សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ កិច្ចព្រមព្រៀងពាណិជ្ជកម្មថ្មីចុងក្រោយមួយដែលបានធ្វើឡើងរវាងប្រទេសឥណ្ឌា និងសហរដ្ឋអាមេរិក បានដុតបញ្ឆេះកំហឹងយ៉ាងខ្លាំងពីសាធារណជន រហូតមានប្រជាកសិករ និងពលរដ្ឋទូទៅរាប់ពាន់នាក់ចេញមកតវ៉ាតាមដងផ្លូវ ដោយបានដាក់សម្ពាធយ៉ាងធ្ងន់ធ្ងរលើរដ្ឋាភិបាលរបស់លោកនាយករដ្ឋមន្ត្រី Narendra Modi ថា អាចធ្វើឱ្យប៉ះពាល់ដល់កម្រិតជីវភាពរបស់ប្រជាជន។
យោងតាមការចេញផ្សាយរបស់កាសែតរុស្សី RT បានឲ្យដឹងថា ក្រុមអង្គការ សមាគមកសិករ មកពីបណ្តារដ្ឋភាគខាងជើង រួមមាន Punjab,
Haryana និង Uttar Pradesh បានហែក្បួនឆ្ពោះទៅកាន់ទីក្រុង New Delhi ដើម្បីប្រឆាំងនឹងកិច្ចព្រមព្រៀងថ្មីជាមួយអាម៉េរិក ក្រោមហេតុផលរងនូវភាពភ័យខ្លាចថា ការបើកចំហទីផ្សារកាន់តែធំទូលាយសម្រាប់ទំនិញនាំចូលពីអាមេរិកដែលមានតម្លៃថោក នឹងទៅបំផ្លាញដល់វិស័យកសិកម្មក្នុងស្រុក ជាពិសេសគឺការចិញ្ចឹមសត្វ ការផលិតទឹកដោះគោ និងអាជីវករខ្នាតតូច។
ការតវ៉ាប្រឆាំងពីសំណាក់សាធារណជននេះកើតចេញពីភាពងាយរងគ្រោះផ្នែកសេដ្ឋកិច្ចដ៏ស៊ីជម្រៅមួយ ដោយសារវិស័យកសិកម្មបានផ្ដល់ការងារដល់ប្រជាពលរដ្ឋជិតពាក់កណ្តាលនៃកម្លាំងពលកម្មសរុបរបស់ឥណ្ឌា និងជួយទ្រទ្រង់ជីវភាពប្រជាជនជាងពាក់កណ្តាលនៃប្រជាជនសរុបដែលមានរហូតទៅដល់ ១,៤ពាន់
លាននាក់។
ក្រុមសកម្មជនបានព្រមានថា ការបើកចំហទីផ្សារក្នុងស្រុកដែលប្រឈមនឹងហានិភ័យទៅឱ្យក្រុមហ៊ុនកសិកម្មយក្សរបស់អាមេរិក គឺអាចគំរាមកំហែងដោយផ្ទាល់ដល់ជីវភាពរស់នៅរបស់គ្រួសារពលរដ្ឋនៅតាមជនបទប្រមាណ ៨០ លានគ្រួសារ ព្រមទាំងអាចរីករាលដាលដល់វិស័យផ្សេងទៀត ដូចជា ពាណិជ្ជកម្មឌីជីថល និងសិទ្ធិប្រកាសនីយបត្រតក្កកម្មជាដើម។ ការហែក្បួនរបស់កសិករនេះបានកើតឡើងទន្ទឹមគ្នានឹងការកើនឡើងនៃភាពចលាចលនៅក្នុងរដ្ឋធានីរបស់ឥណ្ឌាដោយក្រុមនិស្សិត ដែលកំពុងធ្វើការតវ៉ាដំណាលគ្នារឿងការលេចធ្លាយវិញ្ញាសាប្រឡងថ្នាក់ជាតិកាលពីពេលកន្លងទៅថ្មីៗនេះ។ ជាការឆ្លើយតបទៅនឹងការតវ៉ាដែលកំពុងរំកិលទៅមុខនោះ កងកម្លាំងនគរបាលបានដាក់រនាំងយ៉ាងរឹងមាំ និងបានឃាត់ខ្លួនអ្នកតវ៉ាជាច្រើននាក់នៅតាមព្រំដែនរដ្ឋ ក៏ដូចជានៅតាមទីតាំងសំខាន់ៗនាកណ្តាលទីក្រុង Delhi ក្រោមបំរាមប្រមូលផ្តុំដ៏តឹងរ៉ឹង។
រដ្ឋមន្ត្រីពាណិជ្ជកម្មឥណ្ឌា លោក Piyush Goyal បានអះអាងជូនសាធារណជនថា ផលិតផលកសិកម្មក្នុងស្រុកដែលប្រឈមហានិភ័យនៅតែត្រូវបានការពារ ហើយនឹងគ្មានកិច្ចព្រមព្រៀងណាមួយត្រូវបានអនុវត្តដោយគ្មានការធានាពីផលប្រយោជន៍ប្រកួតប្រជែងសម្រាប់ជាតិនោះឡើយ។ យ៉ាងណាក៏ដោយ ដោយសាររដ្ឋាភិបាលទីក្រុងវ៉ាស៊ីនតោនបានធ្វើការគំរាមដំឡើងពន្ធបន្ថែមទៀត ដូច្នេះ ភាពមិនទុកចិត្តក្នុងចំណោមអ្នកផលិតក្នុងស្រុកនៅតែបន្តមានកម្រិតខ្ពស់នៅឡើយដោយបារម្ភថា កិច្ចព្រមព្រៀងនេះនឹងនៅតែអាចដំណើរការទៅបានបើទោះជាមន្ត្រីជាន់ខ្ពស់ពាណិជ្ចកម្មអះអាងពីកិច្ចការពារផលប្រយោជន៍ប្រជាជនឥណ្ឌាក៏ដោយ៕
Account
Security
Favourite Content