ផ្ដើមចេញពីអាជីវកម្មលក់ម្ហូបអាហារលក្ខណៈគ្រួសារ ក្លាយជាសហគ្រិនជោគជ័យផ្នែកទាដុត និងទាខ្វៃ

ភ្នំពេញ ៖ ផ្តើមចេញពីអាជីវកម្មបែបលក្ខណៈគ្រួសារដោយមានជំនាញផ្នែកចម្អិនទាអាំង និងខាខ្វៃ បច្ចុប្បន្នសហគ្រិនម្នាក់បានពង្រីកអាជីវកម្មរបស់ខ្លួនយ៉ាងធំ ជាមួយនឹងការបង្កើនកេរ្តិ៍ឈ្មោះដ៏ល្បីក្រោមស្នាដៃចម្អិនយ៉ាងមានរសជាតិ អនាម័យ និងមានសុវត្ថិភាពខ្ពស់សម្រាប់អ្នកទទួលទានក្រោមផ្លាកយីហោ « Street Box ផ្ទះទា»។

Street Box ផ្ទះទា គឺជាហាងទាខ្វៃមួយកន្លែងដែលមានឈ្មោះល្បីល្បាញស្ថិតនៅក្នុងខណ្ឌទួលគោក រាជធានីភ្នំពេញ និងកំពុងមានសកម្មភាពយ៉ាងមមាញឹកក្នុងការរៀបចំចម្អិនទាដ៏មានរសជាតិសម្រាប់ផ្គត់ផ្គង់ទៅតាមតម្រូវការរបស់អតិថិជន ដែលកំពុងគាំទ្រយ៉ាងច្រើន។  

លោក ខេង ហុង ម្ចាស់ហាង Street Box ផ្ទះទា ដែលកំពុងមានភាពល្បីល្បាញបានប្រាប់ឱ្យដឹងថា លោកបានចាប់ផ្ដើមអាជីវកម្មផ្នែកម្ហូបអាហារនេះតាំងពីឆ្នាំ២០០៧ ប៉ុន្តែគ្រានោះមានលក់តែ បាយ គុយទាវ អាហារថ្ងៃត្រង់ និងពេលល្ងាច ជាលក្ខណៈម្ហូបកម្ម៉ង់តែប៉ុណ្ណោះ។ លុះដល់ឆ្នាំ ២០១៩ ដោយសារវិបត្តជំងឺរាតត្បាត និងមានការលំបាកក្នុងការរក្សាវត្ថុធាតុដើមផង ទើបលោកសម្លឹងឃើញថា ទា អាចច្នៃចេញជាប្រភេទអាហារដែលមានរសជាតិឆ្ងាញ់មិនចាញ់មាន់នោះទេ ហើយលោកក៏មានរូបមន្ដខ្វៃទា ដែលភ្ញៀវជាតិ និងអន្តរជាតិពេញចិត្តជាង១០ឆ្នាំហើយដែរ។ គិតដូច្នេះហើយ លោកបានសម្រេចចិត្តផ្តោតលើការខ្វៃទាទាំងស្រុង និងទទួលបានប្រជាប្រិយភាពល្បីខ្លាំងនៅឆ្នាំ២០២១ ដោយមានទាំងខាង តារាល្បី ទាំងជើងចាស់ និងជើងថ្មី មកជួយគាំទ្រ ជាហូហែរ ហើយក៏មានអតិថិជនចាប់អារម្មណ៍ចង់ទិញហ្វ្រេនឆាយផងដែរ ប៉ុន្តែហាងរបស់លោកមិនទាន់ផ្ដល់ជូន ។ 

លោកបន្តថា ៖

“ដោយសារតែមានការកើនឡើងនូវចំនួនអ្នកគាំទ្រ យើងបានបង្កើនចំនួនទាដែលត្រូវលក់ប្រចាំថ្ងៃ ហើយបានបន្ថែមអ្នកជំនាញផ្នែកចម្អិនទាជាច្រើននាក់ដែលសុទ្ធតែបានឆ្លងកាត់ការបណ្តុះបណ្តាល និងមានវិជ្ជាជីវត្រឹមត្រូវ រួមជាមួយនឹងការរៀបចំចង្ក្រាន ឡ  សម្រាប់ចម្អិនទាយ៉ាងមានអនាម័យខ្ពស់បំផុត”

