ភាពរីកចម្រើននៃប្រព័ន្ធធនាគារនៅកម្ពុជាបង្ហាញយ៉ាងច្បាស់នូវជំនឿទុកចិត្តរបស់សាធារណជន និងវិនិយោគិនមកលើវិស័យនេះ

ភ្នំពេញ  ៖ ក្នុងរយៈពេល ៣០ឆ្នាំនេះ ប្រព័ន្ធធនាគារនៅកម្ពុជារក្សាបានភាពរីកចម្រើឥតឈប់ឈរ ជាពិសេសបន្តរក្សាបាននូវភាពធន់ និងបោះជំហានទៅមុខជាលំដាប់ក្នុងការរួមចំណែកជំរុញសកម្មភាពសេដ្ឋកិច្ច។ នេះគឺជាសក្ខីភាពបង្ហាញយ៉ាងច្បាស់នូវជំនឿទុកចិត្តរបស់សាធារណជន និងវិនិយោគិនមកលើប្រព័ន្ធធនាគារ និងការងើបឡើងវិញនៃសេដ្ឋកិច្ចនៅកម្ពុជា។

ថ្លែងក្នុងពិធីអបអរសាទរខួបអនុស្សាវរីយ៍លើកទី៣០ នៃការបង្កើតសមាគមធនាគារនៅកម្ពុជា កាលពីថ្ងៃទី១០ ខែមេសា​ ឆ្នាំ២០២៤ លោកជំទាវបណ្ឌិត ជា សិរី ទេសាភិបាល ធនាគារជាតិនៃកម្ពុជា មានប្រសាសន៍ថា  ក្នុងរយៈពេល ៣០ឆ្នាំ នេះ ប្រព័ន្ធធនាគារនៅកម្ពុជាមានការរីកចម្រើនយ៉ាងឆាប់រហ័ស ដោយបន្តរក្សាបាននូវភាពធន់ និងបោះជំហានទៅមុខជាលំដាប់ ក្នុងការរួមចំណែកជំរុញសកម្មភាពសេដ្ឋកិច្ច។ ទន្ទឹមនេះ ការបន្តកើនឡើងនូវទ្រព្យសកម្ម ឥណទាន និងប្រាក់បញ្ញើ នៅក្នុងប្រព័ន្ធធនាគារ គឺបានបង្ហាញយ៉ាងច្បាស់នូវជំនឿទុកចិត្តរបស់សាធារណជន និងវិនិយោគិនមកលើប្រព័ន្ធធនាគារ និងការងើបឡើងវិញនៃសេដ្ឋកិច្ចនៅកម្ពុជា។

លោកជំទាវបណ្ឌិត ជា សិរី បានថ្លែងបន្តថា ​ជាមួយនឹងការរីកចម្រើននេះ ធនាគារជាតិនៃកម្ពុជា ក្នុងនាមជាអាជ្ញាធរត្រួតពិនិត្យ តែងតែយកចិត្តទុកដាក់ជាប្រចាំក្នុងការតាមដាន និងត្រួតពិនិត្យគ្រឹះស្ថានធនាគារនិងហិរញ្ញវត្ថុ ព្រមទាំងបានរួមចំណែកគាំទ្រដល់ឌីជីថលូបនីយកម្មសេដ្ឋកិច្ច-សង្គមកម្ពុជា ក៏ដូចជាសម្រួលដល់សកម្មភាពពាណិជ្ជកម្ម និងការវិនិយោគ ស្របតាមការរីកចម្រើននៃបច្ចេកវិទ្យាហិរញ្ញវត្ថុ។

