កម្ពុជា – កូរ៉េខាងត្បូង កំណត់គំនិតផ្តួចផ្តើមដ៏សំខាន់មួយ ដើម្បីបង្កើនលទ្ធភាពទទួលបានហិរញ្ញវត្ថឆ្លងដែន

ភ្នំពេញ ៖ ក្រុមហ៊ុន ក្រេឌីតប្យួរ៉ូ ខេមបូឌា (Credit Bureau Cambodia) និងក្រុមហ៊ុន ក្រេឌីតប្យួរ៉ូ កូរ៉េ (Ko​rea Credit Bureau) បានកំណត់នៅក្នុងគំនិតផ្តួចផ្តើមដ៏សំខាន់មួយ ដើម្បីបង្កើនលទ្ធភាពទទួលបានហិរញ្ញវត្ថុឆ្លងដែន ដោយបានបង្ហាញសេវាចែករំលែករបាយការណ៍ឥណទានឆ្លងដែន ដែលត្រួសត្រាយផ្លូវសម្រាប់ការផ្តល់ប្រាក់កម្ចីប្រកបដោយសុវត្ថិភាព និងទទួលព័ត៌មានកាន់តែច្រើនរវាងកម្ពុជា និងកូរ៉េខាងត្បូង​។

គំនិតផ្តួចផ្តើមនេះអនុញ្ញាតឱ្យគ្រឹះស្ថានហិរញ្ញវត្ថុជាសមាជិករបស់ក្រុមហ៊ុន ក្រេឌីតប្យួរ៉ូ ខេមបូឌា ( CBC ) និងក្រុមហ៊ុន ក្រេឌីតប្យួរ៉ូ កូរ៉េ នៅកម្ពុជា និងកូរ៉េខាងត្បូង អាចចូលប្រើប្រាស់ទិន្នន័យឥណទាន ដែលបានផ្ទៀងផ្ទាត់ឆ្លងដែនប្រកបដោយសុវត្ថិភាព ដោយជំរុញការសម្រេចចិត្តផ្តល់ប្រាក់កម្ចីប្រកបដោយទំនុកចិត្ត និងទទួលបានព័ត៌មាន។

ពិធីប្រកាសដាក់ឱ្យដំណើរការជាផ្លូវការខាងលើនេះ ត្រូវបានធ្វើឡើងនៅរាជធានីភ្នំពេញ ក្រោមអធិបតីភាព ឯកឧត្តម យឹម លាត ទេសាភិបាលរងធនាគារជាតិនៃកម្ពុជា និងមានការចូលរួមពីនាយកប្រតិបត្តិជាន់ខ្ពស់មកពីធនាគារ និងគ្រឹះ​ស្ថានហិរញ្ញវត្ថុ ទីភ្នាក់ងាររដ្ឋាភិបាល និងសមាគមឧស្សាហកម្ម។ នេះបើយោងតាមសេចក្តីប្រកាសព័ត៌មានរបស់ក្រុមហ៊ុន ក្រេឌីតប្យួរ៉ូ ខេមបូឌា កាលពីថ្មីៗនេះ ។

ឯកឧត្តម យឹម លាត ទេសាភិបាលរងធនាគារជាតិនៃកម្ពុជា បានរំលឹកនូវដំណើរការដែលឈានដល់ថ្ងៃដាក់ដំណើរការចែករំលែករបាយការណ៍ឥណទាននៅពេលនេះ គឺដំបូងឡើយនៅ២០២៤ ធនាគារជាតិនៃកម្ពុជា បានចុះហត្ថលេខាលើអនុស្សរណៈយោគយល់គ្នា (MOU) ទ្វេភាគីជាមួយកូរ៉េចំនួន ៣ដាច់ដោយឡែក។ ទន្ទឹមនោះក្រុមហ៊ុន CBC បានចុះហត្ថលេខាលើ MOU ជាមួយ KBC និង JB Bank ផ្តោតលើការចែករំលែករបាយការណ៍ឥណទានឆ្លងព្រំដែន។

