ស្វែងយល់ពីបច្ចេកទេសដាំឃ្លោកបែបថ្មី ដែលអាចទទួលបានទិន្នផលខ្ពស់  

ឃ្លោក ជាប្រភេទរុក្ខជាតិទ្រើងម្យ៉ាងមានរូបរាងស្រដៀងទៅនឹងត្រឡាច ដែលមានរាងទ្រវែង ស្រឡូនៗល្អ តែមានសម្បករលោងខុសពីផ្លែត្រឡាចបន្តិច ហើយដំណាំនេះក៏ដូចជាបន្លែដែលបងប្អូនយើងនិយមទទួលទាន ពិសេសច្នៃចម្អិនជាម្ហូបក៏បាន ធ្វើអន្លក់ក៏បាន។ ហេតុនេះ កសិករដែលនិយមទទួលទាន ឬមានដីទំនេរគួរចាប់អារម្មណ៍ពីដំណាំឃ្លោក និងត្រូវដឹងពីបច្ចេកទេសក្នុងការដាំ ថែទាំ និងប្រមូលផលឱ្យបានជោគជ័យ។

មុននឹងចាប់ផ្ដើមដាំដំណាំឃ្លោក កសិករត្រូវរៀបចំដីសម្អាតដីឱ្យស្អាត បន្ទាប់មកភ្ជួររាស់ដីឱ្យបានម៉ដ្ឋល្អ ហើយហាលដីពី ១០-១៥ថ្ងៃ ទើបគេប្រើគោយន្តភ្ជួរដីម្ដងទៀតជម្រៅពី ១៥-២០សង់ទីម៉ែត្រ។ ចំណែករង គេត្រូវលើករងដោយមានទទឹង ១ម៉ែត្រ ឯបណ្ដោយអាស្រ័យទៅតាមប្រវែងដី និងកម្ពស់រងចន្លោះ ២-៣តឹកនៅរដូវប្រាំង ឬ ៣-៥តឹកនៅរដូវវស្សា។ បន្ទាប់ពីលើករងហើយ គេត្រូវដាក់ជីលាមកសត្វ ឬជីកំប៉ុស្តិ៍ ពី ១-២គីឡូក្រាមសម្រាប់ផ្ទៃដី ១ម៉ែត្រការ៉ កប់ទ្រាប់បាតរងដោយច្របល់វាឱ្យសព្វល្អជាមួយដីរង ហើយធ្វើការគ្របរងដោយថង់ប្លាស្ទិក ឬដោយប្រើចំបើង ដើម្បីទប់ស្កាត់ការហូរច្រោះរង និងការពារសំណើមដី។

ក្រៅពីរងសម្រាប់ដាំ កសិករក៏ត្រូវធ្វើរោងបណ្ដុះកូនឃ្លោកដើម្បីឱ្យគ្រាប់ដុះបានល្អ កាត់បន្ថយការរលួយកូន និងការពារកូនដំណាំពីការឆ្លងជំងឺ ក៏ដូចជាការបំផ្លាញពីសត្វចង្រៃ។ សម្រាប់ទំហំរោង គេអាចធ្វើដំបូលកម្ពស់ ១.៨-២ម៉ែត្រ ដើម្បីងាយចេញចូល និងការពារកម្ដៅ ចំណែកឯកម្ពស់រានដំណាំពី ០.៨-១ម៉ែត្រ និងទទឹងពី ០.៨-១ម៉ែត្រ។

ចំពោះការលាយដីសម្រាប់បណ្ដុះកូនឃ្លោកក៏មិនខុសពីដំណាំទ្រើងផផ្សេងទៀតដែរ គេត្រូវយកដីចំនួន ២ភាគ លាយជាមួយជីលាមកគោ ១ភាគ ផេះអង្កាម ៤-៦ភាគ ឬអាចលាយជាមួយមម៉ោគ ឬស្រកីដូងម៉ដ្ឋ ១ភាគ។ យកល្បាយដែលច្របល់ហើយ ទៅលីងឱ្យក្ដៅសព្វល្អ ទុកឱ្យត្រជាក់ និងច្រកចូលកន្ទោង ឬថាសបណ្ដុះ។