លោកជំទាវបណ្ឌិត បានបន្តថា ក្នុងន័យនេះ ធនាគារជាតិនៃកម្ពុជាបានអភិវឌ្ឍនិងធ្វើទំនើបកម្មប្រព័ន្ធទូទាត់ជាបន្តបន្ទាប់ ដូចជាប្រព័ន្ធផាត់ទាត់ជាតិ ប្រព័ន្ធសេវាទូទាត់រហ័ស ប្រព័ន្ធធនាគារអនឡាញ ប្រព័ន្ធរីធែលផេ ប្រព័ន្ធខេមបូឌានស៊ែហ្វិច ជាពិសេស ប្រព័ន្ធបាគង ដែលជួយសម្រួលដល់អ្នកប្រើប្រាស់ រួមទាំងធុរជន ក្នុងការធ្វើប្រតិបត្តិការផ្ទេរប្រាក់ ក៏ដូចជាការទូទាត់ក្នុងស្រុក និងការទូទាត់ឆ្លងដែន តាមខេអេចឃ្យូអរកូត ប្រកបដោយប្រសិទ្ធភាព សុវត្ថិភាព និងចំណាយប្រតិបត្តិការទាប។ បច្ចុប្បន្ន ធនាគារជាតិនៃកម្ពុជា បានតភ្ជាប់ប្រព័ន្ធទូទាត់ទៅកាន់ប្រទេសមួយចំនួន ដូចជា ថៃ ម៉ាឡេស៊ី ឡាវ ចិន និងវៀតណាម ជាដើម ដើម្បីជួយសម្រួលដល់សកម្មភាពពាណិជ្ជកម្ម ការវិនិយោគ និងទេសចរណ៍។

លោកជំទាវបណ្ឌិត ជា សិរី មានប្រសាសន៍ថា វឌ្ឍនភាពទាំងនេះ បានចូលរួមយ៉ាងសំខាន់ក្នុងការលើកកម្ពស់បរិយាបន្នហិរញ្ញវត្ថុនៅកម្ពុជា។ ជាក់ស្ដែង យោងតាមលទ្ធផលស្រាវជ្រាវ Mobile Tracker Survey របស់មូលនិធិ UNCDF បានបង្ហាញថា អត្រាអ្នកប្រើប្រាស់សេវាហិរញ្ញវត្ថុផ្លូវការមានការកើនឡើងគួរឱ្យកត់សម្គាល់ពី ៥៩% ក្នុងឆ្នាំ២០១៥ ដល់ ៦៧% ក្នុងឆ្នាំ២០២១ ដែលខិតជិតនឹងគោលដៅ ៧០% ត្រឹមឆ្នាំ២០២៥។ ជាមួយគ្នានេះ ការលើកកម្ពស់ចំណេះដឹងផ្នែកហិរញ្ញវត្ថុ និងកិច្ចការពារអតិថិជន ក៏ជាការងារស្នូលមួយរបស់ធនាគារជាតិនៃកម្ពុជា ដើម្បីធានាបាននូវភាពរឹងមាំ ភាពធន់ និងចីរភាព ព្រមទាំងបង្កើនជំនឿទុកចិត្តរបស់សាធារណជន និងវិនិយោគិនមកលើប្រព័ន្ធធនាគារបន្ថែមទៀត។ ក្នុងនោះ ធនាគារជាតិនៃកម្ពុជា បានសហការជាមួយក្រសួង-ស្ថាប័ននិងដៃគូអភិវឌ្ឍជាច្រើន ដើម្បីលើកកម្ពស់ ចំណេះដឹងផ្នែកហិរញ្ញវត្ថុ ក៏ដូចជាចំណេះដឹងផ្នែកហិរញ្ញវត្ថុឌីជីថល ព្រមទាំងបានយកចិត្តទុកដាក់លើកិច្ចការពារអតិថិជន​ តាមរយៈការដាក់ចេញនូវបទប្បញ្ញត្តិដើម្បិពង្រឹងប្រសិទ្ធភាបនៃការការពារសិទ្ធិរបស់អតិថិជន និងការបង្កើតក្រុមការងារដើម្បីទទួល និងដោះស្រាយបណ្តឹងអតិថិជនជាដើម។

លោក រ័ត្ន សោភ័ណ ប្រធានសមាគមធនាគារនៅកម្ពុជា បានថ្លែងថា ក្នុងរយៈពេល៣០ ឆ្នាំកន្លងមកនេះ វិស័យធនាគារបានពើបប្រទះកត្តាប្រឈម និងឧបសគ្គជាច្រើនរួមមាន៖ វិបត្តិសេដ្ឋកិច្ចនៅអាស៊ី  វិបត្តិហិរញ្ញវត្ថុសកល  ជំងឺកូវីដ-១៩  ផលប៉ះពាល់ពីសង្គ្រាម រុស្សី និងអ៊ុយក្រែន ភាពតានតឹងផ្នែកភូមិសាស្រ្តនយោបាយ និងអតិផរណាជាដើម។  ប៉ុន្តែដំណើររបស់យើង គឺពោរពេញទៅដោយភាពជឿជាក់ ភាពរឹងមាំ ក្នុងការចូលរួមចំណែករក្សានូវសិ្ថរភាពនៃប្រព័ន្ធធនាគារ រួមជាមួយនឹងកំណើននៃវិស័យធនាគារ ដែលសម្រេចបានគួរជាទីមោទនៈ។

