កសិផលត្រសក់ផ្អែម កំពុងពង្រីកទីផ្សារ និងមានតម្លៃថ្លៃគួរសម

ភ្នំពេញ ៖ ក្រៅពីនៅក្នុងព្រឹត្តិការណ៍ធំៗលំដាប់ថ្នាក់ជាតិ និងអន្តរជាតិ ដូចជាព្រឹត្តិការណ៍ប្រកួតកីឡាស៊ីហ្គេមលើកទី៣២ និងប៉ារ៉ាហ្គេមលើកទី១២ ផ្លែត្រសក់ផ្អែមរបស់សហគមន៍ត្រសក់ផ្អែមសៀមរាបមានជ័យតែងតែបង្ហាញវត្តមានជាហូរហែ ជាពិសេសនៅតាមបណ្តាផ្សារទំនើបតែម្ដង ខណៈដែលអ្នកបញ្ជាទិញ ក៏ដូចជាអតិថិជនដែលរង់ចាំទិញដោយផ្ទាល់ទទួលស្គាល់ថាមានរសជាតិផ្អែម ក្រអូប ឆ្ងាញ់ និងមានតម្លៃសមរម្យ ស្របពេលដែលការដាំដុះក៏កំពុងពង្រីកទំហំផ្ទៃដីដើម្បីតម្រូវតាមទីផ្សារដែលចង់បាន។

លោក ទួត សេងហ័ង អ្នកសម្របសម្រួលផ្នែកអភិវឌ្ឍន៍សហគ្រាស និងទីផ្សារនៃសមាគមត្រសក់ផ្អែមសៀមរាបមានជ័យ បានប្រាប់ AMS ឱ្យដឹងថា ដំណាំត្រសក់ផ្អែមរបស់កសិករនៃសមាគមបាននាំចូលទីផ្សារ ដែលអាចផ្គត់ផ្គង់ជាប្រចាំប្រមាណ ២០ ទៅ ៣០តោនក្នុង១ខែ និងប្រមាណ ៤០០ ទៅ ៥០០តោន ក្នុង១ឆ្នាំ។

លោក ទួត សេងហ័ង បានមានប្រសាសន៍ថា ៖

“ខ្ញុំគិតថា នៅក្នុងព្រឹត្តិការណ៍កីឡាស៊ីហ្គេមលើកទី៣២ជាប្ប្រវត្តិសាស្ត្ររបស់កម្ពុជាក្នុងនាមជាម្ចាស់ផ្ទះកន្លងទៅថ្មីៗនេះ ត្រសក់ផ្អែមរបស់សហគមន៍យើងខ្ញុំក៏មានវត្តមានដែរ ព្រោះតែត្រសក់ជាប្រភេទអាហារសម្រន់ និងជាអាហារលាងមាត់ក្រោយពេលទទួលទានបាយពេលរួចរាល់ ម៉្យាងទៀតខ្ញុំក៏ឃើញមានគេដាក់ត្រសក់ផ្អែមទទួលភ្ញៀវដែរ។”

លោកបានបន្តឱ្យដឹងថា បច្ចុប្បន្នមិនថាផ្លែត្រសក់ផ្អែម ពណ៌ស ពណ៌លឿង ឬប្រភេទសំណាញ់ខៀវនោះទេ គឺមានភាពងាយស្រួលដាំ និងអាចចំណេញបានច្រើនដូចគ្នា ព្រោះមានទីផ្សារធំទូលាយស្រាប់ ជាពិសេសនៅតាមបណ្តាផ្សារទំនើបនានាក្នុងរាជធានីភ្នំពេញ និងតាមបណ្តាភោជនីយដ្ឋាន និងអាហារដ្ឋាននៅតាមខេត្តមានសក្ដានុពលសេដ្ឋកិច្ច ទេសចរណ៍ ដោយក្នុងនោះផ្គត់ផ្គង់ជាប្រចាំទៅក្នុងទីផ្សារទំនើបប្រមាណដល់ទៅ៧០ភាគរយ ហើយចំណែក២០%ចូលទៅផ្សារបោះដុំ និងហ្គ្រីនសប ដោយឡែក ១០ភាគរយទៀតត្រូវបានលក់រាយ។

លោក ទួត សេងហ័ង បានមានប្រសាសន៍ថា៖

“ការដាំដំណាំត្រសក់ផ្អែមទាំង៣ប្រភេទ នៅខេត្តចំនួន៣ ដែលជាសមាជិករបស់សហគមន៍គឺទទួលបានទិន្នផលល្អ ហើយត្រសក់ផ្អែមរបស់សហគមន៍បាននាំចូលទីផ្សារប្រមាណ៤០០ ទៅ ៥០០តោន ក្នុង១ឆ្នាំ ដោយកសិករអាចលក់បានតម្លៃ ១ដុល្លារក្នុង១គីឡូក្រាម ខណៈដែលផ្ទៃដីដាំដុះសរុបមានប្រមាណ១០៥ហិកតា។”

