រយៈពេល2ខែដើមឆ្នាំ2021 ការនាំចេញរបស់កម្ពុជាទៅកាន់ទីផ្សារកូរ៉េនៅតែបន្តកើនឡើង

ភ្នំពេញ ៖ ទោះជាស្ថិតនៅក្នុងស្ថានភាពប្រឈមនឹងវិបត្តិកូវីដ-19 ដែលកំពុងបន្តរាតត្បាតជាសាកលយ៉ាងណាក៏ដោយ សម្រាប់ការនាំចេញទំនិញរបស់កម្ពុជាទៅ​កាន់ទីផ្សារប្រទេសកូរ៉េខាងត្បូងនៅតែបន្តមានកំណើន បើធៀបទៅនឹងរយៈពេលដូចគ្នាកាលពីឆ្នាំ2020កន្លងទៅ។ 

យោងតាមទិន្នន័យពីសមាគមពាណិជ្ជកម្មអន្តរជាតិកូរ៉េ (KITA) បានបង្ហាញថា ចាប់ពីខែមករា ដល់ចុងខែកុម្ភៈ ឆ្នាំ2021 កម្ពុជាបាននាំចេញផលិតផលមានតម្លៃប្រមាណ 64 លានដុល្លារ ទៅកាន់ទីផ្សារកូរ៉េខាងត្បូង កើនឡើងជាង 2.9 ភាគរយ បើប្រៀបធៀបនឹងរយៈពេលដូចគ្នាកាលពីឆ្នាំមុន ខណៈដែលកូរ៉េបាននាំចូលមកកាន់ទីផ្សារកម្ពុជាបានមាន​តម្លៃ​ប្រមាណ 93 លានដុល្លារ ធ្លាក់ចុះ3.8 ភាគរយធៀបនឹងរយៈពេលដូចគ្នាកាលពីឆ្នាំ2020។ ពោលគឺទំហំពាណិជ្ជកម្មទ្វេភាគីរវាងប្រទេសទាំងពីរសម្រេចបាននូវទំហំទឹកប្រាក់ប្រមាណ 158លានដុល្លារ ថយចុះ 1.1ភាគរយ ធៀបនឹងរយៈពេលដូចគ្នាកាលពីឆ្នាំមុន។

កំពុងផែកម្ពុជា និងទំនិញ​ដែលត្រៀមនាំចេញទៅបរទេស

កាលពីដើមខែកុម្ភៈ ឆ្នាំ2021 រដ្ឋមន្ត្រីក្រសួងពាណិជ្ជកម្មកម្ពុជា និងរដ្ឋមន្ត្រីក្រសួងពាណិជ្ជកម្មកូរ៉េខាងត្បូង បានប្រកាសបញ្ចប់ការចរចាជាផ្លូវការ នូវកិច្ចព្រមព្រៀងពាណិជ្ជកម្មសេរីកម្ពុជា និងប្រទេសកូរ៉េខាងត្បូង (CKTFA) ។

រដ្ឋមន្ត្រីក្រសួងពាណិជ្ជកម្មកម្ពុជា ឯកឧត្តម ប៉ាន សូរស័ក្តិ បានមានប្រសាសន៍ថា មុនកិច្ចព្រមព្រៀងពាណិជ្ជកម្មសេរី ក៏កំណើននៃការនាំចេញរបស់កម្ពុជា ទៅកាន់ប្រទេសកូរ៉េមានប្រមាណ 15 ភាគ​រយ រួចទៅហើយ។ ដោយឡែកតាមរយៈកិច្ចព្រមព្រៀងពាណិជ្ជកម្មនេះ កម្ពុជានឹងអាចនាំចេញទៅកាន់ប្រទេសកូរ៉េ បានទំហំកាន់តែច្រើនជាងមុន ដោយរំពឹងថានឹងកើនឡើងពី 20ទៅ 25ភាគរយក្នុងមួយឆ្នាំ។