លោកប្រធានសមាគមធនាគារនៅកម្ពុជា បានបន្តថា សមិទ្ធផលទាំងអស់នេះ ពិតជាមិនអាចកើតឡើងបាននោះទេ ប្រសិនបើមិនមានគោលនយោបាយត្រឹមត្រូវ កត្តាសុខសន្តិភាព ស្ថិរភាពនយោបាយ និងការអភិវឌ្ឍលើគ្រប់វិស័យនៃព្រះរាជាណាចក្រកម្ពុជា ក្រោមការដឹកនាំប្រកបដោយភាពឈ្លាសវៃពីសំណាក់ប្រមុខនៃរាជរដ្ឋាភិបាល និងការដឹកនាំពីធនាគារជាតិនៃកម្ពុជា ការផ្តល់នូវការទុកចិត្តមកលើប្រព័ន្ធធនាគារពីសំណាក់ប្រជាពលរដ្ឋកម្ពុជា ព្រមទាំងការចូលរួមជ្រោមជ្រែងពីភាគីពាក់ព័ន្ធទាំងអស់៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ការអនុវត្តកសិកម្មចម្រុះតាមបច្ចេកទេស អាចជួយឱ្យកសិករចំណេញទាំងសុខភាព លើកកម្ពស់ជីវភាពមិនបាច់ធ្វើចំណាកស្រុក

ជំនួញ, ព្រឹត្តិការណ៍

• 23/05/2024

ការអនុវត្តកសិកម្មចម្រុះសមស្របតាមបច្ចេកទេសអាចជួយដល់កសិករឱ្យទទួលបានកសិផលធម្មជាតិ មិនប៉ះពាល់សុខភាព និងលក់កសិផលទៅលើទីផ្សារទទួលបានចំណូល

ចិនត្រៀមខ្លួនជាស្រេច បន្តជួយគាំទ្រកម្ពុជាទាំងការអភិវឌ្ឍហេដ្ឋារចនាសម្ព័ន្ធរូបវន្ត និងធនធានមនុស្ស

ព្រឹត្តិការណ៍, សេដ្ឋកិច្ច

• 23/05/2024

កម្ពូជា-ចិន ឯកភាពគ្នាថា វិស័យហេដ្ឋារចនាសម្ព័ន្ធដឹកជញ្ជូន និងឡូជីស្ទិក គឺជាកម្លាំងចលករដ៏សំខាន់ដើម្បីជំរុញការអភិវឌ្ឍសេដ្ឋកិច្ច និងសង្គម

អ្នកជំនាញ ៖ ការមានលទ្ធភាពសុំកម្ចីពីធនាគារបាន គឺជារឿងល្អ

ព្រឹត្តិការណ៍, ហិរញ្ញវត្ថុ

• 23/05/2024

សម្រាប់អ្នកជំនាញ ការជាប់បំណុលទាំងអស់មិនប្រាកដថាអាក្រក់នោះទេ ផ្ទុយទៅវិញ វាគឺជារឿងល្អ ដែលបុគ្គលម្នាក់អាចមានលទ្ធភាពស្នើសុំកម្ចីពីធនាគារបាន...

រដ្ឋមន្ត្រីឧស្សាហកម្មណែនាំសហគ្រិនស្ត្រីរៀបចំអាជីវកម្មចូលក្នុងប្រព័ន្ធ ដើម្បីបង្កើនលទ្ធភាពទទួលបានទុន

ព្រឹត្តិការណ៍, សេដ្ឋកិច្ច

• 23/05/2024

រដ្ឋមន្ត្រីឧស្សាហកម្មបានណែនាំសហគ្រិនស្ត្រី រៀបចំអាជីវកម្មចូលក្នុងប្រព័ន្ធ ដើម្បីបង្កើនលទ្ធភាពទទួលបានទុន ហិរញ្ញវត្ថុ និងឱកាសអភិវឌ្ឍន៍ជំនាញ

Uglyfood គំនិតអាជីវកម្មថ្មីដើម្បីដោះស្រាយបញ្ហាកាកសំណល់អាហារ និងជំរុញនិរន្តរភាពប្រព័ន្ធផ្គត់ផ្គង់ម្ហូបអាហារ

