អ្នកជំនាញជំរុញឱ្យមានការកែច្នៃសំណល់រឹងឱ្យអស់ពីលទ្ធភាពសម្រាប់ប្រើប្រាស់ឡើងវិញ

សំណល់រឹង គឺជាបញ្ហាប្រឈមដ៏ធំមួយដែលកម្ពុជាក៏ដូចជាពិភពលោកកំពុងតែរកដំណោះស្រាយដើម្បីទប់ទល់ ខណៈដែលការកើនឡើងនៃចំនួនសំណល់រឹងដ៏ច្រើនលើសលប់ពីមួយឆ្នាំទៅមួយឆ្នាំ បានបង្កជាការព្រួយបារម្ភជាខ្លាំងទៅដល់សុខមាលភាពប្រជាជាតិនាពេលអនាគត។

បើតាមគោលនយោបាយស្ដីពីការគ្រប់គ្រងសំរាម សំណល់រឹងនៅទីប្រជុំជនឆ្នាំ ២០២០-២០៣០ បានឱ្យដឹងថា បច្ចុប្បន្នសំណល់រឹងក្នុងទីប្រជុំជនមានប្រមាណ ២លានតោនក្នុងមួយឆ្នាំ ដែលត្រូវបាន​ប្រមូល​ទៅចាក់នៅទីលានសំរាមទូទាំងប្រទេស ដែលចំនួននេះមានការកើនឡើងក្នុងអាត្រា ១៥%ក្នុង​មួយ​ឆ្នាំ។ ដោយឡែក ការអនុវត្តសេវាកម្មប្រមូលសំរាមនាពេលបច្ចុប្បន្នត្រូវបានប៉ានស្មានថាក្នុងចំនួន ៦០%ប៉ុណ្ណោះនៃសំណល់រឹងដែលបានបង្កើតសរុប ខណៈដែលគេប៉ានស្មានថាចំនួន​សំណល់រឹង​សរុបក្នុងទីប្រជុំជនអាចមានចំនួនជាង ៣លានតោនក្នុងមួយឆ្នាំ។

លោក សម ផល្លា ជានាយកនៃអង្គការអប់រំបរិស្ថាន និងកែច្នៃដែលធ្វើការផ្ដោតលើការកែច្នៃសំណល់រឹងឱ្យអស់ពីលទ្ធភាព ដើម្បីកាត់បន្ថយការប៉ះពាល់នៃសំណល់ទាំងនោះទៅលើបរិស្ថាន។

អ្នកជំនាញរូបនេះបានមានប្រសាសន៍ថា ៖

“នៅក្នុង​អង្គការ​យើងមានគម្រោងកែច្នៃសំណល់ជីវៈ ដោយយើងមើលឃើញថាសំណល់ជីវៈគឺជាប្រភព​សំណល់​ធំនៅក្នុងចំណោម​សំណល់ទាំងអស់ ដូច្នេះបានជាយើងបង្កើតគម្រោងនេះដើម្បីកាត់បន្ថយ​សំណល់​​ជីវៈចេញពីទីលានកុំឱ្យ​វាឆាប់ពេញ”

លោកបន្តផងដែរថា ៖

“ប្រសិនបើសំណល់នៅសល់ក្នុងទីលានច្រើនវាអាចបង្កើតជា Green House Gas ដែលមានផ្ទុកនូវសារធាតុមេតាន ហើយយើងក៏អាចកាត់បន្ថយនៅទឹកសម្អុយរបស់​សំណល់ជីវៈ ដោយការយកសំណល់ជីវៈទៅជាជីកំប៉ុសផងដែរ”

សកម្មភាពកែច្នៃដែលអង្គការរបស់លោកផ្ដោតនោះគឺ ការច្នៃសំណល់ជីវៈទៅជាជីកំប៉ុស។ ការជ្រើសរើសយកកែច្នៃជីកំប៉ុសនេះក៏ដោយសារតែលោកមើលឃើញថា សំណល់ប្រភេទនេះ ជាសំណល់ដែលមានច្រើនជាងសំណល់ផ្សេងៗ ព្រមទាំងជាសំណល់ដែលមានក្លិនផងដែរ។

លោក សម ផល្លា បានឱ្យដឹងទៀតថា ជីកំប៉ុសមានសារៈប្រយោជន៍ខ្លាំងណាស់ ហើយការផលិតទៀតសោតក៏មិនអស់ច្រើនដែរ ព្រោះវត្ថុធាតុដើមគឺយកកាកសំណល់ផ្ទះបាយស្រាប់ៗមកធ្វើ ហើយការធ្វើជីកំប៉ុសក៏ជាវិធីក្នុងការកែច្នៃមួយដែលងាយស្រួលជាងប្រភេទសំណល់ផ្សេងៗទៀត​ដែរ។ ប៉ុន្តែ តាមការសង្កេតរបស់លោក ការកែច្នៃសំណល់ជីវៈគឺមានតិចតួចណាស់ ដែលសូម្បីតែកសិករ ខ្លួនឯងក៏ទិញជីគីមីគេមកប្រើ ហើយបោះចោលសំណល់ពីផ្ទះបាយដែរ។