លោកបន្តថា ៖

“ដោយសារតែយើងមានចក្ខុវិស័យវែងឆ្ងាយ និងអភិវឌ្ឍខ្លួនទៅជាក្រុមហ៊ុនផ្គត់ផ្គង់ផ្នែកអាហារ ទាដុត ទាអាំង ទាខ្វៃ យើងបានយកចិត្តទុកដាក់ខ្ពស់ក្នុងការរក្សានូវគុណភាព រសជាតិ អនាម័យ និងមានសុវត្ថិភាពបំផុត ដែលទទួលបានការគាំទ្រពីសំណាក់អតិថិជនគ្រប់មជ្ឈដ្ឋានដូចពេលបច្ចុប្បន្ននេះ!”

លោកបានបញ្ជាក់ថា សម្រាប់ទារបស់ Street Box ផ្ទះទា មានចំណុចពិសេសៗជាច្រើនដូចជា ទាមានរសជាតិឆ្ងាញ់ មានច្រើនពីររសជាតិគឺ រសជាតិទឹកឃ្មុំ និងរសជាតិអំបិលម្ទេស សាច់ទាមិនទ្រលាន់ ផុយល្មមដោយចម្អិនឆ្អិនល្អ តែនៅរក្សាជាតិទឹក (ជូស៊ី) នៅក្នុងសាច់។ ចំណែកក្លិនគឺ ឆ្ងុយ គ្មានក្លិនសា សូម្បីអ្នកមិនចេះញាំទាក៏ភ្លក្សហើយក៏ចូលចិត្តគ្រប់គ្នា។ ចំណែកគុណភាព និងអនាម័យ គឺស្របតាមស្ដង់ដាចំណីអាហារដោយមានការតាមដាន និងកែរលម្អរ ទាំងគុណភាព សេវាកម្មជាប្រចាំ ជាមួយភ្ញៀវ ស្វាគមន៍រាល់មតិទាំងវិជ្ជមាន និងអវិជ្ជមាន ជាពិសេសការរក្សារូបមន្តនៃរសជាតិត្រូវបានគ្រប់គ្រងដោយបច្ចេកទេសនៃប្រព័ន្ធកុំព្យុទ័រ។  

លោកបន្តថា សម្រាប់ទាដែលត្រូវយកមកចម្អិនជាប្រចាំ គឺមានដៃគូក្នុងស្រុកផ្គត់ផ្គង់ច្រើនដោយប្រមូលទិញពីកសិដ្ឋានផ្សេងៗ ក្រោមការកំណត់លក្ខណៈគុណភាព ទំហំ និងអាយុរបស់ទា ដោយហេតុនេះហើយ ថ្លៃដើម របស់ទា Street Box ផ្ទះទា ថ្លៃជាងទាអាំងដទៃបន្តិច ប៉ុន្តែនៅតែមានការគាំទ្រច្រើនពីសំណាក់អតិថិជន ដោយសារពួកគេបានដឹងពីគុណតម្លៃ រសជាតិ សុវត្ថិភាព និងមិនប៉ះពាល់ដល់សុខភាព៕  


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ

ព្រែកជីកហ្វូណនតេជោ នឹងផ្លាស់ប្ដូរមុខមាត់ និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅអាល្លឺម៉ង់

ព្រឹត្តិការណ៍, សេដ្ឋកិច្ច

• 14/06/2024

ព្រែកជីកហ្វូណនតេជោ នឹងផ្លាស់ប្ដូរមុខមាត់កម្ពុជាថ្មី និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅប្រទេសអាល្លឺម៉ង់ ក្រោយពេលស្ថាបនារួច

