សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ នៅក្នុងសង្គមដែលមានរបត់ផ្លាស់ប្ដូរច្រើន សម្រាប់ការរស់នៅរបស់មនុស្សជាចាំបាច់ត្រូវតែចេះបត់បែន អភិវឌ្ឍន៍ និងផ្លាស់ប្ដូរខ្លួនឯងជានិច្ច ហើយបន្ថែមលើនេះ ដើម្បីឈានទៅរកភាពជោគជ័យជូនខ្លួនឯង និងសង្គមទៀតនោះ ភាពរហ័សរហួន ការយល់ពីបរិស្ថានជុំវិញខ្លួន គឺជាកត្តាសំខាន់ដែលត្រូវតែធ្វើយ៉ាងចាំបាច់។
បទពិសោធន៍ជាក់ស្ដែងរបស់ប្រធានប្រតិបត្តិជាន់ខ្ពស់នៃសម្ព័ន្ធក្រុមហ៊ុន Forte ដែលជាក្រុមហ៊ុនធានារ៉ាប់រងក្នុងស្រុកដ៏ធំមួយនៅកម្ពុជា លោក យក់ ចំរើនឫទ្ធិ ជាមេរៀនល្អមួយដែលធនធានជំនាន់ក្រោយគួររៀនសូត្រតាម។
អគ្គនាយកក្រុមហ៊ុនធានារ៉ាប់រងរូបនេះបានរំលឹករឿងរបស់ខ្លួនមុនដើរដល់ដំណាក់កាលជោគជ័យថា លោកជាមនុស្សស្រវាស្រទេញលើការរៀនសូត្រណាស់ ក៏ប៉ុន្តែឱកាសមិនបានហុចដល់ដៃដូចពេលបច្ចុប្បន្ននេះទេ ដោយលោកកាលណោះមិនបានរៀនគ្រប់ថ្នាក់ដែលតម្រូវតាមកម្មវិធីសិក្សានោះទេ គឺលោកចូលរៀនដំបូងដោយចាប់ផ្ដើមពីថ្នាក់ទី៣តែម្ដង។ អ្វីទាំងនេះនៅមិនទាន់ចោទជាបញ្ហាប្រឈមនៅឡើយទេ ដោយបញ្ហាពិតប្រាកដគឺនៅក្រោយពេលដែលលោកបានបញ្ចប់ការសិក្សា ហើយត្រូវបន្តទៅថ្នាក់សកលវិទ្យាល័យ។
លោកមានប្រសាសន៍យ៉ាងដូច្នេះថា ៖
“ខ្ញុំបានប្រឡងជាប់ ៣ មហាវិទ្យាល័យ ប៉ុន្តែដោយហេតុថាវិទ្យាស្ថានសេដ្ឋកិច្ចប្រកាសលទ្ធផលមុនគេ ទើបខ្ញុំត្រូវទម្លាក់ចោលមហាវិទ្យាល័យ ២ទៀត ហើយបង្ខំចិត្តរៀនសេដ្ឋកិច្ចទាំងដែលខ្លួនខ្ញុំស្រឡាញ់ គីមីសាស្ត្រ”
លោកបន្តថា សេដ្ឋកិច្ចដែលលោករៀននៅជំនាន់នោះគឺសេដ្ឋកិច្ចផែនការ គឺជាសេដ្ឋកិច្ចដែលនៅដើតាមប្រព័ន្ធសង្គមរាស្ត្រនិយមនៅឡើយ ហើយវាខុសគ្នាទាំងស្រុងពីសេដ្ឋកិច្ចទីផ្សារសេរីក្រោយពេលលោកបញ្ចប់ការសិក្សា ដែលនេះក៏បានន័យថាអ្វីដែលលោករៀនគឺផ្ទុយគ្នាទាំងស្រុងពីការអនុវត្តន៍ពិតប្រាកដនៅក្នុងសង្គម។
ត្រង់ចំណុចនេះលោកសង្កត់ធ្ងន់ថា ៖
“ខ្ញុំតែងតែប្រាប់ខ្លួនឯងថា ខ្ញុំរស់នៅក្នុងបរិស្ថានជុំវិញរបស់ខ្ញុំ ខ្ញុំអត់អាចចង់ឲ្យបរិស្ថានផ្លាស់ប្ដូរមកសម្របខ្ញុំវិញទេ ប៉ុន្តែខ្ញុំត្រូវសម្របទៅនឹងបរិស្ថាន និងសង្គមវិញទើបបាន”
ដោយសារតែការយល់ឃើញប្រកបទៅដោយក្ដីសង្ឃឹមរបស់លោកបែបនេះ លោកក៏បន្តខិតខំស្រាវជ្រាវបន្ថែមតាមរយៈការអានសៀវភៅសេដ្ឋកិច្ចរបស់អ្នកសេដ្ឋកិច្ចល្បីឈ្មោះដែលសរសេរចេញពីរបបមូលធននិយមវិញម្ដង ដែលជាសេដ្ឋកិច្ចបែបប្រកួតប្រជែង ឬសេដ្ឋកិច្ចសេរីនោះឯង។ ការសិក្សារបស់លោកនេះហើយ ដែលជាឱកាសសម្របខ្លួនលោកទៅតាមរបបសង្គមនាពេលនោះ រហូតដល់ពេលមួយដែលលោកបានចូលបម្រើការងារនៅក្រសួងសេដ្ឋកិច្ច។ ក្រោយពីទទួលបានភ្លើងខៀវនេះមក ឱកាសជាបន្តបន្ទាប់ក៏បានចូលមករកលោក រហូតដល់លោកសម្រេចចិត្តចាកចេញពីស្ថាប័នរដ្ឋ ហើយឈានជើងចូលទៅបម្រើការងារឲ្យវិស័យឯកជនលើវិស័យធានារ៉ាប់រង នឹងបានក្លាយជាអគ្គនាយកក្រុមហ៊ុនធានារ៉ាប់រងដល់សព្វថ្ងៃនេះ។