ជាមួយនឹងបទពិសោធន៍កែច្នៃ និងអប់រំកន្លងមក លោក សម ផល្លា បានអំពាវនាវឱ្យពលរដ្ឋរៀនធ្វើជីកំប៉ុសដោយខ្លួនឯង សម្រាប់ដាក់ដំណាំខ្លួនឯង មិនថាក្នុងទ្រង់ទ្រាយតូចឬធំនោះឡើយ ព្រោះនោះជាការប្រើប្រាស់ធនធានឱ្យអស់ពីលទ្ធភាព និងថែមទាំងកាត់បន្ថយសំណល់ជីវៈចូលទៅ ក្នុងទីលានផងដែរ។ ម្យ៉ាងទៀត លោកសំណូមពរ​ឱ្យប្រជាជនរៀនបែងចែកសំរាមមុននឹងវេចខ្ចប់ដាក់ឱ្យ ក្រុមហ៊ុនសំរាម ប្រមូល។ ការបែងចែកនេះ គឺលោកចង់បានន័យថា ប្រភេទប្លាស្ទីកដែលអាចលក់បានសូមឱ្យអ្នក ប្រើប្រាស់ទុកផ្សេង ហើយប្រភេទដបដាក់ផ្សេង និងប្រភេទសំណល់ជីវៈដែលជាសំណល់សើម ដាក់ផ្សេងជាដើម។

គួរបញ្ជាក់ផងដែរថា នៅពេលបច្ចុប្បន្ននេះ ការបង្កើតសំរាមជាមធ្យមក្នុងមនុស្សម្នាក់ប្រហែល ០,៨០ គីឡូក្រាមក្នុងមួយថ្ងៃសម្រាប់រាជធានី / ក្រុង ស្រុក ដែលមានមានការអភិវឌ្ឍខ្លាំង។ រីឯតំបន់ដែលមានការអភិវឌ្ឍមធ្យមមានចំនួនពី ០,៥០គីឡូក្រាម​ ទៅ ០,៨០ គីឡូក្រាមក្នុងមួយថ្ងៃ។

ទន្ទឹមនឹងការកើនឡើងយ៉ាងគំហុកនៃសំណល់រឹងទាំងនេះ រដ្ឋាភិបាល ក្រសួង និងស្ថាប័នពាក់ព័ន្ធបាន ចេញសកម្មភាពលើកទឹកចិត្តឱ្យមានការកែច្នៃសំណល់ទាំងនោះសម្រាប់ប្រើប្រាស់ឡើងវិញ ប៉ុន្តែការកែច្នៃគឺនៅមានក្នុងកម្រិតតិចតួចនៅឡើយ ដោយក្នុងចំណោមបរិមាណសំរាម ៦០%-៧០% ដែលត្រូវបានប្រមូលទៅចាក់ចោលនៅទីលាន មានសំរាមប្រមាណជា ២០%ប៉ុណ្ណោះ ដែលបានដកហូតមកប្រើប្រាស់៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

អាជីវកម្មកែច្នៃភេសជ្ជៈទឹកអំពិលទុំផ្គត់ផ្គង់ទីផ្សារក្នុងស្រុក កំពុងមានតម្រូវការខ្ពស់

ជំនួញ, ព្រឹត្តិការណ៍

• 13/06/2024

សហគ្រាសទឹកអំពិលទុំស្នាដៃអ្នកម្តាយ TAPT ជាសហគ្រាសដែលកំពុងផលិតភេសជ្ជៈទឹកអំពិលទុំមានរសជាតិឆ្ងាញ់ និងកំពុងមានតម្រូវការទីផ្សារខ្ពស់

គិតត្រឹមត្រីមាសទី១ ឆ្នាំ២០២៤ ស្ថានភាពបំណុលសាធារណៈរបស់កម្ពុជា ស្ថិតក្នុងភាពអាចគ្រប់គ្រងបាន

ព្រឹត្តិការណ៍, ហិរញ្ញវត្ថុ

• 13/06/2024

ស្ថានភាពបំណុលសាធារណៈរបស់កម្ពុជា គិតត្រឹមត្រីមាសទី១ ឆ្នាំ២០២៤ នេះ នៅតែត្រូវបានវាយតម្លៃថា ស្ថិតក្នុងភាពអាចគ្រប់គ្រងបាន ពោលគឺនៅតែមាន “ចីរភាព” និង “ហានិភ័យកម្រិតទាប” ដដែល

ការជួបជុំធុរជនជិត ៥ពាន់នាក់មកពី ៥០ប្រទេសនៅសៀមរាប ផ្តល់ចំណូលដល់វិស័យទេសចរណ៍ និងសេដ្ឋកិច្ចកម្ពុជា

