ក្រុមហ៊ុនផលិតបន្ទះឈីបតៃវ៉ាន់វិនិយោគប្រាក់ដល់ទៅ 100 ពាន់លានដុល្លារបង្កើនសមត្ថភាពផលិត

បរទេស ៖ យោងតាមការចេញផ្សាយរបស់ទូរទស្សន៍ BBC ចេញផ្សាយនៅថ្ងៃព្រហស្បតិ៍ម្សិលមិញនេះបានឲ្យដឹងថាក្រុមហ៊ុន​ផលិតបន្ទះឈីបរបស់​កោះតៃវ៉ាន់ដែលត្រូវបានស្គាល់ឈ្មោះថា TSMC បានប្រកាសវិនិយោគប្រាក់រហូតទៅដល់ 100 ពាន់លានដុល្លារសម្រាប់កិច្ចការងាររបស់ខ្លួនរយៈពេល 3 ឆ្នាំខាងមុខដើម្បីអាចបង្កើនឲ្យបាននូវសមត្ថភាពផលិតកាន់តែច្រើនបន្ថែមទៀត។

ក្រុមហ៊ុន TSMC (Taiwan Semiconductor Manufacturing Co) ត្រូវបានគេស្គាល់ផងដែរថាគឺជាក្រុមហ៊ុន​ផលិតបន្ទះឈីបដ៏ធំបំផុត​លើលោក​ដែលមានអតិថិជនតូចធំរបស់ខ្លួនស្ទើររាប់មិនអស់ដែលសូម្បីតែ Apple Inc. ក៏ជាអតិថិជនផងដែរ។ TSMC នៅឆ្នាំ 2021 នេះទើបតែបាន​ប្រកាស​ថាខ្លួននឹងវិនិយោគប្រាក់ប្រមាណជា 28ពាន់លានដុល្លារ ដើម្បីធ្វើទំនើបកម្មបន្ទះឈីបរបស់ខ្លួន។

ការប្រកាសនេះត្រូវបានគេមើលឃើញថាបានធ្វើឡើងនៅក្រោយបន្តិចដែលផលិតផលបន្ទះឈីបបានទទួលនូវបញ្ហាសង្វាក់ផលិតកម្ម ហើយមានភាពយឺត​យ៉ាវ​ខ្លាំងសម្រាប់តម្រូវការបច្ចុប្បន្ន ជាពិសេសទីផ្សារផលិតរថយន្តតែម្តង ជាក់ស្តែងដូចជាក្រុមហ៊ុន Volkswagen, Honda, Toyota និង General Motors សុទ្ធតែបានកាត់បន្ថយផលិតកម្មផលិតរថយន្តរបស់ខ្លួនទាំងអស់។

បញ្ហាដែលនាំឲ្យមានកង្វះខាតការផ្គត់ផ្គង់បន្ទះឈីបសម្រាប់ក្រុមហ៊ុនផលិតរថយន្តបែបនេះត្រូវបានកើតឡើងដោយសារតែបញ្ហារាតត្បាតកូវីដដែលវាបានធ្វើឲ្យក្រុមហ៊ុនផលិតបន្ទះឈីបជាច្រើនបានបង្វែរផលិតផលរបស់ខ្លួនផ្គត់ផ្គង់ទៅឱ្យក្រុមហ៊ុនផ្សេងដែលកំពុងមានតម្រូវការជំនួសវិញ។ ដូចនេះនៅពេលដែលទីផ្សារផលិត​រថយន្តទើបនឹងងើបឡើងវិញបែបនេះការផ្គត់ផ្គង់បន្ទះឈីបបែរជាជួបប្រទះបញ្ហាកង្វះខាតចំនួនទៅវិញ។

TSMC បានធ្វើការទស្សន៍ទាយថាតម្រូវការសម្រាប់ផលិតផលបន្ទះឈីបនឹងនៅតែមានកំណើនយ៉ាងខ្លាំងក្លាជាពិសេសនៅក្រោយពេលកូវីដដែលវា​បានរុញឱ្យ​បច្ចេកវិទ្យាឌីជីថលកាន់តែមានភាពរីកចម្រើន និងល្បឿនលឿនជាងមុនខ្លាំងជាពិសេសបច្ចេកវិទ្យាសំខាន់មួយចំនួនដូចជា AI និង 5G ជាដើម។

