សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ធនាគារពិភពលោក (World Bank) កាលថ្ងៃចន្ទដើមសប្តាហ៍កន្លងមកនេះបានបង្ហាញអំពីតួលេខនៃការព្យាករណ៍របស់ខ្លួនទៅលើចំនួនផលិតផលក្នុងស្រុកសរុបរបស់ប្រទេសមីយ៉ាន់ម៉ាថានឹងធ្លាក់ចុះខ្លាំងរហូតទៅដល់ ១៨ភាគរយសម្រាប់ឆ្នាំ២០២១ នេះ។
បញ្ហាតវ៉ាប្រឆាំងទៅនឹងរដ្ឋាភិបាលក្រោយរដ្ឋប្រហារដោយយោធា និងវិបត្តិនៃការរាតត្បាតវីរុសកូវីដ-១៩ក្នុងពេលជាមួយគ្នានេះ ត្រូវបានគេមើលឃើញថាជាមូលហេតុដ៏ធំបំផុតដែលនាំឲ្យសេដ្ឋកិច្ចរបស់មីយ៉ាន់ម៉ាងើបមុខមិនរួចបែបនេះ។ ស្ថានភាពវឹកវរនៅក្នុងប្រទេសគិតចាប់តាំងតែពីខែកុម្ភៈរហូមកបាននាំឲ្យទៅដល់មានការបង្ហូរឈាមក្រុមបាតុករជាពលរដ្ឋកើនឡើងទៅដល់ជាង ៩០០ នាក់ ។
ភាពចលាចល និងការតវ៉ាប្រឆាំងរបស់ប្រជាជនដ៏ធំបែបនេះបានរុញឲ្យសេដ្ឋកិច្ចជាតិរបស់មីយ៉ាន់ម៉ាធ្លាក់ចុះបន្តិចម្តងៗ ដោយក្នុងនោះក្រុមហ៊ុនវិនិយោគ និងធនាគារជាច្រើនត្រូវបានបិទទ្វារ ហើយអជ្ញាធរជាតិក៏មិនអាចធ្វើការប្រមូលពន្ធតាមផែនការបាននោះដែរ។
ធនាគារពិភពលោកបាននិយាយថា សេដ្ឋកិច្ចជាតិរបស់មីយ៉ាន់ម៉ាគឺបានចុះខ្សោយរួចទៅហើយដោយសារបញ្ហារាតត្បាតនៃវីរុសកូវីដ ហើយគិតទៅដល់ចុងបញ្ចប់នៃឆ្នាំនេះចំណូលពីសារពើពន្ធ ដែលគាំទ្រដល់សេដ្ឋកិច្ចរបស់ប្រទេសជាតិនឹងធ្លាក់ចុះខ្លាំងអាចរហូតទៅដល់ប្រមាណ ១៨ ភាគរយជាក់ជាមិនខាន។
សេចក្តីថ្លែងការណ៍ដដែលនេះបានបញ្ជាក់ទៀតថា ការបិទទ្វារក្រុមហ៊ុនអាជីវកម្មជាបន្តបន្ទាប់ ការតវ៉ាប្រឆាំងនៅតែកើតមាន ការបិទអ៊ិនធឺណេតបានកាត់បន្ថយរំហូរសាច់ប្រាក់ជាតិ ព្រមទាំងរារាំងដល់ដំណើរការប្រតិបត្តិការរបស់ធនាគារផងដែរ ដោយគិតមកដល់ពេលនេះរូបិយបណ្ណរបស់មីយ៉ាម៉ា Kyat បានធ្លាក់ចុះដល់ទៅ ២៣ ភាគរយរួចបាត់ទៅហើយធៀបទៅនឹងលុយ Dollars ដុល្លាររបស់អាមេរិក។
ក្រៅពីនោះធនាគារពិភពលោកក៏បានព្យាករណ៍ដែរថា ចំនួនពលរដ្ឋដែលរស់នៅក្រោមបន្ទាត់ក្រីក្រនៅក្នុងប្រទេសនេះគឺនឹងអាចកើនឡើងដល់ទៅទ្វេដងគិតនៅត្រឹមដើមឆ្នាំ២០២២ ខាងមុខនេះធៀបទៅនឹងចំនួនដែលខ្លួនមានកាលពីមុនពេលកូវីដ គឺឆ្នាំ២០១៩។ លើសពីនេះ ក្រុមហ៊ុនវិនិយោគទុនបរទេសជាច្រើនដែលកំពុងមានផែនការ និងកំពុងប្រតិបត្តិការនៅមីយ៉ាន់ម៉ាក៏បានចាប់ផ្តើមដកខ្លួនបណ្តើរៗផងដែរ ខណៈដែលភាគច្រើនជាក្រុមហ៊ុនជប៉ុន និងសិង្ហបុរី ៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
“សង្រ្កាន្តអម្រឹត ឆ្នាំ២០២៦” ផ្សារភ្ជាប់នឹងការគោរពដឹងគុណវីរៈកងទ័ពជួរមុខ
ព្រឹត្តិការណ៍, អត្ថបទពាណិជ្ជកម្ម
• 12/04/2026
នាព្រឹកថ្ងៃទី១១ ខែមេសា ឆ្នាំ២០២៦ គ្រឹះស្ថានមីក្រូហិរញ្ញវត្ថុ អម្រឹត បានរៀបចំ “កម្មវិធីសង្រ្កាន្តអម្រឹត” នៅស្នាក់ការកណ្តាលរបស់គ្រឹះស្ថាន ដោយមានការចូលរួមពីគណៈគ្រប់គ្រង បុគ្គលិក និងក្រុមគ្រួសារបុគ្គលិក សរុបប្រមាណជាង ៥០០ នាក់
រកឃើញយន្តហោះចម្បាំងជប៉ុន សម័យសង្គ្រាមលោកលើកទី ២ ក្រោយបាត់ខ្លួនអស់ ៨១ ឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
យន្តហោះចម្បាំងមួយគ្រឿង ដែលធ្លាប់ត្រូវបានប្រើប្រាស់អំឡុងសម័យសង្គ្រាមលោកលើកទី ២ ដោយកងទ័ពជើងទឹកអធិរាជជប៉ុន ឬ Imperial Navy ត្រូវបានគេរកឃើញ បន្ទាប់ពីវាបានដេកលង់លក់នៅក្រោមបាតសមុទ្រអស់រយៈពេល ៨១ ឆ្នាំ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content