សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ដោយសារតែស្ថានភាពកូវីដ-១៩ បន្តអូសបន្លាយទាំងនៅកម្ពុជា និងនៅបរទេស រាជរដ្ឋាភិបាលកម្ពុជាបានសម្រេចពន្យារពេលក្នុងការអនុវត្តពន្ធលើចំណេញមូលធនរហូតដល់ឆ្នាំ២០២៤ ដែលការពន្យារពេលនៃការអនុវត្តពន្ធមួយនេះត្រូវបានអ្នកជំនាញលើកឡើងថានឹងជួយជំរុញចរន្តទិញលក់ដីធ្លីនៅកម្ពុជាបន្ថែមមួយកម្រិតទៀតផងដែរ ។
លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) បានលើកឡើងថា ជាទស្សនផ្ទាល់ខ្លួនរបស់លោក ការពន្យារពេលនៃការអនុវត្តពន្ធលើចំណេញមូលធន គឺជាសញ្ញាល្អដែលធ្វើឱ្យអ្នកវិនិយោគបន្តវិនិយោគអចលនទ្រព្យ ហើយក៏ជាផ្នែកមួយដ៏សំខាន់ក្នុងការជំរុញវិស័យនេះកាន់តែមានសន្ទុះបន្ថែមទៀត។
លោកបន្តថា ៖
“បើសិនជារដ្ឋាភិបាលចាប់ផ្ដើមអនុវត្តន៍ពន្ធលើចំណេញមូលធន កម្ពុជានឹងទទួលបានចំណូលពន្ធមួយផ្នែក ប៉ុន្តែបើសិនជាយើងគិតឱ្យស៊ីជម្រៅ សព្វថ្ងៃនេះយើងបានអនុវត្តន៍ពន្ធមួយចំនួន និងបានទទួលពន្ធទាំងនោះទៅហើយដូចជាពន្ធប្រថាប់ត្រា និងពន្ធអចលនទ្រព្យប្រចាំឆ្នាំ ដូច្នេះបើសិនជាអចលនទ្រព្យមានការដោះដូរបានច្រើនក្នុងមួយឆ្នាំៗ នឹងធ្វើឱ្យចំណូលពន្ធប្រថាប់ត្រាមានចំណូលខ្ពស់ដែរ”
លោកបន្តទៀថា បើសិនជារដ្ឋាភិបាលកម្ពុជាមិនទាន់អនុវត្តន៍ពន្ធលើចំណេញមូលធននឹងធ្វើឱ្យការដោះដូរកាន់តែច្រើន ដោយសារតែពួកគេគិតថាទោះបីជាចំណេញតិចតួចក៏អាចដោះដូរ ហើយទៅរកទីតាំងផ្សេងទៀតដើម្បីទុកចំណេញទោះបីជាចំណេញត្រឹម១០ភាគរយ ឬ ១៥ភាគរយ តែបើសិនជាពន្ធលើចំណេញមូលធនចាប់ផ្ដើមអនុវត្តន៍ អ្នកវិនិយោគត្រូវការចំណេញលើសពី២០ភាគរយ ពីព្រោះត្រូវការបង់ពន្ធលើចំណេញមូលធនផងបង់ពន្ធប្រថាប់ត្រាផង និងអាចធ្វើឱ្យធ្វើចរន្តទិញលក់នៃអចលនទ្រព្យថមថយជាងមុន។
លោកបន្ថែមថា ៖
“តាមពិតទៅពន្ធលើចំណេញមូលធនមិនធ្លាប់បានអនុវត្តន៍ទេនៅកម្ពុជា ហើយការពន្យារនេះដែរវានឹងនៅមានស្ថានភាពដដែល ប៉ុន្តែបើសិនជាយើងចាប់ផ្ដើមអនុវត្តន៍ វានឹងធ្វើឱ្យមានបម្រែបម្រួលនៃការដោះដូរអចលនទ្រព្យ មូលហេតុដោយសារតែអ្នកវិនិយោគធ្លាប់ចំណេញច្រើន។ អចលនទ្រព្យចំណេញយ៉ាងហោចណាស់ក៏២៥ភាគរយនៃប្រាក់ដែលបានវិនិយោគឡើងទៅដែរ ទើបគាត់ធ្វើការដោះដូរបាន ពីព្រោះនៅពេលក់អចលនទ្រព្យនោះ គាត់ត្រូវការបង់ពន្ធប្រថាប់ត្រា ការចំណាយផ្សេងៗទៀត ដូច្នេះបើសិនជាមិនបានចំណេញលើសពី២៥ភាគរយ គាត់នឹងមិនដោះដូរ ហើយបើមិនដោះដូរក៏រដ្ឋាភិបាលមិនមានចំណូលពន្ធប្រថាប់ត្រា និងធ្វើឱ្យវិស័យអចលនទ្រព្យមានចរន្តនៃការទិញលក់ធ្លាក់ចុះ”
គួរបញ្ជាក់ផងដែរថា ការពន្យារពេលនៃការអនុវត្តពន្ធលើចំណេញមូលធននេះដែរ ក៏មានការសាទរពីវិស័យឯកជនជាច្រើន ព្រោះរាជរដ្ឋាភិបាលបានបន្ធូរបន្ថយ និងទុកពេលវេលាដល់វិស័យឯក ក៏ដូចជាវិនិយោគិនក្នុងការពង្រីកនឹងពង្រឹងការវិនិយោគនៅក្នុងប្រទេសឡើងវិញ ដើម្បីជំរុញដល់ការអភិវឌ្ឍសេដ្ឋកិច្ចកម្ពុជាក្រោយពីវិបត្តិកូវីដ-១៩៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content