សូមជម្រាបថា កូរ៉េខាងត្បូង គឺជាទីផ្សារការងារធំបំផុតទីពីរសម្រាប់ពលករកម្ពុជា ស្របពេលប្រទេសមួយនេះក៏ជាប្រភពទុនដ៏សំខាន់សម្រាប់ការវិនិយោគផ្ទាល់ពីបរទេសនៅកម្ពុជាផងដែរ។ ទន្ទឹមនេះ ធុរកិច្ចកូរ៉េក៏បន្តវិនិយោគក្នុងប្រទេសកម្ពុជា។ ក្នុងឆ្នាំ២០២៤ កម្ពុជាបានអនុម័តគម្រោងវិនិយោគសរុប ៤១៤គម្រោង មានតម្លៃសរុបប្រមាណ ៦,៩ពាន់លានដុល្លារ។ ក្នុងនោះ ក្រុមហ៊ុនកូរ៉េខាងត្បូងដែលបណ្តាក់ទុនរកស៊ីនៅកម្ពុជាមានប្រហែល ០,២៣ភាគរយនៃតម្លៃសរុប ឈរនៅលំដាប់ទី១២ ។ នេះបើតាមទិន្នន័យពីក្រុមប្រឹក្សាអភិវឌ្ឍន៍កម្ពុជា(CDC)។

ជាមួយនឹងការចូលប្រើទិន្នន័យប្រវត្តិឥណទានដែលបានផ្ទៀងផ្ទាត់នេះ គ្រឹះស្ថានហិរញ្ញវត្ថុនឹងត្រូវបានបំពាក់ឱ្យកាន់តែប្រសើរឡើង ដើម្បីធ្វើការវាយតម្លៃឱ្យបានហ្មត់ចត់អំពីភាពស័ក្ដិសមនៃឥណទាន (creditwor​thi​ness) របស់បុគ្គលម្នាក់មុនពេលពង្រីកកន្លែងផ្តល់ឥណទាន គាំទ្រដល់ការផ្តល់ប្រាក់កម្ចីប្រកបដោយការទទួលខុសត្រូវ និងបរិយាបន្នហិរញ្ញវត្ថុឆ្លងដែនកាន់តែទូលំទូលាយ។​

លោក អឿ សុធារ័ត្ន នាយកប្រតិបត្តិនៃក្រុមហ៊ុន CBC បានលើកឡើងថា ការចែករំលែករបាយការណ៍ឥណទានពិតជាមានសារៈសំខាន់នៅក្នុងបរិបទនៃការផ្លាស់ប្តូរបច្ចេកវិទ្យាបញ្ញាសិប្បនិម្មិត កំពុងមាននិន្នាការកើនឡើង។ ភាគីទាំងពីរនឹងចែករំលែកបច្ចេកវិទ្យាទៅមកដូចជា ការវិភាគព្យាករណ៍ ក្នុងសេវាកម្មឥណទាន ការអនុវត្តទន្និន័យបើកចំហសម្រាប់ការត្រួតពិនិត្យឥណទាន និងការប្រមូលទិន្នន័យក្រោយ ការដាក់ឲ្យកម្ចីជាដើម។ ជាពិសេស កិច្ចសហការទ្វេភាគី នឹងផ្តល់ភាពងាយស្រួល សម្រាប់ការផ្តល់កម្ចីរវាងពលរដ្ឋខ្មែរដែលកំពុងរស់នៅ ប្រទេស កូរ៉េខាងត្បូង និងពលរដ្ឋកូរ៉េរស់នៅកម្ពុជា។

លោក អឿ សុធារ័ត្ន បានបញ្ជាក់ថា ៖

« គំនិតនេះត្រូវបានរៀបចំឡើង ដើម្បីបង្កើតយន្តការចែករំលែកឥណទានឆ្លងដែន អាចចូលរួមលើកកម្ពស់លទ្ធភាពទទួលបានហិរញ្ញវត្ថុ សម្រាប់ប្រជាជនកម្ពុជាជាង ៥ម៉ឺននាក់ដែលកំពុងរស់នៅក្នុងប្រទេសកូរ៉េ និងប្រជាជនកូរ៉េជាង ១ម៉ឺននាក់ដែលកំពុងរស់នៅក្នុងប្រទេសកម្ពុជា។ តាមរយៈប្រព័ន្ធនេះ ប្រជាពលរដ្ឋខ្មែរនៅប្រទេសកូរ៉េនឹងអាចទទួលបានសេវាហិរញ្ញវត្ថុដោយប្រើប្រវត្តិឥណទានរបស់ពួកគេពីប្រទេសកម្ពុជា ខណៈដែលពលរដ្ឋកូរ៉េដែលរស់នៅក្នុងប្រទេសកម្ពុជា ក៏នឹងអាចទទួលបានឥណទាននៅក្នុងប្រទេសកម្ពុជាដោយប្រើកំណត់ត្រាឥណទានរបស់ពួកគេពីប្រទេសកូរ៉េផងដែរ។»។

