សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ស្វីស ត្រូវបានពិភពលោកទទួលស្គាល់ជាប្រទេសដែលនាំមុខគេនៃបដិវត្តក្នុងការប្រើប្រាស់ថាមពលកកើតឡើងវិញដែលមានប្រសិទ្ធភាព និងបានច្រើនជាងគេបំផុតធៀបទៅនឹងចំណែកនៃការប្រើប្រាស់ថាមពលទាំងអស់ក្នុងប្រទេស ជាពិសេស ចាប់រាប់តាំងពីថាមពលដែលផលិតពីពន្លឺព្រះអាទិត្យ, ថាមពលបានមកពីខ្យល់ និងថាមពលកកើតឡើងវិញផ្សេងជាច្រើនផ្សេងទៀត ខណៈដែលបច្ចុប្បន្នថាមពលសរុបដល់ទៅ៥៧ភាគរយនៅទូទាំងប្រទេសគឺជាថាមពលបែបនិរន្តភាពនេះទាំងអស់។
ថ្មីៗនេះស្វីសបានធ្វើឲ្យគ្រប់គ្នាមានការភ្ញាក់ផ្អើលសាជាថ្មីទៀតក្រោយជោគជ័យសម្រេចបានផែនការសាងសង់រោងចក្រផលិត និងស្តុកថាមពលអគ្គិសនីដ៏អស្ចារ្យមួយដែលពោរពេញទៅដោយភាពច្នៃប្រឌិតជាមួយនឹងការវិនិយោគរហូតទៅដល់២ពាន់លានដុល្លារ ហើយស្វីសបានប្រើប្រាស់ពេលវេលាក្នុងការសាងសង់ដល់ទៅ១៤ឆ្នាំ។ ការអភិវឌ្ឍដែលពោរពេញទៅដោយភាពច្នៃប្រឌិតបូករួមជាមួយនឹងភាពអំណោយផលនៃសណ្ឋានដីផងធ្វើឲ្យស្វីសអាចធ្វើការកែច្នៃបឹងស្តុកដ៏ធំ២របស់ខ្លួនក្នុងការទាញយកថាមពលធម្មជាតិដែលមិនចេះរីងស្ងួត។
ដុំថាមពលខ្នាតយក្សត្រូវបានសាងសង់រួចរាល់ដែលអាចស្តុកយកថាមពលដែលកើតចេញពីចរន្តទឹកហូររវាងបឹងធំទាំងពីរ។ បឹងធម្មជាតិទាំងពីរមានកំពស់ផ្សេងគ្នាដោយមួយទាបមួយទៀតខ្ពស់ដូច្នេះទឹកដែលត្រូវបូមឡើងទៅបឹងខ្ពស់នឹងហូរចុះមកក្រោមវិញតាមបំពង់ដែលសាងសង់រួចរាល់ដើម្បីបង្វិលតួប៊ីននិងបង្កើតបានជាអគ្គិសនីយ៉ាងច្រើន។ រោងចក្រអគ្គិសនីដ៏អស្ចារ្យនេះអាចស្តុកថាមពលនិងប្រើប្រាស់សម្រាប់លំនៅដ្ឋានដល់ទៅ៩០ម៉ឺនខ្នងនិងត្រូវបានចាត់ទុកថាជាគម្រោងក្នុងការផលិតអគ្គិសនីបៃតងដ៏ធំបំផុតមួយនៅអឺរ៉ុប។
គួរឲ្យដឹងដែរថា គម្រោងដ៏សំខាន់នេះមានទីតាំងនៅក្នុងតំបន់ Valais ត្រង់ចំណុចក្បែរទៅនឹងភ្នំ Mount Ruan ដែលបឹងទឹកសាបធំទាំងពីរនោះគឺមានឈ្មោះថា Emosson និងមួយទៀតគឺ Vieux Emosson ៕
Account
Security
Favourite Content