋានដែលត្រូវតែមានការយកចិត្តទុកដាក់ទៅលើការវេចខ្ចប់កាកសំណល់រឹង និងរាវ មានការយល់ដឹងពីការបែងចែក និងទុកដាក់សំរាមឱ្យមានរបៀបរៀបរយ រួមជាមួយការរៀបចំសណ្តាប់ធ្នាប់សាធារណៈ តាមដងផ្លូវពីសំណាក់អាជ្ញាធរមូលដ្ឋាន សំដៅដល់ភាពស្អាតដោយទេសភាពស្រស់ត្រកាល ស្អាតដោយប្រណីត និងស្អាតដោយបរិស្ថានល្អប្រសើរ”
លោក ហូ វណ្ឌី បានថ្លែងបន្តថា ៖
“ទិវាជាតិទីក្រុងស្អាតត្រូវបានដាក់ចេញ និងអនុវត្តអស់រយៈពេល ១០ ឆ្នាំមកនេះ ឃើញមានគ្រប់ថ្នាក់ខេត្ត-ក្រុងបានយកចិត្តទុកដាក់ពង្រឹងនូវភាពអនាម័យ និងបរិស្ថានមានភាពល្អប្រសើរជាងមុន។ ខ្ញុំមានជំនឿថា ក្នុងករណីរាជរដ្ឋាភិបាលចងក្រងទិវាជាតិទីក្រុងស្អាតទៅជាច្បាប់មួយសម្រាប់អនុវត្ត ឬហៅថា បដិវត្តអនាម័យ នោះនឹងកាន់តែល្អប្រសើរ។ ប្រជាពលរដ្ឋដែលធ្លាប់បោះសំរាមពាសវាលពាសកាល ចាប់ផ្តើមកែលម្អ ដែលបង្កើតខ្នាតគំរូប្រចាំជីវិត មានន័យថា ការរស់នៅមានអនាម័យ និងរស់នៅស្អាត ក្រៅពីមានភាពល្អប្រសើរសម្រាប់ក្រុមគ្រួសារខ្លួនឯង សម្រាប់អ្នករស់នៅក្នុងសហគមន៍ ថែមទាំងអាចទាក់ទាញភ្ញៀវទេសចរ ទាក់ទាញការវិនិយោគ ផ្តល់ផលប្រយោជន៍ដល់សេដ្ឋកិច្ចសង្គមជាតិថែមទៀត”
លោក ធួន ស៊ីណាន ប្រធានសមាគមទេសចរណ៍អាស៊ីប៉ាស៊ីហ្វិក-កម្ពុជា (PATA) បានទទួលស្គាល់ និងលើកឡើងផងដែរថា តាមរយៈការចូលរួមពីសំណាក់ប្រជាពលរដ្ឋដែលជាម្ចាស់លំនៅដ្ឋានដោយផ្តើមចេញពីការចេះទុកដាក់សំរាម មានអនាម័យល្អ វានឹងបង្កើតឡើងនូវរូបភាពលំនៅដ្ឋានស្អាត ភូមិស្អាត ទីក្រុងស្អាត មានសោភ័ណភាព និងបរិស្ថានល្អ។
លោកបន្តថា ៖
“លំនៅដ្ឋានស្អាត ភូមិស្អាត ទីក្រុងស្អាត បានផ្តល់នូវគុណប្រយោជន៍យ៉ាងច្រើន ទាំងប្រជាពលរដ្ឋដែលរស់នៅក្នុងតំបន់ ទាំងសង្គមជាតិ ហើយថែមទាំងអាចទាក់ទាញទេសចរ ការវិនិយោគបន្ថែម ដែលសុទ្ធតែជាផលប្រយោជន៍ដល់សេដ្ឋកិច្ចសហគមន៍មូលដ្ឋាន រួមទាំងជំរុញកំណើនសេដ្ឋកិច្ចជាតិបានយ៉ាងល្អប្រសើរ”
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សមយុទ្ធត្រីភាគី បង្ហាញពីផែនការរយៈពេលវែងរបស់ក្រុងវ៉ាស៊ីនតោននៃការបង្កើត NATO អាស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 11/09/2026
បរទេស ៖ ការធ្វើសមយុទ្ធយោធាជាបន្តបន្ទាប់រវាងសហរដ្ឋអាមេរិក កូរ៉េខាងត្បូង និងជប៉ុន បានបង្ហាញយ៉ាងច្បាស់ថា ទីក្រុងវ៉ាស៊ីនតោន កំពុងបន្តរុញច្រានផែនការយុទ្ធសាស្ត្ររយៈពេលវែងរបស់ខ្លួននៃការបង្រួបបង្រួមសម្ព័ន្ធមិត្តក្នុងតំបន់ឱ្យទៅជារចនាសម្ព័ន្ធនយោបាយយោធាដ៏រឹងមាំមួយ ដែលត្រូវបានគេមើលឃើញយ៉ាងទូលំទូលាយដែលមានគំរូដំណើរការដូចជាអង្គការ NATO ប៉ុន្តែនៅក្នុងតំបន់អាស៊ី។ នៅក្នុងអត្ថបទមួយដែលត្រូវបានសរសេរដោយអ្នកស្រាវជ្រាវដ៏ល្បី លោក Konstantin Asmolov នៅមជ្ឈមណ្ឌលស្រាវជ្រាវអំពីកូរ៉េ និងវិទ្យស្ថានជាតិរុស្ស៊ីនៃវិទ្យាសាស្ត្រ ត្រូវបានដកស្រង់មកចេញផ្សាយដោយកាសែតរុស្សី RT បានឲ្យដឹងថា
គ្រឹះស្ថានមីក្រូហិរញ្ញវត្ថុ អិលអូអិលស៊ី (ខេមបូឌា) ភីអិលស៊ី ទទួលបានការចុះបញ្ជីលក់សញ្ញាបណ្ណចីរភាពនៅផ្សារមូលបត្រកម្ពុជាជាផ្លូវការ
ព្រឹត្តិការណ៍, អត្ថបទពាណិជ្ជកម្ម
• 11/09/2026
ភ្នំពេញ ៖ នាព្រឹកថ្ងៃព្រហស្បតិ៍ ១៣រោច ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១០ ខែកញ្ញា ឆ្នាំ២០២៦ ផ្សារមូលបត្រកម្ពុជា បានប្រារព្ធ “ពិធីចុះបញ្ជីលក់សញ្ញាបណ្ណចីរភាពជាផ្លូវការរបស់គ្រឹះស្ថានមីក្រូហិរញ្ញវត្ថុ អិលអូអិលស៊ី (ខេមបូឌា) ភីអិលស៊ី”ក្រោមអធិបតីភាពដ៏ខ្ពង់ខ្ពស់របស់ ឯកឧត្តមបណិ្ឌតសភាចារ្យ ហ៊ាន សាហ៊ីបរដ្ឋលេខាធិការនៃក្រសួងសេដ្ឋកិច្ច
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content