World Bank ព្រមានពីភាពមិនច្បាស់លាស់របស់សេដ្ឋកិច្ចពិភពលោក ហើយប្រទេសក្រីក្រនឹងរងគ្រោះខ្លាំងបំផុត

បរទេស ៖ យោងទៅតាមប្រភពពី Investopedia បានរាយការណ៍ថា ធនាគារពិភពលោកព្រមានថា សេដ្ឋកិច្ចពិភពលោកគឺស្ថិតក្នុងស្ថានភាពមិនច្បាស់លាស់ ដោយបានព្យាករណ៍ពីកំណើនយឺតនៅឆ្នាំនេះ រួមទាំងកាត់បន្ថយការព្យាករណ៍សម្រាប់ឆ្នាំក្រោយផងដែរ ខណៈដែលបណ្តាប្រទេសក្រីក្រងាយនឹងរងគ្រោះខ្លាំងជាគេ។

ធនាគារពិភពលោក (World Bank) បានព្យាករណ៍នៅក្នុងរបាយការណ៍ទស្សនវិស័យសេដ្ឋកិច្ចសកលរបស់ខ្លួនថា ផលិតផលក្នុងស្រុកសរុប (GDP) ទូទាំងពិភពលោកនឹងកើនឡើង ២,៣ ភាគរយនៅឆ្នាំនេះ ដែលធ្លាក់ចុះពី ៣,១ភាគរយកាលពីឆ្នាំមុន។ លើសពីនេះផងដែរ ធនាគារពិភពលោកបានបន្ទាបការប៉ាន់ស្មានរបស់ខ្លួនពី ២,៧ ភាគរយ មកត្រឹម ២,៤ ភាគរយសម្រាប់ឆ្នាំ២០២៤ ខាងមុខនេះ។  មិនត្រឹមតែប៉ុណ្ណោះ របាយការណ៍ដដែលបានបង្ហាញថា ការពង្រីកសេដ្ឋកិច្ចនៅក្នុងប្រទេសអភិវឌ្ឍន៍នឹងថយចុះមកពី ២,៦ ភាគរយនៅឆ្នាំ២០២២ មកត្រឹម ០,៧ ភាគរយប៉ុណ្ណោះនៅឆ្នាំនេះ​ ហើយវានឹងនៅតែទន់ខ្សោយនៅឆ្នាំ២០២៤។ ក្នុងនាមជាមហាអំណាចសេដ្ឋកិច្ចពិភពលោក ការពង្រីកសេដ្ឋកិច្ចរបស់សហរដ្ឋអាមេរិកត្រូវបានព្យាករណ៍ថានឹងកើនឡើងត្រឹមតែ ០,៨ ភាគរយប៉ុណ្ណោះក្នុងឆ្នាំនេះ ហើយធនាគារពិភពលោកបានសង្កត់ធ្ងន់ថាជា ការកើនឡើងនេះបណ្តាលមកពីការតំឡើងអត្រាការប្រាក់ខ្ពស់។

ស្របពេលនេះដែរ ធនាគារពិភពលោកបានព្យាករណ៍ថា ទីផ្សារប្រទេសដែលកំពុងរីកចម្រើន និងសេដ្ឋកិច្ចកំពុងអភិវឌ្ឍន៍នឹងមានកំណើន ២,៩ ភាគរយប៉ុណ្ណោះនៅឆ្នាំនេះ ដែលធ្លាក់ចុះពី ៤,‌១ ភាគរយកាលពីឆ្នាំមុន។ គេបានកត់សម្គាល់ថា ប្រទេសទាំងនោះរងផលប៉ះពាល់ពីការរាតត្បាតកូវីដ-១៩ សង្គ្រាមរុស្ស៊ី-អ៊ុយក្រែន និងការធ្លាក់ចុះសេដ្ឋកិច្ចយ៉ាងខ្លាំងចំពេលលក្ខខណ្ឌហិរញ្ញវត្ថុពិភពលោកតឹងតែង ហើយប្រទេសក្រីក្របំផុតរបស់ពិភពលោក គឺជាអ្នកដែលរងគ្រោះបំផុតពីបញ្ហាទាំងនេះ។

