សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ យោងតាមរបាយការណ៍របស់អគ្គនាយកដ្ឋានពន្ធដារនៃក្រសួងសេដ្ឋកិច្ច និងហិរញ្ញវត្ថុបានបង្ហាញពីចំណូលដែលស្ថាប័នទទួលបានក្នុងរយៈពេល៧ខែដើមឆ្នាំ២០២៣ ក្នុងនោះដែរក៏បានបង្ហាញតួលេខចំណូលសរុបធ្លាក់ចុះរហូតដល់២១,១២ភាគរយធៀបនឹងរយៈពេលដូចគ្នាកាលពីឆ្នាំមុន ។ ចំណែកដ៏សំខាន់មួយក្នុងវិស័យអចលនទ្រព្យគឺចំណូលពីពន្ធប្រថាប់ត្រាមានការធ្លាក់ចុះដល់ទៅ ២៦,៥៦ភាគរយ ។
ក្នុងរបាយការណ៍ដដែលនេះក៏បានបង្ហាញដែរថា ក្រៅពីពន្ធប្រថាប់ត្រាលើការផ្ទេរកម្មសិទ្ធិអចលនទ្រព្យចំណូលពន្ធពីអចលនទ្រព្យក៏បានថយចុះប្រមាណ ៦,៧៧ភាគរយ និងចំណូលពន្ធពីការសាងសង់ធ្លាក់ចុះ ២,៤៤ភាគរយ ផងដែរ ។
ឯកឧត្តម គង់ វិបុល ប្រតិភូរាជរដ្ឋាភិបាលទទួលបន្ទុកជាអគ្គនាយកដ្ឋានពន្ធដារបានមានប្រសាសន៍ថា ហានិភ័យដែលបណ្ដាលពីភាពមិនប្រាកដប្រជា ការប្រែប្រួលបរិបទសេដ្ឋកិច្ចសកល ដែលបង្កដោយសារការធ្លាក់ចុះនៃស្ថានភាពសេដ្ឋកិច្ចពិភពលោក និងវិបត្តិសង្គ្រាមរវាងរុស្ស៊ី និងអ៊ុយក្រែន ប៉ះពាល់ដល់បណ្ដាប្រទេសដែលជាប្រភពទុនសម្រាប់វិនិយោគធំៗមកកម្ពុជា និងធ្វើឱ្យមានកំណើននៃអតិផរណាដែលអាចជាហានិភ័យក្នុងការគ្រប់គ្រងចំណូលពន្ធឈានទៅប៉ះពាល់ដល់ចំណូលពន្ធឱ្យបានគ្រប់តាមផែនការច្បាប់ស្ដីពីហិរញ្ញវត្ថុសម្រាប់ការគ្រប់គ្រងឆ្នាំ ២០២៣ និងជាពិសេសមូលដ្ឋានក្នុងការព្យាករផែនការសម្រាប់ឆ្នាំបន្ទាប់ ។
បើតាមអ្នកអភិវឌ្ឍន៍លំនៅឋានម្នាក់នៅប៉ែកខាងលិចរាជធានីភ្នំពេញ បាននិយាយថា រឿងចំណូលពន្ធប្រថាប់ត្រាធ្លាក់ចុះនេះ មិនមានអីចម្លែកនោះទេ ជាក់ស្ដែងគម្រោងលំនៅឋានរបស់លោកកាលពីមុនក្នុងមួយខែអាចលក់បាន៤ទៅ១០គម្រោងដែរ តែក្នុងឆ្នាំ២០២៣នេះ ការលក់គម្រោងលំនៅឋានរបស់លោករយៈពេល១ខែអាចបានត្រឹម១ជួនកាលពីរខែបាន១គម្រោងក៏មានដែរ ដូច្នេះហើយនៅពេលការលក់មិនមានការផ្ទេរសិទ្ធិក៏មិនមានដែរ ដែលធ្វើឱ្យពន្ធប្រថាប់ត្រាលើការផ្ទេរកម្មសិទ្ធិនេះធ្លាក់ចុះ ។
លោកប៉ូ អ៊ាវគង់ អគ្គនាយកក្រុមហ៊ុន Advance បានមានប្រសាសន៍ថា ចរន្តនៃការទិញលក់អចលនទ្រព្យនៅក្នុងឆ្នាំ២០២៣នេះ ឃើញថាមានការថមថយជាងឆ្នាំមុនៗ ដែលធ្វើឱ្យការដោះដូរអចលនទ្រព្យក៏មានការថមថយដែរ ។
លោកបន្តថាក្នុងឆ្នាំ២០២៣ជាដំណាក់កាលដែលមានអ្នកលក់ច្រើនជាងអ្នកទិញ ហើយអ្នកទិញក៏ស្វែងរកអចលនទ្រព្យណាដែលមានតម្លៃក្រោមទីផ្សារអាច២០ភាគរយទៅ៣០ឬ៥០ភាគរយទើបមានអ្នកទិញ ហើយអ្នកលក់ក៏មិនអាចដាក់លក់ក្រោមទីផ្សារខ្លាំងដែរដែលធ្វើឱ្យការទិញលក់ក្នុងឆ្នាំ២០២៣នេះ កាន់តែមានចំនួនប្រតិបត្តិការតិចតួច ៕
Account
Security
Favourite Content