សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ក្នុងកិច្ចខិតខំប្រឹងប្រែងផ្ដល់ជូននូវសេវាធនាគារដ៏សម្បូរបែបជូនអតិថិជន គ្រឹះស្ថានមីក្រូហិរញ្ញវត្ថុ អិលអូអិលស៊ី (ខេមបូឌា) ភីអិលស៊ី បានធ្វើការដំឡើងជំនាន់ប្រព័ន្ធធនាគារស្នូល (Core Banking System) ដែលជាបច្ចេកវិទ្យាទំនើប ជំនាន់ថ្មី ប្រកបដោយជោគជ័យ បន្ទាប់ពីចំណាយពេលជាង១ឆ្នាំ និងប្រើប្រាស់ធនធានដ៏មានសក្តានុពលរបស់ខ្លួន។
ការធ្វើទំនើបកម្មប្រព័ន្ធធនាគារស្នូលនេះ ធ្វើឡើងក្នុងគោលបំណងផ្តល់ជូននូវបទពិសោធន៍ប្រើប្រាស់សេវាហិរញ្ញវត្ថុរបស់ អិលអូអិលស៊ី កាន់តែល្អប្រសើរ រហ័ស ងាយស្រួល និងផ្តល់សុវត្ថិភាពខ្ពស់ជូនអតិថិជនដែលបានបញ្ចប់ដោយជោគជ័យជាស្ថាពរ និងប្រកាសឱ្យប្រើប្រាស់ជាផ្លូវការកាលពីថ្ងៃទី១៧ ខែវិច្ឆិកា ឆ្នាំ២០២៤។
លោក Conrad Dias សមាជិកក្រុមប្រឹក្សាភិបាលគ្រឹះស្ថានមីក្រូហិរញ្ញវត្ថុ អិលអូអិលស៊ី បានមានប្រសាសន៍ថា ៖មូលហេតុដែលជំរុញ LOLC Cambodia ក្នុងការធ្វើទំនើបកម្មនូវប្រព័ន្ធធនាគារស្នូល T24 របស់ខ្លួននេះ គឺដើម្បីឆ្ពោះទៅកាន់ភាពឈានមុខគេនៃឌីជីថលរូបនីយកម្មលើវិស័យហិរញ្ញវត្ថុ ផ្តល់នូវប្រព័ន្ធធនាគារមួយប្រកបដោយប្រសិទ្ធភាព និងគួរឱ្យទុកចិត្តជាមួយនឹងសេវាកម្មរហ័សសម្រាប់អតិថិជន ព្រមទាំងទទួលយកបច្ចេកវិទ្យាទំនើបដើម្បីបង្កើនប្រសិទ្ធភាពប្រតិបត្តិការ និងស្របតាមស្តង់ដារបច្ចេកវិទ្យាធនាគារ។
លោក សុខ វឿន ប្រធាននាយកប្រតិបត្តិ LOLC Cambodia បានមានប្រសាសន៍ឱ្យដឹងថា៖
«ការដំឡើងជំនាន់ប្រព័ន្ធធនាគារស្នូលជាមួយបច្ចេកវិទ្យាទំនើបនេះធ្វើឡើងក្នុងគោលបំណងធ្វើយ៉ាងណាឱ្យប្រតិបត្តិការទាំងអស់នៃផលិតផល និងសេវាកម្មរបស់ អិលអូអិលស៊ី ដំណើរការទៅបានកាន់រលូន រហ័ស មានសុវត្ថិភាព សុក្រឹតភាព និងដើរទាន់សម័យកាល។ នេះមិនមែនជាលើកទីមួយទេដែល អិលអូអិលស៊ី បានធ្វើទំនើបកម្មទៅលើប្រព័ន្ធឌីជីថលនៃសេវាកម្មរបស់យើងជាក់ស្តែងដូចដែលយើងទើបតែដាក់ដំណើរការសេវាធនាគារចល័ត LOLC Mobile នាពេលថ្មីៗនេះ ក្នុងគោលបំណងផ្តល់សេវាកម្មហិរញ្ញវត្ថុពេញលេញនិងងាយស្រួលប្រើប្រាស់តាមទូរសព្ទដៃជូនអតិថិជន»។
លោក សុខ វឿន បានបន្តថា៖ ការធ្វើទំនើបកម្មប្រព័ន្ធឱ្យកាន់តែទំនើបនេះ ត្រូវចំណាយពេល ចំណាយថវិកា និងធនធានច្រើនគួរសមលើបច្ចេកវិទ្យានេះ ព្រមទាំងមានការចូលរួមយ៉ាងសកម្មពីបុគ្គលិកជំនាញៗ ជាច្រើនអ្នក រួមមានខាងបច្ចេកទេស IT ខាងហិរញ្ញវត្ថុ និងគ្រប់ភាគីពាក់ព័ន្ធ ដើម្បីប្រាកដថាគ្រប់មុខងារ នឹងត្រូវដាក់ដំណើរការទៅកាន់អតិថិជនមានភាពរលូន និងកាន់តែបង្កលក្ខណៈងាយស្រួលជាងមុន៕
Account
Security
Favourite Content