ព្រឹត្តិការណ៍, សេដ្ឋកិច្ច

• 13/06/2024

ការជួបជុំធុរជនជិត ៥ ពាន់នាក់មកពី ៥០ប្រទេស ទីក្រុងសៀមរាប ខេត្តសៀមរាប ផ្តល់ចំណូលដល់វិស័យទេសចរណ៍ និង សេដ្ឋកិច្ចកម្ពុជា

សម្ដេចធិបតី ៖ យើងមិនអាចរស់ដោយពឹងគេរហូតទេ ត្រូវតែពង្រឹងខ្លួនឯងឱ្យដើរចេញពីប្រទេសអភិវឌ្ឍន៍តិច

ព្រឹត្តិការណ៍, សេដ្ឋកិច្ច

• 13/06/2024

សម្រាប់កម្ពុជា គឺកំពុងតែរំកឹលខ្លួនបន្តិចម្ដងៗចេញពីប្រទេសដែលមានចំណូលមធ្យមកម្រិតទាប ទៅជាប្រទេសដែលមានចំណូលមធ្យមកម្រិតខ្ពស់ក្នុងរយៈពេល៥ឆ្នាំខាងមុខនេះ

មធ្យោបាយ​ធ្វើដំណើរ​ទៅកាន់បណ្ដាខេត្ត​ជាប់​សមុទ្រ​នឹង​កាន់តែសំបូរបែប​នាពេលឆាប់ៗនេះ ខណៈ​សក្ដានុពល​វិនិយោគ​ក៏​កាន់​តែ​ទាក់​ទាញ​​

ព្រឹត្តិការណ៍, អចលនទ្រព្យ

• 13/06/2024

តំបន់​សមុទ្រ​កាន់តែបង្ហាញពីសក្ដានុពល​ទាក់ទាញខ្លាំង ក្រោយសមិទ្ធផល​ និងគម្រោង​វិនិយោគ​របស់រដ្ឋ​ និងឯកជន​បានបង្ហាញ​ខ្លួន​ជា​បន្តបន្ទាប់

ប្រទេសសមាជិកអាស៊ានចំនួន ៦ មានកំណើនសេដ្ឋកិច្ចល្អប្រសើរ

ព្រឹត្តិការណ៍, សេដ្ឋកិច្ច

• 13/06/2024

យោងតាម​ការ​ព្យាករណ៍​របស់ Maybank Research Pte Ltd បានឲ្យដឹងថា ផលិតផលក្នុងស្រុកសរុបរបស់ប្រទេសអាស៊ានទាំង ៦ រួមមាន៖ ឥណ្ឌូណេស៊ី ម៉ាឡេស៊ី សិង្ហបុរី ថៃ វៀតណាម និងហ្វីលីពីន

ម៉ាឡេស៊ី ចំណាយលុយពង្រឹងវិស័យយោធាជើងទឹកតាមរយៈកុងត្រាសាងសង់នាវាចម្បាំងធុនធ្ងន់ថ្មីចំនួន៣គ្រឿង

ព្រឹត្តិការណ៍, អាជីវកម្មថ្មី និងនវានុវត្ត

• 13/06/2024

STM នឹងចាប់ផ្តើមសាងសង់នាវាចម្បាំងទាំង៣គ្រឿងនៅក្នុងឆ្នាំ២០២៤នេះហើយនឹងបញ្ចប់ការងារព្រមទាំងប្រគល់នាវាទៅឱ្យម៉ាឡេស៊ីក្នុងរយៈពេល៣ឆ្នាំកន្លះខាងមុខ

តំណាងធនាគារ មីក្រូហិរញ្ញវត្ថុ និងម្ចាស់អាជីវកម្មធុន មីក្រូ តូច និងមធ្យម ប្រមាណ ៣០០ នឹងមានវត្តមានក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២»

ព្រឹត្តិការណ៍, ហិរញ្ញវត្ថុ

• 13/06/2024

តំណាងធនាគារ មីក្រូហិរញ្ញវត្ថុ និងម្ចាស់អាជីវកម្មធុន មីក្រូ តូច និងមធ្យម ប្រមាណ ៣០០នាក់ នឹងមានវត្តមានក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២»

កម្ពុជា-សហភាពអឺរ៉ុប ឯកភាពក្នុងការពង្រឹងទំនាក់ទំនងសេដ្ឋកិច្ច និងពាណិជ្ជកម្មបន្ថែម

ព្រឹត្តិការណ៍, សេដ្ឋកិច្ច

• 12/06/2024

កម្ពុជាបានយកចិត្តទុកដាក់ជាខ្លាំង ចំពោះការលើកកម្ពស់ទំនាក់ទំនងនិងកិច្ចសហប្រតិបត្តិការ ជាមួយសហភាពអឺរ៉ុប និងអរគុណសហភាពអឺរ៉ុបដែលបានជួយកម្ពុជាក្នុងការស្ដារប្រទេសជាតិឡើងវិញក្រោយវិបត្តិផ្សេងៗ ដូចជាការកសាងហេដ្ឋារចនាសម្ព័ន្ធ កសិកម្ម ធនធានមនុស្ស និងការបោសសម្អាតមីនជាដើម...