សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ Ellinkon International Airport អាកាសយានដ្ឋានអន្តរជាតិដែលបម្រើឲ្យវិស័យធ្វើដំណើរតាមអាកាសរបស់ទីក្រុងអាតែនប្រទេសក្រិចអស់រយៈពេល៦៣ឆ្នាំ ខណៈពេលដែលវាត្រូវបានគេបោះបង់ចោលកាលពីឆ្នាំ២០០១រហូតមក។
ស្ថិតនៅក្នុងផែនការអភិវឌ្ឍថ្មីដោយរដ្ឋាភិបាល អាកាសយានដ្ឋាននេះនឹងត្រូវប្រែមុខមាត់ថ្មីក្លាយទៅជាសួនឧទ្យានជាប់ឆ្នេរសមុទ្រដ៏ធំល្វឹងល្វើយមួយលាតសន្ធឹងលើផ្ទៃដៃដល់ទៅរាប់រយហិកតា។ គម្រោងអភិវឌ្ឍដែលមានមកជាមួយនឹងការរៀបចំឆ្នេរសម្រាប់សាធារណៈជនផង គម្រោងសង់ផ្លូវសម្រាប់ថ្មើជើង និងការជិះកង់លំហែដល់ទៅ៥០គីឡូម៉ែត្រផងនោះ នឹងមានការដាំដុះរុក្ខជាតិក្នុងស្រុកប្រមាណជា ៣១ ០០០ប្រភេទ លើសពីនេះនៅមានហេដ្ឋារចនាសម្ព័ន្ធជាច្រើនទៀតដែលកែលម្អរពីហេដ្ឋារចនាសម្ព័ន្ធចាស់ៗដែលមានស្រាប់។
គោលបំណងសំខាន់នៃការរៀបចំឡើងវិញនេះដោយរដ្ឋាភិបាលទីក្រុងអាតែនគឺដើម្បីធ្វើយ៉ាងណាឲ្យតំបន់មួយនេះក្លាយជាគោលដៅអភិវឌ្ឍប្រកបដោយភាពបៃតងបំផុតមួយ និងជាគំរូដល់ការអភិវឌ្ឍគោលដៅផ្សេងទៀតនៅក្នុងប្រទេស។
គួរកត់សម្គាល់ថា ក្រិក ជាប្រទេសមានហេដ្ឋារចនាសម្ព័ន្ធបៃតងតិចតួចបំផុតក្នុងចំណោមប្រទេសនៅក្នុងតំបន់អឺរ៉ុប ហើយក៏ជាប្រទេសដែលទទួលរងនូវផលប៉ះពាល់ដោយសារតែការកើនឡើងកំដៅខ្លាំងជារៀងរាល់ឆ្នាំនៅប៉ុន្មានទសវត្រ៍សចុងក្រោយនេះ។
អ្នកជំនាញជឿជាក់ថាការសាងសង់សួនឧទ្យានដ៏ធំមួយនេះនឹងអាចជួយបង្កើនភាពបៃតងទៅឲ្យទីក្រុងអាតែនឡើងវិញក្នុងអត្រាដល់ទៅ៤៤ភាគរយ ហើយពង្រឹងភាពសាំរបស់ទីក្រុងឡើងវិញចំពោះបញ្ហាបម្រែបម្រួលអាកាសធាតុកាត់បន្ថយកំដៅកាត់បន្ថយគ្រោះរាំងស្ងួត ជាពិសេសកាត់បន្ថយគ្រោះទឹកជំនន់នៅក្នុងតំបន់ទៀតផង៕
Account
Security
Favourite Content