ពាក់ព័ន្ធនឹងការបណ្ដុះគ្រាប់វិញ គេអាចធ្វើបានពីររៀបគឺ ការបណ្ដុះគ្រាប់ជាមុន និងការដាក់គ្រាប់បណ្ដុះដោយផ្ទាល់ក្នុងថាសបណ្ដុះ តែវិធីទាំងពីរនេះគេត្រូវយកគ្រាប់ឃ្លោកដែលផ្អាប់ហើយ ឬមិនទាន់ផ្អាប់ចំនួន ១គ្រាប់ដាក់បណ្ដុះក្នុងប្រឡោះថាស និងស្រោចទឹកព្រឹកល្ងាចឱ្យជោកចៀសវាងគ្រាប់មិនដុះ។  ចំណែកការចាប់ផ្ដើមដាំកូនឃ្លោកវិញ គេត្រូវរើសយកកូនណាដែលមានដើមរឹកមាំល្អ អាយុពី ៧-១២ថ្ងៃ ហើយត្រូវដាក់វាហាលពី ២-៣ថ្ងៃដើម្បីពង្រឹងកូនមុនពេលដាំ។ មុនពេលដាំ គេត្រូវបញ្ចូលទឹកតាមរងសម្រាប់រងគ្របថង់ប្លាស្ទិក និងស្រោចទឹកលើរងគ្របចំបើង រួចបន្ថែមជីនៅតាមរណ្ដៅកូនដំណាំហើយច្របល់ឱ្យសព្វដោយទុករយៈពេលពី ៦-៧ថ្ងៃ ហើយស្រោចទឹក ៥-៦ដងមុនពេលដាំ ហើយគេគួរដាក់ដាំកូនននោងនៅពេលល្ងាចមេឃត្រជាក់ល្អ។

សម្រាប់ការថែទាំដំណាំឃ្លោក កសិករត្រូវស្រោចទឹក ដាក់ជីឱ្យបានទៀតទាត់ដើម្បីឱ្យដំណាំផ្ដល់ផ្លែផ្លាបានច្រើន។ ឯការដាក់ជីក៏អាស្រ័យលើប្រភេទដីផងដែរ ដូចជាដីល្បាយនិងដីខ្សាច់ត្រូវដាក់ជីរៀងរាល់ ៧ថ្ងៃម្ដង តែចំពោះដីខ្សាច់ត្រូវដាក់ជីច្រើនជាងដីល្បាយចំនួន ២ ភាគ ៣ ឬពាក់កណ្ដាល។

ការដាក់ជីនេះទៀតសោត ដើម្បីឱ្យដំណាំស្រូបបានច្រើន គេត្រូវដាក់ជីភ្លាមស្រោចទឹកភ្លាម ហើយការដាក់ជីបំប៉នត្រូវកប់ក្នុងរន្ធសងខាងរណ្ដៅ ចម្ងាយពីគល់ដំណាំ ៨-២៥សង់ទីម៉ែត្រទៅតាមអាយុដំណាំ ហើយការស្រោចទឹក គេត្រូវស្រោចព្រឹកល្ងាចឱ្យបានទៀងទាត់ ចៀសវាងដីស្ងួតធ្វើឱ្យដំណាំលូតលាស់មិនបានល្អ។ 

បន្ទាប់ពីដំាំបាន ២០-២៥ថ្ងៃ ដើមឃ្លោកចាប់ផ្ដើមបែកខ្នែងចេញពីដើមមេ ដែលគេត្រូវទុកតែមួយដើមប៉ុណ្ណោះចន្លោះពីថ្នាំងទី១ ដល់ថ្នាំងទី៨ ហើយថ្នាំងឬស្លឹកទី៩ ទើបយើងទុកឱ្យបែកខ្នែងបានតាមដែលវាលូតលាស់។ ​ថែមលើនេះ គេក៏ត្រូវសម្អាតស្មៅឱ្យបានស្អាត ទោះបីជារងគ្របប្លាស្ទិក ឬចំបើងក៏ដោយ គេត្រូវដកស្មៅនៅតាមចន្លោះរងចេញ ព្រោះវាអាចជាជម្រកសត្វចង្រៃបំផ្លាញដំណាំ។ ទន្ទឹមនឹងនេះ ដំណាំឃ្លោកក៏អាចជួបប្រទះនឹងជំងឺ ក៏ដូចជាកត្តាចង្រៃផងដែរដូចជា ជំងឺទុំលឿងស្លឹក និងសត្វបំផ្លាញដូចជា ដង្កូវស៊ីញ៉េ និងទ្រីប ដែលសកិករអាចការពារនិងកម្ចាត់បានដោយការដកសម្អាត ថែទាំអនាម័យ ឬប្រើថ្នាំគីមីក៏បាន។ ចុងក្រោយការប្រមូលផលឃ្លោក គឺអាចកាត់ទៅតាមតម្រូវការទីផ្សារ ហើយកាត់ពេលព្រឹកដោយប្រកូនកាំបិត ឬកន្ត្រៃដើម្បីកាត់ទងឃ្លោក ហើយវេចខ្ចប់នៅក្នុងថង់ ចោះរន្ធឱ្យមានខ្យល់ចេញចូល និងច្រកក្នុងបរិមាណល្មមចៀសវាងផ្លែឃ្លោកសង្កត់លើគ្នាបណ្ដាលឱ្យខូចគុណភាព៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ

ព្រែកជីកហ្វូណនតេជោ នឹងផ្លាស់ប្ដូរមុខមាត់ និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅអាល្លឺម៉ង់

ព្រឹត្តិការណ៍, សេដ្ឋកិច្ច

• 14/06/2024

ព្រែកជីកហ្វូណនតេជោ នឹងផ្លាស់ប្ដូរមុខមាត់កម្ពុជាថ្មី និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅប្រទេសអាល្លឺម៉ង់ ក្រោយពេលស្ថាបនារួច

ពូជកូនឈើហូបផ្លែកាន់តែមានតម្រូវការទីផ្សារនារដូវវស្សា

ជំនួញ, ព្រឹត្តិការណ៍

• 14/06/2024

សម្រាប់រដូវវស្សាដែលមានភ្លៀងធ្លាក់ច្រើន និងមានប្រភពទឹកគ្រប់គ្រាន់ ជាអំណោយផលមួយសម្រាប់បងប្អូនប្រជាកសិករ ក៏ដូចជាអ្នកដែលចូលចិត្តដាំដំណាំ និងដើមឈើហូបផ្លែ

អ្នកជំនាញលើកទឹកចិត្តឱ្យគ្រឹះស្ថានផ្ដល់កម្ចី និងអតិថិជនបើកចិត្តជជែកគ្នា ដើម្បីចៀសវាងកើតមានបញ្ហាណាមួយ

ព្រឹត្តិការណ៍, ហិរញ្ញវត្ថុ

• 14/06/2024

បញ្ហាមួយអាចកើតឡើង ប្រសិនបើអតិថិជនមិនមានលទ្ធភាពសង ទៅកាន់គ្រឹះស្ថានផ្ដល់កម្ចីតាមកិច្ចសន្យា ហើយភាគីទាំងពីរមិនបានជជែកគ្នាដើម្បីរកដំណោះស្រាយ។

សកម្មភាពសាងសង់ផ្ទះរបស់ប្រជាពលរដ្ឋតាមបណ្ដាខេត្ត​ធ្លាក់ចុះ​ជាង​ឆ្នាំមុន​

ព្រឹត្តិការណ៍, អចលនទ្រព្យ

• 14/06/2024

ប្រជាពលរដ្ឋ​ដែលសាងសង់ផ្ទះថ្មី​នៅក្នុង​ឆ្នាំ ២០២៤​នេះឃើញថា​មាន​ចំនួន​តិចជាង​ឆ្នាំ ២០២៣​ ដែលធ្វើឱ្យការលក់​គ្រឿងសំណង់​និងចំណូល​អ្នក​សាងសង់​ថយចុះ

តម្លៃប្រេងបន្តឡើងថ្លៃ ខណៈដែលការផ្គត់ផ្គង់អាចនឹងត្រូវបានរឹតបន្តឹងរហូតដល់ត្រីមាសទី៣ឆ្នាំនេះ

ព្រឹត្តិការណ៍, អាជីវកម្មថ្មី និងនវានុវត្ត

• 14/06/2024

តម្លៃប្រេងម៉ាក West Texas Intermediate (WTI) ឡើងថ្លៃ ០,៧៧ ភាគរយ ឬ ៧៨,៥០ ដុល្លារក្នុងមួយបារ៉ែល ខណៈដែលតម្លៃប្រេងម៉ាក Brent ឡើងថ្លៃ ០,៨៣ ភាគរយ ឬ ៨២,៦០ ដុល្លារក្នុងមួយបារ៉ែល

វិស័យ SMEs ជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ព្រឹត្តិការណ៍, សេដ្ឋកិច្ច

• 14/06/2024

សហគ្រាសធុនមីក្រូ តូច និងមធ្យមគឺជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ស្វែងយល់ពីសារៈសំខាន់នៃចំណេះដឹងហិរញ្ញវត្ថុ

ព្រឹត្តិការណ៍, ហិរញ្ញវត្ថុ

• 14/06/2024

ភ្នំពេញ ៖ ចំណេះដឹងហិរញ្ញវត្ថុគឺជាបំណិនជីវិតមួយ ដែលបុគ្គលគ្រប់រូបត្រូវការសម្រាប់ការរស់នៅប្រចាំថ្ងៃ ព្រោះវាជួយឱ្យបុគ្គលនីមួយៗគ្រប់គ្រងលុយកាក់បានល្អប្រសើរជាងមុន ជួយឱ្យសម្រេចចិត្តផ្នែកហិរញ្ញវត្ថុបានត្រឹមត្រូវ ...

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