លោក Hwang JongSup នាយកប្រតិបត្តិនៃក្រុមហ៊ុន KCB បាននិយាយថា ៖

« ខ្ញុំមានមោទនភាពណាស់ក្នុងការបើកដំណើរការសេវាកម្មនេះ ជាមួយដៃគូរបស់យើង CBC។ ខ្ញុំប្រាកដថា វានឹងជួយអ្នកប្រើប្រាស់ឱ្យទទួលបានឥណទានកាន់តែប្រសើរឡើង នៅពេលមានការចែករំលែករបាយការណ៍ឥណទានជាមួយប្រទេសផ្សេង»។

នាយកប្រតិបត្តិក្រុមហ៊ុនកូរ៉េខាងត្បូងរូបនេះ បានប្តេជ្ញានឹងបន្តផ្តល់ការគាំទ្រយ៉ាងពេញទំហឹង ដល់សេវាកម្មឆ្លងដែន ជាពិសេសកិច្ចសហប្រតិបត្តិការហិរញ្ញវត្ថុរវាងប្រទេសទាំងពីរ។

សូមបញ្ជាក់ថា អនុស្សរណៈនៃការយោគយល់គ្នារវាងការិយាល័យទាំងពីរ សម្រាប់អភិវឌ្ឍគំនិតផ្តួចផ្តើម ដ៏សំខាន់នេះត្រូវបានចុះហត្ថលេខាដោយមានវត្តមានរបស់លោកនាយករដ្ឋមន្ត្រី ហ៊ុន ម៉ាណែត និងលោក Ahn Duk-geun រដ្ឋមន្ត្រីក្រសួងពាណិជ្ជកម្ម ក្រសួងពាណិជ្ជកម្ម ឧស្សាហកម្ម និងថាមពលនៃសាធារណៈរដ្ឋកូរ៉េ ក្នុងវេទិកាធុរកិច្ចកូរ៉េ-កម្ពុជា នៅទីក្រុងសេអ៊ូល កាលពីថ្ងៃទី១៦ ខែឧសភា ឆ្នាំ២០២៤។

ក្នុងឆ្នាំ២០២៤ ទំហំពាណិជ្ជកម្មទ្វេភាគីកម្ពុជា-​​កូរ៉េ សម្រេចបាន៧៦២លានដុល្លារអាមេរិក​កើនឡើង១១,​៤៩​ភាគរយ ធៀបនឹងឆ្នាំ២០២៣។  ក្នុងនោះ ការនាំចេញរបស់កម្ពុជាសម្រេចបាន ២៨៨លានដុល្លារ កើន​ឡើង ១៣,៧៧ភាគរយ។នេះបើយោងតាមរបាយការណ៍​របស់ក្រសួង​ពាណិជ្ជកម្ម៕



របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ក្រុមហ៊ុនបច្ចេកវិទ្យាអវកាសរបស់បារាំង Thales និងសាកលវិទ្យាល័យ ខេមតិច ចាប់ដៃគូស្វែងរកកិច្ចសហប្រតិបត្តិការលើការអប់រំ និងការស្រាវជ្រាវក្នុងវិស័យអវកាសនៅកម្ពុជា

ព្រឹត្តិការណ៍, អត្ថបទពាណិជ្ជកម្ម

• 20/11/2026

ភ្នំពេញ ៖ ក្រុមហ៊ុន «Thales» មកពីប្រទេសបារាំង និងសាកលវិទ្យាល័យ ខេមតិច (CamTech) បានចុះហត្ថលេខាលើអនុស្សរណៈនៃការយោគយល់គ្នា (MoU) នៅថ្ងៃទី ១៦ ខែវិច្ឆិកា ឆ្នាំ ២០២៦ ដើម្បីស្វែងរកកិច្ចសហប្រតិបត្តិការលើវិស័យអប់រំ និងការស្រាវជ្រាវផ្នែកអវកាស និងអាកាសចរណ៍។ កិច្ចព្រមព្រៀងនេះត្រូវបានចុះហត្ថលេខាដោយឧកញ៉ាវេជ្ជបណ្ឌិត ពុង

LOLC KHQR ផ្តល់ជូននូវភាពងាយស្រួល និងឱកាសឈ្នះរង្វាន់ទឹកប្រាក់ ១៦៨ ០០០ រៀល ដល់អាជីវករក្នុងឱកាសពិធីបុណ្យអុំទូកខាងមុខ!