សូមបញ្ជាក់ថា ត្រសក់ផ្អែម ឬមីឡុង កាលពីប៉ុន្មានឆ្នាំមុនមិនសូវមានការដាំដុះនៅក្នុងប្រទេសកម្ពុជាទេ ប៉ុន្តែបច្ចុប្បន្នគេសង្កេតឃើញមានកសិករនៅតំបន់មួយចំនួនចាប់ផ្តើមនិយមដាំ ព្រោះមានការនិយមចូលចិត្តបរិភោគ  ហើយមានតម្រូវការទីផ្សារខ្ពស់ ខណៈតម្លៃថ្លៃនៅលើទីផ្សារក៏លក់បានថ្លៃ។ គួរបញ្ជាក់ផងដែរថា ផ្លែត្រសក់ផ្អែម មានរសជាតិផ្អែម ក្លិនក្រអូប និងមានសារធាតុចិញ្ចឹមច្រើន មានប្រយោជន៍ដល់សុខភាពរាងកាយ សម្បូរកាឡូរី, កាបូអ៊ីដ្រាត, ជាតិសរសៃ, ប្រូតេអ៊ីន, ជាតិខ្លាញ់, វីតាមីនC, B6, K, ប៉ូតាស្យូម, ម៉ាញ៉េស្យូម, Folate។ លើសពីនេះ ត្រសក់ផ្អែម មានគុណតម្លៃក្នុងការបន្ថយសម្ពាធឈាម, ជួយសុខភាពឆ្អឹង, ជួយរក្សាលំនឹងជាតិស្ករក្នុងឈាម, ជួយសុខភាពស្បែក, ពង្រឹងប្រព័ន្ធភាពស៊ាំ, ជួយសម្រួលដល់ការរំលាយអាហារ, ជួយសុខភាពភ្នែក៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារពិភពលោកលើកឡើងពីបញ្ហាកំពុងកើតឡើង ៣ ដែលរារាំងដល់កំណើនសេដ្ឋកិច្ចសកល

ព្រឹត្តិការណ៍, សេដ្ឋកិច្ច

• 20/06/2024

ប្រធានសេដ្ឋវិទូរបស់ធនាគារពិភពលោកបានលើកឡើងថា កំណើនសេដ្ឋកិច្ចសកលហាក់ដូចជាកំពុងនៅលើផ្លូវឆ្ពោះទៅរកស្ថិរភាព ប៉ុន្តែពិភពលោកកំពុងប្រឈមនឹងហានិភ័យមួយចំនួន

ប្រធានាធិបតីរុស្ស៊ី Vladimir Putin បានធ្វើដំណើរទស្សនកិច្ចមកដល់ប្រទេសវៀតណាម

ព្រឹត្តិការណ៍, អាជីវកម្មថ្មី និងនវានុវត្ត

• 20/06/2024

កាលពីព្រឹកថ្ងៃព្រហស្បតិ៍នេះ យន្តហោះរបស់ប្រធានាធិបតីរុស្ស៊ី Vladimir Putin បានចុះចតនៅទីក្រុងហាណូយ ហើយវៀតណាមគឺជាគោលដៅចុងក្រោយរបស់គាត់ក្នុងដំណើរទស្សនកិច្ចនៅអាស៊ី

វេទិកា​ធុរកិច្ច​ កម្ពុជា​-​សិង្ហបុរី​​ នឹង​ជួយ​ជំរុញ​កិច្ច​សហប្រតិបត្តិការទ្វេភាគី និងបង្កើត​ភាពជា​ដៃគូ​យូរអង្វែង​នៅ​ក្នុង​វិ​ស័​យ​សំខាន់​ៗ

ព្រឹត្តិការណ៍, សេដ្ឋកិច្ច

• 19/06/2024

សភា​ពាណិជ្ជកម្ម​កម្ពុជា​ ​និង​សហ​ព័ន្ធ​ធុរកិច្ច​សិង្ហបុរី​ ​បាន​សហការ​គ្នា​រៀបចំ​វេទិកា​ធុរកិច្ច​កម្ពុជា​-​សិង្ហបុរី​ ​ដែល​បាន​ប្រព្រឹត្តទៅ​នៅ​ថ្ងៃ​ទី​១​៩​ ​ខែ​មិថុនា​ ​នៅ​សណ្ឋាគារ​ ​Co​nr​a​d​ ​Cent​e​nn​i​a​l​ ​Singapore

អាហារសម្រន់ប្រភេទថ្មី មានទាំងរសជាតិឆ្ងាញ់ ផ្តល់គុណតម្លៃដល់សុខភាព និងរួមចំណែកជួយដល់ជីវភាពកសិករក្នុងតំបន់

ជំនួញ, ព្រឹត្តិការណ៍

• 19/06/2024

ថ្មីៗនេះ Sabara Best Food បានចេញលក់នូវផលិតផលអាហារសម្រន់ថ្មីបីមុខ ដែលមានរសជាតិថ្មី ប្លែកមាត់ខុសពីគេ និងចូលរួមជួយដល់ជីវភាពកសិករកាន់តែច្រើន។