ពូជកូនឈើហូបផ្លែកាន់តែមានតម្រូវការទីផ្សារនារដូវវស្សា

ជំនួញ, ព្រឹត្តិការណ៍

• 14/06/2024

សម្រាប់រដូវវស្សាដែលមានភ្លៀងធ្លាក់ច្រើន និងមានប្រភពទឹកគ្រប់គ្រាន់ ជាអំណោយផលមួយសម្រាប់បងប្អូនប្រជាកសិករ ក៏ដូចជាអ្នកដែលចូលចិត្តដាំដំណាំ និងដើមឈើហូបផ្លែ

អ្នកជំនាញលើកទឹកចិត្តឱ្យគ្រឹះស្ថានផ្ដល់កម្ចី និងអតិថិជនបើកចិត្តជជែកគ្នា ដើម្បីចៀសវាងកើតមានបញ្ហាណាមួយ

ព្រឹត្តិការណ៍, ហិរញ្ញវត្ថុ

• 14/06/2024

បញ្ហាមួយអាចកើតឡើង ប្រសិនបើអតិថិជនមិនមានលទ្ធភាពសង ទៅកាន់គ្រឹះស្ថានផ្ដល់កម្ចីតាមកិច្ចសន្យា ហើយភាគីទាំងពីរមិនបានជជែកគ្នាដើម្បីរកដំណោះស្រាយ។

សកម្មភាពសាងសង់ផ្ទះរបស់ប្រជាពលរដ្ឋតាមបណ្ដាខេត្ត​ធ្លាក់ចុះ​ជាង​ឆ្នាំមុន​

ព្រឹត្តិការណ៍, អចលនទ្រព្យ

• 14/06/2024

ប្រជាពលរដ្ឋ​ដែលសាងសង់ផ្ទះថ្មី​នៅក្នុង​ឆ្នាំ ២០២៤​នេះឃើញថា​មាន​ចំនួន​តិចជាង​ឆ្នាំ ២០២៣​ ដែលធ្វើឱ្យការលក់​គ្រឿងសំណង់​និងចំណូល​អ្នក​សាងសង់​ថយចុះ

តម្លៃប្រេងបន្តឡើងថ្លៃ ខណៈដែលការផ្គត់ផ្គង់អាចនឹងត្រូវបានរឹតបន្តឹងរហូតដល់ត្រីមាសទី៣ឆ្នាំនេះ

ព្រឹត្តិការណ៍, អាជីវកម្មថ្មី និងនវានុវត្ត

• 14/06/2024

តម្លៃប្រេងម៉ាក West Texas Intermediate (WTI) ឡើងថ្លៃ ០,៧៧ ភាគរយ ឬ ៧៨,៥០ ដុល្លារក្នុងមួយបារ៉ែល ខណៈដែលតម្លៃប្រេងម៉ាក Brent ឡើងថ្លៃ ០,៨៣ ភាគរយ ឬ ៨២,៦០ ដុល្លារក្នុងមួយបារ៉ែល

វិស័យ SMEs ជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ព្រឹត្តិការណ៍, សេដ្ឋកិច្ច

• 14/06/2024

សហគ្រាសធុនមីក្រូ តូច និងមធ្យមគឺជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ស្វែងយល់ពីសារៈសំខាន់នៃចំណេះដឹងហិរញ្ញវត្ថុ

ព្រឹត្តិការណ៍, ហិរញ្ញវត្ថុ

• 14/06/2024

ភ្នំពេញ ៖ ចំណេះដឹងហិរញ្ញវត្ថុគឺជាបំណិនជីវិតមួយ ដែលបុគ្គលគ្រប់រូបត្រូវការសម្រាប់ការរស់នៅប្រចាំថ្ងៃ ព្រោះវាជួយឱ្យបុគ្គលនីមួយៗគ្រប់គ្រងលុយកាក់បានល្អប្រសើរជាងមុន ជួយឱ្យសម្រេចចិត្តផ្នែកហិរញ្ញវត្ថុបានត្រឹមត្រូវ ...

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