ព្រឹត្តិការណ៍, អត្ថបទពាណិជ្ជកម្ម

• 20/11/2026

ពិធីបុណ្យអុំទូក បណ្តែតប្រទីប និងសំពះព្រះខែ អកអំបុក កាន់តែខិតជិតមកដល់ហើយ ដែលជាពេលវេលាដ៏មមាញឹកសម្រាប់អាជីវករនៅតាមតំបន់ដែលមានអ្នកធ្វើដំណើរច្រើន ជាពិសេសភោជនីយដ្ឋាន ឬអាហារដ្ឋានដែលលក់ម្ហូបអាហារ ហាងលក់ទំនិញ ឬសេវាកម្មនានា។ ជាមួយនឹងការកើនឡើងនៃចំនួនអតិថិជន អាជីវករក៏អាចប្រឈមនឹងបញ្ហាមួយចំនួនក្នុងការគ្រប់គ្រងការទូទាត់ ដូចជា ការទទួលសាច់ប្រាក់ ការរាប់ប្រាក់ ការរៀបចំប្រាក់អាប់ និងការកត់ត្រាប្រតិបត្តិការលក់ប្រចាំថ្ងៃ។ ដើម្បីជួយសម្រួលដល់បញ្ហាប្រឈមទាំងនេះ អិលអូអិលស៊ី សូមផ្តល់ជូននូវដំណោះស្រាយទូទាត់ឌីជីថលតាមរយៈ

១៨ខែ ខេត្ត​​ភាគឦសានទទួលបានគម្រោង​វិនិយោគចំនួន ៧៦គម្រោង​ បង្កើតឱកាស​ការងារ​បានជាង​ ៨,៣ម៉ឺនកន្លែង​

ព្រឹត្តិការណ៍, សេដ្ឋកិច្ច

• 20/11/2026

ក្នុងរយៈពេលត្រឹមតែ១៨ខែ ឬ១ឆ្នាំកន្លះ តំបន់ភូមិភាគឦសាន​បានទទួល​គម្រោង​វិនិយោគ៧៦គម្រោង​ជាមួយនឹងទុនវិនិយោគ ២,៦៥ពាន់​លានដុល្លារអាម៉េរិក​បង្កើតការងារបានជា​ង៨ម៉ឺននាក់​

ក្រោយកិច្ចប្រជុំកំពូលអាស៊ាន លោក ដូណាល់ ត្រាំ ប្រមូលកិច្ចព្រមព្រៀង និងគម្រោងវិនិយោគជាង ១៧ ពាន់លានដុល្លារនៅអាស៊ីអាគ្នេយ៍

ព្រឹត្តិការណ៍, សេដ្ឋកិច្ច

• 20/11/2026

បរទេស៖ ប្រធានាធិបតីអាម៉េរិកលោក ដូណាល់ ត្រាំ បានប្រកាសពីកិច្ចព្រមព្រៀងពាណិជ្ជកម្ម និងការវិនិយោគជាយុទ្ធសាស្ត្រដែលមានទំហំទឹកប្រាក់សរុបជាង ១៧ ពាន់លានដុល្លារសម្រាប់ក្រុមហ៊ុនអាម៉េរិកនៅក្នុងតំបន់អាស៊ីអាគ្នេយ៍ បន្ទាប់ពីបញ្ចប់ដំណើរទស្សនកិច្ចនៅប្រទេសហ្វីលីពីន នេះបើយោងតាមសេចក្ដីរាយការណ៍ពី CNA។ សេតវិមានបានបញ្ជាក់នៅក្នុងសេចក្តីថ្លែងការណ៍មួយថា កិច្ចព្រមព្រៀងទាំងនោះរួមមាន ការសម្រេចជាស្ថាពររបស់ក្រុមហ៊ុន Boeing និង GE Aerospace ក្នុងការលក់យន្តហោះប្រភេទ Boeing

អ្នកជំនាញអាមេរិក កោតសរសើរសន្ទុះនៃភាពរីកចម្រើនផ្នែក Fintech និងបរិយាកាសវិនិយោគនៅកម្ពុជា