គិតត្រឡប់ថយក្រោយទៅពេលដែលលោកបញ្ចប់ថ្នាក់មហាវិទ្យាល័យវិញ! បើសិនជាពេលនោះលោកចុះចាញ់ទៅលើភាពបត់បែននៃសង្គម និងដេកចាំឲ្យសេដ្ឋកិច្ចត្រឡប់ទៅរកសេដ្ឋកិច្ចផែនការវិញនោះ ម្លោះពេលនេះលោកមិនបានមានមុខក្ដោបក្ដាប់ភាពជោគជ័យដែលលោកកំពុងមានសព្វថ្ងៃនេះឡើយ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ក្រុមហ៊ុន NextEd Canada រៀបចំទិវាគ្រួសារ (Family’s Day) ដើម្បីអបអរសិស្សកម្ពុជាដែលត្រៀមបន្តការសិក្សានៅប្រទេសកាណាដា
ព្រឹត្តិការណ៍, អត្ថបទពាណិជ្ជកម្ម
• 15/08/2026
NextEd Canada ដែលជាក្រុមហ៊ុនប្រឹក្សា និងរៀបចំផែនការសិក្សានៅប្រទេសកាណាដា សម្រាប់សិស្សានុសិស្សកម្ពុជាចាប់ពីកម្រិតវិទ្យាល័យឡើងទៅ បានរៀបចំទិវាគ្រួសារសម្រាប់សិស្ស និស្សិត និងក្រុមគ្រួសារកម្ពុជាប្រមាណ១០០ គ្រួសារដែលមានផែនការ និងចំណាប់អារម្មណ៍លើការសិក្សានៅកាណាដា
កម្មវិធី «នវានុវត្តន៍បញ្ច្រាស» ជួយធុរកិច្ចថ្មីដោះស្រាយបញ្ហាទីផ្សារ តាមរយៈការបង្កើតជាដំណោះស្រាយប្រកបដោយភាពច្នៃប្រឌិត និង នវានុវត្តន៍
ព្រឹត្តិការណ៍, អាជីវកម្មថ្មី និងនវានុវត្ត
• 14/08/2026
កម្មវិធី «នវានុវត្តន៍បញ្ច្រាស» ជាទុនជួយធុរកិច្ចថ្មីដោះស្រាយបញ្ហាប្រឈមក្នុងទីផ្សារតាមរយៈការបង្កើតដំណោះស្រាយប្រកបដោយភាពច្នៃប្រឌិត នវានុវត្តន៍
ក្រសួងរៀបចំដែនដីទទួលបានគំនិតថ្មីៗបន្ថែម ក្នុងគោលដៅធ្វើឱ្យប្រជាពលរដ្ឋមានលំនៅឋានរស់នៅសមរម្យ
Top News, ព្រឹត្តិការណ៍, អចលនទ្រព្យ
• 14/08/2026
កិច្ចការស្រាវជ្រាវអំពីអចលនទ្រព្យ និងស្ថានភាពលំនៅឋាននេះមានសារៈសំខាន់ គឺផ្ដោតទៅលើការបង្កើតទំនៀមទម្លាប់ និងផ្នត់គំនិតការងារថ្មីមួយ ដែលមានភាពច្បាស់លាស់ និងមិនធ្វើការតាមអារម្មណ៍ដែលនាំឱ្យមានកំហុសឆ្គងច្រើន
ការស្ទង់មតិពី ៣៦ ប្រទេសបង្ហាញថា ចិន ទទួលបានប្រជាប្រិយភាពជាងអាមេរិកនៅលើឆាកអន្តរជាតិ
ព្រឹត្តិការណ៍, អាជីវកម្មថ្មី និងនវានុវត្ត
• 14/08/2026
ការស្ទង់មតិជាលក្ខណៈអន្តរជាតិដ៏ធំមួយនៅលើបណ្តាប្រទេសចំនួន ៣៦ បានបង្ហាញពីទស្សនៈជាសកល ដែលភាគច្រើនមានទំនោរទៅលើប្រទេសចិនក្នុងផ្លូវវិជ្ជមាន ច្រើនជាងសហរដ្ឋអាមេរិក
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content