ជាការឆ្លើយតបទៅនឹងបញ្ហាកង្វះបន្ទះឈីបលើទីផ្សារនេះផងដែរ កាលពីសប្តាហ៍មុនក្រុមហ៊ុនអាមេរិក Intel ដែលជាក្រុមហ៊ុនផលិតបន្ទះឈីបមួយដែរ ប៉ុន្តែផលិតសម្រាប់តែទីផ្សារក្នុងស្រុកនោះបានប្រកាសផែនការថ្មីដើម្បីទាញយកទីផ្សារបរទេសបន្ថែមទៀតតាមរយៈការវិនិយោគទៅលើរោងចក្រថ្មីចំនួន 2 កន្លែងនៅត្រង់ទីតាំងដែលមានស្រាប់នៅក្នុងរដ្ឋ Arizona ខណៈដែល TSMC ក៏ទើបតែបានប្រកាសថានឹងសាងសង់រោងចក្រផ្ទាល់ខ្លួនមួយទៀតនៅរដ្ឋ Arizona នេះផងដែរកាលពីខែឧសភាឆ្នាំ2020 កន្លងមក៕

ព្រឹត្តិការណ៍, ហិរញ្ញវត្ថុ

គម្រោងសហហិរញ្ញបប្បទានស្ដារវិស័យទេសចរណ៍ ទឹកប្រាក់ ១៥០លានដុល្លារ ចាប់ដាក់ដំណើរការ

រាជរដ្ឋាភិបាលកម្ពុជា តាមរយៈក្រសួងសេដ្ឋកិច្ច និងហិរញ្ញវត្ថុ ប្រកាសបានដាក់ដំណើរការជាផ្លូវការ «គម្រោងសហហិរញ្ញបប្បទាន ស្ដារវិស័យទេសចរណ៍» ក្នុងកញ្ចប់ថវិកា…
ព្រឹត្តិការណ៍, អចលនទ្រព្យ

ចរន្តទីផ្សារដីធ្លីខេត្តកោះកុងចាប់ផ្តើមមានសកម្មភាពឡើងវិញក្រោយរដ្ឋាភិបាលប្រកាសពីគម្រោងធំៗ

រដ្ឋាភិបាលបានរំពឹងថា ខេត្តកោះកុង នឹងមានការអភិវឌ្ឍ វិនិយោគតំបន់សេដ្ឋកិច្ចពិសេស ច្រើនជាងខេត្តផ្សេងទៀត ដើម្បីបម្រើដល់សេដ្ឋកិច្ចជាតិ ក្រោយមានហេដ្ឋារចនាសម្ព័ន្ធ និងដឹក
ព្រឹត្តិការណ៍, សេដ្ឋកិច្ច

ក្រុមហ៊ុនអាកាសចរណ៍ក្នុងតំបន់ចំនួន៦ ស្នើសុំបន្តការហោះហើរឡើងវិញនៅកម្ពុជា

ក្រុមហ៊ុនអាកាសចរណ៍ក្នុងតំបន់ចំនួន៦ បានដាក់ពាក្យស្នើសុំបន្តការហោះហើរឡើងវិញនៅកម្ពុជា ខណៈដែលកំណើននៃចំនួនអ្នកដំណើរក៏មានការកើនឡើង ក្រោយកម្ពុជាបង្ហាញ
ព្រឹត្តិការណ៍, សេដ្ឋកិច្ច

វិស័យឯកជនស្នើរឲ្យមានការបញ្ជាក់ផ្លូវការលើការបើកទេសចរណ៍ឡើងវិញដើម្បីងាយស្រួលត្រៀមខ្លួន

វិស័យឯកជនបានស្នើដល់ក្រសួងទេសចរណ៍ចេញសេចក្ដីជូនដំណឹងផ្លូវការពីពេលវេលាចំពោះផែនការទេសចរណ៍វ៉ាក់សាំង ដើម្បីឲ្យវិស័យឯកជនងាយស្រួលក្នុងការត្រៀមខ្លួ
ជំនួញ, ព្រឹត្តិការណ៍, ហិរញ្ញវត្ថុ

ឧកញ៉ា ម៉ាន់ ច័ន្ទឌី ប្រាប់ពីគន្លឹះសំខាន់ចំនួន៥ បង្កើតសេរីភាពហិរញ្ញវត្ថុ ឬមានលុយចាយមិនអស់