ជំនួញ, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត

• 20/11/2026

ភ្នំពេញ ៖ ក្រោយពេលបានមកទស្សនាប្រទេសកម្ពុជាចំនួន ៨ ដង ចាប់តាំងពីឆ្នាំ២០១២ លោក Mitch Pettit ភ្ញៀវទេសចរក៏ដូចជាអ្នកជំនួញជនជាតិអាមេរិក បានកោតសរសើរចំពោះភាពរីកចម្រើនឥតឈប់ឈររបស់កម្ពុជា ដោយសង្កត់ធ្ងន់ថា ក្រុមហ៊ុនបច្ចេកវិទ្យាហិរញ្ញវត្ថុថ្មីៗ (Fintech startups) សហគ្រិន ត្រួសត្រាយផ្លូវ និងការអភិវឌ្ឍហេដ្ឋារចនាសម្ព័ន្ធយ៉ាងឆាប់រហ័ស បានលេចចេញជារូបរាងឡើងជារៀងរាល់ឆ្នាំ។ ថ្លែងប្រាប់សារព័ត៌មាន

ក្រសួង​កសិកម្ម​​ និង​ FAO ​ផ្តល់​គ្រឿងយន្ត​ ​៣​១​គ្រឿង​ ​ជំរុញ​ផលិតកម្ម​ស្រូវ​សរីរាង្គ​នៅ​ព្រះវិហារ​

ព្រឹត្តិការណ៍, សេដ្ឋកិច្ច

• 20/11/2026

ក្រសួង​កសិកម្ម​ ​រុក្ខា​ប្រមាញ់​ និង​នេសាទ​ ​សហការ​ជាមួយ​អង្គការ​ស្បៀង ​និង​កសិកម្ម​នៃ​សហ​ប្រជា​ជាតិ​ ​(​FA​O​)​ ​តាមរយៈ​គម្រោង​គជ់ ​បាន​ផ្តល់​គ្រឿងយន្ត​កសិកម្ម​ចំនួន​ ៣១​គ្រឿង​ ដល់​សហគមន៍​កសិកម្ម​ក្នុង​ខេត្ត​ព្រះវិហារ ​ដើម្បី​ជំរុញ​ផលិតកម្ម​ស្រូវ​សរីរាង្គ ​បង្កើន​ផលិតភាព​ ​និង​កាត់បន្ថយ​ថ្លៃ​ដើម​ផលិតកម្ម​

ទូតអាមេរិកថ្មី បន្តពូនជ្រំ និងជំរុញកិច្ចសហប្រតិបត្តិការទ្វេភាគី ខណៈពាណិជ្ជកម្មកម្ពុជា-អាមេ​រិក ១០ខែ ឆ្នាំ២០២៦ ហក់ឡើងដល់ជិត ១៤ពាន់លានដុល្លារ

ព្រឹត្តិការណ៍, សេដ្ឋកិច្ច

• 19/11/2026

ភ្នំពេញ៖ ឯកអគ្គរដ្ឋទូតសហរដ្ឋអាមេរិកថ្មីប្រចាំកម្ពុជា ឯកឧត្តម Christopher Anderson បានបង្ហាញពីការប្តេជ្ញាបន្តពូនជ្រុំទំនាក់ទំនង និងជំរុញកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគទ្វេភាគីឱ្យកាន់តែរឹងមាំ ខណៈដែលពាណិជ្ជកម្មរវាងប្រទេសទាំងពីរក្នុងរយៈពេល ១០ខែ ឆ្នាំ២០២៦ សម្រេចបានទំហំទឹកប្រាក់រហូតដល់ ១៣,៨២ពាន់លានដុល្លារ ដែលជាសញ្ញាវិជ្ជមានគួរជាទីមោទន។ ក្នុងឱកាសទទួលបានការអនុញ្ញាតចូលជួបសម្តែងការគួរសមជាមួយសម្តេចធិបតី ហ៊ុន ម៉ាណែត នាព្រឹកថ្ងៃទី១៨ ខែវិច្ឆិកា

ទំហំពាណិជ្ជកម្មកម្ពុជា-អូស្ត្រាលី ហក់ឡើងជាង ៣.៥ពាន់លានដុល្លារនៅក្នុងរយៈពេលប៉ុន្មានឆ្នាំចុងក្រោយ