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 23/05/2024

Uglyfood មិនត្រឹមតែព្យាយាមរកទីផ្សារដើម្បីលក់ផលិតផលបន្លែ ផ្លែឈើ ដែលខ្វះស្តង់ដារប៉ុណ្ណោះទេ ថែមទាំងបានប្រើប្រាស់បច្ចេកវិទ្យាដើម្បីធ្វើការច្នៃប្រតិដ្ឋទៀតផង

កម្ពុជា​កំពុង​ធ្វើការ​ផ្លាស់ប្តូរ​លើ​ក្របខ័ណ្ឌ​នៃ​ភាព​ធន់​នឹងការប្រែប្រួល​អាកាសធាតុ ​នៅ​ក្នុង​ឧស្សាហកម្ម​ស្រូវ​ អង្ករ​

ព្រឹត្តិការណ៍, សេដ្ឋកិច្ច

• 21/05/2024

តំណាងកម្ពុជាថ្លែងក្នុងកិច្ចពិភាក្សាអំពីការអភិវឌ្ឍវិស័យស្រូវអង្ករក្នុងកិច្ចប្រជុំ ADFIAP ​ថា កម្ពុជាកំពុងធ្វើការលើការផ្លាស់ប្តូរក្របខ័ណ្ឌនៃភាពធន់ទៅនឹងអាកាសធាតុក្នុងវិស័យស្រូវ

ជប៉ុន និងអាស៊ាន ត្រៀមចាប់ដៃគ្នាធ្វើការងារលើឧស្សាហកម្មផលិត និងលក់រថយន្តអគ្គិសនី

ព្រឹត្តិការណ៍

• 21/05/2024

សមាគមប្រជាជាតិអាស៊ីអាគ្នេយ៍អាស៊ាន(ASEAN) និងមហាយក្សឧស្សាហកម្មជប៉ុន អាចនឹងសហការគ្នាក្នុងវិស័យផលិត និងលក់រថយន្តអគ្គិសនីដើម្បីចូលរួមចំណែកជាយុទ្ធសាស្ត្រក្នុងការទប់ទល់ទៅនឹងការហូរចូល និងហក់ឡើងខ្លាំងពេកនៃតម្លៃរថយន្តអគ្គិសនីដែលផលិតនៅប្រទេសចិន។

Mountain Hazelnuts អនុវត្តអាជីវកម្មបរិយាបន្ន ដើម្បីបង្កើនកម្លាំងពលកម្មផ្នែកកសិកម្មនៅជនបទ

ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច

• 21/05/2024

បេសកកម្មរបស់ Mountain Hazelnuts គឺបង្កើតអាជីវកម្មដែលរកប្រាក់ចំណេញ និងផ្តល់ប្រាក់ចំណូលរយៈពេលវែងដល់សហគមន៍ជនបទដែលងាយរងគ្រោះ ព្រមទាំងជួយស្តារដីដែលខូចគុណភាពរបស់ប្រទេសជាតិផងដែរ

វិស័យ​សំណង់ និងអចលនទ្រព្យ រំពឹង​ថា​នឹង​បន្តមានកំណើនទាបក្នុងឆ្នាំ២០២៤​នេះ​

ព្រឹត្តិការណ៍, អចលនទ្រព្យ

• 21/05/2024

ទោះបីជា​ស្ថានភាព វិបត្តិកូវីដ​១​៩​បាន​បញ្ចប់ស្ទើរតែទាំងស្រុងទៅហើយក្ដី តែ​វិស័យ​សំណង់ និងអចលនទ្រព្យ​នៅតែបន្ត​មានកំណើតទាបដដែល​ក្នុងឆ្នាំនេះ

តម្លៃមាសបន្តឡើងថ្លៃជិតដល់ ២ ៥០០ ដុល្លារក្នុងមួយអោន

ព្រឹត្តិការណ៍, សេដ្ឋកិច្ច

• 21/05/2024

តម្លៃមាសបានឡើងថ្លៃដល់ ២ ៤៥០ ដុល្លារមួយអោន បន្ទាប់ពីព័ត៌មានរាយការណ៍ថា ប្រធានាធិបតីថ្មីរបស់អឺរ៉ុង់ Ebrahim Raisi បានស្លាប់នៅក្នុងហេតុការណ៍ធ្លាក់ឧទ្ធម្ភាគចក្រកាលពីថ្ងៃអាទិត្យ