ឯកឧត្តមបន្តថា៖

“នៅក្នុងអំឡុងខែមិថុនា ឆ្នាំ2021នេះ កិច្ចព្រមព្រៀងពាណិជ្ជកម្មសេរីកម្ពុជា កូរ៉េគ្រោងនឹងចុះហត្ថលេខាជាផ្លូវការ ហើយកិច្ចព្រមព្រៀងនេះដែរ ក៏រំពឹងថានឹងចូលជាធរមានជាផ្លូវការ នៅក្នុងឆ្នាំ2021នេះដែរ ព្រោះថាកម្ពុជា និងកូរ៉េខាងត្បូងនៅមានពេលវេលាដើម្បីធ្វើកិច្ចការនេះ”។

ឯកឧត្តម ប៉ាន សូរស័ក្តិ បានបន្ថែមថា៖«ជាមោទនភាពរបស់ប្រទេសកម្ពុជា ដែលអាចបង្កើតកិច្ច​ព្រមព្រៀងពាណិជ្ជកម្មសេរីទ្វេភាគីជាមួយបណ្តាប្រទេសមានសេដ្ឋកិច្ចធំៗ ដូចជា ប្រទេសចិន និងប្រទេសកូរ៉េជាដើម ព្រោះថាប្រទេសធំៗ គេតែងចង់បង្កើត​កិច្ចព្រមព្រៀងពាណិជ្ជ​កម្ម​សេរី ជាមួយប្រទេសអភិវឌ្ឍន៍ ខណៈកម្ពុជាជាប្រទេសអភិវឌ្ឍន៍តិចតួចប៉ុណ្ណោះ។ តាមរយៈកិច្ចព្រមព្រៀងពាណិជ្ជកម្មសេរីកម្ពុជា-កូរ៉េនេះ កម្ពុជា នឹងអាច​នាំ​ចេញទៅកាន់ទីផ្សារប្រទេសកូរ៉េកាន់តែច្រើន ដែលអាចបង្កើនទំហំពាណិជ្ជកម្មបានមួយកម្រិតទៀត»៕

ព្រឹត្តិការណ៍, ហិរញ្ញវត្ថុ

ទម្រាំក្លាយជាមហាសេដ្ឋី លោក Warren Buffet មានទម្លាប់សន្សំសំចៃ ៨របៀប

ជាធម្មតាទម្លាប់ចាយវាយប្រាក់កាសរបស់មនុស្សម្នាក់ៗគឺនឹងក្លាយទៅជាកញ្ចក់ឆ្លុះបញ្ចាំងឲ្យឃើញមកវិញតាមរយៈជីវភាពរស់នៅប្រចាំថ្ងៃព្រមទាំងសមត្ថភាពនៃការដោះបំណុលរៀងៗ
ព្រឹត្តិការណ៍, សេដ្ឋកិច្ច

សូចនាករល្អៗជាច្រើននៅកម្ពុជា ជួយជំរុញការស្តារសេដ្ឋកិច្ចក្នុងឱកាសប្រារព្វពិធីបុណ្យចូលឆ្នាំ

ភ្នំពេញ ៖ ប្រមុខរាជរដ្ឋាភិបាលកម្ពុជាសម្តេចតេជោ ហ៊ុនសែន បានផ្ញើសារលិខិតក្នុងឱកាសពិធីបុណ្យចូលឆ្នាំថ្មីប្រពៃណីជាតិ ដែលឆ្នាំនេះត្រូវបានសម្តេចសម្រេចឱ្យបើកនូវពិធីអបអរសាទរពិធី…
ព្រឹត្តិការណ៍, សេដ្ឋកិច្ច

វិស័យស្រូវអង្ករជំរុញការប្រកួតប្រជែង ខណៈអង្ករកម្ពុជានាំទៅប្រទេសចិនក្នុងខែមករាកើនឡើងយ៉ាងច្រើន

ភ្នំពេញ ៖ រដ្ឋមន្ត្រីក្រសួងពាណិជ្ជកម្មបានលើកឡើងឲ្យដឹងថា កាលពីខែមករា ឆ្នាំ២០២២កន្លងទៅនេះ កម្ពុជាបាននាំចេញអង្ករទៅកាន់ទីផ្សារប្រទេសចិនមានកំណើនខ្ពស់រហូតជិត៥០ភាគរយ…
ព្រឹត្តិការណ៍, អាជីវកម្មថ្មី និងនវានុវត្ត