រដ្ឋមន្រ្តីកសិកម្ម កៀរគរកសិករឱ្យចងក្រងជាសហគមន៍កសិកម្មទំនើប ដើម្បីទទួលបានផលចំណេញច្រើន ហើយផ្សារភ្ជាប់ទៅកាន់ទីផ្សារ

ព្រឹត្តិការណ៍, សេដ្ឋកិច្ច

• 19/06/2024

ឯកឧត្តម ឌិតទីណា បានចុះជួបសំណេះសំណាលជាមួយប្រជាកសិករជាសមាជិកសហគមន៍ដាំបន្លែនៅខេត្តតាកែវ ក្នុងបំណងកៀរគរកសិករឱ្យចងក្រងជា «សហគមន៍កសិកម្មទំនើប»

ម៉ាឡេស៊ីកំពុងត្រៀមខ្លួនក្នុងការចូលរួមជាសមាជិកក្រុមប្រទេស BRICS

ព្រឹត្តិការណ៍, សេដ្ឋកិច្ច

• 19/06/2024

នាយករដ្ឋមន្រ្តីម៉ាឡាស៊ី អាន់វ៉ា អ៊ីប្រាហ៊ីម លើកឡើងថា ម៉ាឡេស៊ីបានបានធ្វើការសម្រេចចិត្តក្នុងការចូលរួមជាមួយ BRICS ហើយនឹងដាក់នីតិវិធីជាផ្លូវការក្នុងពេលឆាប់ៗនេះ ខណៈដែលកំពុងរង់ចាំលទ្ធផលចុងក្រោយពីរដ្ឋាភិបាលអាហ្វ្រិកខាងត្បូង

អាជីវកម្មរាប់រយដកខ្លួនចេញពីទីផ្សាររុស្សី ប៉ុន្តែយីហោធំៗបន្តម៉ាកពាណិជ្ជកម្មក្នុងទីផ្សារ

ព្រឹត្តិការណ៍, សេដ្ឋកិច្ច

• 19/06/2024

Coca Cola បានបង្ហាញខ្លួនក្នុងទីផ្សាររុស្ស៊ីតាំងតែពីឆ្នាំ១៩៨០ក្នុងអំឡុងពេលព្រឹត្តិការណ៍កីឡាអូឡាំពិកនាទីក្រុងមូស្គូ និងឆ្នាំ១៩៩០ នៅតាមហាង McDonald's

អ្នកជំនាញប្រាប់ពីរបៀបប្រើប្រាស់កម្ចី ដើម្បីឱ្យមានប្រសិទ្ធភាពខ្ពស់

ព្រឹត្តិការណ៍, ហិរញ្ញវត្ថុ

• 19/06/2024

អ្នកជំនាញហិរញ្ញវត្ថុប្រាប់ពីវិធីសាស្ត្រក្នុងការប្រើប្រាស់លុយកម្ចី ឬឥណទានពីធនាគារ និងគ្រឹះស្ថានមីក្រូហិរញ្ញវត្ថុ ឱ្យមានប្រសិទ្ធភាព ហើយវិធីសាស្ត្រទាំងនេះរួមមានការផ្តោតលើការប្រើប្រាស់កម្ចីឱ្យចំគោលដៅ

គម្រោង​វិនិយោគ​ពាក់ព័ន្ធនឹង​អគារ​ជាប់គាំង​​នៅខេត្ត​ព្រះសីហនុ​ទទួលបានការលើក​ទឹកចិត្តផ្នែកពន្ធដារ​ ៨ ​ចំណុច​សំខាន់ៗ

ព្រឹត្តិការណ៍, អចលនទ្រព្យ

• 19/06/2024

រាជរដ្ឋាភិបាល​បានលើកទឹកចិត្ត​ផ្នែកពន្ធដារ​ជាច្រើន​ដល់​វិនិយោគិនណាដែលមានបំណងមក​វិនិយោគ​នៅខេត្តព្រះសីហនុ ជាពិសេស​លើ​គម្រោងអគារ​ជាប់គាំង​

ទីផ្សារប្តូរប្រាក់រុស្ស៊ី MOEX ផ្អាកការជួញដូរជាប្រាក់ដុល្លារ និងប្រាក់អឺរ៉ូ ដោយសារទណ្ឌកម្មពីសហរដ្ឋអាមេរិក

ព្រឹត្តិការណ៍, អាជីវកម្មថ្មី និងនវានុវត្ត

• 19/06/2024

ទីផ្សារប្តូរប្រាក់រុស្ស៊ី Moscow Exchange (MOEX) បានផ្អាកការជួញដូរជាប្រាក់ដុល្លារ និងប្រាក់អឺរ៉ូចូលជាធរមាននៅថ្ងៃព្រហស្បតិ៍ ដោយសាររតនាគារសហរដ្ឋអាមេរិកបង្ហាញពីទណ្ឌកម្មថ្មីមកលើប្រទេសនេះ