Top News, ព្រឹត្តិការណ៍, សេដ្ឋកិច្ច

• 19/11/2026

ភ្នំពេញ ៖ ពាណិជ្ជកម្មរវាងប្រទេសកម្ពុជា -អូស្ត្រាលី នាពេលបច្ចុប្បន្នបានកើនឡើងប្រមាណ ៣ដង គិតត្រឹមរយៈពេល ៥ ឆ្នាំចុងក្រោយនេះ ដែលកាន់តែបង្កើតឱកាសការងារជាច្រើនសម្រាប់ពលរដ្ឋក្នុងស្រុក ក៏ដូចជាអាជីវកម្មរបស់អូស្ត្រាលីផងដែរ។  យោងតាមរបាយការណ៍របស់ក្រសួងពាណិជ្ជកម្មបានបង្ហាញថា បច្ចុប្បន្ន ទំហំពាណិជ្ជកម្មសរុបរវាងកម្ពុជា និងអូស្ត្រាលី បានកើនឡើងលើសពី ៣ ០០០លានដុល្លារ គិតចាប់ពីឆ្នាំ២០២០ រហូតដល់ដំណាច់ខែតុលា

ប្រទេសសមាជិកសហភាពអឺរ៉ុប បើកភ្លើងខៀវឲ្យមានចុះហត្ថលេខាលើកិច្ចព្រមព្រៀងពាណិជ្ជកម្មជាមួយឥណ្ឌូណេស៊ី

ព្រឹត្តិការណ៍, សេដ្ឋកិច្ច

• 19/11/2026

បរទេស៖ រដ្ឋាភិបាលនៃបណ្តាប្រទេសសមាជិកសហភាពអឺរ៉ុប (EU) អនុម័តលើការចុះហត្ថលេខាស្ដីពីកិច្ចព្រមព្រៀងពាណិជ្ជកម្មជាមួយឥណ្ឌូណេស៊ី ដែលធ្លាប់បានឯកភាពគ្នាកាលពីគ្រាមុន ដើម្បីទប់ទល់ផលប៉ះពាល់ពីការដំឡើងពន្ធគយរបស់អាម៉េរិក នេះបើយោងតាមសេចក្ដីរាយការណ៍ពី Al Jazeera ។ កាលពីថ្ងៃពុធកន្លងទៅនេះ ក្រុមប្រឹក្សាសហភាពអឺរ៉ុបបានចេញសេចក្តីសម្រេចអនុញ្ញាតឱ្យអនុវត្តកិច្ចព្រមព្រៀងពាណិជ្ជកម្មជាមួយឥណ្ឌូណេស៊ីជាបណ្តោះអាសន្ន ដោយភាគីទាំងពីរនឹងលុបចោលពន្ធនាំចូលលើមុខទំនិញជាង ៩០ ភាគរយ ហើយពន្ធនាំចូលចំនួន ៥០ ភាគរយរបស់ឥណ្ឌូណេស៊ីលើការនាំចូលរថយន្តពីសហភាពអឺរ៉ុប នឹងត្រូវលុបបំបាត់ចោលក្នុងរយៈពេល ៥

កាណាឌីយ៉ា អ៊ីមផេក ហ្វាន់ ចាប់ដៃគូជាមួយ Plug and Play APAC ដើម្បីតភ្ជាប់ក្រុមហ៊ុនធុរកិច្ចថ្មី របស់កម្ពុជា ទៅកាន់ឱកាសនានានៅលើឆាកអន្តរជាតិ

ព្រឹត្តិការណ៍, អត្ថបទពាណិជ្ជកម្ម

• 19/11/2026

ភ្នំពេញ ៖ កាណាឌីយ៉ា អ៊ីមផេក ហ្វាន់ (Canadia Impact Fund) បានចុះហត្ថលេខាលើអនុស្សរណៈនៃការយោគយល់គ្នា (MoU) ជាមួយក្រុមហ៊ុន Plug and Play APAC នៅក្នុងព្រឹត្តិការណ៍ហ្រ្វង់កូតិច (FrancoTech) 2026 ដែលបានរៀបចំឡើងនៅមជ្ឈមណ្ឌលតាំងពិព័រណ៍កោះពេជ្រ ក្នុងឱកាសនៃកិច្ចប្រជុំកំពូលហ្វ្រង់កូហ្វូនី


Leave a Reply

Your email address will not be published.Required fields are marked *