របកគំហើញ ៖ វិធីសាស្ត្រធ្វើកសិកម្មរបស់ដូនតា អាចជួយសន្សំសំចៃដល់ភពផែនដី

តាមការកត់សម្កាល់ វិធីសាស្ត្រដាំដំណាំ និងធ្វើកសិកម្មបែបបុរាណដែលបានបន្សល់ទុកពីដូនតាកាលពីអតីតកាល បានចូលរួមចំណែកក្នុងការកាត់បន្ថយហានិភ័យដល់ភពផែនដីយ៉ាង
ព្រឹត្តិការណ៍, ហិរញ្ញវត្ថុ

ថវិកាសន្សំជាតិរបស់កម្ពុជាជាង ៣ ០០០លានដុល្លារ ទើបតែដកចំណាយត្រឹម ១ ភាគ ៣ តែប៉ុណ្ណោះ

ថវិកាសន្សំជាតិកម្ពុជាដែលមានចំនួនរហូតជាង៣ពាន់លានដុល្លារ ត្រូវបានដកចំណាយសម្រាប់ទប់ទល់នឹងវិបត្តិកូវីដក្នុងរយៈកាលជាង១ឆ្នាំកន្លងទៅនេះអស់ប្រមាណ១ពាន់ដុល្លារ
ព្រឹត្តិការណ៍, សេដ្ឋកិច្ច

ក្រុមហ៊ុនចិនកាន់តែច្រើនកំពុងរួមចំណែកធ្វើការវិនិយោគលើវិស័យកសិកម្មនៅកម្ពុជា

រដ្ឋមន្ត្រីក្រសួងកសិកម្មបានអះអាងឱ្យដឹងថា បច្ចុប្បន្នក្រុមហ៊ុនចិនជាច្រើនបានធ្វើការវិនិយោគលើវិស័យកសិកម្ម ក្នុងគោលបំណងចូលរួមអភិវឌ្ឍវិស័យនេះឱ្យមានគុណភាព សុវត្ថិភាព និងស្តង់ដារ ដើម្បីនាំចេញ…
ជំនួញ, ព្រឹត្តិការណ៍

ស្វែងយល់បទពិសោធន៍ម្ចាស់អាជីវកម្មទើបបង្កើតថ្មី និងចំណាយអស់ដើមទុនតិច

ការបង្កើត និងដំណើរការអាជីវកម្មអ្វីមួយចាំបាច់បំផុតត្រូវការដើមទុនដែលជាសាច់ប្រាក់សម្រាប់ធានាដល់ប្រតិបត្តិការប្រចាំថ្ងៃ និងត្រៀមសម្រាប់ពេលមានហានិភ័យ ឬពង្រឹងអាជីវកម្ម…
ព្រឹត្តិការណ៍, សេដ្ឋកិច្ច

របាយការណ៍ ៖ មហាសេដ្ឋីអាមេរិករាប់រយនាក់ដែលមានចំណូលរាប់ពាន់លានដុល្លារនៅមិនទាន់បង់ពន្ធជូនរដ្ឋ​

ញូវយ៉ក ៖ អំឡុងពេលវិបត្តិកូវីដ ខណៈដែលមនុស្សរាប់លាននាក់នៅលើពិភពលោកបានធ្លាក់ចូលទៅក្នុងបន្ទាត់ក្រីក្រនោះ សម្រាប់តែក្រុមមហាសេដ្ឋីអាមេរិកបែរជាសម្ងំកើបលុយបានរាប់ពាន់លាន…
ព្រឹត្តិការណ៍, សេដ្ឋកិច្ច

គណៈរដ្ឋមន្ត្រីថៃទម្លាក់កញ្ចប់លុយ១ ០០០លានដុល្លារសង្គ្រោះសេដ្ឋកិច្ច ខណៈខេត្តក្រុងចំនួន១០ ត្រូវបានបិទខ្ទប់

រដ្ឋាភិបាលថៃបានសម្រេចទម្លាក់កញ្ចប់លុយជំនួយចំនួន១ ០០០លានដុល្លារសម្រាប់សង្គ្រោះ និងទប់សេដ្ឋកិច្ចក្នុងប្រទេស ខណៈដែលខេត្តក្រុងសំខាន់ៗចំនួន១០ត្រូវបាន…..