សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ប្រភពពីបុគ្គលដែលមានទំនាក់ទំនងជិតស្និទ្ធជាមួយមន្ត្រីរដ្ឋាភិបាលវៀតណាមបានប្រាប់ទៅកាន់អ្នកកាសែតរ៉យទ័រថា សហរដ្ឋអាម៉េរិក បច្ចុប្បន្នកំពុងស្វែងរកវិធីក្នុងការដាក់សំពាធទៅលើវៀតណាមដើម្បីកាត់បន្ថយ និងឈានទៅដល់បញ្ឈប់ទាំងស្រុងពាក់ព័ន្ធនឹងការនាំចូល ការប្រើប្រាស់ផលិតបច្ចេកវិទ្យាផលិតនៅចិននៅក្នុងឧស្សាហកម្មផលិតកម្មដ៏មានសក្តានុពលរបស់ខ្លួន។
រដ្ឋាភិបាលទីក្រុងវ៉ាស៊ិនតោនបានដាក់ចេញនូវគោលការណ៍ដំឡើងពន្ធថ្មីដ៏ខ្ពស់មួយដោយសង្ឃឹមថានឹងអាចជាលក្ខខណ្ឌក្នុងការចរចាជាមួយភាគីវៀតណាមឲ្យបញ្ចប់ ឬកាត់បន្ថយការប្រើប្រាស់ឧបករណ៍ និងគ្រឿងបង្គុំបច្ចេកវិទ្យាទាំងឡាយណាដែលផលិតនៅប្រទេសចិន ហើយនាំចូលមកដំឡើងនៅក្នុងប្រទេសវៀតណាម និងនាំចេញផលិតផលសម្រេចចុងក្រោយទៅឲ្យទីផ្សារអាម៉េរិក។
វៀតណាមត្រូវបានគេទទួលស្គាល់ថា ជាទឹកដីបណ្តុំនៃក្រុមហ៊ុបច្ចេកវិទ្យាធំៗដែលកំពុងប្រតិបត្តិការផលិតកម្មរបស់ខ្លួនផ្គត់ផ្គង់ទៅទីផ្សារពិភពលោក ជាពិសេសអាម៉េរិក។ ក្រុមហ៊ុនបច្ចេកវិទ្យា ដូចជា Apple និង Samsung ជាដើម សុទ្ធតែមានរោងចក្រផលិតនៅក្នុងប្រទេសវៀតណាម ប៉ុន្តែបញ្ហានៅត្រង់ថា គ្រឿងបង្គុំភាគច្រើនគឺជាផលិតផលដែលផលិតនៅប្រទេសចិន។ ដូចនេះ វាគឺជាក្តីព្រួយបារម្ភមួយដែលទំនិញចិននៅតែអាចឆ្លងទៅប្រទេសអាម៉េរិកតាមរយៈស្លាកយីហោដែលផលិតនៅវៀតណាម (Made in Vietnam) ដដែល។
ជុំវិញបញ្ហានេះ វៀតណាមក៏បានបើកកិច្ចប្រជុំជាច្រើនរួចមកហើយជាមួយបណ្តាមេដឹកនាំក្រុមហ៊ុនអ្នកផលិតក្នុងស្រុកដើម្បីជំរុញផលិតផលផលិតក្នុងស្រុកឲ្យបានច្រើនជាងការនាំចូលពីប្រទេសចិន ប៉ុន្តែទោះជាទទួលបានការគាំទ្រក្តី តែអ្នកជំនាញបានលើកឡើងថា ដើម្បីសម្រេចកិច្ចការងារនេះបាន ពួកគេត្រូវការពេលវេលា និងបច្ចេកវិទ្យាជាច្រើនទម្រាំអាចឈានទៅដល់កម្រិតឯករាជ្យលើផលិតកម្មបាន។
សូមរំលឹកដែរថា រដ្ឋបាលលោក Donald Trump បានប្រកាសដំឡើងពន្ធគយសងសឹកនឹងជញ្ជីងពាណិជ្ជកម្មជាមួយនឹងវៀតណាមតាមរយៈពន្ធថ្មីដល់ទៅ៤៦ភាគរយ។ នេះមានន័យថា ទំនិញដែលផលិតនៅវៀតណាម ឬ Made in Vietnam នឹងអាចជួបប្រទះបញ្ហាធ្លាក់ចុះនៅក្នុងទីផ្សារដ៏ធំបំផុតមួយរបស់ខ្លួន ខណៈដែលការនាំចេញគឺជាឆ្អឹងខ្នងនៃសេដ្ឋកិច្ចជាតិ៕
Account
Security
Favourite Content