លោក Indermit Gill ប្រធានសេដ្ឋវិទូរបស់ធនាគារពិភពលោកបានពន្យល់ថា នៅចុងឆ្នាំ២០២៤ មួយភាគបីនៃប្រទេសកំពុងអភិវឌ្ឍន៍នឹងមិនមានកម្រិតប្រាក់ចំណូលខ្ពស់ក្នុងមនុស្សម្នាក់ដូចនៅចុងឆ្នាំ២០១៩ មុនពេលជំងឺរាតត្បាតរាតត្បាតនោះទេ។ លើសពីនេះ ធនាគារពិភពលោកក៏បានព្យាករណ៍ដែរថា ការធ្លាក់ចុះក្នុងឆមាសទីពីរនៃឆ្នាំនេះបណ្តាលមកពីអត្រាការប្រាក់ខ្ពស់នៅក្នុងប្រទេសអ្នកមានបានធ្វើឱ្យប៉ះពាល់ដល់ប្រទេសកំពុងអភិវឌ្ឍន៍ ជាពិសេសប្រទេសក្រីក្របំផុត។ មិនត្រឹមតែប៉ុណ្ណោះ សង្គ្រាម និងបម្រែបម្រួលអាកាសធាតុធ្ងន់ធ្ងរនឹងប៉ះពាល់ដល់ប្រទេសមានប្រាក់ចំណូលទាបទាំងនោះ ដោយសារតែប្រព័ន្ធសុវត្ថិភាពសង្គមមិនអាចទប់ទល់បាន ខណៈដែលជាមធ្យម ប្រទេសក្រីក្របំផុតចំណាយត្រឹមតែ ៣ភាគរយប៉ុណ្ណោះនៃផលិតផលក្នុងស្រុកសរុបសម្រាប់ប្រជាពលរដ្ឋដែលងាយរងគ្រោះបំផុតរបស់ពួកគេ បើធៀបនឹងប្រទេសសេដ្ឋកិច្ចកំពុងអភិវឌ្ឍន៍ដែលចំណាយជាមធ្យម ២៦ ភាគរយនៃផលិតផលក្នុងស្រុកសរុប៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ចំណេះដឹងហិរញ្ញវត្ថុជាបំណិនជីវិតមួយជួយឱ្យប្រជាពលរដ្ឋសម្រេចចិត្តផ្នែកហិរញ្ញវត្ថុហិរញ្ញវបានត្រឹមត្រូវ

ព្រឹត្តិការណ៍, ហិរញ្ញវត្ថុ

• 20/06/2024

ស្របពេលចំណេះដឹងហិរញ្ញវត្ថុក្លាយជាកម្លាំងចលករមួយដ៏សំខាន់ក្នុងការជួយជំរុញឱ្យមានការប្រើប្រាស់សេវាហិរញ្ញវត្ថុផ្លូវការក្នុងចំណោមប្រជាពលរដ្ឋកម្ពុជា ដែលជាប្រភពទុនដ៏សមស្រប មានតម្លៃទាប ហានិភ័យទាបសម្រាប់យកទៅប្រើប្រាស់ក្នុងគោលដៅផ្សេងៗ ធនាគារជាតិនៃកម្ពុជា ក៏ដូចជាសមាគមហិរញ្ញវត្ថុនៅកម្ពុជាបាននិងកំពុងយកចិត្តទុកដាក់លើការលើកកម្ពស់ចំណេះដឹងហិរញ្ញវត្ថុ ដល់ក្រុមគោលដៅ និងសាធារណៈជនទូទៅ។

កម្មវិធី «វិថីហិរញ្ញវត្ថុ រដូវកាលទី២» ត្រូវបានបើកសម្ពោធដាក់ដំណើរការជាផ្លូវការហើយ

ព្រឹត្តិការណ៍, ហិរញ្ញវត្ថុ

• 20/06/2024

នៅព្រឹកថ្ងៃទី២០ ខែមិថុនា ឆ្នាំ២០២៤នេះ កម្មវិធី «វិថីហិរញ្ញវត្ថុ រដូវកាលទី២» ដែលផ្តួចផ្តើមផលិតឡើងដោយក្រុមហ៊ុន អប្សរា មេឌា សឺវីស AMS ត្រូវបានបើកសម្ពោធដាក់ដំណើរការជាផ្លូវការ

កម្ពុជា​-​សិង្ហបុរី ​ផ្តួចផ្តើម​ដាក់​ឱ្យ​ដំណើរការថ្នាល​ច្រក​របៀង​តម្លា​ភាព​ហិរញ្ញវត្ថុ​

ព្រឹត្តិការណ៍, សេដ្ឋកិច្ច

• 20/06/2024

កម្ពុជានិងសិង្ហបុរី បានដាក់ដំណើរការថ្នាលច្រករបៀងតម្លាភាពហិរញ្ញវត្ថុដែលគំនិតផ្តួចផ្តើមនេះជំរុញកំណើនពាណិជ្ជកម្ម និងសេវាកម្មហិរញ្ញវត្ថុពាក់ព័ន្ធ

លំអងឃ្មុំ ជាទិន្នផលបានពីការចិញ្ចឹមឃ្មុំមានគុណតម្លៃច្រើនសម្រាប់សុខភាព

ជំនួញ, ព្រឹត្តិការណ៍

• 20/06/2024

លំអងឃ្មុំ ជាទិន្នផលមួយបានពីការចិញ្ចឹមឃ្មុំ ក៏មិនខុសពីផលិតផលពីឃ្មុំដទៃទៀតដែរ ដែលមានតម្លៃថ្លៃ និងមានគុណប្រយោជន៍ច្រើនចំពោះសុខភាពអ្នកទទួលទាន។