នៅក្នុងជីវភាពរស់នៅប្រចាំថ្ងៃ មិនថាចំពោះជាម្ចាស់អាជីវកម្ម ឬជាអ្នកបម្រើការងារនៅតាមបណ្តារក្រសួង ស្ថាប័ន ឬក្រុមហ៊ុនឯកជនក៏ដោយ មនុស្សគ្រប់គ្នាទាំងអស់គឺសុទ្ធតែមានក្ដីប្រាថ្នាចង់…
ជំនួញ, ព្រឹត្តិការណ៍

លោក យក់ ចំរើនឫទ្ធិ ៖ ខ្ញុំមិនអាចឲ្យបរិស្ថានផ្លាស់ប្ដូរមកសម្របខ្ញុំទេ តែខ្ញុំត្រូវផ្លាស់ប្ដូរដើម្បីសម្របទៅនឹងបរិស្ថាន និងសង្គមវិញ

នៅក្នុងសង្គមដែលមានរបត់ផ្លាស់ប្ដូរច្រើន សម្រាប់ការរស់នៅរបស់មនុស្សជាចាំបាច់ត្រូវតែចេះបត់បែន អភិវឌ្ឍន៍ និងផ្លាស់ប្ដូរខ្លួនឯងជានិច្ច …
ព្រឹត្តិការណ៍, សេដ្ឋកិច្ច

រយៈពេល3ថ្ងៃនៃការចូលរួមយន្តការផ្គត់ផ្គង់សន្ដិសុខស្បៀង សហព័ន្ធស្រូវអង្ករកម្ពុជាលក់អង្ករជិត800តោន

យ៉ាងហោចណាស់អង្ករសរុបប្រមាណជិត800តោន ដែលសហព័ន្ធស្រូវអង្ករកម្ពុជាបានលក់ជូនប្រជាពលរដ្ឋដែលសរស់នៅក្នុងភូមិសាស្ត្របិទខ្ទប់​រាជធានី​ភ្នំពេញ និងក្រុងតាខ្មៅនៃ…
ព្រឹត្តិការណ៍, អចលនទ្រព្យ

វិនិយោគិនក្នុងស្រុករំពឹងថា ខេត្តព្រះសីហនុនឹងទទួលបានការវិនិយោគថ្មីៗបន្ថែមទៀត

ខេត្តព្រះសីហនុជាខេត្តមួយដែលមានការអភិវឌ្ឍច្រើនជាងគេបន្ទាប់ពីរាជធានីភ្នំពេញ ដោយក្នុងរយៈពេលប៉ុន្មានឆ្នាំចុងក្រោយនេះ ខេត្តមួយនេះមានអគារខ្ពស់ៗជាច្រើនលូតឡើងច្រូង…
ព្រឹត្តិការណ៍, អចលនទ្រព្យ

សម្ដេចតេជោ ហ៊ុន សែន នឹងអញ្ជើញជាអធិបតីក្នុងពិធីបើកការដ្ឋានសាងសង់ស្ពានអាកាសនៅឫស្សីកែវនៅដើមសប្ដាហ៍ក្រោយ

ភ្នំពេញ ៖ បើមិនមានអ្វីប្រែប្រួលនោះទេ ពិធីបើកការដ្ឋានសាងសង់ស្ពានអាកាសផ្លូវជាតិលេខ៥ ដែលស្ថិតក្នុងខណ្ឌឫស្សីកែវ រាជធានីភ្នំពេញនឹងធ្វើឡើងនៅថ្ងៃទី៣១ ខែមករា ឆ្នាំ២០២២ ខាងមុខ…
ជំនួញ, ព្រឹត្តិការណ៍

ចម្លាក់ រចនាបទខ្មែរកាន់តែមានភាពទាក់ទាញ ខណៈដែលអ្នកជំនាញបង្ហាញពីក្ដីបារម្ភខ្លាចបាត់បង់

ពោធិ៍សាត់ ៖ ចម្លាក់ថ្មកែវ និងថ្មធម្មជាតិជាច្រើនប្រភេទនៅខេត្តពោធិ៍សាត់ មានភាពល្បីល្បាញជាច្រើនឆ្នាំមកហើយ ហើយរហូតមកដល់ពេលបច្ចុប្បន្ន សិល្បៈចម្លាក់នេះបានរងផលប៉ះពាល់យ៉ាងខ្លាំង…