អាកាស​យានដ្ឋានអន្តរជាតិតេជោ​ចាយអស់​ ១,១ពាន់លានដុល្លារ​អាមេរិកហើយ ខណៈ​រដ្ឋាភិបាល​កំពុង​អភិវឌ្ឍន៍​ហេដ្ឋារចនាសម្ព័ន្ធជុំវិញ​បន្ថែម

ព្រឹត្តិការណ៍, អចលនទ្រព្យ

• 20/06/2024

អាកាស​យានដ្ឋានអន្តរជាតិមរតកតេជោ​ចាយអស់​ ១,១ពាន់លានដុល្លារ​អាមេរិកហើយ ខណៈ​រដ្ឋាភិបាល​កំពុង​អភិវឌ្ឍន៍​ហេដ្ឋារចនាសម្ព័ន្ធជុំវិញ​បន្ថែម

ធនាគារពិភពលោកលើកឡើងពីបញ្ហាកំពុងកើតឡើង ៣ ដែលរារាំងដល់កំណើនសេដ្ឋកិច្ចសកល

ព្រឹត្តិការណ៍, សេដ្ឋកិច្ច

• 20/06/2024

ប្រធានសេដ្ឋវិទូរបស់ធនាគារពិភពលោកបានលើកឡើងថា កំណើនសេដ្ឋកិច្ចសកលហាក់ដូចជាកំពុងនៅលើផ្លូវឆ្ពោះទៅរកស្ថិរភាព ប៉ុន្តែពិភពលោកកំពុងប្រឈមនឹងហានិភ័យមួយចំនួន

ប្រធានាធិបតីរុស្ស៊ី Vladimir Putin បានធ្វើដំណើរទស្សនកិច្ចមកដល់ប្រទេសវៀតណាម

ព្រឹត្តិការណ៍, អាជីវកម្មថ្មី និងនវានុវត្ត

• 20/06/2024

កាលពីព្រឹកថ្ងៃព្រហស្បតិ៍នេះ យន្តហោះរបស់ប្រធានាធិបតីរុស្ស៊ី Vladimir Putin បានចុះចតនៅទីក្រុងហាណូយ ហើយវៀតណាមគឺជាគោលដៅចុងក្រោយរបស់គាត់ក្នុងដំណើរទស្សនកិច្ចនៅអាស៊ី

វេទិកា​ធុរកិច្ច​ កម្ពុជា​-​សិង្ហបុរី​​ នឹង​ជួយ​ជំរុញ​កិច្ច​សហប្រតិបត្តិការទ្វេភាគី និងបង្កើត​ភាពជា​ដៃគូ​យូរអង្វែង​នៅ​ក្នុង​វិ​ស័​យ​សំខាន់​ៗ

ព្រឹត្តិការណ៍, សេដ្ឋកិច្ច

• 19/06/2024

សភា​ពាណិជ្ជកម្ម​កម្ពុជា​ ​និង​សហ​ព័ន្ធ​ធុរកិច្ច​សិង្ហបុរី​ ​បាន​សហការ​គ្នា​រៀបចំ​វេទិកា​ធុរកិច្ច​កម្ពុជា​-​សិង្ហបុរី​ ​ដែល​បាន​ប្រព្រឹត្តទៅ​នៅ​ថ្ងៃ​ទី​១​៩​ ​ខែ​មិថុនា​ ​នៅ​សណ្ឋាគារ​ ​Co​nr​a​d​ ​Cent​e​nn​i​a​l​ ​Singapore

អាហារសម្រន់ប្រភេទថ្មី មានទាំងរសជាតិឆ្ងាញ់ ផ្តល់គុណតម្លៃដល់សុខភាព និងរួមចំណែកជួយដល់ជីវភាពកសិករក្នុងតំបន់

ជំនួញ, ព្រឹត្តិការណ៍

• 19/06/2024

ថ្មីៗនេះ Sabara Best Food បានចេញលក់នូវផលិតផលអាហារសម្រន់ថ្មីបីមុខ ដែលមានរសជាតិថ្មី ប្លែកមាត់ខុសពីគេ និងចូលរួមជួយដល់ជីវភាពកសិករកាន់តែច្រើន។

រដ្ឋមន្រ្តីកសិកម្ម កៀរគរកសិករឱ្យចងក្រងជាសហគមន៍កសិកម្មទំនើប ដើម្បីទទួលបានផលចំណេញច្រើន ហើយផ្សារភ្ជាប់ទៅកាន់ទីផ្សារ

ព្រឹត្តិការណ៍, សេដ្ឋកិច្ច

• 19/06/2024

ឯកឧត្តម ឌិតទីណា បានចុះជួបសំណេះសំណាលជាមួយប្រជាកសិករជាសមាជិកសហគមន៍ដាំបន្លែនៅខេត្តតាកែវ ក្នុងបំណងកៀរគរកសិករឱ្យចងក្រងជា «សហគមន៍កសិកម្មទំនើប»